Контакт

Daily news

Седум начини да „избегате“ порано од работа

Објавено пред

Дали ви е позната реченицата: – Денес ќе си одам од работа на време! Или – Денес ќе работам до 16:00 и ни секунда повеќе!

dobivaj vesti na viber

Имено, многу луѓе често остануваат на работа прекувремено, бидејќи често има нешто што останало да се доработи. Под притисок на шефовите, очекувањето од работната околина па и од самите себе, остануваме на работа подолго од планираното. А кога надвор се прекрасни летни денови, понекогаш ни текнува: – Баш би сакала да се прошетам надвор по ова убаво време отколку да „чмаам“ во канцеларија.

Овие совети ќе ви помогнат како да си одите од работа порано.

Сигурно многу ви се познати досадните меилови на работа кои постојано трепкаат кога пристигнуваат нови пораки, мобилниот и состаноците на кои им нема крај. Новото истражување на Career Builder ни ги открива најзезнатите убијци на продуктивноста на работа и покажува дека тие крадливци на времето се основни виновници зошто на работа остануваме подолго од што би требало.

Career Builder анкетираше над 5000 менаџери, професионалци од човечки ресурси и вработени на полно работно време од различни индустрии и го дозна следново: најлоши нешта што пречат во работата се мобилните телефони, меиловите, како и деловните соработници. А еве што советуваат експертите, како да ги спречите тие работи што ви го продолжуваат денот, па од работа да отидете што е можно порано.

1. Стишете го мобилниот телефон
Мобилните, посебно денешните паметни телефони кои постојано ѕвонат или сигнализираат за добиена нова порака, меил или предлог за ажурирање на програмите, се најлоши попречувачи, но игнорирањето на пораките и повиците е полесно да се замисли отколку да се направи. Затоа експертите советуваат мобилниот едноставно да го ставите во фиока или на полица надвор од вашиот поглед.

Така ќе треба да вложите поголем труд да чекирате што ново ви јавува вашиот паметен телефон, а поголеми се и шансите поретко да го проверувате. Имено, за да се концентрирате на работата, приватните пораки кои ви стигнуваат можат да почекаат, на пример за пауза за јадење или кога ќе довршите нешто што сте го почнале. Звукот на ѕвончето намалете го, а на контактите кои ви се важни на кои сакате во секој момент да се јавите, како што се на пример вашиот шеф или важен повик од клиент, поставете посебни ринг тонови и јавувајте се на телефонот само кога ќе ги слушнете.

2. Одвојте време да го разбистрите умот

Можеби на работа се плашите нешто да пропуштите, не можете да престанете да размислувате за сите ситници кои треба да ги завршите, главата ви е полна, во голема гужва сте па мислите дека најдобро би било да ја прескокнете паузата? Погрешно! Кусите одмори од работа, едноставна прошетка или опуштање со колешка на клупа во парк и разговор за што било, но не околу работата, ќе ви помогне да го одморите мозокот и да се вратите на работа со нова доза на енергија.

Всушност, некои експерти за кариера дури предлагаат куси паузи по секои 90 минути интензивна работа, сметајќи дека така се постигнува најголем ефект во работата. Дозволете на својот мозок да се опушти, подобро ќе се фокусирате потоа и ќе избегнете грешки во чекори или фрустрација.

3. Предупредете ги колегите да не ви пречат
Вашите колеги на работа се супер, но понекогаш ви ја нарушуваат концентрацијата? Едноставно замолете ги дека ви е потребна концентрација и во тој момент да не ве прашуваат ништо, освен ако нешто не е итно. Можете да им кажете и дека кога ви треба мир и концентрација, на пример ќе залепите црвена хартија на мониторот на компјутерот.

4. Одморете се од меиловите
Се концентрирате на некој важен допис, а на дното на екранот ви се појавува известување за нов меил. Во секунда го оставате дописот и го проверувате меилот. И така многу пати на ден. Секако, за да не заборавите, обично веднаш мора и да испратите кус одговор на тој меил. Сето тоа се прави махинално, но ви пречи на концентрацијата и постојано прешалтување од едно на друго па на трето, ве прави непродуктивни и ви ја отежнува работата.

