Контакт

Daily news

Финансиската полиција ги проверува документите за серијалот „Македонија“: Има сознанија за криминал

Објавено пред

Управата за финансиска полиција има првични сознанија дека е извршена злоупотреба на службената положба од страна на одговорни лица во Агенцијата за филм како пречекорување во однос на исплатата на средства, неможност за следење на средствата, како и ненаменско користење на средствата од страна на продукциска куќа која е ангажирана за правење игран серијал за проектот „Македонија“, изјави директорот на Управата за финансиска полиција, Арафат Муареми, за „Макфакс“.

По пишувањата на „Макфакс“, кој првпат го отвори овој скандал, станува збор за први официјални сознанија што водат кон утврдување на регуларноста. Имено, „Макфакс“ приказната ја истражуваше долго време, а првиот напис беше објавен пред неполни три месеци. 

Во моментот оваа надлежна институција, која веќе подолго време на увид ја има документацијата и собира информации со кои може да се утврдат индициите за финансиски нерегуларности, не сака никого да посочи со прст бидејќи, како што ни изјавија, „предметот е сѐ уште во предистражна постапка и подетални информации би ѝ наштетиле, но веднаш по завршување на истрагата и без оглед на нејзиниот исход, јавноста ќе биде навреме информирана“. По пишувањата на „Макфакс“ на оваа тема со наслов „Филмски скандал со политички импликации: Каде завршија 4,6 милиони евра?“, каде што во два наврата имаше обид за демантирање на сите информации изнесени во јавноста, надлежните институции го ставија проектот под правна лупа.

Станува збор за играна серија со наслов „Македонија“, во која било предвидено во четири сезони и со нешто повеќе од 4 милиони евра амбициозно да се филмува македонската историја. Главен продуцент на серијата е Винко Грубишиќ од хрватската продуцентска куќа „Јадран филм“. Во последната информација до нашата редакција тој изјави дека серијата почнала да се снима и се вклучени и продуценти од земјата. За приказната ни кажа дека главниот лик околу кој се врти темата на серијата е македонскиот револуционер Павел Шатев, а тој требаше да го игра Емил Рубен. 

За досега најскапата серија што требаше да биде снимена кај нас имаше двегодишно вето за информации, а нема ниту еден готов производ (снимена епизода). Официјално, хрватската продукцијата „Јадран филм“ и нејзиниот сопственик Винко Грубишиќ досега добиле 80 отсто од средствата за првата сезона и овие пари се одлеале во подготовките и претпродукцијата. „До овој момент склучен е анекс-договор за исплата само за првата сезона од серијата за која е одобрен максимален износ до 85.000.000 денари, при што се исплатени 80 отсто од нив за подготовка и реализација на првата сезона. Исто така, продолжувањето на динамиката на исплата Агенцијата треба да го изврши ако има позитивен извештај за трошењето средства, односно тие се во согласност со доставениот буџет од страна на продуцентот. Значи, сумата од 4,6 милиони евра или 280.000.000 денари би била исплатена ако има реализација на договореното“, стоеше во демантот на поранешната директорка на Агенцијата за филм, Мими Ѓоргоска-Илиевска, во чиј мандат е направен договорот за серијата. 

Ако се направат груби пресметки, една сезона би го постигнала буџетот колку што чини еден просечен македонски игран филм или во случајот и овие милиони не би биле доволни за 130 епизоди. Се спомнуваа и многубројни рецензенти на сценариото што неколку пати е сменето, потоа дефинирање локации, менување режисери и продуцентски имиња во земјата што ќе ја преземат работата. Во процесот на работа е исто така спорно како се добиваат средства за едни потписници за вршење на работата, а потоа се појавуваат други. Конечно, за оваа серија пред две години имало јавен повик од Агенцијата за филм како проект од национална важност, на кој „Јадран филм“ победила со најдобро сценарио. И покрај сѐ, продуцентот Грубишиќ, најави одлична серија која ќе биде професионално сработена. За кредибилитетот на „Јадран филм“ и Винко Грубишиќ, поранешната директорка на Агенцијата за филм била предупредена од сродната филмската институција во Хрватска за можниот ризик за соработка со „Јадран филм“. Испратен е допис за регионална меѓуколегијална размена на информации во која ѝ е предочено за кредибилитетот на куќата што добива средства од Македонија. Грубишиќ сите овие искази на своите филмски колеги од Хрватска ги толкува како обид за реваншизам и штитење лични интереси и вети спектакуларна серија која би имала одлична дистрибуција во светот. Спомнува и холивудски актери и тврди дека сите рецензенти на кои имињата сѐ уште не им ги знаеме се изјасниле дека оваа серија би постигнала планетарна гледаност.

