Контакт

Daily news

Што се крие зад интересот на Вучиќ за Македонија – Малески: ако не си на масата ќе се најдеш на менито

Објавено пред

Политичката криза во Македонија трае подолго време и јасно е дека постојат безбедносни импликации за целиот регион доколку таа не биде превенирана во најбрз можен рок. Оттаму не е чудно што соседните земји, односно нивните политички првенци, покажуваат јавна загриженост за нашите проблеми. Албанскиот премиер Еди Рама од познатите причини и тоа како е инволвиран преку партиите на македонските Албанци, но додека Бугарија и Грција некако се држат на пристојна дистанца, се уште актуелниот српски премиер и новоизбраниот претседател на државата српска, Александар Вучиќ во последно време нагласено се заинтересира за „македонцките работи“. За само неколку дена, при не баш толку вообичаените средби со оние што сакале ние или не, ја одредуваат судбината на светот, тој покрај за српските пронашол време (или му било наметнато) да разговара и за македонските политички собитија. Пред изборите за претседател на кои убедливо победи уште во првиот круг со фантастични 55 проценти од гласовите, Вучиќ се сретна со рускиот претседател Владимир Путин и веднаш потоа, на еден бенигнен начин, како да е во прашање поставување цевковод во Крагуевац, пред српските медиуми соопшти дека Путин е сериозно загрижен за состојбите во Македонија. И не само тоа туку од разговорите со него „добил впечаток“ дека Русија не ѝ дава поддршка на владата која сака да ја формира лидерот на СДСМ, Зоран Заев, заедно со албанските партии.

– Мислам дека се мошне загрижени и тоа можам да го појаснам на начин така што колку западните сили ја поддржуваат владата на Заев и албанските партии, толку ми изгледа дека рускиот претседател не е на таа страна – изјави српскиот премиер по средбата со Путин .

Неколку дена подоцна го избраа за претседател на државата. Веднаш потоа низ Србија се дигнаа најпрвин студентите, а потоа следуваа и општонародни протести поради стравичната корупција, лошиот здравствен систем, катастрофалната состојба во образованието, медиумскиот мрак…Протестите се навистина  масовни, но засега мирни, а токму самиот Вучиќ речиси ноншалантно забележа дека нема ништо против народот „да се бунтува“ се додека тоа го прави на мирен и цивилизиран начин. Како ќе се развива оваа нова ситуација во соседната земја тешко е да се предвиди. Демонстрантите се гневни и инвентивни, но, се чини, како да чекаат некој отстрана да дојде и од општиот гнев да им го извади она најсуштественото и најконкретното за кое би се бореле. Притоа Вучиќ едноставно нема достоен ривал во актуелната опозициска понуда, што пак му овозможува релативно комотна позиција на народен водач кој еве, им дозволува на поданиците повремено да се испукаат на улица, да ги исплачат сите стресови и нервози низ песни и слогани а потоа кроце покроце да му се вратат на своето мало и можеби не толку важно секојденвие.

Вучиќ пренесува загриженост

Но, добро. Додека Србија станува на нозе, Вучиќ собира ловорики на меѓународна сцена. Се сретна со германската канцеларка Меркел која го испофали. Веднаш по победата на изборите доби аплауз од сите во соседството и пошироко. Србија веќе некое време се легитимира како единствена на Западниот Балкан која фатила приклучок кон ЕУ интеграциите, а истовремено успева и да си ги задржи повеќе од пристојните релации со Русија и со Кина. И ете во такви околности во Белград дојде сенаторот Џон Меккејн, познатиот „јастреб“, предводник на радикалната струја во американскиот естаблишмент која се залага за бескомпромисна борба против руското враќање на големата сцена. И со оваа американска сива еминенција, расправајќи за проблемите со кои се соочува грешната планета, Вучиќ повторно се допре за Македонија. Не знаеме што точно се зборувало зад затворени врати, се разбира, но по средбата новоизбраниот српски претседател изјави дека ситуацијата во Македонија е од „суштинско значење за сите на Балканот“ и дека се надева оти „состојбите во оваа земја ќе се одвиваат мирно и со почитување на македонските закони“.

– За нас тоа е од ужасно големо значење. Бидејќи ако се незадоволни Албанците, може да имаме проблеми на југот на Србија. Ако имате меѓусебни македонски судири , што никој не ги посакува, ќе има големи и тешки последици за сите нас. Да не споменувам дека тоа ќе доведе до несигурност во привлекувањето на инвеститорите, соопшти Вучиќ на прес конференцијата со Мекејн.

