Контакт

Daily news

Триумфалната капија во првите сто дена не го доби бројчаникот што го вети Заев

Објавено пред

Триумфалната капија во Скопје во првите сто дена од новата Влада не го доби бројчаникот кој требаше да се врти и да покажува колку од украдените пари се вратиле во Буџетот и кај граѓаните.

Ова беше едно од најгласните ветувања на сегашниот премиер Зоран Заев во предизборната кампања на крајот на минатата година.

Тој речиси на секој собир на граѓаните им укажуваше дека, според нивни проценки, Груевски и фамилијата изнеле од државата над 5 милијарди евра, кои ќе мора да ги вратат, а секој вратен денар ќе се бележи на бројчаникот што премиерот најави дека ќе го постави на Триумфалната капија, за секој да може да го види.

Она што граѓаните го очекуваа од новата Влада во првите сто дена, раководејќи се од ветувањата на Заев беа и повисоки плати, нови работни места, ефикасни мерки против корупција, социјална сигурност и институции што ќе гарантираат правда за сите.

Враќајќи го животот во Македонија, првите сто дена од Владата на Зоран Заев поминаа во знак на бројни кадровски смени, укинувања на проекти, кратења на буџети, но и долг список на реализирани мерки во рамки на ветувањата.

Пензионерите замерија што не го добија ветеното покачување на пензиите на почетокот на месецов, опозицијата замери за прекинатата изградба на автопатите, откажаната изградба на Клиничкиот центар, укинатите пари за Универзална сала, закочената економија, немањето странски инвестиции, а големи забелешки новата Влада доби и за неуспешното справување со пожарите изминатите три месеци.

Првите сто дена, за најголем дел од граѓаните ќе останат запаметени по укинувањето на екстерното, договорот со Бугарија и враќањето на евтината струја. Прва мерка на Владата на Зоран Заев, по конституирањето на 30 мај, беше укинувањето на екстерното тестирање во основните и во средните училишта. Собранието на 1 јуни донесе Закон за изменување на Законот за основно образование, Закон за изменување на Законот за средното образование и Закон за изменување на Законот за наставници во основните и средните училишта.

Измените веднаш беа објавени во „Службен весник“, а стапија на сила истиот ден со објавувањето со што сите постапки во врска со екстерното запреа непосредно пред да почнат тестирањата.

Петтиот ден од конституирањето Владата ги исплати пензиите за 301.660 пензионери со вкупна вредност од 4 милијарди 174 милиони денари, а заедно со нив ги исплати и заостанатите студентски стипендии за последните пет месеци во износ од 118,2 милиони денари.

Истиот ден Министерството за финансии исплати и 439 милиони денари за субвенции, од кои за житни култури 114,1 милиони денари, за лозови насади 31,8 милиони денари, за градинарски култури 36,3 милиони денари, за мерката одгледување на говеда 100 милиони денари, за одгледување на овци 154 милиони денари и за млеко 2,7 милиони денари.

На почетокот на мандатот, во јуни годинава министерот за надворешни работи Никола Димитров отиде во официјална посета на Грција. Се сретна со Никос Коѕијас, министерот за надворешни работи на Грција, а го прими и претседателот на Грција, Прокопис Павлопулос со што ги раздвижи македонско-грчките односи.

Претходниот министер за надворешни работи, Никола Попоски првата посета на Грција ја направи по изминати четири години на функцијата, односно во 2015 година. Попоски беше министер за надворешни работи од 2011 година до 2017 година. Неговата посета беше единствена во последните десет години. За време на јунската посета министерот Димитров го покани грчкиот колега да ја возврати посетата, па Коѕијас минатата недела беше во Скопје.

Премиерот Зоран Заев, вицепремиерот за економски прашања Кочо Анѓушев и министерот за животна средина Садула Дураку на крајот на јуни почнаа да го решаваат проблемот со еколошките состојби во Тетово и проблемот со депониите во целата држава. Но во текот на првите сто дена депонијата во Струга неколку пати се палеше и чадеше со денови, а се додека не почна да гори и да ги труе граѓаните и депонијата во Тетово, за решавање на проблемот не се преземаа мерки туку се правеа само планови.

Владата пред две недели одбра фирма која ќе го дислоцира отпадот од тетовската депонија, а за депонијата која цело лето ги труе стружани, Владата најави дека ќе почне да се затрупува.