Каде е тука националниот интерес на Македонија што бил пресуден за потреба од реализација на ваква серија? Дали преку некои интригантни детали во сценариото светот да дознае за нашата историја или очекувањата се таа да заработи, исто така е нејасно. Објаснувањата на Грубишиќ беа дека тој оваа серија ја работи со голема љубов бидејќи, како што вели, уште од далечната 1983 година го заинтригирале некои делови од македонската историја.

Главно тоа треба да биде некоја возбудлива трилер-историска серија, која се работи со сосема нов пристап во продукцијата и креативниот дизајн. За динамиката на работа продуцентот вели дека овие пари се едвај доволни и оптимални во споредба со бенефитот што таа ќе го донесе. На овој начин „Јадран филм“ го оправдува ангажирањето помалку или воопшто неафирмирани имиња од филмската дејност кај нас. Според последните информации, режисерите што моментно работат на „Македонија“ се Игор Алексов и Стојан Виучиќ. Извесен режисер Зоран Петровски, кој е потпишан како режисер, не е повеќе во игра. Наводно, направена е и првата музичка подолга, чии автори се држат во тајност. Грубишиќ на серијата гледа како на оригинален концепт на серијата и делови од сценариото врз основа на кој е прифатен проектот ги избегнува сите делови и контроверзии што имаат каква било пропагандна порака. Наспроти сознанијата дека „Јадран филм“ не е на добар глас во Хрватска, продуцентот тврдеше дека тој нема долгови и обезбедил гаранција за „Македонија“. А што се однесува до влогот што тој нужно треба да се обезбеди кога продуцентот влегува во партнерски договор со Агенцијата, тој вели дека е обезбеден со странските партнери, а заработката се очекува од успешната дистрибуција.

Потсетуваме дека доминантниот удел во националната продукција „Јадран филм“ тој го добива по нејзината приватизација. Потеклото на тие пари со кои ја купил и денеска не се разјаснети, иако имало обид за тоа. Во последниве години тој се посветува на „Јадран филм“ очекувајќи од пропадната продукција да направи влијателен произведувач на филмови и ТВ-серии. Грубишиќ, како што вели, се гордее што тоа е единственото студио од просторите на поранешна Југославија што ја преживеало транзицијата во источна Европа. Исто така, некои од македонските соработници на „Јадран филм“ неодамна ни рекоа дека работата тече непречено и нема никакви индикации дека таа ќе биде стопирана. Дали нештата ќе станат појасни по правните, продукциски и креативни анализи на овој проект и тој ќе навистина ќе стане иновативна серија што ќе нѐ промовира во светот, останува да видиме. Остануваат отворени неколку верзии за допишување на ова сценарио.

Ана Василевска

 



©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Daily news

Прва правна конференција Tres Partes

Објавено пред

На 26 декември година во хотелот „Континентал“, со почеток во 10 часот, ќе се одржи првата правна конференција Tres partes, во организација на „Јанаки знае“, а ќе биде поделена во три дела.

Првиот дел е со работен наслов „Дали е потребно укинување на извршителите?”, на кој ќе учествуваат Зоран Василевски, кој ќе ја застапува тезата ПРО укинување на извршителите, извршител Снежана Андреевска, која ќе ја застапува тезата КОНТРА укинување на извршителите и извршител и поранешен судија за извршување, Христо Јованов, кој ќе предава во делот на извршувањето пред да се укинат судиите извршители.

Вториот дел е со работен наслов „Дали се шаблонизира институтот надомест на нематеријална штета“, на која предавачи ќе бидат адвокатката Маруша Митровска, судијката Љубица Колиќ од Основен суд Скопје 2 и судијата Ѓорѓи Радојков од Апелациониот суд Скопје.

Третиот т.н. кривичен дел е со работен наслов „Неприменување на кривично-правните институти“, во кој предавачи ќе бидат адвокатот Јанаки Митровски, Никола Тупанчевски, редовен професор по казнено право при „Јустинијан Први“, Александра Деаноска, вонредна професорка по казнено право при „Јустинијан Први“, и Оља Ристова, судијка при Основниот суд Скопје 1.

Предвиден е и интерактивен дел со публиката преку поставување прашања и коментари од учесниците.

 

Прикажи повеќе...

Daily news

Груевски оди во затвор – Апелација му ја потврди казната

Објавено пред

Апелациониот суд Скопје, постапувајќи по кривичниот предмет познат во јавноста под името „Тенк“ по одржана јавна седница, донесе пресуда со која му ја потврди двегодишната затворска казна на премиерот Никола Груевски. „Жалбите на обвинетиот Никола Груевски изјавени лично и преку неговите бранители ги одби како неосновани, а првостепената пресуда ја потврди во целост, со што му ги потврди двете години затворска казна“, пишува во соопштението од судот.

