Хилари Клинтон основа движење насочено против Трамп

Американската политичарка Хилари Клинтон основа ново движење наречено „Заедно напред“, кое ќе им дава поддршка на групите кои ги охрабруваат луѓето да се вклучат во политиката и кои се противат против администрацијата на претседателот Доналд Трамп, пренесуваат светските агенции.

Со оваа објава Клинтон го најави своето враќање во политичката сцена, по изборниот пораз од Трамп во ноември минатата година.

„Последниве неколку месеци размислував, бев заедно со семејството и шетав низ шумите“, напишала Клинтон на својот Твитер профил.

„Повеќе отколку кога било верувам дека ангажманот на граѓаните е важен за нашата демократија. Ме инспирираат сите кои истапуваат напред за да организираат и водат“, порача Клинтон./крај/мф/бс