Контакт

Daily news

Фирмите на Кочан испумпувале државни пари за ВМРО-ДПМНЕ?

Објавено пред

 

Само еден ден откако со одлука на Врховниот суд, на бизнисменот Сеад Кочан му беше укинат притворот поради кој два месеца беше недостапен за полицијата и судовите, тој се појави во Скопје. Влегол во земјава преку граничниот премин Табановце, а утредента се јавил на скопската Клиника за кардиологија.

На повторното одлучување за притворот на Кочан, адвокатот Никола Додовски претставил документација со која се тврди дека неговиот клиент е сериозно болен. Клиниката достави документи дека на Кочан на 16 мај му е вграден стент. СЈО претходно побара во судницата да биде повикан лекарот кој го лекува Кочан. Судот ова го одби и на контроверзниот бизнисмен му дозволи да се брани од слобода, со гаранција од 875.000 евра.

Во 65-те дена додека Кочан не беше достапен за органите, јавноста шпекулираше со дестинацијата на двомесечното „службено патување“ – од Косово и Србија, до Русија, се нагаѓаше со можните одредишта за бегство на бизнисменот, додека вработените од „Трансмет“ и од телевизијата „Нова“ секојдневно протестираа пред СЈО, тврдејќи дека нивниот газда е всушност жртва на политички мотивирана хајка.

„Трансмет“ е меѓу фирмите што добиле најмногу државни пари. Компанијата учествуваше во изградбата на автопатот Кичево-Охрид, ја правеше фонтаната на плоштадот „Македонија“, улицата „Тоше Проески“ во Ново Лисиче, ископува јаглен за ЕЛЕМ… Вкупно 46 тендери вредни вртоглави 85 милиони евра. За тоа колку ревносно власта на ВМРО-ДПМНЕ работела со Сеад Кочан најдобро зборува вчерашната (19 мај) информација дека „Трансмет“ добива уште еден тендер од ЕЛЕМ, и покрај тоа што неговиот газда е обвинет токму за тендерски измами, а целиот имот и сметките на компанијата се замрзнати!

Исходот на сагата со Кочан е далеку од извесен,  а неговиот случај може да се покаже како клучен во откривањето на партиско-финансиските мрежи на довчерашната власт.

Од мала семејна фирма до десна бизнис-рака на „фамилијата“

 

Кој е Сеад Кочан и како тој, од релативно скромен сопственик на семејна фирма, се претвори во контроверзна политичка фигура и десна бизнис-рака на „фамилијата“ што 11 години ја владееше Македонија?

Градежната компанија „Трансмет“ ја основал таткото на Кочан, Исмет, пред 25 години. Тој долго бил градежен работник во Западна Европа, а со спечалените пари, како повратник во Македонија, отвора сопствена семејна фирма. Неговите тројца синови: Сеад, Дин и Сеид, во раните години на компанијата, помагале и работеле на градилиштата, а по смртта на Исмет, синовите ја наследуваат фирмата. Сеад се школувал во странство, а во 2004 година се враќа во Македонија за да раководи со семејната фирма. Во ова време „Трансмет“ имал 12 вработени. Само десетина години подоцна, фирмата израснува во вистински гигант за македонски услови, со бизнис проширен во повеќе сектори и над 500 вработени. Од истрагата на СЈО, но и од обемот на работа што „Трансмет“ ја добивал од државата изминатите години, се наѕира дека голем дел од успехот на компанијата се должи токму на подготвеноста на Кочан да „игра“ со власта.

 

Кочан избришан од сајтот на ССК

 

Подемот на Кочан и неговата компанија е тесно врзан со членството во Сојузот на стопански комори, организација која обединува над 1000 компании. ССК е основан во 2004 година како пандан на Стопанската комора на Македонија, во која членуваат големите компании и бизнисмени. Влијанието на политиката, особено изразено во односот на Груевски кон бизнисмените, и овде е јасно видливо. Наспроти Стопанската комора, на која традиционално се гледа како „бастион“ на големите компании од социјализмот и нивните денешни остатоци, ССК уште од почетокот на своето постоење во јавноста важеше за алтернатива, комора која ги собира помалите фирми, но и место во кое власта на ВМРО-ДПМНЕ, традиционално спротивставена на „олигарсите“ од транзицијата, ќе најде простор за свое влијание врз бизнисот.

