Контакт

Daily news

Филмски скандал со политички импликации: Каде завршија 4,6 милиони евра?

Објавено пред

„Макфакс“ истражува две години: Што се случи со проектот тежок 4,6 милиони евра? Пари за медиумска пропаганда на ВМРО одработена во Хрватска или серија за фабрикувана историја?

dobivaj vesti na viber

Додека скопскиот асфалт се топи на превисоките температури и секојдневно се создава нова историја, во филмските кругови се крева прав за најавата за почеток на снимањето на обемна серија што треба да опфати извесни епохи од досегашната македонска историја. Се бараат продукции што ќе бидат вклучени во снимањето, за кое носител на главната продукција е хрватскиот продуцент и режисер Винко Грубишиќ, кому македонската Агенција за филм пред две години му одобрила неверојатни 4,6 милиони евра за одработка на 130 епизоди од серија што ќе визуализира повеќе епохи од нашата историја.

Очевидци тврдат дека Грубишиќ често го посетувал Министерството за култура непосредно пред заминувањето на министерката Елизабета Канческа-Милевска.

„Речиси секојдневно доаѓаа во Министерството за култура заедно со директорката на Агенцијата за филм, Мими Ѓорѓоска-Илиевска, Грубишиќ и Милевска. Бевме изненадени зошто овој хрватски продуцент доаѓа во Скопје, а домашната филмска фела не знае многу за тоа“, ни рече македонски продуцент кој сака да остане анонимен.

Ова ни го потврдија и службеници во Министерството за култура, што биле сведоци на заедничките кафиња на оваа тројка.

Во обид да дознаеме нешто официјално за овој проект тежок неколку милиони, а во кој е вклучен човек за кого во Хрватска неговата фела докажуваше сериозни криминали,  ѝ се јавивме на директорката на заминување Илиевска. По неколкудневно инсистирање, таа одговори „средства за ова се одобрени, а не се исплатени“. Иако ни вети дека ќе имаме средба за подетални информации, таа  не се согласи на тоа.

Не одговори ниту какво сценарио пресудило да му се доверат милиони на Грубишиќ, ниту кој би бил режисер, ниту како е направен превид во протоколот на законите за филм кога треба да се снима серија.

Имено, за работа на серија е потребно да се сними пилот-епизода, а кога станува збор за содржина од историски карактер, таа мора да подлежи на рецензирање од историчари. Но, во изминатите години од оваа институција протокот на информации е нетранспарентен, освен кога се работи за афирмативни настани (успеси, награди, фестивали).

Стравот да се зборува јавно за ова, како и големата мистериозност во доверување информации нè наведе приказната подетално да ја истражиме и да се вратиме две години наназад кога е склучен овој договор, спорен во секој поглед.

 

Трагата води во Хрватска

Интернет-пребарувачот за името на Грубишиќ исфрла неколку написи во кои се пишува за македонската серија за која тој ги добил овие средства. Хрватски колеги ни рекоа дека, познавајќи ја работата на човекот познат како голем пропагандист и ПР-човек на десничарската ХДЗ од времето на Фрањо Туѓман, не е изненадувачки ако овие средства ги добил за иста цел од нашата десница“.

„Грубишиќ е контроверзен човек, кој има големо влијание во медиумите во Хрватска. Можно е да одработил медиумска пропаганда, за која ни е познато дека наплатува многу, а исто така има медиуми расположени да ги зголемат сметките“, ни рече колега од Хрватска од еден влијателен загрепски неделник.

Пребарувавме и во медиумите и, изненадувачки, токму во овој период извесни хрватски медиуми пишуваат значајни написи за политиките на тогаш владејачката ВМРО-ДПМНЕ, како и за претседателот Ѓорге Иванов.

Хрватски „Национал“ ( на 15.3.2016) пишува, „Грубишиќ допатувал од Македонија во нивната редакција за да ја демантира веста дека е поврзан со 4,6 милиони евра и дека зад таа информација стои Хрвоје Хрибар, претседател на хрватскиот аудиовизуелен центар, човек кој во континуитет зборуваше за криминалите во филмската дејност во Хрватска каде што често се спомнуваше името на Грубишиќ“.

