Членките на ЕУ можеби ќе бидат принудени наскоро да го воведат еврото како национална валута

Данска, а и другите членки на ЕУ, можеби наскоро ќе бидат принудени да го воведат еврото како национална валута, пишуваат германските медиуми.

Иако Данците веќе на референдум гласаа против воведувањето на еврото, Европската комисија би можела да ја присили оваа скандинавска земја, сепак, да ја усвои единствената европска валута. Документите околу ова стигнале до медиумите на минатонеделниот состанок во Стразбур, а во нив пишува дека Комисијата сака сите 27 земји членки на Унијата да го усвојат еврото до 2025 година.

Претставниците на ЕУ наводно ќе бараат буџет кој ќе биде усогласен со еврото и ќе има фиксна даночна уплата од страна на сите држави членки. Меѓутоа, еврокомесарот задолжен за еврото, Валдис Домбровскис, вели дека сето ова е погрешено пренесено.

„Имаше некакви забуни. Она за што ќе расправме во следниот период е каква ќе биде монетарната унија во иднина. Тоа не значи дека членките ќе мораат да го усвојат еврото. Не одредивме ниту некоја временска одредница, но секако ги охрабруваме членките да се подготват за неопходните мерки“, рекол тој.

Еврото во моментот го користат 19 членки на блокот, а деветте преостанати земји, вклучувајќи ги Бугарија, Хрватска, Чешка, Данска, Унгарија, Полска, Романија, Шведска и Велика Британија, не го користат еврото како национална валута./крај/мф/бс