Контакт

Daily news

Што мажите сакаат да знаете, а се срамат тоа и да го кажат?

Објавено пред

Постојат работи кои можеби не се „политички“ коректни за зборење, но на мажите многу им значат.

Следат 13 такви теми.

Мажите сакаат да зборуваат за секс на почетокот на врската, но не знаат како

Кога уште на вториот состанок би поставил прашања за тоа што ве возбудува и каков секс сакате, веројатно би биле шокирани и би побегнале од него. Тоа им е важно и сакаат да зборуваат за тоа, но се плашат дека ќе помислите дека е нападно.

Поважно им е кои сте, од тоа што работите

Кога зборувате за тоа кој факултет сте го завршиле или за напредувањето во работата, среќни се поради вас, но поради тоа нема да посакаат да бидат со вас. Повеќе ја ценат вашата личност од деловниот успех. Дали сте забавни, љубезни, нежни? Мажите се вљубуваат во тие работи.

Се плашат дека сте заинтересирани само за една работа

Жените се плашат дека тоа е сексот, а мажите дека тоа се парите. Ноќен кошмар им е дека ќе се претворат во паричник на две нозе.

Ако им дадете малку простор, ќе ви симнуваат ѕвезди од небото

На мажите им треба место на кое ќе бидат сами со себе, ќе размислуваат, ќе лечат рани. Тоа нема врска со вас. Ако можете да им обезбедите такво место, ќе знаат дека ги разбирате и ќе бидат подготвени да застанат пред воз за да ве заштитат.

Примаат толку различни сигнали што понекогаш не знаат како да се однесуваат

На работа сакате еднаквост, на состанок да планира и да преземе водство. Во многу ситуации важни се заедничките искуства, но тешко можат секогаш да се планираат и да се предвиди успех.

Не се плашат од врзување, се плашат дека ќе се претворат во „папучари“ на кои жените постојано им приговараат, во какви се претвориле нивните пријатели

Стравот од врзување е погрешно протолкуван. Тие се плашат да бидат со една жена до крајот на животот. Се плашат дека врската ќе ги претвори во нешто што не го препознаваат. Дека ќе престанат да прават работи кои ги сакаат, само поради саканото лице.

Многу им е тешко бидејќи секогаш мора да бидат иницијатори

Се однесуваат како да им е сеедно, но тоа е затоа што немаат избор. Од секогаш морале да бидат подготвени на лов, на преземање на иницијатива и ризик од одбивање.

Сфатете, мажите сакаат да ги поправаат нештата. Ако постојано мора да слушаат за вашите проблеми кои не можат да ги решат, ќе се чувствуваат слабо

Жените понекогаш не сакаат мажот да им понуди решение за некој проблем, сакаат само некој кој ќе ги слуша. Но, тие не можат само да слушаат и да кажат: Тоа е грозно. Сакаат да го решат проблемот и тешко им е да разберат зошто не сте заинтересирани да слушнете решение за проблемот кој ве мачи.

Потребни им се пријатели. Можеби на вас ви изгледа како само да пијат пиво, но тие така емоционално се поврзуваат

За разлика од жените кои се наоѓаат со пријателките и разговараат за љубовта и животот, мажите се наоѓаат и прават разни работи. Гледаат натпревари, играат игрици. Тие дружби се важни за нивното поврзување и такви врски им се потребни, иако понекогаш се срамат тоа да го признаат.

Тоа дека патот до љубовта оди преку стомакот, тоа е точно

Не очекуваат да бидете врвна готвачка, но ако подготвувате вкусна храна и сакате тоа да го правите, за мажот сте полн погодок.

Страствени се околу работи кои за вас се незначајни – автомобили, спорт, игрици. Не мора да ги сакате, но не ги омаловажувајте

На мажите им требаат начини да побегнат од секојдневието кое ги притиска. Можете некогаш да се шегувате на таа сметка, но ако ви помине во навика да ги омаловажувате неговите хобија, тоа може сериозно да наштети на вашата врска.

Поедноставни се од вас, но чувствителни се околу работи кои им се важни

Мажите можеби имаат поедноставни потреби од жените, но тоа што е важно навистина е важно. Да ги прифатите такви какви што се. Да покажувате приврзаност и љубов. Да сте благодарни кога се жртвуваат. Листата варира од мажи до мажи, но тоа е клучно за нивното емоцинално здравје.

Сакаат да бидете среќни

Мажите живеат подолго и многу посреќно ако се во врска исполнета со љубов. Наспроти предизвиците во пронаоѓање на врската и трудот кој го вложуваат таа да успее, тие тоа го сакаат исто толку колку и вие.



©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Daily news

Прва правна конференција Tres Partes

Објавено пред

На 26 декември година во хотелот „Континентал“, со почеток во 10 часот, ќе се одржи првата правна конференција Tres partes, во организација на „Јанаки знае“, а ќе биде поделена во три дела.