Одредете си период во кој нема да го проверувате меилот, кога работите нешто што бара ваше целосно внимание. Исклучете го индикаторот или едноставно затворете го некое време. Подоцна повторно отворете го, одредете си тогаш да ги проверувате сите меилови и да им одговорите, одеднаш.

5. Скусете ги состаноците
Долгите состаноци ви одземаат време во работењето. Укажете му на организаторот на состанокот дека сакате да бидете само на оној дел од состанокот кој се однесува на вашата работа, бидејќи сте во гужва и имате многу работа.

6. Пропуштете некои работи
Понекогаш едноставно мора да знаете да пропуштите некоја работа. Тоа значи дека повремено мора да се помирите со фактот дека не можете да завршите се што сте замислиле. Мора да си дозволите одредена работа да ја продолжите следниот ден, инаку ќе бидете презафатени, ќе останувате постојано прекувремено и поради стрес ќе правите грешки, или ќе се разболите. Уверете се самите, а и вашиот шеф ако треба, дека денес сте дале се од себе, а пропуштеното оставете го за утре.

7. Одредете си крај на работното време
Одредете си јасно и цврсто: на пример, ќе работам до 16:30 и потоа ќе си одам од работа. Освен што тоа ќе ви помогне во намерата да си одите од работа порано во нормално време, ќе ви даде подобра мотивација, фокусираност и продуктивност во текот на денот. Поставете си аларм на еден час пред тој рок, кој ќе ве потсети дека ви преостанува уште еден час. Кога ќе заѕвони алармот, привршувајте ја работата, проверете ја состојбата со колегите или соработниците или со шефот, што уште ви преостанало и распоредете ги задачите за подоцна – на пример, во следниот половина час ќе го довршам тоа и тоа, бидејќи е приоритет, а наутро ќе го направам тоа и тоа



©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Daily news

Прва правна конференција Tres Partes

Објавено пред

На 26 декември година во хотелот „Континентал“, со почеток во 10 часот, ќе се одржи првата правна конференција Tres partes, во организација на „Јанаки знае“, а ќе биде поделена во три дела.

dobivaj vesti na viber

Првиот дел е со работен наслов „Дали е потребно укинување на извршителите?”, на кој ќе учествуваат Зоран Василевски, кој ќе ја застапува тезата ПРО укинување на извршителите, извршител Снежана Андреевска, која ќе ја застапува тезата КОНТРА укинување на извршителите и извршител и поранешен судија за извршување, Христо Јованов, кој ќе предава во делот на извршувањето пред да се укинат судиите извршители.

Вториот дел е со работен наслов „Дали се шаблонизира институтот надомест на нематеријална штета“, на која предавачи ќе бидат адвокатката Маруша Митровска, судијката Љубица Колиќ од Основен суд Скопје 2 и судијата Ѓорѓи Радојков од Апелациониот суд Скопје.

Третиот т.н. кривичен дел е со работен наслов „Неприменување на кривично-правните институти“, во кој предавачи ќе бидат адвокатот Јанаки Митровски, Никола Тупанчевски, редовен професор по казнено право при „Јустинијан Први“, Александра Деаноска, вонредна професорка по казнено право при „Јустинијан Први“, и Оља Ристова, судијка при Основниот суд Скопје 1.

Предвиден е и интерактивен дел со публиката преку поставување прашања и коментари од учесниците.

 

Прикажи повеќе...

Daily news

Груевски оди во затвор – Апелација му ја потврди казната

Објавено пред

Апелациониот суд Скопје, постапувајќи по кривичниот предмет познат во јавноста под името „Тенк“ по одржана јавна седница, донесе пресуда со која му ја потврди двегодишната затворска казна на премиерот Никола Груевски. „Жалбите на обвинетиот Никола Груевски изјавени лично и преку неговите бранители ги одби како неосновани, а првостепената пресуда ја потврди во целост, со што му ги потврди двете години затворска казна“, пишува во соопштението од судот.

dobivaj vesti na viber

Второстепениот суд делумно му ја уважи жалбата на Ѓоко Поповски и му ја намали казната на 4 години и 6 месеци, а во останатиот дел првостепената одлука ја потврди.