На почетокот на јули следуваше утврдување на флексибилно работно време на сите вработени во органите за државната управа. Министерот за информатичко општество и администрација Дамјан Манчевски соопшти дека почетокот на работното време ќе биде помеѓу 7:30 и 8:30 часот, а завршетокот помеѓу 15:30 и 16:30 часот, со вкупно времетраење на работниот ден од осум часа. Управата за јавни приходи, Царинската управа, Управата за водење матични книги, Министерството за внатрешни работи: подрачните отсеци во Секторот за управно – надзорни работи во Одделот за граѓански работи, како и во Министерството за одбрана – за одделенија за одбрана за регион со градовите и општините во состав. Во овие институции работно време ќе се одвива од 07:00 до 14:30 часот и од 14:00 до 21:30 часот, како и првата сабота во месецот, со време на работа од 08:00 до 16:00 часот.

Иако промените во работното време беа усвоени на почетокот на јули, тие почнаа да се применуваат од 1 септември, за институциите да имаат рок за прилагодување на измените. Владата во јули изгласа и дополнителни два денари по килограм за субвенција за производителите на лубеници.

Дополнителната помош беше изгласана за да се ублажи ценовниот шок со откупната цена на бостанот и стабилизирање на пазарот со откуп на лубеници во периодот од 03.07.2017 до 15.07.2017 година.

Договорот со Бугарија со кој оваа земја го призна македонскиот јазик беше објавен на 26 јули, а неколку дена подоцна, на 31 јули, премиерот Бојко Борисов дојде во дводневна официјална посета на Република Македонија. Август е месецот во кој новата Влада промовираше најмногу мерки, согласно ветувањата.

На први август Владата усвои предлог – закон за стечајците со кој околу 3000 лица ќе добиваат 7.596 денари месечно за што беа обезбедени средства од Буџетот.

Земјоделците добија директна поддршка со нови 10 милиони евра, а во рамки на задачата за враќање на парите кај граѓаните и справување со енергетската сиромаштија, а на 24.08.2017 Владата соопшти дека ја враќа евтината тарифа на струјата. По два часа денска евтина тарифа на струјата, секој работен ден и сабота од 14 до 16 часот, потоа секој работен ден евтина струја од 22 часот до 7 часот наутро и во неделите 24 часа евтина тарифа на струјата. Оваа мерка ќе почне да се применува во текот на октомври, кога ќе бидат подготвени сите неопходни услови за нејзино спроведување.

Минатиот месец за 50 отсто беа намалени цените на услугите кои се во надлежност на Агенцијата за катастар, а министерот за транспорт и врски најави и продолжување на рокот за легализација на бесправно изградените објекти заклучно со 3 март 2011 година.

Нови 12 месеци, сметано од 01 јануари до 31 декември 2018 година добија граѓаните кои претходно не успеале да поднесат барање за легализација, а нови 6 месеци, сметано од 01 јануари до 30 јуни 2018 година добија граѓаните кои за веќе поднесените барања не ја обезбедиле неопходната документација.

Владата донесе и одлука за стопирање на владините реклами на комерцијалните радиодифузери со исклучок на социјалните мрежи и најави дека на граѓаните ќе им се обраќа преку јавниот радиодифузен сервис.

Како остварување во првите сто дена на Владата се вбројува и воведувањето втора смена во градинките, мерка што требаше да почне да функционира од први септември, но голем дел од градинките се изјаснија дека немало интерес за воведување втора смена.

Новата Влада е на пат да го исполни и ветувањето дадено пред албанскиот електорат – законот за двојазичност. Зијадин Села, претседател на Движење за реформи во ДПА, во неколку наврати досега најави дека ако не биде усвоен законот за двојазичност во првите сто дена, тие ќе ја напуштат коалицијата. Законот за двојазичност е веќе во собраниска процедура.

М.И.П.

Daily news

Прва правна конференција Tres Partes

Објавено пред

На 26 декември година во хотелот „Континентал“, со почеток во 10 часот, ќе се одржи првата правна конференција Tres partes, во организација на „Јанаки знае“, а ќе биде поделена во три дела.

Првиот дел е со работен наслов „Дали е потребно укинување на извршителите?”, на кој ќе учествуваат Зоран Василевски, кој ќе ја застапува тезата ПРО укинување на извршителите, извршител Снежана Андреевска, која ќе ја застапува тезата КОНТРА укинување на извршителите и извршител и поранешен судија за извршување, Христо Јованов, кој ќе предава во делот на извршувањето пред да се укинат судиите извршители.

Вториот дел е со работен наслов „Дали се шаблонизира институтот надомест на нематеријална штета“, на која предавачи ќе бидат адвокатката Маруша Митровска, судијката Љубица Колиќ од Основен суд Скопје 2 и судијата Ѓорѓи Радојков од Апелациониот суд Скопје.

Третиот т.н. кривичен дел е со работен наслов „Неприменување на кривично-правните институти“, во кој предавачи ќе бидат адвокатот Јанаки Митровски, Никола Тупанчевски, редовен професор по казнено право при „Јустинијан Први“, Александра Деаноска, вонредна професорка по казнено право при „Јустинијан Први“, и Оља Ристова, судијка при Основниот суд Скопје 1.

