Контакт

Daily news

Донев спиел во „Хилтон“ и си пазарел со службената картичка

Објавено пред

Ексдиректорот на Агенцијата за туризам, Александар Донев, во Буенос Аирес, Аргентина, спиел во познатиот синџир луксузни хотели – „Хилтон“, летал со бизнис-класа и на патувањето за назад од Јапонија и не искористил купени авионски билети, покажуваат извештаите на Агенцијата и од неговата службена картичка до кои дојде „Макфакс“ преку барање за слободен пристап до информации. Во Лондон променил хотел од полоша категорија за подобар, а исто така имал и шопинг за приватни цели во најмалку две продавници – една во Аргентина и една во Токио. Донев во разговор за „Макфакс“ ги потврди извештаите што ги добивме, но вели дека сите средства што ги искористил за приватни цели, бидејќи имал проблеми со својата картичка, по патувањето, ги вратил на службената сметка.

dobivaj vesti na viber

Аргентинецот. Ова е прекарот што сега веќе разрешениот директор Александар Донев го доби по бурните реакции во јавноста дека на службениот пат во Аргентина летал со бизнис наместо во економска класа. Владата на една од своите седници го разреши Донев од функцијата поради несовесно и невнимателно работење, но остана необјаснето што всушност значи ова. Дали Владата го разреши директорот за 40 илјади денари разлика помеѓу економската и бизнис-класата за еден авионски билет како што тврди Донев? Или постојат и други постапки што ја инспирирале ваквата одлука? „Макфакс“ со барање за слободен пристап до информации од Агенцијата за промоција и поддршка на туризмот побара целосен извештај од службената картичка на ексдиректорот Донев во периодот од 1 септември 2017 до крајот на јануари годинава, извештај за сите купени авиобилети за патувања во истиот период, како и извештај за целите, потребите и бенефитите за државата од патувањата во странство.

Според извештаите што ги добивме од Агенцијата, Донев од септември 2017 до јануари годинава имал 11 закажани патувања за кои за авиобилети и патни трошоци биле потрошени околу 12.772 евра.

Според овој извештај, пет од купените авионски билети не се реализирани – за патувања на саеми во Полска – Варшава, Шпанија – Сантјаго де Компостела, Турција – Истанбул, Белгија – Брисел и Израел – Тел Авив.

Извор: Агенција за промоција и поддршка на туризмот на РМ

Александар Донев во разговор за „Макфакс“ ги потврди информациите од извештајот што го добивме од Агенцијата. Тој вели дека пропаднале само два купени авионски билета – за саемите во Брисел и Израел – поради тоа што тие се поклопиле со неговото разрешување и немало можност да се откажат навреме. За преостанатите билети вели дека средствата не пропаднале, туку биле пренаменети за други билети, иако во извештајот што го добивме од Агенцијата не е наведен таков податок.

Интересно е што, иако во медиумите беше објавувано дека билетот за патувањето во Аргентина за економската класа чинел околу 180.000 денари, а бизнис-класата чинела околу 220.000 денари, вкупната сума патни трошоци за патувањето во Аргентина за авиобилети и патничко возило според податоците што ги добивме од Агенцијата изнесува 433.950 денари или 7.056 евра.

Во врска со тоа за што биле потрошени повеќе од седум илјади евра, за разлика од споменуваните 220 илјади денари, Донев вели дека се работи за трошоци и за локален превоз, како и за уште еден авиобилет од Буенос Аирес до Салта, во економска класа, а тврди дека во оваа сума се внесени и трошоците за сместување, иако во одговорот што го добивме од Агенцијата стои дека сумата се однесува за авиобилети и патнички трошоци.

„Авиобилетите се набавуваат преку владината Служба за општи и заеднички работи, авиобилетот ми е на барање за бизнис-класа затоа што летот беше 17 и пол часа, од нив добиваме со која понуда ние летаме. Не можеме ние сами да ја направиме набавката, како што најчесто јавноста го проверува тоа онлајн. За трошоците во однос на сместување, локален превоз и слично, тоа е сè според правилникот на Агенцијата што се користи со години и важи за сите патувања. Ние најчесто спиеме, не најчесто, туку секогаш спиеме во ист хотел сите, заедно со луѓето што патуваат со директорот. Спиеме во исти хотели“, вели Донев.

