Трамп надвор го фали тоа што го отфрла дома

Изјавата на претседателот на САД, Доналд Трамп дека  системот за здравствена заштита во Австралија, кој е финансиран од страна на владата, е подобар отколку во САД, предизвика бес кај сенаторот Берни Сандерс, кој се залагаше за сличен систем за Американците.

Републиканците силно се спротивставија на барањата на  Сандерс  во САД да се востанови  “универзална” здравствена заштита, што сега ја пофали Трамп.

Трамп го пофали австралискиот систем по состанокот со премиерот на оваа земја Малком Тернбул, неколку часа откако американскиот Сенат гласаше за измена на Законот за здравствена заштита, познат како “Obamacare”, кој беше усвоен во времето на поранешниот претседател Барак Обама.

Трамп го опиша системот за здравствена заштита во САД како “пропаднат”, велејќи дека тоа не треба да го каже и Тернбул бидејќи нивниот систем е подобар, но  додаде дека САД наскоро ќе има “прекрасен”  здравствен систем.

Сандерс веднаш му напиша на Трамп  на Твитер: “. Да, господине Трамп, австралискиот здравствен систем е многу подобро од нашиот, и бескрајно подобар од катастрофалниот  закон што вие го поддржавте”. крај.мф