Предвиден е и интерактивен дел со публиката преку поставување прашања и коментари од учесниците.

 

Прикажи повеќе...

Daily news

Груевски оди во затвор – Апелација му ја потврди казната

Објавено пред

Апелациониот суд Скопје, постапувајќи по кривичниот предмет познат во јавноста под името „Тенк“ по одржана јавна седница, донесе пресуда со која му ја потврди двегодишната затворска казна на премиерот Никола Груевски. „Жалбите на обвинетиот Никола Груевски изјавени лично и преку неговите бранители ги одби како неосновани, а првостепената пресуда ја потврди во целост, со што му ги потврди двете години затворска казна“, пишува во соопштението од судот.

Второстепениот суд делумно му ја уважи жалбата на Ѓоко Поповски и му ја намали казната на 4 години и 6 месеци, а во останатиот дел првостепената одлука ја потврди.

За Гордана Јанкулоска за „Тенк“ е издвоена во друга постапка и пресудата за неа, под обвинение дека ја злоупотребила службената положба и го натерала Поповски да го намести тендерот за „мерцедесот“ што го посакал Груевски, ќе биде изречена на 8 октомври.

Прикажи повеќе...

Daily news

Бизнисменот Минчо Јорданов треба да сведочи дали бил уценет со пари во шпионската афера

Објавено пред

Spion

Бизнисменот Минчо Јорданов утрово во кривичниот суд е повикан да сведочи во предметот што го презеде специјалното јавно обвинителство под кодно име „Шпион“.

Обвинетите Миќо Наскоски, Зоран Божиновски и Марјан Маџовски, како што рече на минатото рочиште обвинителката Елизабета Јосифовска, со цел да се стекнат со противправна имотна корист, му се заканиле на бизнисменот Минчо Јорданов дека ќе објават податоци за наводна криминална приватизација и откуп на акциите во АД „Бетон“ и на други негови фирми. Во намерата не успеале, а Јорданов не ги исплатил парите.

„Обвинетиот Александар Диневски прибавувал податоци со степен на државна тајна, а потоа ги доставувал или директно на странските разузнавачки служби или му ги давал на обвинетиот Марјан Ефремов, кој ја формирал групата за уцени, изнуди и шпионажа и ја координирал од 2009 до 2013 година, регрутирајќи нови членови во мрежата. Со обвинетиот Мирослав Зафировски од УБК прибирале податоци за луѓе од ЦИА присутни во Македонија и за штаб на ЦИА во Ирак. Тие прибирале и податоци за организациската поставеност на УБК“, рече Јосифовска за „Шпион“, кое СЈО врз база на нови прислушувани разговори го презеде од Обвинителството за гонење организиран криминал и корупција.

Ефремов, според обвинението, групата за изнуда и тргување со тајни информации од безбедносните служби на Македонија ја направил во 2009 година и, како што тврди обвинителството, тој е мозокот на целата операција. Информациите им ги продавале на Кост Н. од грчката разузнавачка служба, Петар Н. и Јуриј Н. од унгарската и на други лица од странски разузнавачки служби.

Секој од обвинетите, зависно од тоа во која институција работел, снимал службени документи, кои потоа им ги продавал на грчката, руската, унгарската и српската разузнавачка служба. Обвинети во овој случај се и тогашниот шеф на Кабинетот на претседателот на Собранието, Трајко Вељаноски, генералот Горан Стојков, Миќо Насковски, Ѓорѓи Хаџимицев, Цветан Дамјановски (заедно со други нивни колеги од МВР, УБК, АР и Военото разузнавање, кои дел се веќе осудени) и Зоран Божиновски, кој во групата имал улога ако уценуваните не дадат пари, тој да ги објавува, како што вели обвинителката, во порталот „Буревесник“ или во други медиуми во кои работел. Божиновски е обвинет за злосторничко здружување, шпионажа и уцена.

Обвинетите не се чувствуваат виновни, а тврдат и дека целиот процес е монтиран. Во предметот првично беа опфатени 19 лица, од кои неколкумина ја одлежаа затворската казна. Предметот го суди судијата Владимир Туфегџиќ. На конференциска врска треба да сведочи и Драган Даравелски, кој, според обвинението, исто така бил уценуван од обвинетите.

Прикажи повеќе...

Најново

Македонија2 часа

Продолжува расправата за одземање на имунитетот на Вељаноски

Денеска напладне треба да продолжи седницата на собраниската Комисија за деловничко-мандатни и имунитетни прашања, на чиј дневен ред е барањето...

Крвав четврток14 часа

Одобрен куќен притвор за Јанакиески, Ристовски останува во Шуто Оризари

Кривичниот совет на одделението за организиран криминал и корупција при Основниот суд Скопје 1 – Скопје донесе одлука со која...

