Daily news
Дваесет и пет знаци дека сте моќна жена
Жената, столбот на семејството и изворот на живот за човечкиот род со себе има неверојатна сила, која за жал голем број припаднички на понежниот пол се уште ја немаат откриено, пред се поради тоа што ја бараат на погрешни места, надвор од себе, во лажните вредности кои денес на големо се пропагираат.
Следуваат 25 знаци кои покажуваат дека жената навистина се поврзала со својата внатрешна моќ:
1. Имате мислење за многу работи и едноставно морате да го поделите со другите.
2. Го мислите она што го кажувате и го кажувате она што го мислите. Не ве интересита онаа теза „Мажите се од Марс, жените се од Венера“.
3. Нема први да почнете кавгата, но секако нема да се повлечете, Вашите аргументи се цврсти.
4. Имате мошне високи стандарди за личностите кои ќе одлучите да ги пуштите во своја близина и не се плашите да ги оставите, оние кои тие критериуми не ги исполнуваат.
5. Имате дури и повисоки стандарди за секоја личност, која сака да биде со вас во романтичен однос.
6. Повеќе сакате работите да ги направите на свој начин и да доживеете несупех, отколку да успеете со тоа што ќе им угодувате на другите луѓе.
7. Не поднесувате драма, но ќе се заложите за себе, доколку ситуацијата тоа го бара од вас.
8. Сакате да бидете главни, да ја преземате контролата и правите се за да се чувствувате моќно, но притоа внимавате таа моќ контруктивно да ја користите.
9. Другите луѓе сметаат дека држите до себе, бидејќи знаете што сакате.
10. Коко Шанел, Маја Ангелоу, кралицата Викторија….се некои од личностите од кои црпите инспирација.
11. Отсекогаш сте сметале дека тенденциите да „бидете како маж“ ги имаат оние со недостиг на амбиции.
12. Не се плашите да побарате зголемување на платата од својот шеф, затоа што сакате да бидете платени толку, колку што заслужувате.
13. Кога сакате нешто, вие тоа ќе го добиете.
14. Не се плашите да бидете сами, бидејќи тоа е илјада пати подобро, отколку да земете помалку од она што го заслужувате.
15. Во врската вие од другата личност го барате тоа што ви е потребно. Подготвени сте на компромис, но не за сите прашања.
16. Нелојалните луѓе на крајот ќе ги натерате да зажалат поради своите зборови и дела.
17. Но никогаш не се одмаздувате, бидејќи знаете дека работата на себе и личниот успех во секое поле е најдобрата одмазда.
18. Исто така секогаш им простувате на своите непријатели, но како и секоја разумна личност „никогаш не ги заборавате нивните имиња“.
19. Не се извинувате поради тоа што плачете или што не плачете.
20. Вие уживате во своите квалитети и ги прифаќате своите слабости и секојдневно се трудите да растете како личност.
21. Вашата самодоверба може да предизвика страв кај луѓето.
22. Алергични сте на човековата глупавост и не се колебате тоа да им го посочите на другите.
23. Вие сте некој, кој навистина ќе се бори за се што сака.
24. Не ви е грижа што ќе ве наречат „тешка личност“, бидејќи знаете дека тоа е само збор, кој општеството го користи за жените, кои не се плашат да го предизвикаат статус квото.
25. И секогаш сте убаво облечени, во сите прилики./крај/мф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Daily news
Прва правна конференција Tres Partes
На 26 декември година во хотелот „Континентал“, со почеток во 10 часот, ќе се одржи првата правна конференција Tres partes, во организација на „Јанаки знае“, а ќе биде поделена во три дела.
Првиот дел е со работен наслов „Дали е потребно укинување на извршителите?”, на кој ќе учествуваат Зоран Василевски, кој ќе ја застапува тезата ПРО укинување на извршителите, извршител Снежана Андреевска, која ќе ја застапува тезата КОНТРА укинување на извршителите и извршител и поранешен судија за извршување, Христо Јованов, кој ќе предава во делот на извршувањето пред да се укинат судиите извршители.
Вториот дел е со работен наслов „Дали се шаблонизира институтот надомест на нематеријална штета“, на која предавачи ќе бидат адвокатката Маруша Митровска, судијката Љубица Колиќ од Основен суд Скопје 2 и судијата Ѓорѓи Радојков од Апелациониот суд Скопје.
