Daily news
Времето на раѓање го одредува вашиот карактер
Датумот на раѓање не е доволен показател за утврдување на вашите особини. Точноста на анализата зависи и од часот на раѓање.
Погледнете што покажува вашиот час на раѓање за вас.
Од 0-01 часот
Овие лица се карактеризираат со агресивност (Овен), придружена со издржливост (Сатурн). Околината за нив мисли дека се многу тврдоглави и горди. Немаат чувство за дипломатијата. Во поволни околности, нивната констелација може да доведе до неверојатни творечки достигнувања.
Од 01-02 часот
Моќ, престиж и статус преставуваат сè за овие лица. Затоа, нивните најблиски обично страдаат. Тие се успешни во животот, благодарение на тоа што знаат да се справат со голема количина енергија која секогаш е околу нив. Сепак за постигнувањето на успехот треба да им се заблагодарат на безрезервната поддршка од влијателните пријатели и пред се постарите лица.
Од 02-03 часот
Тие сакаат да се посветат на поголем број на задачи истовремено. Динамични се и сакаат да уживаат, но исто така и многу брзо губат интерес за работите што ги започнале. Понекогаш се избувливи и нетолерантни, па малку поголемо трпение би им завршило голема работа.
Од 03-04 часот
Нежни чувствителни, можат лесно да бидат повредени. Лојалноста и љубовта им е многу важна, исто како што им е важна околината и семејството. Финансиската стабилност им оди од рака, може да се каже дека многу добро наоѓаат пари за живот.
Од 04-05 часот
Нивните мисли се секогаш насочени кон одредена цел. Тие се полни со концентрација и волја. Затоа, во секој бизнис брзо стануваат авторитети. Но, сепак тие повеќе се како некој „салонски“ лав. Кога ќе им се даде премногу значење во општествените односи, веднаш паѓаат во депресија.
Од 05-06 часот
Најдобро се чувствуваат кога се наоѓаат во позиција во хаосот да воведат ред. Сакаат детали и затоа многу им е тешко да направат разлика помеѓу потребното и непотребното. Често се изложуваат на ризик затоа што парите ги трошат на работи кои не им се неопходни. Вредни се и ги извршуваат своите должности совршено.
Од 06-07 часот
Шармантни и секогаш добро облечени. Нивното место на живеење е секогаш вкусно украсено, посебно дневната соба или некое посебно место каде се собираат со нивните пријатели. Љубезни се кон сите. Најголемата опасност за овие лица лежи во фактот што емоционалната сигурност ја пронаоѓаат во другите, а не во самите себе..
Од 07-08 часот
Овие лица се многу дирекни и немаат влакна на јазикот. Тие го зборуваат тоа што го мислат, но знаат да бидат и молчаливи. За успехот во работата можат слободно да им се заблагодарат на својата бујна фантазина, но и подготвеноста да се посветат на една цел. Интригите и недовербата нив ги вадат од такт.
Од 08-09 часот
За овие лица спортот, долгите прошетки и играта се многу важни. Постојано се обидуваат да ги поминат границите, независно дали станува збор за социјални, духовни или национални граници. Ги привлекуваат непознатите. Секогаш се расположени за нови пријателства. Родени се авантуристи.
Од 09 – 10 часот
Секогаш им се потребни конкретни поводи да бидат активни. Благодарение на големиот талент за ориентација и дисциплина секогаш ја постигнуваат целта што си ја поставиле. Добро им доаѓа кога им помагаат на другите, особено на членовите на своето семејство.
Од 10 до 11 часот
За нив сите луѓе се исти. Не прават класни разлики, секому му дозволуваат да има свој личен став и мислење. Имаат целосно разбирање за сè, секогаш се отворени за нови идеи и знаат како да се справат со мистичните категории. Бидејќи толку многу ги сакаат луѓето, секогаш се опкружени со искрени пријатели.
Од 11 до 12 часот
Посебно се успешни кога работат нешто „зад сцена“. Тогаш навистина можат да завршат голема работа. Сакаат мир за да си ги наполнат батериите. Ништо не стои на патот на нивната кариера во полето на уметноста.
Од 12 до 13 часот
Секоја работа ја завршуваат до крајот. Разумно избираат на што ќе го трошат своето време и пари. Материјалната сигурност и семејството им се најважни за дневниот мир и среќа. Многу ретко се саминицијативни и воспоставуваат сами контакти.