Тој потврдува дека летал и од Јапонија за Скопје со бизнис-класа, но вели дека тоа го покрил сам и не било платено од Агенцијата, иако и овој податок не е посочен од страна на одговорите што ги добивме од оваа Агенција. Претходно за медиумите Донев изјавуваше дека летал со бизнис класа само до Аргентина. Вкупната сума за патни трошоци за Јапонија, според Агенцијата, е околу две илјади евра.

Интересни детали за сите патувања, за кои за некои веќе се говореше во јавноста, открива и извештајот од трошењата со службената картичка на поранешниот функционер.

На патувањето во Аргентина, според извештаите од службената картичка, од 14 октомври тој спиел во хотелот „Хилтон“ во Буенос Аирес за што биле наплатени околу 750 евра, а имал и шопинг во продавница што се наоѓа на аеродромот – „Шоп галери Аргентина“, каде што била направена сметка од речиси 100 евра.

На друго патување, на 5 ноември, во Лондон, платил речиси 100 евра во „Лондон принс хотел“, хотел со 3 ѕвезди, за потоа на истиот датум повторно да исплати уште околу 1.500 евра во сосема друг хотел од подобра класа – „Лондон парк гранд Кенсингтон“, хотел со 4 и пол ѕвезди.

Донев: Го променив хотелот затоа што немаше сеф

Во однос на преместувањето од еден во друг хотел од повисока класа во Лондон, тој вели дека ја направил промената бидејќи резервираниот хотел немал сеф.

„Затоа што во првиот хотел каде што беше резервирано немаше сеф, знаете какви се хотелите кога ќе резервирате, изгледаат добро и потоа кога ќе отидете таму, тој е катастрофа, важно е дека немаше сеф. Тоа беше една од работите што требаше да ги има за да може да се остават лични документи, патни исправи и кешот затоа тој се носи бидејќи многу често се плаќаат одредени трошоци што ги имаме таму и тоа беше условот, го сменивме и тоа беше повеќе направено за промената, но потоа се преместивме и цената беше иста. Ништо од ова не е надвор од правилникот. Многу често на местата каде што одиме, на пример, во Лондон, каде што спиевме, ако тој хотел чини 1.500 евра за една недела, хотел што реално е многу попогоден да се сместите во близина на саемот, чини 5 илјади евра, цените енормно поскапуваат кога се одржуваат овие саеми, и затоа одиме во поевтини хотели, па потоа патуваме до саемот“, вели Донев за „Макфакс“.

Донев со картичката на патувањето во Лондон во повеќе наврати плаќал во познати ресторани, меѓу кои и „Баунтифул кау“, каде што сметката на 10 ноември изнесувала околу 250 евра. Според него, сите сметки за пабови и ресторани биле потрошени на службени состаноци, а не за приватни цели.

Тој направил уште еден шопинг со службената картичка во продавница во „Токио патагонија“, која, најверојатно, е продавница за облекување, при што сметката изнесувала 22.476 денари или околу 365 евра. Во Токио се појавува и друг трошок од 21.037 денари во „Сибујаку ист шопинг-центар“ за кој Донев тврди дека се работи за ручек што се одржал во шопинг-центарот. Биле исплатени и околу 39.700 денари во „Синагаваки риокан хотел“ и 35.209 денари во Chiba Torukokokuukaishiya за што не успеавме да откриеме на што се однесуваат.

Донев признава дека во двете продавници во Аргентина и Токио ги искористил парите за приватни цели, но тврди дека веднаш потоа ги вратил на службената сметка.

„Точно е за ‘Токио патагонија’, тие се вратени и уплатени на истата сметка затоа што имав проблеми, не ми поминуваше приватната картичка во Токио, некои работи приватно ги купив, но потоа во целост ги вратив на истата сметка од која се земени, сметката во Охридска банка. Исто и во Аргентина на аеродромот, за лични купени работи, потоа ги вратив. А во шопинг-центарот во Токио, тоа е всушност ресторан во шопинг-центарот, бевме на вечера со амбасадата и со тур-оператори“, вели Донев.

На службените картички се појавуваат и други трошоци и плаќања за пабови или ресторани, услуги за blackline.com и tpcontact.com, помали уплати за реклами на „Фејсбук“, како и неколку сметки за ручеци во скопски ресторани. Најголеми се сметките во кафеаната „Мерак“, каде што во еден наврат има сметка од речиси 200 евра и потоа уште една сметка во истата кафеана од 100 евра. И за овие трошоци Донев тврди дека биле платени за ручеци за службени состаноци.