Но, зачудувачки, во Македонија повиканите не ја демантираа оваа вест.

 

Кој е Винко Грубишиќ, познат како ПР и медиумски гуру на ХДЗ?

Името Туџманов пропагандист го добил во 1991 година кога тогаш, на 25 години, како основач на ОТВ и член на „Лоши деца“ од Радиото 101, станал помошник на Министерството за информации, подоцна водач на кампањата на ХДЗ, водач на Одделот за информирање и советник на тогашниот претседател Фрањо Туѓман. По завршување на војната, Грубишиќ ја основа ТВ НОВА и под спорни околности добива доминантен удел во акциите на националната филмска куќа „Јадран филм“ по нејзината приватизација. Во 2001 е вплеткан во извесна афера за постигнување контрола врз хрватските медиуми. Иако имало цврсти докази за ова, никогаш не е подигната тужба за овој случај.

Во последните години тој се посветува на „Јадран филм“ очекувајќи од пропаднатата продукција да направи влијателен произведувач на филмови и ТВ-серии.

За неколку филмски наслови се обидува да влезе во копродукција со кинески продуценти (за римејк на „Валтер го брани Сараево“) и најавува реализација на серија по познатиот роман „Гричка вјештица“ по делото на Марија Јуриќ Загорка. Сепак, неколкупати е предупреден дека поради големите долгови, „Јадран филм“ ќе мора да оди во стечај.

Сепак, сите спорни информации тој ги демантира повикувајќи се на тоа дека станува збор за реваншизам од страна на Хрвоје Хрибар и некои луѓе од професионалната филмска фела во Хрватска, која изминативе години се обидува да ги докаже криминалите и да ја заздрави дејноста.

По логика на нештата и извесни дојави, и зад политиките на македонската ТВ „Нова“, која исто така ги поддржуваше политиките на нашата десница, стои ова име, а сопственикот на македонската ТВ „Нова“, Сеат Кочан, е моментно под сериозни обвиненија на СЈО.

 

Проектот договорен зад затворени врати

Како многу филмски проекти во најава, во кои требаше да се толкува македонската историја (најави за снимање филм за цар Самуил), така и за овој одлучувале комисии во Агенцијата за филм.

Додека ги очекуваме официјалните информации побарани како соопштение од јавен карактер, дознавме дека на директорката биографиите на тие што конкурираат пред Агенцијата не ѝ се важни.

Слично беше кога таа одлучуваше за вториот кандидат за фестивалот „Браќа Манаки“, иако оваа апликација беше правно неоснована и, уште повеќе, зад неа стоеше човек што исто така е под лупа на законот.

Извори за „Макфакс“, кои сакаат да останат анонимни, велат дека промената на директорите во Агенцијата за филм, што се случи на 4.11.2015 година, кога на местото на Дарко Башевски дојде Илиевска, е направена токму поради тоа што Башевски не сакал да го потпише проектот за оваа серија.

За да се поткрепи некако овој во секој поглед сомнителен проект, лани се направени законски измени во Агенцијата за филм, со што се либерализира начинот на поддршка на Агенцијата за филм за играни и за ТВ-серии.

Неодамна, во редакцијата добивме информација дека Грубишиќ имал средба и со новиот министер за култура, Роберт Алаѓозовски, но тој ни рече „не е точно“, и немаше никаков коментар за овој случај.

Се бара македонска продукција што набрзина ќе ги одработи парите.

Како што се зборува во кругот на филмаџиите, деновиве се контактираат продукции што би почнале со снимање на серијата кон средината на август. Наводно, потребни се две за работата тематски да биде поделена со оглед на историската содржина.

Контактиравме и дел од продукциите со кои наводно ќе има обид да се снимат епизоди што ќе ја оправдаат оваа серија, но некои од нив негираат, а други не се достапни за новинарите.

