Контакт

Daily news

„Рециклирај и донирај“: Екохуманитарен проект на „Суниленс“ и здружението „Љубезност“

Објавено пред

Зголемување на еколошката свест и практиките за селектирање и собирање отпад кај граѓаните, како и поддршка за социјално загрозените семејства е целта на екохуманитарниот проект „Рециклирај и донирај“, кој заеднички го спроведуваат овластената компанија за управување со отпадни масла и масти за јадење „Суниленс“ и Здружението „Љубезност“.

Во рамките на „Рециклирај и донирај“ се собира отпадно масло за јадење од секое домаќинство кое е заинтересирано да се вклучи во овој нов екосистем, а притоа секој собирач има можност да направи донација до социјално загрозени семесјтва.

Според одредени анализи и статистички податоци се смета дека 20-30% од количините на растителните масла за јадење остануваат како отпадни масла. Проценките покажуваат дека на годишно ниво во Македонија се создаваат неколку илјади тони отпадно масло за јадење во прехранбената индустрија и домаќинствата. Отпадното масло е голем загадувач на животната средина. Само 1 литар отпадно масло може да загади до 1 милион литри вода.

Според истражувањето на „Гоу грин“, направено во рамки на одбележувањето на Европската недела за помалку отпад, само 2 проценти од скопјани целосно го селектираат отпадот, иако високи 70 отсто сметаат дека селектирањето е важно. Анкетата спроведена на 300 испитаници од Скопје, на возраст над 18 години, покажала дека само 5,7 отсто го фрлаат сметот во посебни контејнери за селекција на отпад, додека 87% го фрлаат ѓубрето на куп, без селекција. Истовремено, речиси половина од анкетираните сметаат дека немаат услови за селектирање, а 80 проценти се сооочуваат и со недостиг на контејнери за отпад.

„Сакаме да ја подигнеме еколошката свест преку создавање ефикасен и функционален систем за собирање отпадно масло за јадење од домаќинствата. Еколошките навики се градат со создавањеа услови за собирање на отпадот, лесно достапни до граѓаните. Токму тоа е нашиот концепт. Зашто да го фрламе отпадното масло во мијалникот и одводите? Граѓаните до сега немале каде да го селектираат и отстрануваат отпадното масло. Истото завршувало во одводните цевки и ја загадувало животната средина, а притоа правело и големи штети преку затнување на мијалниците. Сега за првпат имаат можност да се запознаат со еколошкиот бенефит од собирањето и рециклирањето на отпадното масло, да бидат мотивирани да го собираат и да се запознаат со штетите од него доколку не се одлага на правилен начин. Ние сега стартуваме со селекција и собирање отпад од домаќинствата, а во земјите во ЕУ 80% од населението го собира отпадот. Токму затоа преку „Рециклирај и донирај“ добиваме шанса да применуваме позитивни еколошки практики кои треба да станат дел од нашиот секојдневен живот и да придонесат да живееме во почиста околина, да покажеме одговорност кон нашето општество и да бидеме одличен пример за најмладите“, истакнуваат од „Суниленс“.

Нивната мобилна екипа доставува 3-литарски пластични садови за безбедно и хигиенско собирање отпадно масло директно до секое домаќинство. Акцијата се спроведува низ цела Македонија и секој оној кој е заинтересиран е добредојден да се приклучи.

Откога ќе се наполни садот, собирачот ја контактира компанијата која го испраќа својот тим да ја подигне собраната количина отпадно масло и да достави нов чист сад за собирање. Како дополнителна мотивација за секој собирач, „Суниленс“ доделува половина литар Дијамант сончогледово масло за јадење за секои собрани 3 литри отпадно масло. Секој собирач одлучува дали овој половина литар сончогледово масло за јадење ќе го задржи за себе или ќе го донира во рамките на екохуманитарниот проект „Рециклирај и донирај“.

Од „Суниленс“ велат дека „Рециклирај и донирај“ наидува на одличен прием кај граѓаните од целата држава.

