Daily news
Десет факти кои можеби не сте ги знаеле
Едни од најомилените вести се оние кои почнуваат со: Дали сте знаеле дека…? Во продолжение ви пренесуваме десет факти, кои можеби досега не сте ги знаеле.
Јастог – храна за сиромашни
Пред крајот на 19 век јастог се сметал за храна на сиромашните, едвај соодветен за затворениците. Некои колонии на бреговите на Нова Англија одбивале да послужат јастог повеќе од еднаш дневно. Причината што јастогот како храна бил толку омразен, најверојатно е начинот на неговата подготовка – го варелеи потоа го посолувале. Јастогот најчесто се ситнел на ситни парчиња и се користел како ѓубриво.
Кутриот компјутер на Аполо 11
Компјутерот за наведување на вселенското летало Аполо 11, кое прво слета на Месечината имаше само 64 КБ меморија и процесор кој работл на 0.043 MHz. Тостер кој има копче за почеток и крај на печењето и за одмрзнување, има посложени функции од тој компјутер.
Пречки при првото одење по Месечината
Кога екипата која прва одеше по Месечината се врати до модулот за спуштање Eagle, Баз Олдрин случајно го скинал прекинувачот, со кој се вклучувал моторот на леталото. Успеале да ја поправат неочекуваната штета, која можела да ги чини живот, користејќи керамичко налив перо.
Пребарувањето на Гугл
На Гугл секојдневно се бара нешто ново. Најверојатни 16 проценти од пребарувањата се поими кои никогаш порано не биле барани.
Караоке
Јапонскот збор „караоке“ всушност значи празен оркестар (kara = празен, oke= оркестар).
Ноќното небо е минато
Кога го гледаме ноќното небо, всушност го гледаме минатото. Гледаме толку далеку во минатото колку што на светлината и е потребно да дојде до нас од ѕвездата која ја емитува. Светлото патува со брзина од околу 300.000 километри во секунда, а најблиските ѕвезди се оддалечени околу пет светлосни години од Земјата. Млечниот пат се состои од околу 100 до 400 милијарди ѕвезди, а во видливата Вселена постојат околу 170 милијарди галаксии.
Бесмертни медузи
Ситните медузи Turritopsis nutricula, кои живеат на разни места во светот – од Јапонија и Шпанија до Панама – познати се и како бесмртни медузи, затоа што можат да создаваат млади станици кога се во смртна опасност.
Чудо на обичниот молив
Просечен молив може да повлече линија долга околу 56 километри. Моливите, инаку, можат да пишуваат и под вода и во бестежинска состојба.
Микроби во човечкото тело
Микроорганизмите кои живеат во човечкото тело се десет патои побројни човечките келии, кои се околу 100 билиони. Студентот по хемиски инжинеринг на Универзитетот Бакнел, Дејвид Трауфер, го опиша тој факт „кул, малку гадно, но секако многу интересно“.
Лал Бихари и Здружение на мртовци
Ако се прашувате кој е Лал Бихари, можниот одговор е – човекот кој стана од мртвите.
Лал Бихари поминал 18 години – од 1976 до 1994 година докажувајќи дека е жив. Индиската Влада го водела како починат цело тоа време. Во својот очај Лал Бихари дури се кандидирал за селскиот парламент во Лал Гања за да докаже дека е жив. Во Индија тоа не е редок проблем – меѓу 10.000 и 40.000 луѓе се мртви во очите на државата, но во реалноста не се. Лал Бихари основал Здружение на мртовци за да лобира да им се вратат правата кои ги изгубиле.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Daily news
Прва правна конференција Tres Partes
На 26 декември година во хотелот „Континентал“, со почеток во 10 часот, ќе се одржи првата правна конференција Tres partes, во организација на „Јанаки знае“, а ќе биде поделена во три дела.
Првиот дел е со работен наслов „Дали е потребно укинување на извршителите?”, на кој ќе учествуваат Зоран Василевски, кој ќе ја застапува тезата ПРО укинување на извршителите, извршител Снежана Андреевска, која ќе ја застапува тезата КОНТРА укинување на извршителите и извршител и поранешен судија за извршување, Христо Јованов, кој ќе предава во делот на извршувањето пред да се укинат судиите извршители.
Вториот дел е со работен наслов „Дали се шаблонизира институтот надомест на нематеријална штета“, на која предавачи ќе бидат адвокатката Маруша Митровска, судијката Љубица Колиќ од Основен суд Скопје 2 и судијата Ѓорѓи Радојков од Апелациониот суд Скопје.
