Daily news
Голема забава во „Скопје сити мол“
„Скопје сити мол“ слави 5 години од отворањето на трговскиот центар и по тој повод организира тридневен шопинг фестивал, ултра-спектакуларно музичко шоу со многу изненадувања, лејт најт шопинг, „Модна потрага“ и семеен ден со забава за најмладите.
Она коешто со посебен интерес ја привлече јавноста е ретро-забавата „Хит за 5“ од 90-тите години, каде што по долги години „Скопје сити мол“ и Мартин Трпчевски успеаја да ги соберат на сцена изведувачите кои имаат оставено голем белег на музиката.
В сабота на 7 октомври со почеток од 21:00 часот со своите најголеми ретро-хитови ќе настапат Дарио, Угро, Пере Нокаут, Искра Трпева, Тамара, Бени Шаќири, Кристина Арнаудова, Александар Митевски, Гиш, Фиц Студени нозе, Верица Пандиловска, Ристо Самарџиев, Ребека, Пис брадерс, како и многу други. За крај на вечерта ќе настапи и еден од најголемите диџеи на денешницата, диџеј Џејмс Забиела , со почеток од 23:00 часот.
Од „Скопје сити мол“ се погрижија просторот пред трговскиот центар да биде покриен во случај на дожд, а паркингот ќе биде бесплатен по 20 часот.
Почнувајќи од денес па сѐ до 8 октомври сите љубители на шопингот ќе можат да ги искористат големите попусти и да купуваат во продавниците на своите омилени брендови во „Скопје сити мол“ . Роденденскиот лејт најт шопинг ќе започнe утре од 18 часот и ќе трае до полноќ. Намалувањата ќе се движат и до -50% на одредени парчиња и производи од 130 продавници и киосци. Дел од нив се „Битсиани, Фешн енд френдс, Бела, Коинкаса, Спринфилд, Џек‘ Џонс, Адидас, Мек, Нина вест, Бата, Геокс, Селио, Пеко, Манго и многу други. Покрај попустите и богатата програма, посетителите ќе можат да се освежат со бесплатен коктел со секоја приложена фискална сметка од над 500 денари.
Истиот ден од 18:00 до 22:00 часот во просторот помеѓу Фешн енд френс и Зара, ќе биде спроведена и една „Модна потрага”, каде актерите Тино и Атанас ќе ловат посетители кои ќе го прифатат стилскиот предизвик. Учесниците, во женска и машка категорија ќе бидат оценувани од жири-комисијата составена од: Александар Билјановски Дадар, Сретен Костиќ, Сергеј Варошлија, Андреј Папаз, Елена Стефановска и Марија Илиќ. Најстилските учесници ќе добијат вредни награди, и тоа: Награди во женска категорија – вредносен ваучер од 400 евра од Бела, месечна членарина во Мериот Скопје фитнес центар, 2 билета за следните 5 лејдис најт промоции во Синеплекс. Награди во машка категорија – вредносен ваучер од 400 евра од „Сињори“, месечна членарина во Мериот Скопје фитнес центар, 2 билета за следните 5 менс најт прoмоции во Синеплекс.
Недела е денот резервиран за семејството, па така најмалите ќе можат да уживаат во настапот на Петко и бендот 5+, со почеток од 13:00 часот. В сабота во 19:00 часот и в недела во 12:00 часот ќе се одржи и креативна готварска работилница „Мајсториите на малиот шеф”, каде ќе се подготвуваат палачинки, ќе има натпревар во брзо јадење, ќе се прават етикети за тегли, ќе се одржи натпревар во брзо приготвување есенски детски канапеи со ајвар. Следуваат и голем број изненадувања за најмладите.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Daily news
Прва правна конференција Tres Partes
На 26 декември година во хотелот „Континентал“, со почеток во 10 часот, ќе се одржи првата правна конференција Tres partes, во организација на „Јанаки знае“, а ќе биде поделена во три дела.
Првиот дел е со работен наслов „Дали е потребно укинување на извршителите?”, на кој ќе учествуваат Зоран Василевски, кој ќе ја застапува тезата ПРО укинување на извршителите, извршител Снежана Андреевска, која ќе ја застапува тезата КОНТРА укинување на извршителите и извршител и поранешен судија за извршување, Христо Јованов, кој ќе предава во делот на извршувањето пред да се укинат судиите извршители.
Вториот дел е со работен наслов „Дали се шаблонизира институтот надомест на нематеријална штета“, на која предавачи ќе бидат адвокатката Маруша Митровска, судијката Љубица Колиќ од Основен суд Скопје 2 и судијата Ѓорѓи Радојков од Апелациониот суд Скопје.