Претставниците на ССК во своите јавни настапи низ годините никогаш не ги критикуваа економските политики на власта на ВМРО-ДПМНЕ, а за возврат повеќето од нив беа поштедени од инспекции. Дел од посебно послушните компании-членки на ССК беа наградувани со примамливи државни тендери. Сеад Кочан добива позначајна улога во ССК во 2009 година, кога како претседател на Градежната комора за првпат се појавува во медиумите, бранејќи ги интересите на градежните компании-членки на Сојузот. Во неколкуте години што следат, „Трансмет“ почна редовно да добива милионски тендери за најразлични проекти на власта на ВМРО-ДПМНЕ.

Според извори од управните органи на ССК, со години не било тајна дека Кочан бил избран од Груевски да го осигура неговото влијание во бизнис-заедницата преку ССК, чии компании-членки во меѓувреме израснаа во многу посериозни, односно „потешки“ играчи во македонското стопанство. „Груевски во разговор со нас велеше дека нема поим што се случува во коморите, а знаевме дека го форсира Кочан“, вели нашиот извор. Од овие „игри“ во ССК, Кочан во 2014 година излегува како заменик-претседател на Сојузот, а претседателка стана Данела Арсовска, за која нашите извори велат дека е избрана како дел од истата „струја“.  Овој исход за многумина во ССК бил предвидлив, а со него Кочан како да ја потврдува поговорката, за која во едно интервју вели дека „често ја споделувал“:  „Тој што сака, ќе најде начин, тој што не сака, ќе најде причина“.

Од почетокот на политичката криза и објавувањето на „бомбите“ на СДСМ, Кочан зачести во гостувањата на медиумите наклонети кон власта, промовирајќи ги не само економските политики на Владата, туку и ставовите на ВМРО-ДПМНЕ околу кризата.

„Македонија се развива економски, се заснова на конкурентна економија, на интегрирана економија, така што повеќе економски цели се достигнати. Убеден сум дека државата никогаш не била во подобра состојба од моменталната економска состојба и дека навистина се напредува во позитива“, изјави Кочан во интервју за еден интернет-портал во февруари 2015 година.

Но, работите драстично се сменија по објавувањето на обвинението од СЈО – Кочан избега од притвор, а во ССК деновиве избегнуваат каков било коментар околу нивниот некогашен заменик-претседател и неговата улога во политичко-деловните малверзации на власта во изминатите години. На веб-страницата на ССК го нема неговото име, а избришани се сите објавени вести поврзани со сопственикот на „Трансмет“.

 

Кочан бил главниот линк на власта за испумпување пари?

 

Во случајот „Труст“,Специјалното јавно обвинителство го гони Кочан за фалсификување документација за тендер на државната компанија ЕЛЕМ, во вредност од над 17 милиони евра, заедно со две други компании. Но, од извори во истрагата дознаваме дека Кочан сега би можел да се наметне како главен линк преку кој партијата ВМРО-ДПМНЕ криела и перела државни пари. На тоа сега е фокусирана истрагата на СЈО. Се проверува дали фирмите на Кочан, особено „Трансмет“, се користеле за извлекување државни пари. Сомнежите се дека парите од тендерите кои ги добивал „Трансмет“ се повлекувале од сметките на фирмите и завршувале кај поединци кои имале задача да ги складираат. Дали преку Кочан ќе се открие мрежата за криминално финансирање на ВМРО-ДПМНЕ, најбогатата политичка партија во Европа?

Деновиве неколку банки доставиле извештаи до СЈО за трансакции на фирмите на Кочан, кои за истрагата се сомнителни. Тој сè уште не бил на распит пред специјалните обвинители, но во некоја фаза од постапката ќе мора да се појави. Ако се открие дека преку фирмите на Кочан оделе парите за ВМРО-ДПМНЕ, тогаш како и каде продолжувале откако стигале кај партиски поединци?

СЈО одамна најави дека го проверува партискиот имот на ВМРО-ДПМНЕ, исто како и случајот со донаторите кои наводно уплатиле средства за партијата. Се работи за оние фиктивни донатори чии лични податоци ги користела партијата за да престави дека уплаќале донации, а голем дел од нив немале поим дека се донатори. Но, дали сега преку Кочан може да се стигне до донаторите? Ако ВМРО-ДПМНЕ имала неколкумина како Кочан преку кои испумпувала пари, тогаш таквите пари, милионски суми, морале некаде да завршат. СЈО проверува дали овие средства се инвестирале во недвижен имот, или како чисти пари, преку донации, се вбризгувале директно во партијата.

На пример, со куса потрага на интернет лесно се утврдува дека вилата „Софија“ во Охрид, според имотен лист е во сопственост на ВМРО-ДПМНЕ, но со вилата управува правно лице. Адресата е Коста Абраш 64. Според закон, партиите имаат право да купуваат само деловен простор за свои потреби, што значи да го користат само за партиски цели. Има уште многу вакви примери – партијата, меѓу другото, во сопственост има и пасишта во Сарај.