Третиот т.н. кривичен дел е со работен наслов „Неприменување на кривично-правните институти“, во кој предавачи ќе бидат адвокатот Јанаки Митровски, Никола Тупанчевски, редовен професор по казнено право при „Јустинијан Први“, Александра Деаноска, вонредна професорка по казнено право при „Јустинијан Први“, и Оља Ристова, судијка при Основниот суд Скопје 1.
Предвиден е и интерактивен дел со публиката преку поставување прашања и коментари од учесниците.
Daily news
Груевски оди во затвор – Апелација му ја потврди казната
Апелациониот суд Скопје, постапувајќи по кривичниот предмет познат во јавноста под името „Тенк“ по одржана јавна седница, донесе пресуда со која му ја потврди двегодишната затворска казна на премиерот Никола Груевски. „Жалбите на обвинетиот Никола Груевски изјавени лично и преку неговите бранители ги одби како неосновани, а првостепената пресуда ја потврди во целост, со што му ги потврди двете години затворска казна“, пишува во соопштението од судот.
Второстепениот суд делумно му ја уважи жалбата на Ѓоко Поповски и му ја намали казната на 4 години и 6 месеци, а во останатиот дел првостепената одлука ја потврди.
За Гордана Јанкулоска за „Тенк“ е издвоена во друга постапка и пресудата за неа, под обвинение дека ја злоупотребила службената положба и го натерала Поповски да го намести тендерот за „мерцедесот“ што го посакал Груевски, ќе биде изречена на 8 октомври.
Daily news
Бизнисменот Минчо Јорданов треба да сведочи дали бил уценет со пари во шпионската афера
Бизнисменот Минчо Јорданов утрово во кривичниот суд е повикан да сведочи во предметот што го презеде специјалното јавно обвинителство под кодно име „Шпион“.
Обвинетите Миќо Наскоски, Зоран Божиновски и Марјан Маџовски, како што рече на минатото рочиште обвинителката Елизабета Јосифовска, со цел да се стекнат со противправна имотна корист, му се заканиле на бизнисменот Минчо Јорданов дека ќе објават податоци за наводна криминална приватизација и откуп на акциите во АД „Бетон“ и на други негови фирми. Во намерата не успеале, а Јорданов не ги исплатил парите.
„Обвинетиот Александар Диневски прибавувал податоци со степен на државна тајна, а потоа ги доставувал или директно на странските разузнавачки служби или му ги давал на обвинетиот Марјан Ефремов, кој ја формирал групата за уцени, изнуди и шпионажа и ја координирал од 2009 до 2013 година, регрутирајќи нови членови во мрежата. Со обвинетиот Мирослав Зафировски од УБК прибирале податоци за луѓе од ЦИА присутни во Македонија и за штаб на ЦИА во Ирак. Тие прибирале и податоци за организациската поставеност на УБК“, рече Јосифовска за „Шпион“, кое СЈО врз база на нови прислушувани разговори го презеде од Обвинителството за гонење организиран криминал и корупција.
Ефремов, според обвинението, групата за изнуда и тргување со тајни информации од безбедносните служби на Македонија ја направил во 2009 година и, како што тврди обвинителството, тој е мозокот на целата операција. Информациите им ги продавале на Кост Н. од грчката разузнавачка служба, Петар Н. и Јуриј Н. од унгарската и на други лица од странски разузнавачки служби.
Секој од обвинетите, зависно од тоа во која институција работел, снимал службени документи, кои потоа им ги продавал на грчката, руската, унгарската и српската разузнавачка служба. Обвинети во овој случај се и тогашниот шеф на Кабинетот на претседателот на Собранието, Трајко Вељаноски, генералот Горан Стојков, Миќо Насковски, Ѓорѓи Хаџимицев, Цветан Дамјановски (заедно со други нивни колеги од МВР, УБК, АР и Военото разузнавање, кои дел се веќе осудени) и Зоран Божиновски, кој во групата имал улога ако уценуваните не дадат пари, тој да ги објавува, како што вели обвинителката, во порталот „Буревесник“ или во други медиуми во кои работел. Божиновски е обвинет за злосторничко здружување, шпионажа и уцена.
Обвинетите не се чувствуваат виновни, а тврдат и дека целиот процес е монтиран. Во предметот првично беа опфатени 19 лица, од кои неколкумина ја одлежаа затворската казна. Предметот го суди судијата Владимир Туфегџиќ. На конференциска врска треба да сведочи и Драган Даравелски, кој, според обвинението, исто така бил уценуван од обвинетите.