Контакт

Daily news

(ФОТО) Макфакс во посета на турската Црвена полумесечина во Анкара

Објавено пред

Играјќи клучна улога во згрижувањето на бегалците од Сирија, како и пред тоа, со нејзиното присуство во хуманитарна акции во балканските земји, Африка и Азија турската Црвена полумесечина последните неколку години се истакнува како значаен фактор во хуманитарните активности на глобален план. „Макфакс“ го посети централниот магацин за катастрофи на Црвената полумесечина во Етимесгут во Анкара од кој се испраќа хуманитарната помош во загрозените подрачја од целиот свет.

За тоа дека турската Црвена полумесечина денес е значаен актер на глобално ниво на планот на хуманитарната помош говорат податоците дека во периодот од 2003 до 2013 г. таа има реализирано 372 хуманитарни акции во 42 различни земји во светот и дека од своето основање до денес подала рака на повеќе од 90 земји. Црвена полумесечина е активна членка на Интернационалното движење на Црвениот крст и Црвената полумесечина. Израсната од Османлиско хуманитарно друштво за ранети и болни војници, формирано во 1868 г. од страна на група доктори- идеалисти таа е исто така и првата организација на Црвената полумесечина во светот. Во 1923 г. нејзиното име е преиначено во Турско друштво на Црвената полумесечина, за подоцна таткото и водачот на нацијата, Мустафа Кемал Ататурк, да ја именува како Црвена полумесечина. Денес оваа хуманитарна организација со својот персонал од пет илјади вработени и 700-те центри, со стотиците волонтери во 81 турска општина ширум Турција и во 957 земји од светот извршува големи задачи на повеќе хуманитарни фронта како обезбедување сместување, храна, облека, здравствени услуги и услуги во образованието за сиромашното население, задоволување на потребите од крв преку крводарителите, помагање на настраданите од природни и други катастрофи и сл.

„Турската Црвена полумесечина на внатрешен и меѓународен план делува според седумте основни начела на Меѓународното движење на Црвениот крст и Црвената полумесечина чија членка е – имено начелата на хуманост, непристрасност, неутралност, независност, волонтерска услуга, единство и универзалност“, истакнува генералниот директор на Црвената полумесечина Мехмет Ѓулуолу. Според податоците што ги добивме од Ѓулуолу, од март 2011 година во турските кампови биле сместени 270 илјади сириски бегалци, но 90 отсто т.е. од бегалците чиј број изнесува околу 3 милиони, се наоѓаат вон камповите. Црвената полумесечина заедно со сириските згрижува вкупно 4 милиони бегалци. Говорејќи за здравствените услуги што им се дадени на бегалците претседателот на организацијата Керем К’ник вели: „Досега во Турција се извршени еден милион поголеми операции врз сириски државјани, а 25 милиони им е дадена примарна здравствена услуга. Во турските болници се родени 210 илјади сириски деца. Се градат училници за 500 илјади ученици, што е број еднаков на бројот на ученици во повеќе европски земји, но реалните потреби се училници за уште 400 илјади сириски ученици“.

Црвената полумесечина има хуманитарни активности и на територијата на Сирија. „Во Сирија досега се испратени 40 илјади шлепери помош на 5 милиони настрадани од војната. На 9 илјади вдовици и сираци на територијата на Сирија им даваме редовна хуманитарна помош. Досега испративме 150 милиони килограми брашно, имаме изградено болница во регионот на т.н. „Еуфратски штит“ (Џерасин Да и Ел Баб и обезбедуваме вода и електрична енергија во тој регион“, подвлекува претседателот К’ник кој изразува незадоволство од поддршката на развиените европски земји за кои вели „тие требаа да го споделат овој хуманитарен товар со нас. Црвената полумесечина досега има добиено само 1 милијарда долари од 3-те милијарди долари предвидени со хуманитарната програма за бегалците, и изразува надеж дека поддршката од Европа повторно ќе започне“.

