Daily news
Десет симптоми кои покажуваат дека старееме
Како што и кожата ја губи својата еластичност во текот на годините, така и непцата со време почнуваат да се повлекуваат. Како што се повлекуваат днепцата, така забите изгледаат поиздолжени. Непцата почнуваат да се собираат после навршените 40 години.
Првите бели влакна се еден од очигледните знаци дека старееме. Меѓутоа постојат уште некои работи кои се јасни показатели дека годините не стасуваат.
Гласот на мажот станува повисок, а гласот на жената опаѓа
Гласот на старите воглавно е со послаб интензитет, тоа е поради тоа што стареењето ги погодува и гласните жици. Така, гласот на мажот станува повисок, особено кога ќе наполни 70 години, а гласот на жената станува потивок.
Дебелеење
После 50. година и мажите и жените почнуваат да се дебелееат. Тоа се случува на само поради тоа што сме физички помалку активни, туку и порадит тоа што ги губиме мускулите што го успорува метаболизмот.
Почесто киваме
Луѓето во средни години се почесто добиваат алергии. Тие почесто се алергичи на полен и слични супстанци и предизвикуааат иритација на носот, чешање и кивање. Постојат неколку теории зошто тоа се случува, а една од нив е причината дека со годините ни слабее имунолошкиот систем. Друга причина која би можела ова да го предизвика е загадување на воздухот поради тоа што има повеќе алергии на кои не сме отпорни.
Бемки
Доколку забележите кафени и темни флеки и испупчувања по телото, тоа не се бемки иако многумина така мислат. Тоа се всушност старечки брадавици. Неретко можат да почнат да чешаат и да се воспалат. Во секој случај, штом ги забележите јавете се кај лекар.
Ушите, носот и стапалата стануваат поголеми
За разлика од коските и мускулите, нашите уши, нос и стапалата растат дури и кога старееме. Ушите се направени од флексибилно врозовно ткиво, благодарејќи на што растат се додека не умреме. Стапалата се зголемуваат и шират со годините поради тоа што лигаментите кои ги поврзуваат со ситни коски, губат на еластичност.
Будење со главоболка
Ако после неколку часа спиење се разбудите со главобоки или иамте главоболки после кусото спиење, тоа значи дека стареете. Овој вид на главоболка е всушност тип на болка на темето и ги погодува оние кои имаат над 60 години.
Јасно видлив пулс
Кај постарите жени пулсот е јасно видлив на вратот. Жените поради остеопораозата и староста губат на висината, и со самото тоа им се намалува и вратот, поради што артериите се повидливи и поистакнати.
Насолзени очи
Постарите лица имаат насолзени очи, а неретко солзите им се сливаат низ лицето без никаква причина. Меѓутоа, со годините солзните канали престануваат да функционираат како што треба, па не ги сушат солзите. Поради тоа солзите се собираат во очите, односно очите стануваат насолзени.
Алергија од сапун, гребење во грлото и често станување во текоот на ноќта поради моркење, исто така се јасни знаци дека ве стигнува староста.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Daily news
Прва правна конференција Tres Partes
На 26 декември година во хотелот „Континентал“, со почеток во 10 часот, ќе се одржи првата правна конференција Tres partes, во организација на „Јанаки знае“, а ќе биде поделена во три дела.
Првиот дел е со работен наслов „Дали е потребно укинување на извршителите?”, на кој ќе учествуваат Зоран Василевски, кој ќе ја застапува тезата ПРО укинување на извршителите, извршител Снежана Андреевска, која ќе ја застапува тезата КОНТРА укинување на извршителите и извршител и поранешен судија за извршување, Христо Јованов, кој ќе предава во делот на извршувањето пред да се укинат судиите извршители.
Вториот дел е со работен наслов „Дали се шаблонизира институтот надомест на нематеријална штета“, на која предавачи ќе бидат адвокатката Маруша Митровска, судијката Љубица Колиќ од Основен суд Скопје 2 и судијата Ѓорѓи Радојков од Апелациониот суд Скопје.
Третиот т.н. кривичен дел е со работен наслов „Неприменување на кривично-правните институти“, во кој предавачи ќе бидат адвокатот Јанаки Митровски, Никола Тупанчевски, редовен професор по казнено право при „Јустинијан Први“, Александра Деаноска, вонредна професорка по казнено право при „Јустинијан Први“, и Оља Ристова, судијка при Основниот суд Скопје 1.