Останува на ставот дека единствени ненамески потрошени средства се средствата од разликата од 40 илјади денари за билетот за бизнис-класата за кои ветува дека ќе ги врати и е во комуникација со Министерството за труд и социјална политика, кои, според него, треба да направат процена и спецификација за сензорна соба за децата со посебни потреби и тврди дека штом ќе добие таква информација оттаму, ќе ги донира парите. Од друга страна, од Министерството за труд и социјална политика неодамна за „Макфакс“ одговорија дека Донев не мора да чека никаква спецификација од нив, туку може, како и секој граѓанин, да реализира уплата на средства за донација во кое било време.

Резултатите од патувањата на Донев ќе се мерат летоска

Сè уште не може да се измерат резултатите од патувањата на разни светски саеми на ексдиректорот на Агенцијата за туризам, велат од оваа Агенција.

„Мерливи резултати не можат конкретно да се изнесат за саемите што се одржуваа во периодот од 1 септември до 1 февруари бидејќи првите резултати се очекуваат во летната сезона за 2018 година, но може да се изнесе фактот дека во сооднос на периодот јануари-ноември 2016/2017 година (достапна статистика од Државниот завод за статистика) бележиме раст од 23,4 отсто во посети и 22,6 отсто во ноќевања само од странски туристи. Растот на посети и ноќевања од страна на странските туристи би бил невозможен доколку Република Македонија не се промовира како туристичка дестинација, а тоа го врши, генерално, Агенцијата за промоција и поддршка на туризмот преку учество на меѓународни саеми и медиумска кампања“, велат од Агенцијата за резултатите од посетата на саемите.

Кристина Озимец

Daily news

Прва правна конференција Tres Partes

Објавено пред

На 26 декември година во хотелот „Континентал“, со почеток во 10 часот, ќе се одржи првата правна конференција Tres partes, во организација на „Јанаки знае“, а ќе биде поделена во три дела.

dobivaj vesti na viber

Првиот дел е со работен наслов „Дали е потребно укинување на извршителите?”, на кој ќе учествуваат Зоран Василевски, кој ќе ја застапува тезата ПРО укинување на извршителите, извршител Снежана Андреевска, која ќе ја застапува тезата КОНТРА укинување на извршителите и извршител и поранешен судија за извршување, Христо Јованов, кој ќе предава во делот на извршувањето пред да се укинат судиите извршители.

Вториот дел е со работен наслов „Дали се шаблонизира институтот надомест на нематеријална штета“, на која предавачи ќе бидат адвокатката Маруша Митровска, судијката Љубица Колиќ од Основен суд Скопје 2 и судијата Ѓорѓи Радојков од Апелациониот суд Скопје.

Третиот т.н. кривичен дел е со работен наслов „Неприменување на кривично-правните институти“, во кој предавачи ќе бидат адвокатот Јанаки Митровски, Никола Тупанчевски, редовен професор по казнено право при „Јустинијан Први“, Александра Деаноска, вонредна професорка по казнено право при „Јустинијан Први“, и Оља Ристова, судијка при Основниот суд Скопје 1.

Предвиден е и интерактивен дел со публиката преку поставување прашања и коментари од учесниците.

 

Прикажи повеќе...

Daily news

Груевски оди во затвор – Апелација му ја потврди казната

Објавено пред

Апелациониот суд Скопје, постапувајќи по кривичниот предмет познат во јавноста под името „Тенк“ по одржана јавна седница, донесе пресуда со која му ја потврди двегодишната затворска казна на премиерот Никола Груевски. „Жалбите на обвинетиот Никола Груевски изјавени лично и преку неговите бранители ги одби како неосновани, а првостепената пресуда ја потврди во целост, со што му ги потврди двете години затворска казна“, пишува во соопштението од судот.

dobivaj vesti na viber

Второстепениот суд делумно му ја уважи жалбата на Ѓоко Поповски и му ја намали казната на 4 години и 6 месеци, а во останатиот дел првостепената одлука ја потврди.

За Гордана Јанкулоска за „Тенк“ е издвоена во друга постапка и пресудата за неа, под обвинение дека ја злоупотребила службената положба и го натерала Поповски да го намести тендерот за „мерцедесот“ што го посакал Груевски, ќе биде изречена на 8 октомври.

