Daily news
Врачен „Златен објектив“: Маѓесничката што ја истражуваше филмската магија на домашната кинематографија (ВИДЕО)
Емотивно и со голема почит, како што доликува за една од доајените на македонската филмологија, беше проследено денешното врачување на наградата „Златен објектив“ на Илинденка Петрушева. Оваа награда, која ја доделува Кинотеката на Македонија, е за исклучителен придонес во македонската кинематографија. Пред врачувањето на наградата беше прикажан краток (монтиран) материјал со инсерти што ја овековечиле работата на Петрушева и нејзиното историско присуство, како истражувач на домашниот филм.
Во спонтана атмосфера за обемната многугодишна работа на Петрушева зборуваше Александар Прокопиев, кој се поклони пред лауреатката, за која рече дека 18000 библиографски единици што ги има испишано Петрушева се само мал дел од нејзиното придонес за кинематографијата.
„Илинденка е синоним за македонскиот филм во многу аспекти. Постојат таленти, режисери кои во одреден миг ќе направат фасцинатен филм и оние кои макотрпно ја градат својата кариера. Но, она што е важна поткрепа на нивната работа е од луѓето во позадина, кои седат во некоја канцеларија. Погледнете ја галерија на големи творци кои се амблеми на филмската уметност, а околу нив насекаде е Илинденка. Таа е како спонтан природен енергетски центар, а тоа што воодушевува е нејзината даржелива пририда кон сите таленти и генерации споен со еден краен професионализам. Како да се споиле човекот, научникот и волшебничката. Не случајно се вели дека филмот е магија, но да се влезе во таа магија и да се стане маѓесничка со бројни изданија и дела е за голем восхит. Илинденка, ти се поклонувам како стожер, како човек кој почнал од една точка и формирал светови“, рече Прокопиев и ѝ ја врачи наградата на добитничката.
Петрушева видно возбудена ја прими наградата и се забалгодари на семејството, пријателите и колегите. Таа порача дека посакува да се продолжи со проектот Бардовски конаци и Министерството за култура и натаму да продолжи со безрезерва поддршка кон Кинотеката.
– Идејата за Кинотеката се роди од седење на скали гледајќи филмови и во долги разговори со моите пријатели филмофили. Подоцна тоа прерасна во институција со сите сегменти. Имам голема желба да се реставрираат Бардовските конаци, каде што ќе се направи една верзија на склавното кафе Алхамбра, престижна сала во Лонодон каде што во 1904 година се прикажани првите автентични филмски материјали за Македонија. Кинотеката е врвна национална институција во Македонија и на ниво на регионот, што работи по врвни професионални стандарди, и навистина се надевам дека Министерството за култура ќе продолжи со поддршка на нејзината работа и професионалците што работат тука, рече таа. крај/мф/ав
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Daily news
Прва правна конференција Tres Partes
На 26 декември година во хотелот „Континентал“, со почеток во 10 часот, ќе се одржи првата правна конференција Tres partes, во организација на „Јанаки знае“, а ќе биде поделена во три дела.
Првиот дел е со работен наслов „Дали е потребно укинување на извршителите?”, на кој ќе учествуваат Зоран Василевски, кој ќе ја застапува тезата ПРО укинување на извршителите, извршител Снежана Андреевска, која ќе ја застапува тезата КОНТРА укинување на извршителите и извршител и поранешен судија за извршување, Христо Јованов, кој ќе предава во делот на извршувањето пред да се укинат судиите извршители.
Вториот дел е со работен наслов „Дали се шаблонизира институтот надомест на нематеријална штета“, на која предавачи ќе бидат адвокатката Маруша Митровска, судијката Љубица Колиќ од Основен суд Скопје 2 и судијата Ѓорѓи Радојков од Апелациониот суд Скопје.
Третиот т.н. кривичен дел е со работен наслов „Неприменување на кривично-правните институти“, во кој предавачи ќе бидат адвокатот Јанаки Митровски, Никола Тупанчевски, редовен професор по казнено право при „Јустинијан Први“, Александра Деаноска, вонредна професорка по казнено право при „Јустинијан Први“, и Оља Ристова, судијка при Основниот суд Скопје 1.