Црвената полумесечина е невладина организација чиј почесен член е претседателот на Република Турција и таа е хуманитарна организација со најраспространета, најефективна и најмоќна организациска структура во земјата. Таа поседува способност да одговори на катастрофи најдоцна во рок од два часа благодарение на инвестирањето во техничката инфраструктура и човечките ресурси од областа на менаџирањето со катастрофи и благодарение на зајакнувањето на локалните капацитети.

Од 1954 година турската Црвена полумесечина континуирано произведува шатори од висок квалитет во разни модели и димензии, кои можат да се користат во сите четири годишни времиња и во подолг временски период за привремено сместување на настраданите од разни катастрофи и несреќи. По добивање на статус на трговско претпријатие Црвената полумесечина дел од приходите ги добива и од оваа дејност. Таа работи и по нарачка, така што денес на простор од 6 250 квадратни метри во кампусот Етимесгут во Анкара, како и во работилницата во локалниот центар за справување со катастрофи во Ерзинџан се произведуваат разни видови шатори. Еден дел од приходите Црвената полумесечина се добиваат и од производство на флаширана минерална вода во првата и најголемата фабрика за минерална вода во Турција, Балканот и на Блискиот Исток. Денес во фабриката во Ерзинџан во Источна Турција се произведуваат околу 50 илјади шишиња минерална вода на час. Продажбата на класична минерална и минарална вода со вкус на разно овошје достигнува сериозни цифри, еден дел од приходот се користи за услугите на Црвената полумесечина од областа на социјалната помош и помош при катастрофи.

Како организација која одблиску се грижи за јавното здравје Црвената полумесечина ја презела и мисијата на основање на трансфузиолошки центри ширум Турција. Првиот од нив бил формиран 1957 г. Денес таа поседува 15 регионални трансфузиолошки центри, 62 крводарителни центри и мобилни крводарителни единици во земјата. Со проекти за крводарителство кои ги води оваа организација од 2008 година стапката на крводарителство е зголемена четирипати во однос на почетокот на проектите. Таа има зацртана цел да ги задоволи годишните потреби од 2 милиона и 100 илјади единици крв во земјата преку донатори и волонтери.

За помош во услугите од јавното здравје Црвената полумесечина основала диспанзери за дијагностицирање и лекување. Првиот диспанзер бил отворен во Истанбул во 1950 г. Диспанзерите со текот на времето во согласност со зголемениот интерес на јавноста израснале во модерни медицински центри и болници, така што денес Црвената полумесечина има 3 медицински центра и 2 болници опремени со модерна технологија и стручњаци од сите области како и 35 центри за прва помош.

Турската полумесечина како организација која делува и вон природни и хуманитарни катастрофи има направено голем подем во социјалните услуги од кои се исползуваат повеќе од 300 илјади жители. Во текот на цела година во 13 народни кујни се служи топло јадење за сиромашните граѓани. На старите, изнемоштени и болни луѓе кои не можат да доаѓаат сами во кујните во специјални контејнери им се носи храна дома. Во соработка со ланецот на големи продавници, со донациите на граѓаните и од сопствените средства на Црвена полумесечина се подготвуваат прехранбени пакети кои им се делат на граѓаните со потреби од таков вид помош. Од друга страна, се дава парична помош и со Проектот за платежна банковна картичка, кој се смета за најголема програма за парична помош во светот и која се води заеднички од ОН, ЕУ, повеќе турски министерства и институции со кој на оние кои имаат потреба наместо понудената им дава можност да ја купат храната која им е навистина потребна. Генералниот директор Ѓулуолу истакнува дека овој проект бил започнат со 350 милиони евра и достигнува денес сума од 650 милиони евра, а зацртаната цел е сума од 1 милијарда евра.

Асуде А. Кочан



©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Daily news

Демонстранти во Аргентина бараа да остане во сила законот против абортус

Објавено пред

Неколку стотини луѓе протестираа поради нацрт-закон за укинување на забраната за абортус во Аргентина.