Третиот т.н. кривичен дел е со работен наслов „Неприменување на кривично-правните институти“, во кој предавачи ќе бидат адвокатот Јанаки Митровски, Никола Тупанчевски, редовен професор по казнено право при „Јустинијан Први“, Александра Деаноска, вонредна професорка по казнено право при „Јустинијан Први“, и Оља Ристова, судијка при Основниот суд Скопје 1.
Предвиден е и интерактивен дел со публиката преку поставување прашања и коментари од учесниците.
Daily news
Груевски оди во затвор – Апелација му ја потврди казната
Апелациониот суд Скопје, постапувајќи по кривичниот предмет познат во јавноста под името „Тенк“ по одржана јавна седница, донесе пресуда со која му ја потврди двегодишната затворска казна на премиерот Никола Груевски. „Жалбите на обвинетиот Никола Груевски изјавени лично и преку неговите бранители ги одби како неосновани, а првостепената пресуда ја потврди во целост, со што му ги потврди двете години затворска казна“, пишува во соопштението од судот.
Второстепениот суд делумно му ја уважи жалбата на Ѓоко Поповски и му ја намали казната на 4 години и 6 месеци, а во останатиот дел првостепената одлука ја потврди.
За Гордана Јанкулоска за „Тенк“ е издвоена во друга постапка и пресудата за неа, под обвинение дека ја злоупотребила службената положба и го натерала Поповски да го намести тендерот за „мерцедесот“ што го посакал Груевски, ќе биде изречена на 8 октомври.
Daily news
Бизнисменот Минчо Јорданов треба да сведочи дали бил уценет со пари во шпионската афера
Бизнисменот Минчо Јорданов утрово во кривичниот суд е повикан да сведочи во предметот што го презеде специјалното јавно обвинителство под кодно име „Шпион“.
Обвинетите Миќо Наскоски, Зоран Божиновски и Марјан Маџовски, како што рече на минатото рочиште обвинителката Елизабета Јосифовска, со цел да се стекнат со противправна имотна корист, му се заканиле на бизнисменот Минчо Јорданов дека ќе објават податоци за наводна криминална приватизација и откуп на акциите во АД „Бетон“ и на други негови фирми. Во намерата не успеале, а Јорданов не ги исплатил парите.
„Обвинетиот Александар Диневски прибавувал податоци со степен на државна тајна, а потоа ги доставувал или директно на странските разузнавачки служби или му ги давал на обвинетиот Марјан Ефремов, кој ја формирал групата за уцени, изнуди и шпионажа и ја координирал од 2009 до 2013 година, регрутирајќи нови членови во мрежата. Со обвинетиот Мирослав Зафировски од УБК прибирале податоци за луѓе од ЦИА присутни во Македонија и за штаб на ЦИА во Ирак. Тие прибирале и податоци за организациската поставеност на УБК“, рече Јосифовска за „Шпион“, кое СЈО врз база на нови прислушувани разговори го презеде од Обвинителството за гонење организиран криминал и корупција.
Ефремов, според обвинението, групата за изнуда и тргување со тајни информации од безбедносните служби на Македонија ја направил во 2009 година и, како што тврди обвинителството, тој е мозокот на целата операција. Информациите им ги продавале на Кост Н. од грчката разузнавачка служба, Петар Н. и Јуриј Н. од унгарската и на други лица од странски разузнавачки служби.
Секој од обвинетите, зависно од тоа во која институција работел, снимал службени документи, кои потоа им ги продавал на грчката, руската, унгарската и српската разузнавачка служба. Обвинети во овој случај се и тогашниот шеф на Кабинетот на претседателот на Собранието, Трајко Вељаноски, генералот Горан Стојков, Миќо Насковски, Ѓорѓи Хаџимицев, Цветан Дамјановски (заедно со други нивни колеги од МВР, УБК, АР и Военото разузнавање, кои дел се веќе осудени) и Зоран Божиновски, кој во групата имал улога ако уценуваните не дадат пари, тој да ги објавува, како што вели обвинителката, во порталот „Буревесник“ или во други медиуми во кои работел. Божиновски е обвинет за злосторничко здружување, шпионажа и уцена.
Обвинетите не се чувствуваат виновни, а тврдат и дека целиот процес е монтиран. Во предметот првично беа опфатени 19 лица, од кои неколкумина ја одлежаа затворската казна. Предметот го суди судијата Владимир Туфегџиќ. На конференциска врска треба да сведочи и Драган Даравелски, кој, според обвинението, исто така бил уценуван од обвинетите.