Второстепениот суд делумно му ја уважи жалбата на Ѓоко Поповски и му ја намали казната на 4 години и 6 месеци, а во останатиот дел првостепената одлука ја потврди.

За Гордана Јанкулоска за „Тенк“ е издвоена во друга постапка и пресудата за неа, под обвинение дека ја злоупотребила службената положба и го натерала Поповски да го намести тендерот за „мерцедесот“ што го посакал Груевски, ќе биде изречена на 8 октомври.

Прикажи повеќе...

Daily news

Бизнисменот Минчо Јорданов треба да сведочи дали бил уценет со пари во шпионската афера

Објавено пред

Spion

Бизнисменот Минчо Јорданов утрово во кривичниот суд е повикан да сведочи во предметот што го презеде специјалното јавно обвинителство под кодно име „Шпион“.

Обвинетите Миќо Наскоски, Зоран Божиновски и Марјан Маџовски, како што рече на минатото рочиште обвинителката Елизабета Јосифовска, со цел да се стекнат со противправна имотна корист, му се заканиле на бизнисменот Минчо Јорданов дека ќе објават податоци за наводна криминална приватизација и откуп на акциите во АД „Бетон“ и на други негови фирми. Во намерата не успеале, а Јорданов не ги исплатил парите.

„Обвинетиот Александар Диневски прибавувал податоци со степен на државна тајна, а потоа ги доставувал или директно на странските разузнавачки служби или му ги давал на обвинетиот Марјан Ефремов, кој ја формирал групата за уцени, изнуди и шпионажа и ја координирал од 2009 до 2013 година, регрутирајќи нови членови во мрежата. Со обвинетиот Мирослав Зафировски од УБК прибирале податоци за луѓе од ЦИА присутни во Македонија и за штаб на ЦИА во Ирак. Тие прибирале и податоци за организациската поставеност на УБК“, рече Јосифовска за „Шпион“, кое СЈО врз база на нови прислушувани разговори го презеде од Обвинителството за гонење организиран криминал и корупција.

Ефремов, според обвинението, групата за изнуда и тргување со тајни информации од безбедносните служби на Македонија ја направил во 2009 година и, како што тврди обвинителството, тој е мозокот на целата операција. Информациите им ги продавале на Кост Н. од грчката разузнавачка служба, Петар Н. и Јуриј Н. од унгарската и на други лица од странски разузнавачки служби.

Секој од обвинетите, зависно од тоа во која институција работел, снимал службени документи, кои потоа им ги продавал на грчката, руската, унгарската и српската разузнавачка служба. Обвинети во овој случај се и тогашниот шеф на Кабинетот на претседателот на Собранието, Трајко Вељаноски, генералот Горан Стојков, Миќо Насковски, Ѓорѓи Хаџимицев, Цветан Дамјановски (заедно со други нивни колеги од МВР, УБК, АР и Военото разузнавање, кои дел се веќе осудени) и Зоран Божиновски, кој во групата имал улога ако уценуваните не дадат пари, тој да ги објавува, како што вели обвинителката, во порталот „Буревесник“ или во други медиуми во кои работел. Божиновски е обвинет за злосторничко здружување, шпионажа и уцена.

Обвинетите не се чувствуваат виновни, а тврдат и дека целиот процес е монтиран. Во предметот првично беа опфатени 19 лица, од кои неколкумина ја одлежаа затворската казна. Предметот го суди судијата Владимир Туфегџиќ. На конференциска врска треба да сведочи и Драган Даравелски, кој, според обвинението, исто така бил уценуван од обвинетите.

Прикажи повеќе...

Најново

Македонија2 часа

Архитектите лути, барат итна заштита на ГТЦ без зелениот покрив и на Владата без барок

Зелениот покрив на Градскиот трговски центар иницираше низа барања на Асоцијацијата на архитекти на Македонија (ААМ) до Владата. Архитектите денес...

Македонија4 часа

(Видео) Костов: Јанакиески нема повреди, во затворот ќе биде под надзор на доктор

Директорот на болницата „8 Септември“, Христијан Костов, изјави дека кај ексминистерот Миле Јанакиески не биле евидентирани никакви повреди по инцидентот...

Македонија5 часа

(Видео) Костадинов: Сценаристи на инцидентот во затворот се Мицкоски и Груевски

Портпаролот на СДСМ, Костадин Костадинов, во врска со инцидентот во затворот „Скопје“ во Шуто Оризари обвини дека се работи за сценарио...