Првиот дел е со работен наслов „Дали е потребно укинување на извршителите?”, на кој ќе учествуваат Зоран Василевски, кој ќе ја застапува тезата ПРО укинување на извршителите, извршител Снежана Андреевска, која ќе ја застапува тезата КОНТРА укинување на извршителите и извршител и поранешен судија за извршување, Христо Јованов, кој ќе предава во делот на извршувањето пред да се укинат судиите извршители.

Вториот дел е со работен наслов „Дали се шаблонизира институтот надомест на нематеријална штета“, на која предавачи ќе бидат адвокатката Маруша Митровска, судијката Љубица Колиќ од Основен суд Скопје 2 и судијата Ѓорѓи Радојков од Апелациониот суд Скопје.

Третиот т.н. кривичен дел е со работен наслов „Неприменување на кривично-правните институти“, во кој предавачи ќе бидат адвокатот Јанаки Митровски, Никола Тупанчевски, редовен професор по казнено право при „Јустинијан Први“, Александра Деаноска, вонредна професорка по казнено право при „Јустинијан Први“, и Оља Ристова, судијка при Основниот суд Скопје 1.

Предвиден е и интерактивен дел со публиката преку поставување прашања и коментари од учесниците.

 

Прикажи повеќе...

Daily news

Груевски оди во затвор – Апелација му ја потврди казната

Објавено пред

Апелациониот суд Скопје, постапувајќи по кривичниот предмет познат во јавноста под името „Тенк“ по одржана јавна седница, донесе пресуда со која му ја потврди двегодишната затворска казна на премиерот Никола Груевски. „Жалбите на обвинетиот Никола Груевски изјавени лично и преку неговите бранители ги одби како неосновани, а првостепената пресуда ја потврди во целост, со што му ги потврди двете години затворска казна“, пишува во соопштението од судот.

Второстепениот суд делумно му ја уважи жалбата на Ѓоко Поповски и му ја намали казната на 4 години и 6 месеци, а во останатиот дел првостепената одлука ја потврди.

За Гордана Јанкулоска за „Тенк“ е издвоена во друга постапка и пресудата за неа, под обвинение дека ја злоупотребила службената положба и го натерала Поповски да го намести тендерот за „мерцедесот“ што го посакал Груевски, ќе биде изречена на 8 октомври.

Прикажи повеќе...

Daily news

Бизнисменот Минчо Јорданов треба да сведочи дали бил уценет со пари во шпионската афера

Објавено пред

Spion

Бизнисменот Минчо Јорданов утрово во кривичниот суд е повикан да сведочи во предметот што го презеде специјалното јавно обвинителство под кодно име „Шпион“.

Обвинетите Миќо Наскоски, Зоран Божиновски и Марјан Маџовски, како што рече на минатото рочиште обвинителката Елизабета Јосифовска, со цел да се стекнат со противправна имотна корист, му се заканиле на бизнисменот Минчо Јорданов дека ќе објават податоци за наводна криминална приватизација и откуп на акциите во АД „Бетон“ и на други негови фирми. Во намерата не успеале, а Јорданов не ги исплатил парите.

„Обвинетиот Александар Диневски прибавувал податоци со степен на државна тајна, а потоа ги доставувал или директно на странските разузнавачки служби или му ги давал на обвинетиот Марјан Ефремов, кој ја формирал групата за уцени, изнуди и шпионажа и ја координирал од 2009 до 2013 година, регрутирајќи нови членови во мрежата. Со обвинетиот Мирослав Зафировски од УБК прибирале податоци за луѓе од ЦИА присутни во Македонија и за штаб на ЦИА во Ирак. Тие прибирале и податоци за организациската поставеност на УБК“, рече Јосифовска за „Шпион“, кое СЈО врз база на нови прислушувани разговори го презеде од Обвинителството за гонење организиран криминал и корупција.

Ефремов, според обвинението, групата за изнуда и тргување со тајни информации од безбедносните служби на Македонија ја направил во 2009 година и, како што тврди обвинителството, тој е мозокот на целата операција. Информациите им ги продавале на Кост Н. од грчката разузнавачка служба, Петар Н. и Јуриј Н. од унгарската и на други лица од странски разузнавачки служби.

Секој од обвинетите, зависно од тоа во која институција работел, снимал службени документи, кои потоа им ги продавал на грчката, руската, унгарската и српската разузнавачка служба. Обвинети во овој случај се и тогашниот шеф на Кабинетот на претседателот на Собранието, Трајко Вељаноски, генералот Горан Стојков, Миќо Насковски, Ѓорѓи Хаџимицев, Цветан Дамјановски (заедно со други нивни колеги од МВР, УБК, АР и Военото разузнавање, кои дел се веќе осудени) и Зоран Божиновски, кој во групата имал улога ако уценуваните не дадат пари, тој да ги објавува, како што вели обвинителката, во порталот „Буревесник“ или во други медиуми во кои работел. Божиновски е обвинет за злосторничко здружување, шпионажа и уцена.

Обвинетите не се чувствуваат виновни, а тврдат и дека целиот процес е монтиран. Во предметот првично беа опфатени 19 лица, од кои неколкумина ја одлежаа затворската казна. Предметот го суди судијата Владимир Туфегџиќ. На конференциска врска треба да сведочи и Драган Даравелски, кој, според обвинението, исто така бил уценуван од обвинетите.