За Гордана Јанкулоска за „Тенк“ е издвоена во друга постапка и пресудата за неа, под обвинение дека ја злоупотребила службената положба и го натерала Поповски да го намести тендерот за „мерцедесот“ што го посакал Груевски, ќе биде изречена на 8 октомври.

Прикажи повеќе...

Daily news

Бизнисменот Минчо Јорданов треба да сведочи дали бил уценет со пари во шпионската афера

Објавено пред

Spion

Бизнисменот Минчо Јорданов утрово во кривичниот суд е повикан да сведочи во предметот што го презеде специјалното јавно обвинителство под кодно име „Шпион“.

dobivaj vesti na viber

Обвинетите Миќо Наскоски, Зоран Божиновски и Марјан Маџовски, како што рече на минатото рочиште обвинителката Елизабета Јосифовска, со цел да се стекнат со противправна имотна корист, му се заканиле на бизнисменот Минчо Јорданов дека ќе објават податоци за наводна криминална приватизација и откуп на акциите во АД „Бетон“ и на други негови фирми. Во намерата не успеале, а Јорданов не ги исплатил парите.

„Обвинетиот Александар Диневски прибавувал податоци со степен на државна тајна, а потоа ги доставувал или директно на странските разузнавачки служби или му ги давал на обвинетиот Марјан Ефремов, кој ја формирал групата за уцени, изнуди и шпионажа и ја координирал од 2009 до 2013 година, регрутирајќи нови членови во мрежата. Со обвинетиот Мирослав Зафировски од УБК прибирале податоци за луѓе од ЦИА присутни во Македонија и за штаб на ЦИА во Ирак. Тие прибирале и податоци за организациската поставеност на УБК“, рече Јосифовска за „Шпион“, кое СЈО врз база на нови прислушувани разговори го презеде од Обвинителството за гонење организиран криминал и корупција.

Ефремов, според обвинението, групата за изнуда и тргување со тајни информации од безбедносните служби на Македонија ја направил во 2009 година и, како што тврди обвинителството, тој е мозокот на целата операција. Информациите им ги продавале на Кост Н. од грчката разузнавачка служба, Петар Н. и Јуриј Н. од унгарската и на други лица од странски разузнавачки служби.

Секој од обвинетите, зависно од тоа во која институција работел, снимал службени документи, кои потоа им ги продавал на грчката, руската, унгарската и српската разузнавачка служба. Обвинети во овој случај се и тогашниот шеф на Кабинетот на претседателот на Собранието, Трајко Вељаноски, генералот Горан Стојков, Миќо Насковски, Ѓорѓи Хаџимицев, Цветан Дамјановски (заедно со други нивни колеги од МВР, УБК, АР и Военото разузнавање, кои дел се веќе осудени) и Зоран Божиновски, кој во групата имал улога ако уценуваните не дадат пари, тој да ги објавува, како што вели обвинителката, во порталот „Буревесник“ или во други медиуми во кои работел. Божиновски е обвинет за злосторничко здружување, шпионажа и уцена.

Обвинетите не се чувствуваат виновни, а тврдат и дека целиот процес е монтиран. Во предметот првично беа опфатени 19 лица, од кои неколкумина ја одлежаа затворската казна. Предметот го суди судијата Владимир Туфегџиќ. На конференциска врска треба да сведочи и Драган Даравелски, кој, според обвинението, исто така бил уценуван од обвинетите.

Прикажи повеќе...

Најново

Економија9 часа

Ковачевски: Повисоки пензии, повеќе пари за општините и здравството во буџетот за следната година

Премиерот Димитар Ковачевски и министерот за финансии Фатмир Бесими денеска, на заедничка прес-конференција, го претставија Предлог-буџетот за 2023 година, оценувајќи...

Македонија10 часа

МВР: Немало закани кон полицајци во Арачиново, случајот е целосно расчистен

МВР тврди дека никој не им се заканувал на полициски службеници во Арачиново, а случајот е целосно расчистен. „По извршени...

Македонија11 часа

Украдено возило на Итната помош во Кочани, полицијата го пронашла по пет часа

Доцна синоќа околу 03.40 часот од Општа болница Кочани било украдено службено обележано специјално возило „тојота“, сопственост на Итната медицинска...