 Аналитичари: Србија се наметнува како регионален фактор, наше е да се избориме за сопствените интереси

Го прашавме професорот и поранешен министер за надворешни работи Денко Малевски како ја толкува заинтересираноста на Вучиќ за кризата во нашиот сокак. Се обидовме да импутираме дали можеби постојат некои тајни сметки, подготвени сценарија за надворешен инженеринг или се во прашање пораки кои меѓународниот фактор ни ги испраќа преку лидерот на соседната земја, но професорот не се даде. Беше дециден: Србија е регионална сила која се обидува да се наметне и како регионален фактор на стабилност. Ама, за она што нам ни се случува – сами сме си виновни:

– Ако не можеме сами да ги средиме состојбите внатре и ако не можеме да се презентираме како стабилна држава, ако не сме во состојба да ги завршиме интеграциите со што би си го зајакнале статусот – тогаш неминовно доаѓаме до момент кога Македонија станува предмет на дискусија меѓу соседните земји, како и предмет на дискусија на соседите со битните земји на меѓународен план. Наједноставно речено: ако не си на масата ќе бидеш на менито – потенцира професорот Малески.

За поранешниот дипломат и редовен аналитичар на политичките настани во земјава, Ристо Никовски состојбите не се толку едноставни. Смета дека активното интересирање на српскиот премиер за Македонија е пред се негова идеја да биде некаков лидер во регионот иако предупредува дека споменувањето на нашата земја во разговорите со личности како Путин и Мекејн го покажува и нивниот нагласен интерес за случувањата кај нас. Интересно, Никовски верува дека за Вучиќ, без разлика што во моментов изгледа како соодветен партнер, западните сили имаат малку поинакви планови:

– Јас би спомнал дека состојбите кај нас и во Србија се по многу нешта слични и покажуваат дека Западот, поточно САД не сакаат силни лидери и прават се за да ги урнат. По Груевски, станува очигледно кој ќе биде следен и мислам дека сега е на тапет и самиот Вучиќ – ни изјави Никовски.

Не е ни малку лесно да се прогнозираат идните потези на македонската шаховска табла ниту пак е можно да се предвидат точните последици од изборот што ќе биде направен во периодот кој следува. Дилемите се дали и соседството и пошироката околина, а и „големите“ ќе се водат од сопствените интереси и ќе ја бараат личната корист или мудро ќе излеземе од сопствените тесни пештери и заеднички ќе побараме излез од темницата преку дијалог, цивилизираност и колективно чувство за критичноста на мигот. Во спротивно, да го цитираме професорт Малески уште еднаш, ако не седнеме на масата, некој сигурно ќе не стави во менито.

Драган Милосављевиќ

 

 

 

 

 

 

 



©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Daily news

Прва правна конференција Tres Partes

Објавено пред

На 26 декември година во хотелот „Континентал“, со почеток во 10 часот, ќе се одржи првата правна конференција Tres partes, во организација на „Јанаки знае“, а ќе биде поделена во три дела.

Првиот дел е со работен наслов „Дали е потребно укинување на извршителите?”, на кој ќе учествуваат Зоран Василевски, кој ќе ја застапува тезата ПРО укинување на извршителите, извршител Снежана Андреевска, која ќе ја застапува тезата КОНТРА укинување на извршителите и извршител и поранешен судија за извршување, Христо Јованов, кој ќе предава во делот на извршувањето пред да се укинат судиите извршители.

Вториот дел е со работен наслов „Дали се шаблонизира институтот надомест на нематеријална штета“, на која предавачи ќе бидат адвокатката Маруша Митровска, судијката Љубица Колиќ од Основен суд Скопје 2 и судијата Ѓорѓи Радојков од Апелациониот суд Скопје.

Третиот т.н. кривичен дел е со работен наслов „Неприменување на кривично-правните институти“, во кој предавачи ќе бидат адвокатот Јанаки Митровски, Никола Тупанчевски, редовен професор по казнено право при „Јустинијан Први“, Александра Деаноска, вонредна професорка по казнено право при „Јустинијан Први“, и Оља Ристова, судијка при Основниот суд Скопје 1.

Предвиден е и интерактивен дел со публиката преку поставување прашања и коментари од учесниците.

 

Прикажи повеќе...

