Daily news
(Видео) ВМРО-ДПМНЕ: Двојазичноста и тиранската платформа стануваат реалност
Пратениците на парламентарното мнозинство предводено од СДС вчера ја гласаа потребата и го поминаа во прво читање неуставниот закон за двојазичност во целата држава. ВМРО-ДПМНЕ и пратениците гласаа против овој неуставен закон. За жал, 66 пратеници, сите до еден од парламентарното мнозинство предводено од СДС, гласаа за овој закон, рече Дарко Костовски од ВМРО-ДПМНЕ на денешната прес-конференција.
„ВМРО-ДПМНЕ ќе поддржи секој закон што е во рамките на Уставот и законите и кој е во полза на граѓаните, но никогаш, повторувам никогаш, нема да дадеме поддршка за закон што го руши уставниот поредок на Република Македонија и го менува нејзиниот карактер утврден со Уставот“, рече Костовски.
Заев велеше, како што нагласи Костовски, дека двојазичноста и тиранската платформа се само во главата на Груевски, но еве гледаме како станува вистина, упорно се турка закон што е против интересите на државата, против волјата на македонскиот народ, но и против соживотот во оваа држава.
„Мнозинството пратеници, меѓу кој Пендаровски, Локвенец, Тунтев, Богоевски, Туфегџиќ и другите од СДС, гласаа за двојазична Македонија. Овој закон ниту ќе им го подобри животот на граѓаните ниту, пак, ќе придонесе за подобар соживот, туку само ќе ги продлабочи разликите, ќе ја зголеми тензијата и ќе создаде нефункционална држава. Држава во која лекарите ќе мора да функционираат со преведувачи, полиција што ќе може да им се обраќа на граѓаните со јазик што можеби странките не го познаваат, држава во која ќе се наплаќаат глоби доколку не се познава јазикот и ќе се изложат општините и институциите на дополнителни трошоци“, рече Костовски.
Тој додаде дека најважно од сè е што е прегазен Уставот и рече дека оние што со криминал дошле на власт продолжуваат да владеат со криминал и носат неуставни решенија.
„Овој закон е дискриминаторски кон македонскиот јазик и другите јазици што ги говорат граѓаните во Македонија. ВМРО-ДПМНЕ предупредуваше дека ќе дојде до ова и дека целта на СДС и самата цел на нивно доаѓање на власт е редефинирање на државата по повеќе основи, тоа го видовме и со штетниот договор со Бугарија, со кој СДС го деградира македонскиот јазик, за сега со законот за двојазичноста дополнително да го девалвира јазикот и од Република Македонија ќе направи нефункционална држава. ВМРО-ДПМНЕ нема да биде соучесник во оваа атака врз државата и се спротивставува на разграбувањето на Република Македонија. Ова е закон што нема да го направи животот на граѓаните подобар, нема да ги спречи сиромаштијата што расте, платите што опаѓаат и економијата што тоне“, рече Костовски на крајот од прес-конференцијата.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Daily news
Прва правна конференција Tres Partes
На 26 декември година во хотелот „Континентал“, со почеток во 10 часот, ќе се одржи првата правна конференција Tres partes, во организација на „Јанаки знае“, а ќе биде поделена во три дела.
Првиот дел е со работен наслов „Дали е потребно укинување на извршителите?”, на кој ќе учествуваат Зоран Василевски, кој ќе ја застапува тезата ПРО укинување на извршителите, извршител Снежана Андреевска, која ќе ја застапува тезата КОНТРА укинување на извршителите и извршител и поранешен судија за извршување, Христо Јованов, кој ќе предава во делот на извршувањето пред да се укинат судиите извршители.
Вториот дел е со работен наслов „Дали се шаблонизира институтот надомест на нематеријална штета“, на која предавачи ќе бидат адвокатката Маруша Митровска, судијката Љубица Колиќ од Основен суд Скопје 2 и судијата Ѓорѓи Радојков од Апелациониот суд Скопје.
Третиот т.н. кривичен дел е со работен наслов „Неприменување на кривично-правните институти“, во кој предавачи ќе бидат адвокатот Јанаки Митровски, Никола Тупанчевски, редовен професор по казнено право при „Јустинијан Први“, Александра Деаноска, вонредна професорка по казнено право при „Јустинијан Први“, и Оља Ристова, судијка при Основниот суд Скопје 1.