Свет12 часа

(Видео) САД го претставија новиот стелт бомбардер, може да носи и нуклеарни бомби

САД синоќа го претставија својот нов стратешки стелт бомбардер Б-21 Рајдер, авион што може да лета без екипаж и да...

Македонија14 часа

Рашковски: Сингапур има биометрија, Србија сообраќаен софтвер, а Македонија ги има Трајчева и Русковска

Став на обвинетиот за предметот „Софтвери“ – поранешниот генерален секретар на Владата, Драги Рашкoвски: „Жителите на Сингапур од 2022 година...

Забава14 часа

Патниците наскоро ќе можат да ги користат сите опции на своите телефони во авионите

Патниците во авионите во ЕУ наскоро ќе можат да користат мобилни телефони за време на летот без да го вклучат...

Спорт15 часа

Џака: Дресот на Јашари беше за мојот млад соиграч од Македонија

Капитенот на Швајцарија, Гранит Џака, објасни зошто по победата над Србија носеше дрес со презимето Јашари. Играчот од средниот ред...

Македонија15 часа

Османи одржа предавање на колеџ во Варшава: „Нема место за агресија во Европа во 21. век“

Министерот за надворешни работи, Бујар Османи одржа предавање на Колеџот на Европа во кампусот Натолин во Варшава, следствено по учеството...

Свет15 часа

Белата куќа ја објасни изјавата на Бајден: Засега не планира да се среќава во Путин

Белата куќа ја појасни изјавата што американскиот претседател Џо Бајден ја даде претходно, истакнувајќи дека американскиот претседател во моментов не...

Свет15 часа

Британскиот министер: Путин би можел да ги искористи мировните преговори за обнова на армијата

Рускиот претседател, Владимир Путин, би можел да ги искористи мировните преговори за обнова на војската пред да почне со нова...

Свет15 часа

Зеленски тврди дека од руско заробеништво се ослободени повеќе од 1.000 украински војници

Повеќе од илјада Украинци беа ослободени од руско заробеништво за време на војната, рече Володимир Зеленски. Украинскиот претседател изјави дека...

Економија1 ден

ЕУ постигна договор за руската нафта

Членките на Европската унија се согласија да ја ограничат цената на руската нафта на 60 долари за барел, во согласност...

Свет1 ден

(Видео) Еруптираше најголемиот активен вулкан во светот, лавата се поблиску до градот

Лава тече од вулканот Мауна Лоа на Хаваите, кој е најголемиот активен вулкан во светот и чија ерупција започна на...

Свет1 ден

Сноуден се заколна на верност на Русија и доби руски пасош

Едвард Сноуден доби руски пасош откако се заколна на верност на земјата која го штити од американските власти од 2013...

Свет1 ден

Британија стравува од бактерија што се шири во училиштата, за помалку од месец починаа четири деца

Велика Британија стравува од епидемија на стрептокока А откако за помалку од еден месец од вообичаено безопасната бактериска инфекција починаа...

Македонија1 ден

Мицкоски: За само 3 дена од 5 до 7 декември ЕСМ ќе увезе струја за околу 4.200.000 евра

Продолжуваат во владата „хероите” со „херојските дела“ во енергетиката. Нов увоз на струја и ново авансно „херојско” плаќање. За само...

Македонија1 ден

Триесет години „Макфакс“, десет години „А1он“ – медиумите на „Клип медија груп“ прославија јубилејни родендени

Првата независна новинска агенција „Макфакс“ прослави 30 години постоење, сега како дел од групацијата „Клип медија груп“, а јубилеи прославија...

Македонија2 дена

Лажни дојави за бомби во три основни училишта во Скопје

Министерството за внатрешни работи ја известува јавноста дека се направени сите потребни проверки во врска со денешните пријави од училиштата...

Свет2 дена

Орбан: Проширувањето на санкциите на ЕУ за рускиот гас би имало трагични последици

Унгарскиот премиер Виктор Орбан денеска изјави дека продолжувањето на санкциите на ЕУ за рускиот гас и енергија од нуклеарните централи...

Свет2 дена

Сана Марин: Војната во Украина покажа дека Европа не е доволно силна

Финската премиерка Сана Марин изјави во Сиднеј дека Европа „не е доволно силна“ сама да се спротивстави на Москва. Премиерката...