Daily news
(ВИДЕО) Тајно досие на ФБИ за Ајнштајн: Нацистите теоријата за релативитетот ја нарекоа „еврејска перверзија”
Алберт Ајнштајн веќе беше светски познат физичар кога во декември 1932 година американската разузнавачка служба ФБИ отвори тајно досие за него, напиша во средата „Нешнал џиографик”.
Ајнштајн и неговата сопруга Елза штотуку се преселиле во САД, односно се доселиле од родната Германија, каде Алберт бил посветен на социјалните прашања. Во тоа време тој јавно е против расизмот и национализмот.
До смртта на Ајнштајн на 18 април 1955 година, досието на ФБИ имало 1.427 страници.
Директорот на разузнавачката агенција, Џеј Едгар Хувер, имал многу сомнежи околу активноста на Ајнштајн.
„Човекот, најверојатно, е комунист“, вели Хувер, и дефинитивно е „исклучително радикален”.
Самиот научник, најверојатно, би се насмеал на овие епитети бидејќи во Германија веќе имал слушнато многу лоши нешта за себе, особено оние кои му ги упатувале нацистите.
Тој воопшто не се плашел од властите. „Бесмислена е почитта кон власта“. Тој бил најголемиот пријател на вистината. Во 1901 година веќе ги предизвикал властите. Поради лошото однесување, Алберт Ајнштајн на 15 години бил протеран од гимназијата во Германија.
На 17 години повеќе не сакал да има ништо заедничко со авторитарните германски училишта и неконтролираниот милитаризам, кои го мразел. Наместо тоа, го посетувал Политехничкиот институт во Цирих, Швајцарија, и станал швајцарски државјанин. Откако дипломирал, започнал со работа во швајцарскиот патентен завод во Берн. Таму ја создава револуционерната теорија на релативноста и квантната теорија во 1905 година.
Сѐ до 1914 година Ајнштајн не се вратил во Германија. Тогаш научните достигнувања му донеле престижно назначување на Универзитетот во Берлин. Таму продолжува да ги развива своите идеи за релативноста и гравитацијата, а потоа, во 1919 година, тие добиваат спектакуларна потврда. Тие се резултат од набљудувања на телата и нивните затемнувања.
Нацистичката партија наскоро ја осудува теоријата за релативитетот како „еврејска перверзија”, а Ајнштајн добива толку многу анонимни смртни закани што решава да ги избегнува. Но, заканите не запираат. Тој ја користи новооткриената слава за да зборува отворено против она што го гледа како зло на светот.
„Молчењето пред лицето на злото“, рекол еднаш Ајнштајн, „би ме натерало да се чувствувам виновен како соучесник”. Ајнштајн го осудува милитантниот национализам. Го нарекува „сипаници на човештвото” , а во 1929 година го става под прашање и капитализмот.
„Ги гледам класните разлики како нешто неправедно и, конечно, засновани на насилство”, пишува во 1931 година и додава: „Секој човек сака да биде почитуван како личност и не треба никој да биде претворен во идол”.
Во 1937 година, кога афро-американската пејачка Маријана Андерсон не добива хотелска соба, а Ајнштајн ја прима во својот дом во Принстон, Њу Џерси, по што се раѓа едно доживотно пријателство.
Освен тоа, Ајнштајн се спријателува со афро-американскиот пејач Пол Робсон, кого го жигосуваат затоа што е комунист.
Во 1946 година научникот објавува дека сегрегацијата е „болест на белите луѓе”.
По 1933 година и доаѓањето на Хитлер на власт, Ајнштајн го прифаќаа чистиот пацифизам.
Во август 1939 година, стравувајќи дека германските физичари веќе се натпреваруваат да го експлоатираат новооткриениот феномен на фисија, Ајнштајн праќа писмо до американскиот претседател Френклин Рузвелт во кое предупредува дека „елементот ураниум може да се претвори во еден нов и важен извор на енергија “- т.е. бомба. Одговорот на Рузвелт е проектот „Менхетен”, катастрофална програма за развој на атомска бомба пред Хитлер да ја направи.
Ајнштајн не учествува во проектот, но во пролетта на 1945 година пишува ново писмо, повикувајќи го претседателот да се сретне со научниците од проектот „Менхетен”, кои биле загрижени поради брзањето да се заврши бомбата и да биде користена, иако Германија била блиску до поразот и очигледно се откажала од ураниумот.
Рузвелт умира на 12 април, пред да успее да го прочита писмото, а Ајнштајн дознава дека во август била детонирана атомска бомба над Хирошима,.
Во остатокот од својот живот Алберт Ајнштајн станува неуморен поборник за приближувањето на нуклеарното оружје под некаква форма на меѓународна контрола. Во нуклеарното време, вели тој, војната стана форма на лудило../крај/мф/кс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Daily news
Прва правна конференција Tres Partes
На 26 декември година во хотелот „Континентал“, со почеток во 10 часот, ќе се одржи првата правна конференција Tres partes, во организација на „Јанаки знае“, а ќе биде поделена во три дела.