Третиот т.н. кривичен дел е со работен наслов „Неприменување на кривично-правните институти“, во кој предавачи ќе бидат адвокатот Јанаки Митровски, Никола Тупанчевски, редовен професор по казнено право при „Јустинијан Први“, Александра Деаноска, вонредна професорка по казнено право при „Јустинијан Први“, и Оља Ристова, судијка при Основниот суд Скопје 1.
Предвиден е и интерактивен дел со публиката преку поставување прашања и коментари од учесниците.
Daily news
Груевски оди во затвор – Апелација му ја потврди казната
Апелациониот суд Скопје, постапувајќи по кривичниот предмет познат во јавноста под името „Тенк“ по одржана јавна седница, донесе пресуда со која му ја потврди двегодишната затворска казна на премиерот Никола Груевски. „Жалбите на обвинетиот Никола Груевски изјавени лично и преку неговите бранители ги одби како неосновани, а првостепената пресуда ја потврди во целост, со што му ги потврди двете години затворска казна“, пишува во соопштението од судот.
Второстепениот суд делумно му ја уважи жалбата на Ѓоко Поповски и му ја намали казната на 4 години и 6 месеци, а во останатиот дел првостепената одлука ја потврди.
За Гордана Јанкулоска за „Тенк“ е издвоена во друга постапка и пресудата за неа, под обвинение дека ја злоупотребила службената положба и го натерала Поповски да го намести тендерот за „мерцедесот“ што го посакал Груевски, ќе биде изречена на 8 октомври.
Daily news
Бизнисменот Минчо Јорданов треба да сведочи дали бил уценет со пари во шпионската афера
Бизнисменот Минчо Јорданов утрово во кривичниот суд е повикан да сведочи во предметот што го презеде специјалното јавно обвинителство под кодно име „Шпион“.
Обвинетите Миќо Наскоски, Зоран Божиновски и Марјан Маџовски, како што рече на минатото рочиште обвинителката Елизабета Јосифовска, со цел да се стекнат со противправна имотна корист, му се заканиле на бизнисменот Минчо Јорданов дека ќе објават податоци за наводна криминална приватизација и откуп на акциите во АД „Бетон“ и на други негови фирми. Во намерата не успеале, а Јорданов не ги исплатил парите.
„Обвинетиот Александар Диневски прибавувал податоци со степен на државна тајна, а потоа ги доставувал или директно на странските разузнавачки служби или му ги давал на обвинетиот Марјан Ефремов, кој ја формирал групата за уцени, изнуди и шпионажа и ја координирал од 2009 до 2013 година, регрутирајќи нови членови во мрежата. Со обвинетиот Мирослав Зафировски од УБК прибирале податоци за луѓе од ЦИА присутни во Македонија и за штаб на ЦИА во Ирак. Тие прибирале и податоци за организациската поставеност на УБК“, рече Јосифовска за „Шпион“, кое СЈО врз база на нови прислушувани разговори го презеде од Обвинителството за гонење организиран криминал и корупција.
Ефремов, според обвинението, групата за изнуда и тргување со тајни информации од безбедносните служби на Македонија ја направил во 2009 година и, како што тврди обвинителството, тој е мозокот на целата операција. Информациите им ги продавале на Кост Н. од грчката разузнавачка служба, Петар Н. и Јуриј Н. од унгарската и на други лица од странски разузнавачки служби.
Секој од обвинетите, зависно од тоа во која институција работел, снимал службени документи, кои потоа им ги продавал на грчката, руската, унгарската и српската разузнавачка служба. Обвинети во овој случај се и тогашниот шеф на Кабинетот на претседателот на Собранието, Трајко Вељаноски, генералот Горан Стојков, Миќо Насковски, Ѓорѓи Хаџимицев, Цветан Дамјановски (заедно со други нивни колеги од МВР, УБК, АР и Военото разузнавање, кои дел се веќе осудени) и Зоран Божиновски, кој во групата имал улога ако уценуваните не дадат пари, тој да ги објавува, како што вели обвинителката, во порталот „Буревесник“ или во други медиуми во кои работел. Божиновски е обвинет за злосторничко здружување, шпионажа и уцена.
Обвинетите не се чувствуваат виновни, а тврдат и дека целиот процес е монтиран. Во предметот првично беа опфатени 19 лица, од кои неколкумина ја одлежаа затворската казна. Предметот го суди судијата Владимир Туфегџиќ. На конференциска врска треба да сведочи и Драган Даравелски, кој, според обвинението, исто така бил уценуван од обвинетите.