Кога детално ќе се провери потеклото на имотот на ВМРО-ДПМНЕ, ќе биде појасно дали парите испумпувани од фирмите, како тие на Кочан, завршувале во партиски имот, купен за профит, а не за партиско делување? А, потоа, дали тоа се истите пари кои преку лажни донатори самата партија си ги уплаќала на себе. Од истрагата дознаваме дека голем број од сведоците-донатори кревале раменици пред специјалните обвинители, тврдејќи дека не платиле за партијата и дека некој го злоупотребил нивното име. Ете зошто е важен Кочан за СЈО, особено неговите сомнителни трансакции- преку него може да се открие криминалниот врв на ВМРО ДПМНЕ и нивните црни пари. Тоа е доволно, од друга страна, партијата на Груевски да направи се, до последно да го заштити Кочан од СЈО.

 

Љубиша Арсиќ

Daily news

Бизнисменот Минчо Јорданов треба да сведочи дали бил уценет со пари во шпионската афера

Објавено пред

Spion

Бизнисменот Минчо Јорданов утрово во кривичниот суд е повикан да сведочи во предметот што го презеде специјалното јавно обвинителство под кодно име „Шпион“.

Обвинетите Миќо Наскоски, Зоран Божиновски и Марјан Маџовски, како што рече на минатото рочиште обвинителката Елизабета Јосифовска, со цел да се стекнат со противправна имотна корист, му се заканиле на бизнисменот Минчо Јорданов дека ќе објават податоци за наводна криминална приватизација и откуп на акциите во АД „Бетон“ и на други негови фирми. Во намерата не успеале, а Јорданов не ги исплатил парите.

„Обвинетиот Александар Диневски прибавувал податоци со степен на државна тајна, а потоа ги доставувал или директно на странските разузнавачки служби или му ги давал на обвинетиот Марјан Ефремов, кој ја формирал групата за уцени, изнуди и шпионажа и ја координирал од 2009 до 2013 година, регрутирајќи нови членови во мрежата. Со обвинетиот Мирослав Зафировски од УБК прибирале податоци за луѓе од ЦИА присутни во Македонија и за штаб на ЦИА во Ирак. Тие прибирале и податоци за организациската поставеност на УБК“, рече Јосифовска за „Шпион“, кое СЈО врз база на нови прислушувани разговори го презеде од Обвинителството за гонење организиран криминал и корупција.

Ефремов, според обвинението, групата за изнуда и тргување со тајни информации од безбедносните служби на Македонија ја направил во 2009 година и, како што тврди обвинителството, тој е мозокот на целата операција. Информациите им ги продавале на Кост Н. од грчката разузнавачка служба, Петар Н. и Јуриј Н. од унгарската и на други лица од странски разузнавачки служби.

Секој од обвинетите, зависно од тоа во која институција работел, снимал службени документи, кои потоа им ги продавал на грчката, руската, унгарската и српската разузнавачка служба. Обвинети во овој случај се и тогашниот шеф на Кабинетот на претседателот на Собранието, Трајко Вељаноски, генералот Горан Стојков, Миќо Насковски, Ѓорѓи Хаџимицев, Цветан Дамјановски (заедно со други нивни колеги од МВР, УБК, АР и Военото разузнавање, кои дел се веќе осудени) и Зоран Божиновски, кој во групата имал улога ако уценуваните не дадат пари, тој да ги објавува, како што вели обвинителката, во порталот „Буревесник“ или во други медиуми во кои работел. Божиновски е обвинет за злосторничко здружување, шпионажа и уцена.

Обвинетите не се чувствуваат виновни, а тврдат и дека целиот процес е монтиран. Во предметот првично беа опфатени 19 лица, од кои неколкумина ја одлежаа затворската казна. Предметот го суди судијата Владимир Туфегџиќ. На конференциска врска треба да сведочи и Драган Даравелски, кој, според обвинението, исто така бил уценуван од обвинетите.

Прикажи повеќе...

Daily news

Уставните судии ќе расправаат дали ќе ја прифатат иницијативата за стопирање на референдумот

Објавено пред

Од денешната седница на Уставниот суд ќе зависи судбината на референдумот за договорот со Грција, кој треба да се одржи по 11 денови, односно на 30 септември.

Пред девет уставни судии утрово ќе се најдат поднесените иницијативи на партијата Левица и на Светскиот македонски конгрес, со кои се бара поништување на одлуката за рефереnдум и времено да бидат стопирани активностите поврзани со референдумот.