Првиот дел е со работен наслов „Дали е потребно укинување на извршителите?”, на кој ќе учествуваат Зоран Василевски, кој ќе ја застапува тезата ПРО укинување на извршителите, извршител Снежана Андреевска, која ќе ја застапува тезата КОНТРА укинување на извршителите и извршител и поранешен судија за извршување, Христо Јованов, кој ќе предава во делот на извршувањето пред да се укинат судиите извршители.
Вториот дел е со работен наслов „Дали се шаблонизира институтот надомест на нематеријална штета“, на која предавачи ќе бидат адвокатката Маруша Митровска, судијката Љубица Колиќ од Основен суд Скопје 2 и судијата Ѓорѓи Радојков од Апелациониот суд Скопје.
Третиот т.н. кривичен дел е со работен наслов „Неприменување на кривично-правните институти“, во кој предавачи ќе бидат адвокатот Јанаки Митровски, Никола Тупанчевски, редовен професор по казнено право при „Јустинијан Први“, Александра Деаноска, вонредна професорка по казнено право при „Јустинијан Први“, и Оља Ристова, судијка при Основниот суд Скопје 1.
Предвиден е и интерактивен дел со публиката преку поставување прашања и коментари од учесниците.
Daily news
Груевски оди во затвор – Апелација му ја потврди казната
Апелациониот суд Скопје, постапувајќи по кривичниот предмет познат во јавноста под името „Тенк“ по одржана јавна седница, донесе пресуда со која му ја потврди двегодишната затворска казна на премиерот Никола Груевски. „Жалбите на обвинетиот Никола Груевски изјавени лично и преку неговите бранители ги одби како неосновани, а првостепената пресуда ја потврди во целост, со што му ги потврди двете години затворска казна“, пишува во соопштението од судот.
Второстепениот суд делумно му ја уважи жалбата на Ѓоко Поповски и му ја намали казната на 4 години и 6 месеци, а во останатиот дел првостепената одлука ја потврди.
За Гордана Јанкулоска за „Тенк“ е издвоена во друга постапка и пресудата за неа, под обвинение дека ја злоупотребила службената положба и го натерала Поповски да го намести тендерот за „мерцедесот“ што го посакал Груевски, ќе биде изречена на 8 октомври.
Daily news
Бизнисменот Минчо Јорданов треба да сведочи дали бил уценет со пари во шпионската афера
Бизнисменот Минчо Јорданов утрово во кривичниот суд е повикан да сведочи во предметот што го презеде специјалното јавно обвинителство под кодно име „Шпион“.
Обвинетите Миќо Наскоски, Зоран Божиновски и Марјан Маџовски, како што рече на минатото рочиште обвинителката Елизабета Јосифовска, со цел да се стекнат со противправна имотна корист, му се заканиле на бизнисменот Минчо Јорданов дека ќе објават податоци за наводна криминална приватизација и откуп на акциите во АД „Бетон“ и на други негови фирми. Во намерата не успеале, а Јорданов не ги исплатил парите.
„Обвинетиот Александар Диневски прибавувал податоци со степен на државна тајна, а потоа ги доставувал или директно на странските разузнавачки служби или му ги давал на обвинетиот Марјан Ефремов, кој ја формирал групата за уцени, изнуди и шпионажа и ја координирал од 2009 до 2013 година, регрутирајќи нови членови во мрежата. Со обвинетиот Мирослав Зафировски од УБК прибирале податоци за луѓе од ЦИА присутни во Македонија и за штаб на ЦИА во Ирак. Тие прибирале и податоци за организациската поставеност на УБК“, рече Јосифовска за „Шпион“, кое СЈО врз база на нови прислушувани разговори го презеде од Обвинителството за гонење организиран криминал и корупција.
Ефремов, според обвинението, групата за изнуда и тргување со тајни информации од безбедносните служби на Македонија ја направил во 2009 година и, како што тврди обвинителството, тој е мозокот на целата операција. Информациите им ги продавале на Кост Н. од грчката разузнавачка служба, Петар Н. и Јуриј Н. од унгарската и на други лица од странски разузнавачки служби.
Секој од обвинетите, зависно од тоа во која институција работел, снимал службени документи, кои потоа им ги продавал на грчката, руската, унгарската и српската разузнавачка служба. Обвинети во овој случај се и тогашниот шеф на Кабинетот на претседателот на Собранието, Трајко Вељаноски, генералот Горан Стојков, Миќо Насковски, Ѓорѓи Хаџимицев, Цветан Дамјановски (заедно со други нивни колеги од МВР, УБК, АР и Военото разузнавање, кои дел се веќе осудени) и Зоран Божиновски, кој во групата имал улога ако уценуваните не дадат пари, тој да ги објавува, како што вели обвинителката, во порталот „Буревесник“ или во други медиуми во кои работел. Божиновски е обвинет за злосторничко здружување, шпионажа и уцена.
Обвинетите не се чувствуваат виновни, а тврдат и дека целиот процес е монтиран. Во предметот првично беа опфатени 19 лица, од кои неколкумина ја одлежаа затворската казна. Предметот го суди судијата Владимир Туфегџиќ. На конференциска врска треба да сведочи и Драган Даравелски, кој, според обвинението, исто така бил уценуван од обвинетите.