„Системот за управување со отпадни масла во прехранбената индустрија го развиваме уште од 2009 година, а оваа година го проширивме и во делот на отпадните масла за јадење во домаќинствата. Интересот за ‘Рециклирај и донирај’ е голем и од ден на ден бројот на заинтересирани граѓани кои се јавуват да се приклучат во новиот систем за собирање  отпадно масло постојано се зголемува. Целиот процес го направивме транспарентен и лесно достапен преку социјалните мрежи и нашите отворени телефони. Склучивме и договор за соработка со Здружението „Љубезност“, со кои ја почнавме реализацијата на оваа долготрајна екоиницијатива која ќе биде од бенефит за целото општество. Преку „Рециклирај и донирај“ се промовираат комплементарни хуманитарни и еколошки вредности кои ќе имаат за цел да ја зголемат свеста и мотивацијата кај населението за значаен придонес кон општествено добро од еколошки и социјален карактер“, изјави Андреј Ѓокиќ од „Суниленс“.

Тој додаде дека првите количини на собрано отпадно масло за јадење „Суниленс“ веќе почна да ги подига од домовите на граѓаните, а со тоа почнаа да се акумулираат и количини на сончогледово масло, кое „Љубезност“ ќе го донира на социјално загрозените семејства во следниов период. Од „Суниленс“ и „Љубезност“ се надеваат дека оваа екоакција ќе резултира во масовно собирање на отпадно масло од домаќинствата и голема помош кон социјално загрозените семејства.

Граѓаните можат да се вклучат во оваа акција со јавување на телефонските броеви 02/2650-100, 02/2650-600 или 070/264-444, како и со пополнување на контакт-формата достапна на следниот линк: sunilens.com.mk/kontakt .

Daily news

Прва правна конференција Tres Partes

Објавено пред

На 26 декември година во хотелот „Континентал“, со почеток во 10 часот, ќе се одржи првата правна конференција Tres partes, во организација на „Јанаки знае“, а ќе биде поделена во три дела.

Првиот дел е со работен наслов „Дали е потребно укинување на извршителите?”, на кој ќе учествуваат Зоран Василевски, кој ќе ја застапува тезата ПРО укинување на извршителите, извршител Снежана Андреевска, која ќе ја застапува тезата КОНТРА укинување на извршителите и извршител и поранешен судија за извршување, Христо Јованов, кој ќе предава во делот на извршувањето пред да се укинат судиите извршители.

Вториот дел е со работен наслов „Дали се шаблонизира институтот надомест на нематеријална штета“, на која предавачи ќе бидат адвокатката Маруша Митровска, судијката Љубица Колиќ од Основен суд Скопје 2 и судијата Ѓорѓи Радојков од Апелациониот суд Скопје.

Третиот т.н. кривичен дел е со работен наслов „Неприменување на кривично-правните институти“, во кој предавачи ќе бидат адвокатот Јанаки Митровски, Никола Тупанчевски, редовен професор по казнено право при „Јустинијан Први“, Александра Деаноска, вонредна професорка по казнено право при „Јустинијан Први“, и Оља Ристова, судијка при Основниот суд Скопје 1.

Предвиден е и интерактивен дел со публиката преку поставување прашања и коментари од учесниците.

 

Прикажи повеќе...

Daily news

Груевски оди во затвор – Апелација му ја потврди казната

Објавено пред

Апелациониот суд Скопје, постапувајќи по кривичниот предмет познат во јавноста под името „Тенк“ по одржана јавна седница, донесе пресуда со која му ја потврди двегодишната затворска казна на премиерот Никола Груевски. „Жалбите на обвинетиот Никола Груевски изјавени лично и преку неговите бранители ги одби како неосновани, а првостепената пресуда ја потврди во целост, со што му ги потврди двете години затворска казна“, пишува во соопштението од судот.

Второстепениот суд делумно му ја уважи жалбата на Ѓоко Поповски и му ја намали казната на 4 години и 6 месеци, а во останатиот дел првостепената одлука ја потврди.

За Гордана Јанкулоска за „Тенк“ е издвоена во друга постапка и пресудата за неа, под обвинение дека ја злоупотребила службената положба и го натерала Поповски да го намести тендерот за „мерцедесот“ што го посакал Груевски, ќе биде изречена на 8 октомври.

