Трамп по средбата со Лавров: “Ќе престанеме со убиствата и со смртта во Сирија!„

Историската средба во Овалната собаm меѓу американскиот претседател Доналд Трамп и рускиот министер за надворешни работи Сергеј Лавров заврши, соопшти РИА Новости. И Лавров и Трамп излегоа со насмеани лица пред фоторепортерите.

Средбата меѓу двајцата траеше нешто над два часа.

“Американскиот претседател Доналд Трамп изрази интересот Вашингтон да соработува со Руската Федерација “, ова го изјави рускиот министер за надворешни работи Сергеј Лавров по средбата  во Белата куќа.

Лавров уште посочи дека со една средба нема да бидат решени сите проблеми, но е позитивно што се има желба за придвижување во таква насока.

Тој додаде дека Трамп јасно  ја изразил својата заинтересираност за изградба на заемни, деловни и прагматични односи.

Од своја страна, американскиот претседател Доналд Трамп ја опиша средбата во Овалниот кабинет со рускиот министер за надворешни работи Сергеј Лавров како “многу, многу добра”.

Тој додаде дека бил постигнат напредок во ставовите околу ставањето на крај на конфликтот во Сирија.

“Имавме многу, многу добра средба”, изјави Трамп по средбата и додаде: “Ние ќе престанеме со убиствата и со смртта (во Сирија)”.

Лавров е највисокиот руски претставник со кој американскиот шеф на државата се сретнал по стапувањето на должноста на функцијата. Тој потврди уште еднаш дека Трамп и Путин ќе разговараат во јули на средбата на Г-20 што се одржува во Германија….Крај/мф/кс