Македонија5 часа

Братот и сопругот на Мира Стојчевска се откажаа од вработувањето и унапредувањето, синот останува во ЕЛЕМ

Пратеничката Мира Стојчевска, по една недела молк за вработувањето на синот и братот и за унапредување на сопругот, се огласи...

Македонија6 часа

(Видео) Мицкоски по посетата на Јанакиески: Не ме пуштија да го видам, го чуваат 50-ина полицајци

Претседателот на ВМРО-ДПМНЕ, Христијан Мицкоски, пред болницата „8 Септември“, каде што попладнево беше пренесен ексминистерот Миле Јанакиески, рече дека денешниот...

Македонија7 часа

Силјановска: Не можев да се пријавам на конкурс на СДСМ бидејќи не се согласувам со овие политики

Две недели по распишувањето на претседателските избори, а во исчекување на кандидатот со кој ќе влезе во изборна трка владејачкото...

Македонија7 часа

Годинава речиси секој ден исчезнува по еден човек

Пронајденото мртво тело на 35-годишниот Горан Атанасовски од Скопје, кој вчера беше пријавен за исчезнат, ја вознемири јавноста. Коментарите во...

Македонија8 часа

(Видео) Заев: Не верувам дека роднините на функционерите се вработени незаконски

Премиерот Зоран Заев, по завршувањето на средбата со претседателот на Беса, Биљал Касами, одговарајќи на новинарско прашање за новите скандали...

Македонија8 часа

Комисијата утре ќе расправа за имунитетот на Вељаноски

За утре е закажана седницата на Комисијата за деловнички и мандатно-имунитетни прашања, на која теба да се разгледа барањето за...

Македонија9 часа

(Видео) Заев: Изјавата на Мицкоски е забегана работа, ќе се консултирам дали да го тужам

Премиерот Заев најави дека ќе разговара со својот адвокатски тим дали да поведе тужба против Мицкоски во однос на вчерашната...

Топ10 часа

Исчезнатиот Атанасовски пронајден мртов

Денеска околу 13 часот е пронајдено безживотно машко тело во Нерези, на патот кон вила „Веранда“, потврдуваат од МВР. Неофицијално,...

Македонија10 часа

Касами: Сакаме кандидат кој нема за едни да биде мајка, а за други маќеа

По средбата со Зоран Заев, лидерот на Беса, Биљал Касами, изјави дека за нив како партија пред изборите во игра...

Крвав четврток10 часа

Кољо: Политичарите нè изманипулираа со „тиранската платформа“

Обвинетиот Никола Митревски Кољо на денешното рочиште за крвавиот четврток во своите завршни зборови истакна дека жали за случувањата во...

Македонија11 час

(Видео) Градоначалникот на Пехчево го пријавил во полиција грозоморното убивање кучиња

По поморот на кучиња во Пехчево, а откако комуналните служби со багери ги собираа и фрлаа додека сè уште се...

Топ11 час

Пинг-понг со барањето за одземање на имунитетот на Вељаноски

Собранискиот спикер Талат Џафери го вратил во кривичниот суд барањето за одземање на имунитетот на пратеникот Трајко Вељаноски кое претпладнево...

Топ13 часа

Барањето за одземање на имунитетот на Вељаноски стигна кај Џафери

Барањето за одземање на имунитетот на пратеникот Трајко Вељаноски од кривичниот суд стигнало до претседателот на Собранието, Талат Џафери, потврдуваат...

Крвав четврток13 часа

(Видео) Русковска: Груевски ја ставил во функција партијата за крвавиот четврток

На прес-конференција за јавноста во Јавното обвинителство беа изнесени информации за истрагата за организаторите на насилствата од 27 април 2017...

Македонија14 часа

(Видео) Јовески за несреќата кај Ласкарци: Возачот на автобусот добива закани, засега не е утврдена одговорност

Обвинителството сè уште нема податоци дали и кој ја има одговорноста за сообраќајната несреќа кај Ласкарци каде што загинаа 15...

Крвав четврток14 часа

Груевски на „Фејсбук“: Прородлжува политичкиот прогон против мене и против многумина од ВМРО-ДПМНЕ

Експремиерот Никола Груевски се огласи на „Фејсбук“ за вчерашните приведувања на поранешни функционери од ВМРО-ДПМНЕ, како дел од истрагата на...

Македонија15 часа

(Видео) Манчевски бара оставки од сите роднини на функционери од опозицијата

Министерот за информатичко општество и администрација, Дамјан Манчевски,  побара да се повлечат од работните места сите роднини на функционери, не...

Досие