Прикажи повеќе...

Daily news

Бизнисменот Минчо Јорданов треба да сведочи дали бил уценет со пари во шпионската афера

Објавено пред

Spion

Бизнисменот Минчо Јорданов утрово во кривичниот суд е повикан да сведочи во предметот што го презеде специјалното јавно обвинителство под кодно име „Шпион“.

Обвинетите Миќо Наскоски, Зоран Божиновски и Марјан Маџовски, како што рече на минатото рочиште обвинителката Елизабета Јосифовска, со цел да се стекнат со противправна имотна корист, му се заканиле на бизнисменот Минчо Јорданов дека ќе објават податоци за наводна криминална приватизација и откуп на акциите во АД „Бетон“ и на други негови фирми. Во намерата не успеале, а Јорданов не ги исплатил парите.

„Обвинетиот Александар Диневски прибавувал податоци со степен на државна тајна, а потоа ги доставувал или директно на странските разузнавачки служби или му ги давал на обвинетиот Марјан Ефремов, кој ја формирал групата за уцени, изнуди и шпионажа и ја координирал од 2009 до 2013 година, регрутирајќи нови членови во мрежата. Со обвинетиот Мирослав Зафировски од УБК прибирале податоци за луѓе од ЦИА присутни во Македонија и за штаб на ЦИА во Ирак. Тие прибирале и податоци за организациската поставеност на УБК“, рече Јосифовска за „Шпион“, кое СЈО врз база на нови прислушувани разговори го презеде од Обвинителството за гонење организиран криминал и корупција.

Ефремов, според обвинението, групата за изнуда и тргување со тајни информации од безбедносните служби на Македонија ја направил во 2009 година и, како што тврди обвинителството, тој е мозокот на целата операција. Информациите им ги продавале на Кост Н. од грчката разузнавачка служба, Петар Н. и Јуриј Н. од унгарската и на други лица од странски разузнавачки служби.

Секој од обвинетите, зависно од тоа во која институција работел, снимал службени документи, кои потоа им ги продавал на грчката, руската, унгарската и српската разузнавачка служба. Обвинети во овој случај се и тогашниот шеф на Кабинетот на претседателот на Собранието, Трајко Вељаноски, генералот Горан Стојков, Миќо Насковски, Ѓорѓи Хаџимицев, Цветан Дамјановски (заедно со други нивни колеги од МВР, УБК, АР и Военото разузнавање, кои дел се веќе осудени) и Зоран Божиновски, кој во групата имал улога ако уценуваните не дадат пари, тој да ги објавува, како што вели обвинителката, во порталот „Буревесник“ или во други медиуми во кои работел. Божиновски е обвинет за злосторничко здружување, шпионажа и уцена.

Обвинетите не се чувствуваат виновни, а тврдат и дека целиот процес е монтиран. Во предметот првично беа опфатени 19 лица, од кои неколкумина ја одлежаа затворската казна. Предметот го суди судијата Владимир Туфегџиќ. На конференциска врска треба да сведочи и Драган Даравелски, кој, според обвинението, исто така бил уценуван од обвинетите.

Прикажи повеќе...

Најново

Македонија12 минути

Регистрирани 949 нови случаи на Ковид-19, починаа 33 лица

Во последните 24 часа се направени 3.610 тестирања, а регистрирани се 949 нови случаи на КОВИД-19 во: Скопје – 357,...

Македонија1 час

Европратеници: Македонија и Бугарија треба да се оддалечат од дебатите за историја

Претседателот на Делегацијата на Европскиот парламент за односи со Северна Македонија, Андреас Шидер, вели дека Северна Македонија и Бугарија треба...

Македонија2 часа

Мицкоски: Оставка треба да си даде целата Влада, а Рашковски треба да е во затвор

Претседателот на ВМРО-ДПМНЕ, Христијан Мицкоски, во изјава за медиумите во врска со случајот за Рашковски рече дека оставка треба да...

Европа2 часа

Данска трајно ја прекинува вакцинацијата со „aстра зенека“

Данска целосно ќе престане да ја користи вакцината на „Астра зенека“ против Ковид-19 поради можна причинско-последична поврзаност помеѓу таа вакцина...