Предвиден е и интерактивен дел со публиката преку поставување прашања и коментари од учесниците.
Daily news
Груевски оди во затвор – Апелација му ја потврди казната
Апелациониот суд Скопје, постапувајќи по кривичниот предмет познат во јавноста под името „Тенк“ по одржана јавна седница, донесе пресуда со која му ја потврди двегодишната затворска казна на премиерот Никола Груевски. „Жалбите на обвинетиот Никола Груевски изјавени лично и преку неговите бранители ги одби како неосновани, а првостепената пресуда ја потврди во целост, со што му ги потврди двете години затворска казна“, пишува во соопштението од судот.
Второстепениот суд делумно му ја уважи жалбата на Ѓоко Поповски и му ја намали казната на 4 години и 6 месеци, а во останатиот дел првостепената одлука ја потврди.
За Гордана Јанкулоска за „Тенк“ е издвоена во друга постапка и пресудата за неа, под обвинение дека ја злоупотребила службената положба и го натерала Поповски да го намести тендерот за „мерцедесот“ што го посакал Груевски, ќе биде изречена на 8 октомври.
Daily news
Бизнисменот Минчо Јорданов треба да сведочи дали бил уценет со пари во шпионската афера
Бизнисменот Минчо Јорданов утрово во кривичниот суд е повикан да сведочи во предметот што го презеде специјалното јавно обвинителство под кодно име „Шпион“.
Обвинетите Миќо Наскоски, Зоран Божиновски и Марјан Маџовски, како што рече на минатото рочиште обвинителката Елизабета Јосифовска, со цел да се стекнат со противправна имотна корист, му се заканиле на бизнисменот Минчо Јорданов дека ќе објават податоци за наводна криминална приватизација и откуп на акциите во АД „Бетон“ и на други негови фирми. Во намерата не успеале, а Јорданов не ги исплатил парите.
„Обвинетиот Александар Диневски прибавувал податоци со степен на државна тајна, а потоа ги доставувал или директно на странските разузнавачки служби или му ги давал на обвинетиот Марјан Ефремов, кој ја формирал групата за уцени, изнуди и шпионажа и ја координирал од 2009 до 2013 година, регрутирајќи нови членови во мрежата. Со обвинетиот Мирослав Зафировски од УБК прибирале податоци за луѓе од ЦИА присутни во Македонија и за штаб на ЦИА во Ирак. Тие прибирале и податоци за организациската поставеност на УБК“, рече Јосифовска за „Шпион“, кое СЈО врз база на нови прислушувани разговори го презеде од Обвинителството за гонење организиран криминал и корупција.
Ефремов, според обвинението, групата за изнуда и тргување со тајни информации од безбедносните служби на Македонија ја направил во 2009 година и, како што тврди обвинителството, тој е мозокот на целата операција. Информациите им ги продавале на Кост Н. од грчката разузнавачка служба, Петар Н. и Јуриј Н. од унгарската и на други лица од странски разузнавачки служби.
Секој од обвинетите, зависно од тоа во која институција работел, снимал службени документи, кои потоа им ги продавал на грчката, руската, унгарската и српската разузнавачка служба. Обвинети во овој случај се и тогашниот шеф на Кабинетот на претседателот на Собранието, Трајко Вељаноски, генералот Горан Стојков, Миќо Насковски, Ѓорѓи Хаџимицев, Цветан Дамјановски (заедно со други нивни колеги од МВР, УБК, АР и Военото разузнавање, кои дел се веќе осудени) и Зоран Божиновски, кој во групата имал улога ако уценуваните не дадат пари, тој да ги објавува, како што вели обвинителката, во порталот „Буревесник“ или во други медиуми во кои работел. Божиновски е обвинет за злосторничко здружување, шпионажа и уцена.
Обвинетите не се чувствуваат виновни, а тврдат и дека целиот процес е монтиран. Во предметот првично беа опфатени 19 лица, од кои неколкумина ја одлежаа затворската казна. Предметот го суди судијата Владимир Туфегџиќ. На конференциска врска треба да сведочи и Драган Даравелски, кој, според обвинението, исто така бил уценуван од обвинетите.