Предвиден е и интерактивен дел со публиката преку поставување прашања и коментари од учесниците.
Daily news
Груевски оди во затвор – Апелација му ја потврди казната
Апелациониот суд Скопје, постапувајќи по кривичниот предмет познат во јавноста под името „Тенк“ по одржана јавна седница, донесе пресуда со која му ја потврди двегодишната затворска казна на премиерот Никола Груевски. „Жалбите на обвинетиот Никола Груевски изјавени лично и преку неговите бранители ги одби како неосновани, а првостепената пресуда ја потврди во целост, со што му ги потврди двете години затворска казна“, пишува во соопштението од судот.
Второстепениот суд делумно му ја уважи жалбата на Ѓоко Поповски и му ја намали казната на 4 години и 6 месеци, а во останатиот дел првостепената одлука ја потврди.
За Гордана Јанкулоска за „Тенк“ е издвоена во друга постапка и пресудата за неа, под обвинение дека ја злоупотребила службената положба и го натерала Поповски да го намести тендерот за „мерцедесот“ што го посакал Груевски, ќе биде изречена на 8 октомври.
Daily news
Бизнисменот Минчо Јорданов треба да сведочи дали бил уценет со пари во шпионската афера
Бизнисменот Минчо Јорданов утрово во кривичниот суд е повикан да сведочи во предметот што го презеде специјалното јавно обвинителство под кодно име „Шпион“.
Обвинетите Миќо Наскоски, Зоран Божиновски и Марјан Маџовски, како што рече на минатото рочиште обвинителката Елизабета Јосифовска, со цел да се стекнат со противправна имотна корист, му се заканиле на бизнисменот Минчо Јорданов дека ќе објават податоци за наводна криминална приватизација и откуп на акциите во АД „Бетон“ и на други негови фирми. Во намерата не успеале, а Јорданов не ги исплатил парите.
„Обвинетиот Александар Диневски прибавувал податоци со степен на државна тајна, а потоа ги доставувал или директно на странските разузнавачки служби или му ги давал на обвинетиот Марјан Ефремов, кој ја формирал групата за уцени, изнуди и шпионажа и ја координирал од 2009 до 2013 година, регрутирајќи нови членови во мрежата. Со обвинетиот Мирослав Зафировски од УБК прибирале податоци за луѓе од ЦИА присутни во Македонија и за штаб на ЦИА во Ирак. Тие прибирале и податоци за организациската поставеност на УБК“, рече Јосифовска за „Шпион“, кое СЈО врз база на нови прислушувани разговори го презеде од Обвинителството за гонење организиран криминал и корупција.
Ефремов, според обвинението, групата за изнуда и тргување со тајни информации од безбедносните служби на Македонија ја направил во 2009 година и, како што тврди обвинителството, тој е мозокот на целата операција. Информациите им ги продавале на Кост Н. од грчката разузнавачка служба, Петар Н. и Јуриј Н. од унгарската и на други лица од странски разузнавачки служби.
Секој од обвинетите, зависно од тоа во која институција работел, снимал службени документи, кои потоа им ги продавал на грчката, руската, унгарската и српската разузнавачка служба. Обвинети во овој случај се и тогашниот шеф на Кабинетот на претседателот на Собранието, Трајко Вељаноски, генералот Горан Стојков, Миќо Насковски, Ѓорѓи Хаџимицев, Цветан Дамјановски (заедно со други нивни колеги од МВР, УБК, АР и Военото разузнавање, кои дел се веќе осудени) и Зоран Божиновски, кој во групата имал улога ако уценуваните не дадат пари, тој да ги објавува, како што вели обвинителката, во порталот „Буревесник“ или во други медиуми во кои работел. Божиновски е обвинет за злосторничко здружување, шпионажа и уцена.
Обвинетите не се чувствуваат виновни, а тврдат и дека целиот процес е монтиран. Во предметот првично беа опфатени 19 лица, од кои неколкумина ја одлежаа затворската казна. Предметот го суди судијата Владимир Туфегџиќ. На конференциска врска треба да сведочи и Драган Даравелски, кој, според обвинението, исто така бил уценуван од обвинетите.