Во меѓувреме кадровската промена е во тек и во моментот оваа институција практично остава простор за изземање документација што би ги покрила или оправдала сомнежите за оваа милионска приказна.

Се навестува дека има обиди дел од документацијата да исчезне.

Министерството за култура пред неколку дена поднесе барање до Државната комисија за ревизија, што ќе треба да ги чешла сите институции во културата каде што постои сомнение дека се правени штетни договори.

Во очекување официјални искази кои единствено може да ја спласнат правта крената како галопирањето на македонските коњаници во некој филмски историски спектакл, можеме само да насетуваме во која насока ќе се доработи ова мистериозно сценарио.

А. Василевска

 

Daily news

Прва правна конференција Tres Partes

Објавено пред

На 26 декември година во хотелот „Континентал“, со почеток во 10 часот, ќе се одржи првата правна конференција Tres partes, во организација на „Јанаки знае“, а ќе биде поделена во три дела.

dobivaj vesti na viber

Првиот дел е со работен наслов „Дали е потребно укинување на извршителите?”, на кој ќе учествуваат Зоран Василевски, кој ќе ја застапува тезата ПРО укинување на извршителите, извршител Снежана Андреевска, која ќе ја застапува тезата КОНТРА укинување на извршителите и извршител и поранешен судија за извршување, Христо Јованов, кој ќе предава во делот на извршувањето пред да се укинат судиите извршители.

Вториот дел е со работен наслов „Дали се шаблонизира институтот надомест на нематеријална штета“, на која предавачи ќе бидат адвокатката Маруша Митровска, судијката Љубица Колиќ од Основен суд Скопје 2 и судијата Ѓорѓи Радојков од Апелациониот суд Скопје.

Третиот т.н. кривичен дел е со работен наслов „Неприменување на кривично-правните институти“, во кој предавачи ќе бидат адвокатот Јанаки Митровски, Никола Тупанчевски, редовен професор по казнено право при „Јустинијан Први“, Александра Деаноска, вонредна професорка по казнено право при „Јустинијан Први“, и Оља Ристова, судијка при Основниот суд Скопје 1.

Предвиден е и интерактивен дел со публиката преку поставување прашања и коментари од учесниците.

 

Прикажи повеќе...

Daily news

Груевски оди во затвор – Апелација му ја потврди казната

Објавено пред

Апелациониот суд Скопје, постапувајќи по кривичниот предмет познат во јавноста под името „Тенк“ по одржана јавна седница, донесе пресуда со која му ја потврди двегодишната затворска казна на премиерот Никола Груевски. „Жалбите на обвинетиот Никола Груевски изјавени лично и преку неговите бранители ги одби како неосновани, а првостепената пресуда ја потврди во целост, со што му ги потврди двете години затворска казна“, пишува во соопштението од судот.

dobivaj vesti na viber

Второстепениот суд делумно му ја уважи жалбата на Ѓоко Поповски и му ја намали казната на 4 години и 6 месеци, а во останатиот дел првостепената одлука ја потврди.

За Гордана Јанкулоска за „Тенк“ е издвоена во друга постапка и пресудата за неа, под обвинение дека ја злоупотребила службената положба и го натерала Поповски да го намести тендерот за „мерцедесот“ што го посакал Груевски, ќе биде изречена на 8 октомври.

Прикажи повеќе...

Daily news

Бизнисменот Минчо Јорданов треба да сведочи дали бил уценет со пари во шпионската афера

Објавено пред

Spion

Бизнисменот Минчо Јорданов утрово во кривичниот суд е повикан да сведочи во предметот што го презеде специјалното јавно обвинителство под кодно име „Шпион“.

dobivaj vesti na viber

Обвинетите Миќо Наскоски, Зоран Божиновски и Марјан Маџовски, како што рече на минатото рочиште обвинителката Елизабета Јосифовска, со цел да се стекнат со противправна имотна корист, му се заканиле на бизнисменот Минчо Јорданов дека ќе објават податоци за наводна криминална приватизација и откуп на акциите во АД „Бетон“ и на други негови фирми. Во намерата не успеале, а Јорданов не ги исплатил парите.