Прикажи повеќе...

Најново

Свет28 минути

Секој десетти заболен од ковид-19 во Англија е медицински или социјален работник

Десет проценти од сите инфекции со ковид-19 во Англија забележани меѓу 26 април и 7 јуни, биле меѓу здравствени или...

Регион2 часа

Црна Гора воведе карантин за сите што доаѓаат од Србија

Националното координативно тело за заразни болести во Црна Гора најави неколку епидемиолошки мерки за целата земја и особено за северот...

Македонија2 часа

Филипче: Се подготвуваат капацитети за есен – ќе се поставува модуларна амбуланта до Клиниката за пулмологија

Министерот за здравство Венко Филипче информираше дека здравствениот систем веќе се подготвува за нов бран на ковид наесен во однос...

Македонија2 часа

Управниот суд ја отфрли тужбата на Наќе Чулев против Владата

Владата соопшти дека како тужена страна го доби решението од Управниот суд, со кое тужбата на тужителот Министерство за внатрешни...

Свет3 часа

Мелбурн ставен во карантин поради коронавирусот

Вториот по големина австралиски град, Мелбурн, ќе биде ставен под карантин поради коронавирусот, пренесе агенцијата АФП. Засега нема повеќе информации...

Свет3 часа

Коронавирусот може да се пренесе преку воздухот, тврдат 239 научници во отворено писмо до СЗО

Ако е точно дека коронавирусот се пренесува преку воздухот, тоа значително ќе влијае на мерките за нејзина контрола, пишува „Њујорк...

Македонија14 часа

„Правда за Кољо“ – нов протестен марш во Аеродром

Стотина млади лица вечерва одржуваа протестен марш од скопската населба Аеродром до кривичниот суд, носејќи транспарент „Правда за Кољо“. Граѓаните,...

Македонија14 часа

Шилегов: И вториот тест е негативен, невидливиот противник е победен

„Вечерва ги добив резултатите од вториот тест на Ковид-19. Како и вчерашниот, и денешниот е негативен.И официјално, невидливиот противник е...

Свет15 часа

Руските власти ископале ров околу село за да го заштитат од Ковид-19

Руските власти ископале ров околу оддалечено сибирско село за да го стават во карантин, откако десетици жители се заразиле со...

Регион17 часа

Во Србија шест лица починаа од коронавирус, регистрирани 289 новозаразени

Во последните 24 часа во Србија од ефектите на коронавирусот починаа уште шест лица, додека  регистриранисе  289 новозаразени лица, соопшти...

Македонија19 часа

ДИК со герила-акција во Охрид и Струга: Ти си на ред! Гласај безбедно!

Државната изборна комисија ја води кампањата „Ти си на ред“ за претстојните предвремени парламентарни избори 2020. Со герила-акција, за првпат...

Македонија20 часа

Во просек 13 отсто од тестираните на коронавирус во земјата се позитивни

Во просек 13 отсто од тестираните на Ковид-19 се позитивни, а неделно се прават 8.000 теста, истакна министерот за здравство,...

Македонија21 час

(Интервју) Бачев: Ќе коалираме со онаа партија што ќе се залага за враќање на уставното име

Поништување на преспанскиот договор, поништување на договорот со Бугарија, враќање на уставното име на државата – се црвените линии под...

Македонија21 час

Обвинителот Бубевски заболен од коронавирус, Фатиме Фетаи е во самоизолација

Обвинителот Гаврил Бубевски, кој беше дел од СЈО, а сега е дел од скопското Обвинителство и ги застапува предметите „Насилство...

Регион21 час

Чедомир Јовановиќ објави фотографија од болница: Уморен сум, сè уште ми е неопходен кислород

Лидерот на српската Либерално-демократска партија ЛДП, Чедомир Јовановиќ, се огласи на „Твитер“ од Клиниката за инфективни болести во Белград, каде...

Македонија22 часа

Петмина починати и 78 новозаболени од Ковид-19 во земјата

Министерството за здравство информира дека во последните 24 часа направени се 894 тестирања, а регистрирани се 78 нови случаи на...

Македонија23 часа

(Видео) Санчез: Се надевам дека по 15 јули, Северна Македонија ќе остане со проевропска влада

Се надевам дека по изборите на 15 јули, Северна Македонија ќе продолжи со ваква проевропска влада, влада што ќе остане...

Регион1 ден

(Видео) И покрај забраната, Грција им дозволи влез на српските туристи кои со часови чекале на граница

Грција донесе одлука од денеска од 6 часот наутро повторно да ги затвори границите за Србија по порастот на бројот...

Топ1 ден

Притвор за двајцата скопјани што киднапираа Италијанка

Судот им определи притвор од осум дена на двајцата скопјани што киднапираа Италијанка. Тие се осомничени за кривично дело противправно...

Култура1 ден

Почина легендарниот композитор Енио Мориконе

Познатиот италијански композитор Енио Мориконе почина на 91-годишна возраст. Мориконе се смета за еден од највлијателните филмски композитори од доцните...

Досие