Свет17 часа

Јапонски министер се извини поради триминутно доцнење на состанок

Јапонскиот министер Јошитака Сакаруда, задолжен за Олимписките игри во Токио 2020 година, јавно се извини бидејќи вчера задоцни три минути...

Топ17 часа

Во нива во Волково најдено мртво тело на 29-годишна скопјанка

МВР соопшти дека утрово во 9.50 часот било пријавено дека има починато женско лице во нива што се наоѓа во...

Македонија18 часа

Мајката на исчезнатиот Пино најави протест пред Собрание

Мајката на 26-годишниот Пино Секондо, Маја Трпковска, за во понеделник пред Собранието, со почеток во 16:30 часот, најави протест со...

Интервју/Дебата19 часа

(ИНТЕРВЈУ) Силјановска: Ме болат навредите, но јас сум инает и бунтовник

Кандидатката за претседател зад која застана опозициската ВМРО-ДПМНЕ, професорката Гордана Силјановска-Давкова, предизвика различни реакции во јавноста по објавувањето и изборот...

Македонија19 часа

Судска медицина: Не се вадени органи кај починатите лица

Институтот за судска медицина ги демантира шпекулациите во јавноста дека на некои од починатите лица кои претходно беа пријавувани за...

Македонија20 часа

„Ги поминаа границите“ – директорот на СОЗР во Владата им забрани „Фејсбук“ на вработените

Директорот на Службата за општи и заеднички работи (СОЗР) во Владата, Пеце Мирчески, им забранил пристап до „Фејсбук“, „Инстаграм“ и...

Крвав четврток20 часа

На 15 март пресуда за крвавиот четврток

Претседателката на Судечкиот совет, кој го води случајот за насилствата од 27 април, Добрила Кацарска, следното рочиште на кое ќе...

Македонија21 час

(Видео) Котевски: Одговорен човек сум, во понеделник поднесувам оставка

Директорот на КПУ „Скопје“, Ѓоко Котевски, пред новинарите рече дека во понеделник ќе поднесе оставка на функцијата поради физичкиот инцидент...

Македонија21 час

(Видео) Пратеничките Лашкоска и Манаскова обвинија дека Мисовски им се заканува со камен

Пауза на Комисијата за деловнички и мандатно-имунитетни прашања. Пратеничките од ВМРО-ДПМНЕ обвинија дека пратеникот од НСДП, Горан Мисовски, им се...

Македонија22 часа

(Видео) Александрова: Бараме домашен притвор за Јанакиески и Ристовски

Пратеничката Емилија Александрова од независната пратеничка група на ВМРО-ДПМНЕ вчерашниот инцидент во затворот во Шуто Оризари го нарече настан без...

Македонија23 часа

Новини во системот „Мој термин“, се воведуваат два нови упати, „итен 24“ и „упат без термин“

Министерството за здравство и Управата за електронско здравство воведуваат новини во националниот систем Мојтермин со цел, како што велат од...

Македонија23 часа

Заев побара оставка од директорот на затворот во Шуто Оризари

Премиерот Зоран Заев побара оставка од директорот на затворот во Шуто Оризари, Ѓоко Котевски, по вчерашните вербални и физички напади...

Македонија24 часа

Момче почина од сепса по операција на хемороиди

Синоќа младо момче почина откако било донесено на скопските клиники каде што докторите констактирале дека има сепса. Според извори од...

Европа1 ден

Хаос на автопат во Италија: Повеќе од 80 возила учествуваа во верижен судир

Повеќе од 80 возила учествуваа во верижен судир во северна Италија, при што едно лице загина, а вкупно 37 се...

Македонија1 ден

ВМРО-ДПМНЕ: Тепани луѓе во притвор, како да живееме во Северна Кореја

Вчерашниот ден ќе остане запаметен како црн ден за демократијата во Република Македонија. Власта го допре дното. Претепувањето на Миле...

Македонија1 ден

СДСМ по инцидентите во затворот: Не успеа насилничкото сценарио на Мицкоски и Груевски

Не успеа насилничкото сценарио на Мицкоски и Груевски, институциите и граѓаните нема да им дозволат да ја втурнат државата во...

Македонија1 ден

Попладне локални врнежи од дожд, на планините снег

Уште во текот на претпладнето облачноста насекаде ќе се зголеми, а во попладневните часови ќе има локални слаби врнежи од...

Македонија1 ден

Архитектите лути, барат итна заштита на ГТЦ без зелениот покрив и на Владата без барок

Зелениот покрив на Градскиот трговски центар иницираше низа барања на Асоцијацијата на архитекти на Македонија (ААМ) до Владата. Архитектите денес...

Досие