Францускиот парламент го усвои законот за етика во политичкиот живот

Францускиот парламент го усвои законот за доверба во политичкиот живот, пренесе ТАСС.

Текстот на законот беше одобрен од 412 пратеници, 74 беа „против“, а 63 се воздржаа од гласање.

Овој нормативен акт е завршниот дел од законскиот проект за етика во политичкиот и општествениот живот, чија прва половина парламентот ја усвои на 3 август.

Пакетот од два закона соддржи гаранции за транспарентност и отчетност на работата на политичките институции и активностите на министрите и пратениците. Тој создава серија важни пречки пред корупцијата и обидите за расфрлање на државни средства.

По барање на владата се завршува со праксата на користење средства од одамна постојниот парламентарен фонд во износ од 136 милиони евра. Пратениците од него можеа слободно да добиваат по 130.000 евра, а сенаторите по 153.000 евра за финансирање разни проекти во своите изборни окрузи.