На собирот организиран со слоган „За живот“ тие го осудија нацрт-законот што неодамна е поднесен во парламентот на разгледување.

„Оваа расправа не треба да се одржи бидејќи станува збор за избор помеѓу животот и смртта“, рекоа демонстрантите што носеа плакат „Легално или илегално, абортусот убива“.

Абортусот во Аргентина е дозволен само доколку бременоста е последица на силување или го загрозува животот на жената. Годишно во оваа земја умираат 100 жени поради компликации предизвикани од нелегален прекин на бременоста.

Надлежниот одбор на парламентот ќе расправа за предлог-законот на 20 март, а два месеца подоцна и пленумот. Засега не е извесно дали овој предлог-закон ќе биде усвоен.

Прикажи повеќе...

Daily news

Притворен 23-годишен маж за нападот во Виена

Објавено пред

Австриската полиција соопшти дека притворила 23-годишен маж, осомничен за нападот со нож во Виена, при што беа повредени четири лица.

Порпаролот на полицијата, Патрик Мајерхофер, соопшти дека осомничениот бил притворен набргу кога 20-годишен маж прободен со нож бил хоспитализиран со повреди опасни за живот. Полицијата и понатаму истражува дали истото лице го нападнало и тричленото семејство што синоќа беше избодено во центарот на Виена.

Службените лица не објавија детали за идентитетот на осомничениот.

Во полициското соопштение се наведува дека сите членови на семејството, 65-годишен маж, 56-годишна мајка и нивната 17 годишна ќерка, имаат повреди опасни по живот и се одведени во болница. Нивните имиња не се наведени.

Синоќа непознат напаѓач со нож нападна семејство, по што побегна, а за време на бегството повреди уште едно лице.

Прикажи повеќе...

Daily news

Летовите до Израел ќе поминуваат низ воздушниот простор на Саудиска Арабија

Објавено пред

Авион на „Ер Индија“ денеска леташе помеѓу Њу Делхи и Тел Авив во воздушниот простор на Саудиска Арабија, со што се стави крај на 70-годишната политика на Ријад.

Саудиска Арабија, која не го признава Израел, досега не дозволуваше меѓународни летови кон Израел во саудискиот воздушен простор, но промената на оваа политика може да биде знак на одмрзнување на односите меѓу Израел и кралството, со оглед на тоа што и двете земјите ја делат загриженоста за иранското влијание во регионот.

Во понеделникот израелскиот премиер Бенјамин Нетанјаху изјави дека индиската авиокомпанија добила дозвола да прелета над Саудиска Арабија, но неговите зборови не беа првично потврдени ниту од Ријад ниту од седиштето на „Ер Индија“.

Новата воздушна линија заштедува околу два часа лет помеѓу Њу Делхи и Тел Авив, а авиокомпанијата планира да спроведува по неколку вакви летови неделно. Не е соопштено дали правото го добиле и други авиокомпании или тоа важи само за авиони на „Ер Индија“.

Прикажи повеќе...

Најново

Македонија1 час

Република Илинденска Македонија е име со временска одредница, му реплицираат од Владата на Ципрас

Република Илинденска Македонија е име со временска одредница кое се повикува на конкретни датуми од минатото и е реална можност...

Македонија3 часа

Грчките политички лидери не го прифаќаат предлогот за решавање на спорот за името

Грчката влада соопшти дека предлогот за решавање на спорот околу името на Македонија треба да содржи географскa или временска одредница....

Македонија19 часа

(Видео) Иванов: Став за новиот предлог ќе изградам откако ќе го добијам на писмено

Се додека не добијам писмена достава за она што се разговарало на средбите помеѓу Македонија и Грција во врска со...

Македонија19 часа

(Видео) Мицкоски: ВМРО-ДПМНЕ не прифаќа промена на името и Уставот

ВМРО-ДПМНЕ останува на ставот од минатото дека нема да поддржи промена на Уставот и промена на уставното име, рече лидерот...