Daily news

Груевски оди во затвор – Апелација му ја потврди казната

Објавено пред

Апелациониот суд Скопје, постапувајќи по кривичниот предмет познат во јавноста под името „Тенк“ по одржана јавна седница, донесе пресуда со која му ја потврди двегодишната затворска казна на премиерот Никола Груевски. „Жалбите на обвинетиот Никола Груевски изјавени лично и преку неговите бранители ги одби како неосновани, а првостепената пресуда ја потврди во целост, со што му ги потврди двете години затворска казна“, пишува во соопштението од судот.

Второстепениот суд делумно му ја уважи жалбата на Ѓоко Поповски и му ја намали казната на 4 години и 6 месеци, а во останатиот дел првостепената одлука ја потврди.

За Гордана Јанкулоска за „Тенк“ е издвоена во друга постапка и пресудата за неа, под обвинение дека ја злоупотребила службената положба и го натерала Поповски да го намести тендерот за „мерцедесот“ што го посакал Груевски, ќе биде изречена на 8 октомври.

Прикажи повеќе...

Daily news

Бизнисменот Минчо Јорданов треба да сведочи дали бил уценет со пари во шпионската афера

Објавено пред

Spion

Бизнисменот Минчо Јорданов утрово во кривичниот суд е повикан да сведочи во предметот што го презеде специјалното јавно обвинителство под кодно име „Шпион“.

Обвинетите Миќо Наскоски, Зоран Божиновски и Марјан Маџовски, како што рече на минатото рочиште обвинителката Елизабета Јосифовска, со цел да се стекнат со противправна имотна корист, му се заканиле на бизнисменот Минчо Јорданов дека ќе објават податоци за наводна криминална приватизација и откуп на акциите во АД „Бетон“ и на други негови фирми. Во намерата не успеале, а Јорданов не ги исплатил парите.

„Обвинетиот Александар Диневски прибавувал податоци со степен на државна тајна, а потоа ги доставувал или директно на странските разузнавачки служби или му ги давал на обвинетиот Марјан Ефремов, кој ја формирал групата за уцени, изнуди и шпионажа и ја координирал од 2009 до 2013 година, регрутирајќи нови членови во мрежата. Со обвинетиот Мирослав Зафировски од УБК прибирале податоци за луѓе од ЦИА присутни во Македонија и за штаб на ЦИА во Ирак. Тие прибирале и податоци за организациската поставеност на УБК“, рече Јосифовска за „Шпион“, кое СЈО врз база на нови прислушувани разговори го презеде од Обвинителството за гонење организиран криминал и корупција.

Ефремов, според обвинението, групата за изнуда и тргување со тајни информации од безбедносните служби на Македонија ја направил во 2009 година и, како што тврди обвинителството, тој е мозокот на целата операција. Информациите им ги продавале на Кост Н. од грчката разузнавачка служба, Петар Н. и Јуриј Н. од унгарската и на други лица од странски разузнавачки служби.

Секој од обвинетите, зависно од тоа во која институција работел, снимал службени документи, кои потоа им ги продавал на грчката, руската, унгарската и српската разузнавачка служба. Обвинети во овој случај се и тогашниот шеф на Кабинетот на претседателот на Собранието, Трајко Вељаноски, генералот Горан Стојков, Миќо Насковски, Ѓорѓи Хаџимицев, Цветан Дамјановски (заедно со други нивни колеги од МВР, УБК, АР и Военото разузнавање, кои дел се веќе осудени) и Зоран Божиновски, кој во групата имал улога ако уценуваните не дадат пари, тој да ги објавува, како што вели обвинителката, во порталот „Буревесник“ или во други медиуми во кои работел. Божиновски е обвинет за злосторничко здружување, шпионажа и уцена.

Обвинетите не се чувствуваат виновни, а тврдат и дека целиот процес е монтиран. Во предметот првично беа опфатени 19 лица, од кои неколкумина ја одлежаа затворската казна. Предметот го суди судијата Владимир Туфегџиќ. На конференциска врска треба да сведочи и Драган Даравелски, кој, според обвинението, исто така бил уценуван од обвинетите.

Прикажи повеќе...

Најново

Свет19 минути

СЗО: Рекорден број нови случаи во Европа, пред нас е сериозна ситуација

Најновиот неделен биланс на бројот на нови случаи на коронавирус во Европа ги надмина бројките забележани кога пандемијата првпат го...

Економија32 минути

Жените се уште значително помалку платени од мажите за иста работа

Надлежните институции во соработка со приватниот сектор и синдикатите да развијат ефикасен механизам кој ќе придонесе за изедначување на платите...