Судот може да ја прифати или отфрли иницијативата или, пак, да се прогласи за ненадлежен. Известител е судијката Елена Гошева и, неофицијално, таа во рефератот предлага Уставниот суд да поведе постапка за преиспитување на уставноста на одлуката.

Прикажи повеќе...

Daily news

(Видео) Техничкиот директор на ЈСП: Старите автобуси ќе возат до идното лето

Објавено пред

Поради недоволен број возила, ЈСП мора во сообраќај да ги пушта старите автобуси „санос“. Техничкиот директор, Васил Толевски, вели за „Макфакс“ дека поплаките од граѓаните се за удобноста на новите автобуси кои се набавени пред 8 години. Прашан за коментар зошто МВР ги исклучува од сообраќај возилата на ЈСП ако се тие исправни, Толевски вели дека тоа секогаш се случувало во изминатите 20 години. Толевски вели дека во ЈСП има и неискусни возачи кои се млади и се примени политички.

„Нормално е да има такви. Да не се лажеме, во Македонија не значи дека сите деца што ги примаат на работа се екстра квалитетни, има и такви што се примени преку партија“, вели Толевски, кој додаде дека потенцијалните возачи во ЈСП треба да имаат возачка од Д-категорија, а искуството го стекнувале по вработувањето во претпријатието.

Прашан за исправноста на автобусите, техиничкиот директор вели: „Немој да мислите дека ако постојано го сервисирате вашето возило, тоа е 100 отсто исправнo. Нема да потврдам дека автобусите се неисправни. Сите возила што излегуваат од ЈСП се проверуваат“.
Техничкиот директор на ЈСП негира дека сега автобусите се поплавуваат при дождови. Според него, информациите се неточни.

„Се работи за енормна количина фејсбук-профили што се занимаваат со таа проблематика. Откога сум јас технички директор, а тоа е од пред Нова година, се судрив со написи во неколку портали за старите автобуси. Беше објавена фотографија од стар автобус што протекува. Таа слика беше стара 5 години. Ова раководство тоа не го заслужи. Најверојатно, се работи за фејсбук-манијаци, кои покажаа едно возило, кое беше празно, протекуваше, а внатре седеше жена со чадор. Таа слика е стара шест години. Ние сите дупки ги покривме, ги изолиравме со платички материи и тие сега не протекуваат“, вели Толевски, кој немаше коментар за проблемот со гумите што го имаат автобусите, но потврди дека сепак го има.

Толевски вели дека ЈСП не може секоја година да ги менува гумите на автобусите. За квалитетот на гумите, техничкиот директор вели дека се избирани по принципот најниска цена преку јавна набавка, па затоа тие имаат лош квалитет.

„Во текот на возењето може да се случат разни аномалии. Имаме возачи што се примени, а не се ни снаоѓаат со овие возила. Од нашата работилница излегуваат автобуси кои релативно ги исполнуваат стандардите. Најчести дефекти на линиите имаме поради гумите. Шoфeрот поради поради недостиг на уреа за селективна каталитичка редукција, не се чувствува сигурно поради тоа што му светнала некоја светилка и запира. Млади се, имаме одреден број, кои политички се примени, па се неискусни возачи“, вели техничкиот директор Толевски.

Васил Толевски вели дека во моментот ЈСП прави напор за набавка на автобуси што ќе возат со природен гас. Во тој момент од функција ќе бидат исфрлени старите автобуси, а очекувањата се дека тоа ќе се случи идното лето. Автобусите на гас ќе ги намалат трошоците на претпријатието, а граѓаните ќе видат што значат современи западни возила, вели Толевски.

Прикажи повеќе...

Најново

Македонија9 часа

(Видео) Заев-Пенс: Вашингтон ја споделува визијата на Македонија да стане членка на НАТО и ЕУ

Премиерот Зоран Заев денеска во Вашингтон се сретна со потпретседателот на Соединетите Американски Држави, Мајк Пенс. Како што соопштија од...

Топ9 часа

(Вознемирувачко видео) Крвава тепачка во Аеродром, едно лице во бесвест

Крвава тепачка се случи вечерва во скопската населба Аеродром кај „Тобако 2“. Според очевидци едно лице од силината на ударите...

Вести14 часа

(Видео) Најмалку три лица убиени во Мериленд, за нападот е осомничена жена

Најмалку три лица се убиени во пукањето што се случи во 9 часот наутро по локално време во сојузната американска...