Од 13 до 14 часот
Мислењата на другите често ги земаат при срце. Мислат дека секогаш се во центарот на вниманието. Веруваат само во она шти тие лично мислат дека е вистина. Можеби токму тоа ги носи до неверојатниот успех во бизнисот.
Од 14 до 15 часот
Обично му остануваат верни на својот патрнер до крајот на животот, но ако помислат дека тие не го заземаат главното место во неговото срце, веднаш бараат друг партнер. Уметноста и глумењето им се главните порвесионални приоритети. За децата се подготвени да жртвуваат сè.
Од 15 до 16 часот
Целосно се посветуваат на работи во кои можат да ги внесат сите свои чувства. Обично се многу срдечни и зрачат од самозадоволство. Знаат да бидат нервозни, ако се одбиени. Потребно е да ја контролираат својата лутина за да ја одбегнат агресивноста, тешките зборови и навреди.
Од 16 до 17 часот
Парите за нив имаат важна улога. Мислат дека во првата половина од живот треба да успеат да обезбедат се што им треба. Добро се снаоѓаат со секојдневните проблеми и ситните измами. Знаат да ги претпостават нештата однапред.
Од 17 до 18 часот
Се додека се зависни од желбата за совршеност, луѓето ги ценат и сакаат. Многу се практични и знаат да се носат со успехот, но и со противниците. Сепак деталите многу често знаат да им застанат на патот и да им ги расипат плановите за иднината.
Од 18 до 19 часот
Само со поддршка на други се сигурни во себе и во остварувањето на своите цели во животот. Им треба многу време за да се помират со своите неуспеси. Најголемата опасност лежи во фактот што нивниот партнер може да им побара барања на долг рок кои тие нема да можат да ги исполни.
Од 19 до 20 часот
Склони се да ризикуваат и само затоа понекогаш имаат и добри позиции во општеството. Поради своите пренагласени сексуални барања не успеваат да одржат долга врска, затоа што другите вредности им се во втор план. Во суштина се што прават нема мерка.
Од 20 до 21 часот
Ги возбудува новото и непознатото. Животниот еликсир им се далечните патувања и егзотичните земји. Верноста до гроб не важи за нив. Благодарение на оптимизмот по големиот пад секогаш цврсто застануваат на нозе.
Од 21 до 22 часот
Од страв да не ги повредат, често се бавни и неактивни. Но, кога еднаш ќе запознаат некој, тие веднаш стануваат топли и пони со елан. Преголемо внимание посветуваат на видливите докази на љубовта и многу се разочаруваат кога ќе сфатат дека работите не се такви какви што тие ги замислуваат.
Од 22 до 23 часот
Премногу се интелигентни и често мислат поинаку од другите. Можат да се справат со најтешките проблеми. Секогаш имаат предност над другите. Арогонтни се и не знаат дека скромноста е сеуште доблест.
23-24 часот
Со нив владее таканареченото „ноќно сонце“. Тоа го симболизира внатрешното светло. Имаат тенденција да се занимаваат со окултни професии. Во секојдневниот живот не прават компромис. Нивното мото е „сè или ништо“, а во љубовта се склони кон посесивност и љубомора.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Daily news
Прва правна конференција Tres Partes
На 26 декември година во хотелот „Континентал“, со почеток во 10 часот, ќе се одржи првата правна конференција Tres partes, во организација на „Јанаки знае“, а ќе биде поделена во три дела.
Првиот дел е со работен наслов „Дали е потребно укинување на извршителите?”, на кој ќе учествуваат Зоран Василевски, кој ќе ја застапува тезата ПРО укинување на извршителите, извршител Снежана Андреевска, која ќе ја застапува тезата КОНТРА укинување на извршителите и извршител и поранешен судија за извршување, Христо Јованов, кој ќе предава во делот на извршувањето пред да се укинат судиите извршители.
Вториот дел е со работен наслов „Дали се шаблонизира институтот надомест на нематеријална штета“, на која предавачи ќе бидат адвокатката Маруша Митровска, судијката Љубица Колиќ од Основен суд Скопје 2 и судијата Ѓорѓи Радојков од Апелациониот суд Скопје.
