Столтенберг : Шокиран сум од насилството во Скопје

Генералниот секретар на НАТО, Јенс Столтенберг, изјави дека бил шокиран од насилството во Собранието на Република Македонија и ги повика сите партии да се приклучат на дијалогот.

Сите партии мора да ги почитуваат демократските процеси и да се вклучат во дијалог, а не насилство, додаде Столтенберг.

И високиот претставник за надворешни работи и безбедносна политика, Федерика Могерини, и комесарот за проширување на ЕУ, Јоханес Хан, најостро го осудија насилството во македонскиот парламент и повикаа на смиреност.

„Насилството во Собранието е апсолутно неприфатливо и ние го повикуваме на смиреност и воздржаност. Министерството за внатрешни работи и полицијата мора да ја осигураат безбедноста на Собранието и на нејзините членови”, се вели во заедничката изјава на Могерини и Хан.

Демократијата мора да оди по својот пат, рекоа тие и додоа дека имаат позитивни коментари за изборот на Тарет Џефери за претседател на Собранието.

„ЕУ е убеден дека политичкиот дијалог во институциите е единствениот пат за напредок, и ги повикуваме сите политички актери да ги почитуваат Уставот на земјата и да дејствуваат во духот на демократските принципи, пристојноста и здравиот разум”, се вели во соопштението. крај/мф/ем