Топ1 час

Тачи ќе му додели на Трамп „Орден на слободата“

Косово ќе му ја додели највисоката награда на американскиот претседател Доналд Трамп за неговата улога во помагањето на Косово и...

Европа2 часа

Чешка руши рекорди: за еден ден 3.130 нови случаи на Ковид-19

Во Чешка се регистрирани 3.130 нови случаи на коронавирус во последните 24 часа, што е најголем број на нови случаи...

Свет2 часа

Повеќе од 200 озлогласени криминалци избегаа од затвор

Затвореници во Уганда успеале да ги совладаат чуварите и најмалку 219 од нив успеаја да избегаат од затворот, со петнаесетина...

Регион2 часа

(Видео) Голем пожар во Мостар, состојбата е критична

Огромен пожар избувна синоќа во јужните предградија на Мостар, пренесуваат босанските медиуми. Според нив, пожарот зафатил површина од неколку километри,...

Македонија13 часа

Мајките на протест, бараат породилното отсуство да биде продолжено до крајот на годинава

Со барање за укинување на одлуката на 23 септември да се вратат на работа, мајките на деца до шестгодишна возраст...

Топ14 часа

Лажна дојава ја блокираше „Партизанска“ – место бомба, пронајдена вага

Голем број полициски екипи има пред познатата пекарница „Силбо“ во Скопје. Според досегашните информации од полицијата, станувало збор за дојава...

Свет14 часа

Навални номиниран за Нобелова награда

Рускиот опозициски лидер Алексеј Навални е номиниран за Нобелова награда за мир, најави Сергеј Ерофеев, професор на универзитетот „Рутгерс“ во...

Македонија15 часа

Мицкоски: Власта многу добро ги знае сторителите и нарачателите на нападот на Палевски

Власта многу добро ги знае сторителите и нарачателите на ваквиот крвав инцидент, порача лидерот на ВМРО-ДПМНЕ, Христијан Мицкоски, по веста...

Топ15 часа

Бизнисменот Љупчо Палевски претепан со метален предмет во Скопје

Бизнисменот Љупчо Палевски попладнево бил нападнат во Скопје. „Денеска околу 17:15 часот пријавено е дека на ул.Златко Шнајдер од страна...

Топ17 часа

Откриен случај на детска проституција, макро била 20-годишна велешанка

СВР Велес поднесе кривична пријава против Н.Д.(20) од Велес поради детска проституција. Во периодот од 4.7. до 13.7.2020 девојката во...

Култура17 часа

„Браќа Манаки“ ќе се одржи само еден ден во Битола и нема да има повеќе од 80 гости

Интернационалниот фестивал на филмска камера „Браќа Манаки“ нема да се одржи во својата реална форма, но достојно ќе биде одбележан...

Економија19 часа

Светската банка: Закрепнувањето на глобалната економија ќе трае пет години

Глобалното економско закрепнување од кризата предизвикана од пандемијата може да трае до пет години, изјави денеска главната економистка на Светската...

Македонија20 часа

Седуммина починати и 186 нови случаи на коронавирус во Македонија

Во последните 24 часа во Македонија седум лица починaа од коронавирус, а потврдени се 186 нови случаи од 1.674 теста,...

Македонија20 часа

ЗНМ повикува на транспарентна и непристрасна истрага за рекламирањето на партиите на последните избори

Здружението на новинарите на Македонија (ЗНМ) реагира на објавата на Основното jавно oбвинителство во која информираат дека е отворена истрага...

Македонија20 часа

(Видео) Костадинов: Односите со Бугарија ги градиме во духот на договорот за добрососедство

Македонскиот јазик e признат од целиот свет, односите со Бугарија ги градиме во духот на договорот за добрососедство, изјави портпаролот...

Македонија21 час

Владата: Потребата на родителите да не одат на работа е беспредметна

Обезбедена е целосна грижа и доволно места за децата во градинките, единствен логичен чекор е родителите да се вратат на...

Македонија22 часа

Целиот тим на ракометниот клуб Голден арт КЛ7 во изолација поради коронавирус

Ракометниот клуб Голден арт КЛ7 ги информира целокупната спортска јавноста и надлежните институции дека по натпреварот од второто коло на...

Македонија22 часа

(Видео) Ќе се гради пругата кон Бугарија

Новиот министер за транспорт и врски, Благој Бочварски, најави изградба на пруга на Коридорот 8, односно пругата до Бугарија. Тој...

Досие