Регион14 часа

Поранешниот шеф на Хипо банка преку видеоврска сведочеше на судењето против Санадер

Поранешниот шеф на Хипо банка, Гунтер Штрајдингер, преку видеоврска од затвор сведочеше на судењето против поранешниот хрватски премиер, Иво Санадер,...

Македонија18 часа

(Видео) Кратовалиев: Во „Тортура“ презентирана снимка за случајот „Кампања“ што досега била криена

На денешното рочиште за „Тортура“, кое се одвиваше без присуство на јавноста како доказен материјал од специјалното јавно обвинителство, бил...

Македонија19 часа

Пелените во станот во „Скопјанка“ стоеле од јануари, кога починала 90-годишната жена

Деведесетгодишната станарка на „Скопјанка“ која користела пелени починала во јануари годинава. Поради остар мирис од насобраните пелени во станот број...

Македонија19 часа

Пратеници на ВМРО-ДПМНЕ преку „Фејсбук“ најавуваат дека нема да гласаат за уставни измени

Десетина пратеници од опозициската ВМРО-ДПМНЕ преку своите фејсбук-профили најавуваат дека нема да гласаат за уставни измени. Дел од пратениците, меѓу...

Македонија21 час

Јорданов: На Божиновски му дадов 5 илјади евра за услуги, потоа ми бараше уште повеќе

Бизнисменот Минчо Јорданов на денешното рочиште во кривичниот суд за случајот ,,Шпион” рече дека на новинарот Зоран Божиновски му дал...

Македонија21 час

(Видео) Запален автомобилот на архитектот Златко Тодоров, соседите забележале луѓе со фантомки

Утрово околу 4 часот бил запален автомобилот на архитектот Златко Тодоров паркиран на тротоар на улицата Христо Смирненски зад Универзалната...

Spion Spion
Македонија21 час

Укината постапката против Зоран Божиновски за злосторничко здружување

Се укинува постапката против Зоран Божиновски за злосторничко здружување. Судијата Владимир Туфегџиќ на почетокот од денешното рочиште за случајот ,,Шпион”...

Македонија22 часа

Јавноста исклучена од денешното рочиште за „Тортура“

Денешното рочиште за „Тортура“ почна без присуство на јавноста. Триесет и пет прислушкувани разговори како дел од доказниот материјал ќе...

Македонија22 часа

Коментар на грчка пратеничка ги разгоре страстите на синоќешната седница на мешовитиот парламентарен комитет

Во Собранието вчера со бурен старт почна седницата на мешовитиот парламентарен комитет. Страстите уште на самиот почеток ги разгоре пратеничката...

Свет23 часа

Помпео: Вашингтон е подготвен за преговори со Северна Кореја

САД ги поздравија важните обврски што ги презеде Северна Кореја за време на меѓукорејскиот самит во Пјонгјанг и изрази подготвеност...

Македонија1 ден

Пелени и шишиња со урина ја испразнија зградата во Аеродром

Евакуацијата на зградата во Аеродром била поради нехигиена. Дел од присутните лица пред зградата од каде беа евакуирани за „Макфакс“...

Македонија1 ден

Томевски: Поради острата миризба, станарите мораше веднаш да се евакуираат на безбедно

Околу 18 часот добивме дојава од граѓани што почувствувале остар мирис во влезот по што беше испратена екипа. Поради остриот...

Македонија1 ден

Евакуирана зграда во Аеродром, паника кај станарите

Жителите од зграда на улицата Кузман Јосифовски – Питу, број 15, во скопската населба Аеродром, кај „Мезе бар“, се евакуирани...

Македонија2 дена

(Видеоинтервју) Софијанова: Балканската школа на педијатрите ги обедини кадрите и важните аспекти во лекувањето на децата

Повеќе од 500 доктори, медицински сестри и специјализанти ја посетиле Балканската школа на педијатрите, што првпат се одржа во хотелот...

Македонија2 дена

(ВИДЕОИНТЕРВЈУ) Јовановиќ: Путин преку своите дипломати сака да го сруши договорот помеѓу Македонија и Грција

Претседателот на српската Либерално-демократска партија, Чедомир Јовановиќ, во интервју за „Макфакс“ вели дека има руско влијание на Балканот и дека...

Крвав четврток2 дена

Напаѓачите добиваа насоки од команден штаб, сведочеше пратеникот Ферид Мухиќ за 27 април

На продолжението на судењето за настаните од 27 април, судијката Добрила Кацарска, која го суди предметот, рече дека претседателот на...

Топ2 дена

Тинејџери силувале дете во Битола

Двајца тинејџери на возраст од 14 и 16 години се осомничени дека силувале дете во Битола. Според информациите на МВР,...

Досие