„Обвинетиот Александар Диневски прибавувал податоци со степен на државна тајна, а потоа ги доставувал или директно на странските разузнавачки служби или му ги давал на обвинетиот Марјан Ефремов, кој ја формирал групата за уцени, изнуди и шпионажа и ја координирал од 2009 до 2013 година, регрутирајќи нови членови во мрежата. Со обвинетиот Мирослав Зафировски од УБК прибирале податоци за луѓе од ЦИА присутни во Македонија и за штаб на ЦИА во Ирак. Тие прибирале и податоци за организациската поставеност на УБК“, рече Јосифовска за „Шпион“, кое СЈО врз база на нови прислушувани разговори го презеде од Обвинителството за гонење организиран криминал и корупција.

Ефремов, според обвинението, групата за изнуда и тргување со тајни информации од безбедносните служби на Македонија ја направил во 2009 година и, како што тврди обвинителството, тој е мозокот на целата операција. Информациите им ги продавале на Кост Н. од грчката разузнавачка служба, Петар Н. и Јуриј Н. од унгарската и на други лица од странски разузнавачки служби.

Секој од обвинетите, зависно од тоа во која институција работел, снимал службени документи, кои потоа им ги продавал на грчката, руската, унгарската и српската разузнавачка служба. Обвинети во овој случај се и тогашниот шеф на Кабинетот на претседателот на Собранието, Трајко Вељаноски, генералот Горан Стојков, Миќо Насковски, Ѓорѓи Хаџимицев, Цветан Дамјановски (заедно со други нивни колеги од МВР, УБК, АР и Военото разузнавање, кои дел се веќе осудени) и Зоран Божиновски, кој во групата имал улога ако уценуваните не дадат пари, тој да ги објавува, како што вели обвинителката, во порталот „Буревесник“ или во други медиуми во кои работел. Божиновски е обвинет за злосторничко здружување, шпионажа и уцена.

Обвинетите не се чувствуваат виновни, а тврдат и дека целиот процес е монтиран. Во предметот првично беа опфатени 19 лица, од кои неколкумина ја одлежаа затворската казна. Предметот го суди судијата Владимир Туфегџиќ. На конференциска врска треба да сведочи и Драган Даравелски, кој, според обвинението, исто така бил уценуван од обвинетите.

Прикажи повеќе...

Најново

Македонија3 часа

Ванковска: Преспанскиот и бугарскиот договор се колонизаторски договори

Професорката Билјана Ванковска и претседателски кандидат на Левица во Фејсбук статус истакнува дека има разочарани млади луѓе кои мислат дека...

Свет3 часа

Масовен руски напад врз Харков: Бомби паѓаа цела ноќ, две лица загинаа

Во текот на ноќта руските војници гранатираа 17 населени места во областа Херсон, при што загинаа две лица, а четворица...

Свет3 часа

Две тела пронајдени во автомобил под урнатиот мост во Балтимор, паднале од височина од 50 метри во водата

Полицијата во американската сојузна држава Мериленд објави дека две тела биле пронајдени во автомобил во реката Патапско, каде што мостот...

Македонија3 часа

Целосен молк од страна на Пендаровски, Ковачевски и СДС за улогата и начинот на ангажирање на спорниот странски консултат Асаф Еисин, велат од ВМРО-ДПМНЕ

Целосен молк од страна на Пендаровски, Ковачевски и СДС за улогата и начинот на ангажирање на спорниот странски консултат, Асаф...

Регион4 часа

Потрагата по Данка Илиќ продолжува трет ден, се проверуваат телефоните на родителите

И покрај прекинатата теренска потрага по Данка во Бањско Поле и околината, полицијата продолжува со интензивна оперативна работа за утврдување...

Свет4 часа

Путин: Обвинувањата дека Русија ќе ја нападне Европа по Украина се целосна глупост

Рускиот претседател Владимир Путин ги осуди обвинувањата на Западот дека Русија планира да се бори против Европа. Ги нарече „целосна...