Македонија2 часа

Антикорупциската комисија продолжува со предметите за Рашковски и покрај оставката

Државната комисија за спречување на корупцијата (ДКСК), по поднесената оставка од страна на владиниот секретар за мониторинг и поддршка на...

Македонија4 часа

Филипче: Бројот на новозаразени од Ковид-19 во благ пад, притисокот во болниците и натаму голем

Министерот за здравство, Венко Филипче, изјави дека денеска е забележан тренд на намалување на бројот на новодијагностицирани случаи со Ковид-19....

Македонија5 часа

Македонија со цел до 2030 година да ги намали стакленичките гасови 51 отсто

Владата го усвои ревидираниот национален придонес кон Климатскиот договор од Париз, со што како национална цел ја постави амбицијата во...

Регион5 часа

Борисов: Јас нема да бидам кандидат за премиер во новиот кабинет

Бојко Борисов нема да биде предлог на ГЕРБ за нов премиер. Борисов ова лично им го потврди на новинарите по...

Европа6 часа

Европската комисија: Нема продолжување на договорите за вакцини со „Астра зенека“ и „Џонсон и Џонсон“

Европската комисија донесе одлука да не ги обновува договорите за вакцини против Ковид-19 со компаниите „Астра зенака“ и „Џонсон и...

Топ6 часа

Скопски фитнес-клуб работел и покрај забраната, следува кривична пријава

Полициски службеници синоќа извршиле контрола во фитнес-клуб лoциран на скопскиот булевар Партизански одреди по добивањето дојава дека тој работи и...

Македонија7 часа

Драги Рашковски поднесе оставка

Драги Рашковски, утрово, на својот „Фејсбук“ објави дека поднесува оставка од функцијата секретар за мониторинг и поддршка на институциите при...

Европа8 часа

Познато е до кога ќе се користат ковид-пасошите

Ковид-пасошите ќе се користат сè додека Светската здравствена организација (СЗО) не објави крај на пандемијата на Ковид-19, а авиокомпаниите ќе...

Македонија19 часа

Со законски измени ќе се регулираат цените во приватните болници за лекување болни од Ковид-19

Владата на денешната седница ги утврди измените и дополнувањата на Законот за здравствена заштита со кои, меѓу другото, Министерството за...

Македонија20 часа

Отворени термини за закажување вакцинација на граѓани од 73 и 74 години

Министерството за здравство соопшти дека во А1 СЦ „Борис Трајковски“во Скопје, има дополнителни слободни термини за вакцинација на возрасни групи...

Македонија22 часа

Државните функционери ќе имаат ограничување на трошоците за угостителски услуги

Владата на денешната седница ја разгледа и усвои oдлуката за начинот на користење и висината на финансиските средства за угостителски...

Македонија23 часа

Нови 1.129 заболени и 27 починати од Ковид-19

Во последните 24 часа се направени 4.045 тестирања, а регистрирани се 1.129 нови случаи на Ковид-19 во: Скопје – 458,...

Македонија1 ден

Мијалков останува во притвор поради опасност од бегство

Кривичниот суд му определи притвор на Сашо Мијалков, кој му е одреден сѐ до почнување со издржување на казната затвор....

Македонија1 ден

(Видео) Пресуди за „Трезор“: Мијалков осуден на 8 години затвор, а бегалецот Грујевски на 15 години

Првообвинетиот и ексдиректор на УБК, Сашо Мијалков, е осуден на осум години казна затвор во случајот „Трезор“. Во отсуство поради...

Европа1 ден

ЕУ: Ковид-пасошите ќе важат за сите вакцини, а и за граѓаните од трети земји

Дигиталните т.н. зелени сертификати, кои треба да станат оперативни во ЕУ до почетокот на летото, ќе бидат издавани за сите...

Македонија1 ден

Цените за лекување од Ковид-19 во приватните болници ќе се ограничат на 5.000 евра

Министерот за здравство, Венко Филипче, преку социјалните мрежи најави дека на денешната владина седница на дневен ред ќе бидат измените...

Досие