Македонија19 часа

(Видео) Република Илинденска Македонија е предлогот за името

По денешната лидерска средба премиерот, Зоран Заев, во изјава за медиумите обелодени дека предлогот за кој разговарале со неговиот грчки...

Македонија21 час

(Видео) Угриновски по трет пат избран за претседател на Федерацијата на планинари

Јовица Угриновски попладнево по трет пат е избран за претседател на Федерацијата на планинари.  Тој беше единствен кандидат за оваа...

Македонија21 час

Мицкоски: Да се обединиме против злото, а тоа е Зоран Заев

ВМРО-ДПМНЕ ќе ги искористи сите алатки кои што му стојат на располагање да се бори против оваа ненародна власт и...

Македонија22 часа

Група граѓани со транспаренти и патриотски песни ги пречекуваат учесниците на лидерската средба

Група граѓани со транспаренти и пеејќи патриотски песни ги пречекуваат лидерите на партиите кои денеска попладне во Клубот на пратеници...

Свет1 ден

(Во живо) Кралската свадба на принцот Хари и Меган

Меган Маркл официјално ќе стане дел од британското кралско семејство. Церемонијата ќе се одржи напладне во Сент Џорџ капелата и...

Свет1 ден

(Видео) Сe е подготвено за спектакуларната кралска венчавка 

Камерите и фотоапаратите на светските медиуми викендов се свртени кон најголемиот настан за кралското семејство, венчавката на принцот Хари и...

Економија2 дена

(Видео) Тасева обвини дека проблемот во „Фени“ е поголем од оној во „Скопје 2014“, бара државните институции да го испитаат

Стечајната судијка на „Фени“ направила формална повреда на Законот за стечај оти не го отфрлила планот за реорганизација на комбинатот...

Култура2 дена

Петиција против пазарењето со културата – Не шуткајте нè во невидливи ќошиња

Интензивни реакции на социјалните мрежи по шпекулациите дека Владата преговара со Беса за ресорот култура. Оваа информација не ја потврдија...

Македонија2 дена

Грујевски и Бошкоски нема да бидат екстрадирани, одлучи Врховниот суд во Атина

Горан Грујевски и Никола Бошкоски нема да бидат екстрадирани во Македонија за да им се суди за децениското нелегално прислушување. Врховниот...

Македонија2 дена

Од Владата не коментираат за Република Илинденска Македонија

Република Илинденска Македонија неофицијално е последниот предлог за решение на спорот за името за кој вчера во Софија дискутирале премиерите...

Македонија2 дена

„Катимерини“: Името Илинденска Македонија е предлог на ФИРОМ

Името Илинденска Македонија (што означува два историски настана од 1903 и 1945 година), според информациите што доаѓаат од страна на...

Македонија2 дена

Јанушев: Итна лидерска средба за името, Заев да каже кои се опциите што ги договорил со Ципрас

Од ВМРО-ДПМНЕ соопштија дека изминатите денови неколкупати јавно побарале од премиерот Заев одржување лидерска средба во врска со името, но...

Македонија2 дена

Каракачанов: Едно од можните решенија е Илинденска Македонија

Илинденска Македонија е едно од можните имиња за Македонија кое било договорено вчера меѓу премиерите на Македонија и Грција. Слушнав...

Македонија2 дена

ВМРО-ДПМНЕ: Судиите се под притисок, сите однапред ги знаат пресудите за „Тенк“ и „Поткуп“

Правосудството во Република Македонија е на колена, а судиите се во грч и работат под политички притисок. Споредбата како се...

Свет2 дена

Трамп нема да биде обвинет додека е претседател, тврди Џулијани

Специјалниот советник, кој ја води истрагата за наводна вмешаност на Русија во претседателските избори во САД во 2016 година, Роберт...

Регион2 дена

Хрватска го презеде претседавањето со Советот на Европа

Хрватска од денеска го презеде претседавањето со Советот на Европа, првпат откако стана негова членка пред 22 години. Хрватска го презема...

Досие