Свет4 часа

Маж во Илиноис уби четири лица и избоде петмина, нападот траел 20 минути

Четири лица загинаа, а пет се повредени во напад во Рокфорд, Илиноис, додека 22-годишен осомничен е уапсен. Полицијата, исто така,...

Македонија18 часа

Турската демократска партија се приклучува на Европскиот фронт, Ахмети: Овој сојуз е историски

По потпишувањето на коалицијата за Европскиот фронт со ДПА на Мендух Тачи, Народното движење на Скендер Реџепи Зејд, ПДЕ на...

Македонија20 часа

Тошковски: Ќе сторам сè МВР да гарантира организирање на безбедни избори

Денеска министерот за внатрешни работи Панче Тошковски присуствуваше на панел дискусија „Зајакнување на соработката помеѓу институциите за проценка на изборните...

Македонија21 час

Дисциплински постапки за петмина полицајци за пукањето пред тетовската болница

Поднесени се две две кривични пријави од СВР Тетово против М. Т., полициски службеник во Полициската станица за граничен надзор...

Македонија22 часа

ГРОМ, Интегра и ПЦЕР се здружија: коалицијата „Храбро за Македонија“ нема да поддржи уставни промени ниту пред ниту по изборите

Политичките партии Граѓанската опција за Македонија (ГРОМ), Интегра и Партијата за целосна еманципација на Ромите (ПЦЕР) денес се здружија во...

Македонија22 часа

„Вреди“: Албанците нема да му простат на Бујар Османи за случајот Монструм

Претходно кога објаснувавме кој е Бујар Османи, дојде време да се откриваат неговите корупциски скандали, но и политичките ставови што...

Македонија1 ден

Мицкоски: Имаме принципиелен договор за настап на парламентарните избори врз кој ќе функционираме како идна влада

Ние имаме принципиелни разговори и преговори и принципиелен заеднички договор за настап на следните парламентарни избори и очекуваме понатаму, врз...

Свет1 ден

Бајден: Да ja ​​заштитиме Украина од месарот Путин

Американскиот претседател Џозеф Бајден уште еднаш го навреди рускиот претседател Владимир Путин говорејќи пред гласачите во американската сојузна држава Северна...

Регион1 ден

Вучиќ: Следуваат тешки денови за Србија, не ми е лесно да кажам какви вести добивме

Српскиот претседател Александар Вучиќ синоќа изјави дека пред Србија претстојат тешки денови, пренесува „Нова.рс“. Вучиќ најави дека во наредните денови...

Македонија1 ден

СДСМ: Скопје е запустен град, граѓаните се изневерени, ДПМНЕ нема план за иднината

Платформа од минатиот век се новите лажни ветувања на ДПМНЕ по примерот на Скопје. Откако ги изневерија граѓаните на Скопје,...

Регион1 ден

Трае потрагата по исчезнатото двегодишно девојче во Србија

Трае потрагата по двегодишното девојче, кое исчезна вчера околу 13.45 часот во приградската населба Бањско Поле, недалеку од Бор во...

Свет1 ден

Израел во текот на ноќта жестоко го бомбардира јужниот дел на Газа: „Луѓето умираат само за да добијат конзерва туна“

Израел во текот на ноќта интензивно го бомбардираше јужниот дел на Појасот Газа, и покрај меѓународниот притисок за итен прекин...

Свет1 ден

„Не веруваме дека ќе ги пронајдеме живи“: Запрена потрагата по исчезнатите лица по уривањето на мостот во Балтимор

Спасувачките екипи ја прекинаа потрагата по шест лица исчезнати по уривањето на мостот во Балтимор, бидејќи се претпоставува дека се...

Македонија1 ден

Османи со дипломатскиот кор за четвртата годишнина од членството на Македонија во НАТО

Со цел одбележување на 4-та годишнина од членството на Северна Македонија во НАТО, министерот за надворешни работи, Бујар Османи, денеска...