Предвиден е и интерактивен дел со публиката преку поставување прашања и коментари од учесниците.
Daily news
Груевски оди во затвор – Апелација му ја потврди казната
Апелациониот суд Скопје, постапувајќи по кривичниот предмет познат во јавноста под името „Тенк“ по одржана јавна седница, донесе пресуда со која му ја потврди двегодишната затворска казна на премиерот Никола Груевски. „Жалбите на обвинетиот Никола Груевски изјавени лично и преку неговите бранители ги одби како неосновани, а првостепената пресуда ја потврди во целост, со што му ги потврди двете години затворска казна“, пишува во соопштението од судот.
Второстепениот суд делумно му ја уважи жалбата на Ѓоко Поповски и му ја намали казната на 4 години и 6 месеци, а во останатиот дел првостепената одлука ја потврди.
За Гордана Јанкулоска за „Тенк“ е издвоена во друга постапка и пресудата за неа, под обвинение дека ја злоупотребила службената положба и го натерала Поповски да го намести тендерот за „мерцедесот“ што го посакал Груевски, ќе биде изречена на 8 октомври.
Daily news
Бизнисменот Минчо Јорданов треба да сведочи дали бил уценет со пари во шпионската афера
Бизнисменот Минчо Јорданов утрово во кривичниот суд е повикан да сведочи во предметот што го презеде специјалното јавно обвинителство под кодно име „Шпион“.
Обвинетите Миќо Наскоски, Зоран Божиновски и Марјан Маџовски, како што рече на минатото рочиште обвинителката Елизабета Јосифовска, со цел да се стекнат со противправна имотна корист, му се заканиле на бизнисменот Минчо Јорданов дека ќе објават податоци за наводна криминална приватизација и откуп на акциите во АД „Бетон“ и на други негови фирми. Во намерата не успеале, а Јорданов не ги исплатил парите.
„Обвинетиот Александар Диневски прибавувал податоци со степен на државна тајна, а потоа ги доставувал или директно на странските разузнавачки служби или му ги давал на обвинетиот Марјан Ефремов, кој ја формирал групата за уцени, изнуди и шпионажа и ја координирал од 2009 до 2013 година, регрутирајќи нови членови во мрежата. Со обвинетиот Мирослав Зафировски од УБК прибирале податоци за луѓе од ЦИА присутни во Македонија и за штаб на ЦИА во Ирак. Тие прибирале и податоци за организациската поставеност на УБК“, рече Јосифовска за „Шпион“, кое СЈО врз база на нови прислушувани разговори го презеде од Обвинителството за гонење организиран криминал и корупција.
Ефремов, според обвинението, групата за изнуда и тргување со тајни информации од безбедносните служби на Македонија ја направил во 2009 година и, како што тврди обвинителството, тој е мозокот на целата операција. Информациите им ги продавале на Кост Н. од грчката разузнавачка служба, Петар Н. и Јуриј Н. од унгарската и на други лица од странски разузнавачки служби.
Секој од обвинетите, зависно од тоа во која институција работел, снимал службени документи, кои потоа им ги продавал на грчката, руската, унгарската и српската разузнавачка служба. Обвинети во овој случај се и тогашниот шеф на Кабинетот на претседателот на Собранието, Трајко Вељаноски, генералот Горан Стојков, Миќо Насковски, Ѓорѓи Хаџимицев, Цветан Дамјановски (заедно со други нивни колеги од МВР, УБК, АР и Военото разузнавање, кои дел се веќе осудени) и Зоран Божиновски, кој во групата имал улога ако уценуваните не дадат пари, тој да ги објавува, како што вели обвинителката, во порталот „Буревесник“ или во други медиуми во кои работел. Божиновски е обвинет за злосторничко здружување, шпионажа и уцена.
Обвинетите не се чувствуваат виновни, а тврдат и дека целиот процес е монтиран. Во предметот првично беа опфатени 19 лица, од кои неколкумина ја одлежаа затворската казна. Предметот го суди судијата Владимир Туфегџиќ. На конференциска врска треба да сведочи и Драган Даравелски, кој, според обвинението, исто така бил уценуван од обвинетите.