Третиот т.н. кривичен дел е со работен наслов „Неприменување на кривично-правните институти“, во кој предавачи ќе бидат адвокатот Јанаки Митровски, Никола Тупанчевски, редовен професор по казнено право при „Јустинијан Први“, Александра Деаноска, вонредна професорка по казнено право при „Јустинијан Први“, и Оља Ристова, судијка при Основниот суд Скопје 1.
Предвиден е и интерактивен дел со публиката преку поставување прашања и коментари од учесниците.
Daily news
Груевски оди во затвор – Апелација му ја потврди казната
Апелациониот суд Скопје, постапувајќи по кривичниот предмет познат во јавноста под името „Тенк“ по одржана јавна седница, донесе пресуда со која му ја потврди двегодишната затворска казна на премиерот Никола Груевски. „Жалбите на обвинетиот Никола Груевски изјавени лично и преку неговите бранители ги одби како неосновани, а првостепената пресуда ја потврди во целост, со што му ги потврди двете години затворска казна“, пишува во соопштението од судот.
Второстепениот суд делумно му ја уважи жалбата на Ѓоко Поповски и му ја намали казната на 4 години и 6 месеци, а во останатиот дел првостепената одлука ја потврди.
За Гордана Јанкулоска за „Тенк“ е издвоена во друга постапка и пресудата за неа, под обвинение дека ја злоупотребила службената положба и го натерала Поповски да го намести тендерот за „мерцедесот“ што го посакал Груевски, ќе биде изречена на 8 октомври.
Daily news
Бизнисменот Минчо Јорданов треба да сведочи дали бил уценет со пари во шпионската афера
Бизнисменот Минчо Јорданов утрово во кривичниот суд е повикан да сведочи во предметот што го презеде специјалното јавно обвинителство под кодно име „Шпион“.
Обвинетите Миќо Наскоски, Зоран Божиновски и Марјан Маџовски, како што рече на минатото рочиште обвинителката Елизабета Јосифовска, со цел да се стекнат со противправна имотна корист, му се заканиле на бизнисменот Минчо Јорданов дека ќе објават податоци за наводна криминална приватизација и откуп на акциите во АД „Бетон“ и на други негови фирми. Во намерата не успеале, а Јорданов не ги исплатил парите.
„Обвинетиот Александар Диневски прибавувал податоци со степен на државна тајна, а потоа ги доставувал или директно на странските разузнавачки служби или му ги давал на обвинетиот Марјан Ефремов, кој ја формирал групата за уцени, изнуди и шпионажа и ја координирал од 2009 до 2013 година, регрутирајќи нови членови во мрежата. Со обвинетиот Мирослав Зафировски од УБК прибирале податоци за луѓе од ЦИА присутни во Македонија и за штаб на ЦИА во Ирак. Тие прибирале и податоци за организациската поставеност на УБК“, рече Јосифовска за „Шпион“, кое СЈО врз база на нови прислушувани разговори го презеде од Обвинителството за гонење организиран криминал и корупција.
Ефремов, според обвинението, групата за изнуда и тргување со тајни информации од безбедносните служби на Македонија ја направил во 2009 година и, како што тврди обвинителството, тој е мозокот на целата операција. Информациите им ги продавале на Кост Н. од грчката разузнавачка служба, Петар Н. и Јуриј Н. од унгарската и на други лица од странски разузнавачки служби.
Секој од обвинетите, зависно од тоа во која институција работел, снимал службени документи, кои потоа им ги продавал на грчката, руската, унгарската и српската разузнавачка служба. Обвинети во овој случај се и тогашниот шеф на Кабинетот на претседателот на Собранието, Трајко Вељаноски, генералот Горан Стојков, Миќо Насковски, Ѓорѓи Хаџимицев, Цветан Дамјановски (заедно со други нивни колеги од МВР, УБК, АР и Военото разузнавање, кои дел се веќе осудени) и Зоран Божиновски, кој во групата имал улога ако уценуваните не дадат пари, тој да ги објавува, како што вели обвинителката, во порталот „Буревесник“ или во други медиуми во кои работел. Божиновски е обвинет за злосторничко здружување, шпионажа и уцена.
Обвинетите не се чувствуваат виновни, а тврдат и дека целиот процес е монтиран. Во предметот првично беа опфатени 19 лица, од кои неколкумина ја одлежаа затворската казна. Предметот го суди судијата Владимир Туфегџиќ. На конференциска врска треба да сведочи и Драган Даравелски, кој, според обвинението, исто така бил уценуван од обвинетите.