Продолжи 13-тиот дел од конститутивната седница, пратениците од ВМРО-ДПМНЕ го имаат „главниот збор“

Тринаесеттото продолжение на конститутивната седница на Собранието, продолжи во слична атмосфера како и на претходните седници. Пратенците од ВМРО-ДПМНЕ ја отворија седницата и почнаа со говор, реплики и контрареплики. Пратеникот Трајко Димков во својот говор во духот на празникот повика на помирување на македонскиот народ и рече дека е неопходно да се најде заедничко решение за ова криза.

„Да ги разгледаме сите опции.Заеднички мора да ја надминеме оваа ситација.Да ги отвориме картите на маса, да ги видиме сите понуди, да ги вклучиме сите партии, па и граѓанскиот сектор.Не можеме да удоволиме само на етничка група.За ВМРО-ДПМНЕ избори не се последната опција, но во услови кога имаме една платформа која ни се наметна, не ни оставате простор за избор, рече пратеникот Димков.

Веднаш по пратеникот Димков, за реплика се јави пратеникот Влатко Ѓорчев кој рече дека економскиот просперитет е поважен за Албанците , отколку заедничката декларација. „Господине Димков викендов бев во Гостивар и Тетово.Сакам да ви кажам дека граѓаните ги интересираат нови фабрики и нови вложувања. Во фабриката „Леар“ има 1400 вработени и тоа е придобивка за целиот регион.Тоа е она што им треба на граѓаните“, вели Ѓорчев.

Во меѓувреме се јавија и други пратенции од ВМРО-ДПМНЕ, кои главно ја држат истата теза дека не се откажуваат од збор додека не се повлекла платформата.На денешната дебата главниот збор ќе го има пратеникот Трајко Димков кој е шести по ред од листата на пријавени за збор од вкупно 50 пратеници. Ова е трета недела по ред како седницата е закочена на третата точка од дневниот- за избор на Претседател и членови на Комисијата за избори и именувања./крај/мф/гд