Прикажи повеќе...

Daily news

Бизнисменот Минчо Јорданов треба да сведочи дали бил уценет со пари во шпионската афера

Објавено пред

Spion

Бизнисменот Минчо Јорданов утрово во кривичниот суд е повикан да сведочи во предметот што го презеде специјалното јавно обвинителство под кодно име „Шпион“.

dobivaj vesti na viber

Обвинетите Миќо Наскоски, Зоран Божиновски и Марјан Маџовски, како што рече на минатото рочиште обвинителката Елизабета Јосифовска, со цел да се стекнат со противправна имотна корист, му се заканиле на бизнисменот Минчо Јорданов дека ќе објават податоци за наводна криминална приватизација и откуп на акциите во АД „Бетон“ и на други негови фирми. Во намерата не успеале, а Јорданов не ги исплатил парите.

„Обвинетиот Александар Диневски прибавувал податоци со степен на државна тајна, а потоа ги доставувал или директно на странските разузнавачки служби или му ги давал на обвинетиот Марјан Ефремов, кој ја формирал групата за уцени, изнуди и шпионажа и ја координирал од 2009 до 2013 година, регрутирајќи нови членови во мрежата. Со обвинетиот Мирослав Зафировски од УБК прибирале податоци за луѓе од ЦИА присутни во Македонија и за штаб на ЦИА во Ирак. Тие прибирале и податоци за организациската поставеност на УБК“, рече Јосифовска за „Шпион“, кое СЈО врз база на нови прислушувани разговори го презеде од Обвинителството за гонење организиран криминал и корупција.

Ефремов, според обвинението, групата за изнуда и тргување со тајни информации од безбедносните служби на Македонија ја направил во 2009 година и, како што тврди обвинителството, тој е мозокот на целата операција. Информациите им ги продавале на Кост Н. од грчката разузнавачка служба, Петар Н. и Јуриј Н. од унгарската и на други лица од странски разузнавачки служби.

Секој од обвинетите, зависно од тоа во која институција работел, снимал службени документи, кои потоа им ги продавал на грчката, руската, унгарската и српската разузнавачка служба. Обвинети во овој случај се и тогашниот шеф на Кабинетот на претседателот на Собранието, Трајко Вељаноски, генералот Горан Стојков, Миќо Насковски, Ѓорѓи Хаџимицев, Цветан Дамјановски (заедно со други нивни колеги од МВР, УБК, АР и Военото разузнавање, кои дел се веќе осудени) и Зоран Божиновски, кој во групата имал улога ако уценуваните не дадат пари, тој да ги објавува, како што вели обвинителката, во порталот „Буревесник“ или во други медиуми во кои работел. Божиновски е обвинет за злосторничко здружување, шпионажа и уцена.

Обвинетите не се чувствуваат виновни, а тврдат и дека целиот процес е монтиран. Во предметот првично беа опфатени 19 лица, од кои неколкумина ја одлежаа затворската казна. Предметот го суди судијата Владимир Туфегџиќ. На конференциска врска треба да сведочи и Драган Даравелски, кој, според обвинението, исто така бил уценуван од обвинетите.

Прикажи повеќе...

Најново

Македонија1 час

Ванковска: Преспанскиот и Бугарскиот договор се колонизаторски договори

Професорката Билјана Ванковска и претседателски кандидат на Левица во Фејсбук статус истакнува дека има разочарани млади луѓе кои мислат дека...

Свет1 час

Масовен руски напад врз Харков: Бомби паѓаа цела ноќ, две лица загинаа

Во текот на ноќта руските војници гранатираа 17 населени места во областа Херсон, при што загинаа две лица, а четворица...

Свет1 час

Две тела пронајдени во автомобил под урнатиот мост во Балтимор, паднале од височина од 50 метри во водата

Полицијата во американската сојузна држава Мериленд објави дека две тела биле пронајдени во автомобил во реката Патапско каде мостот Френсис...

Македонија2 часа

Целосен молк од страна на Пендаровски, Ковачевски и СДС за улогата и начинот на ангажирање на спорниот странски консултат, Асаф Еисин, велат од ВМРО-ДПМНЕ

Целосен молк од страна на Пендаровски, Ковачевски и СДС за улогата и начинот на ангажирање на спорниот странски консултат, Асаф...

Регион2 часа

Потрагата по Данка Илиќ продолжува трет ден, се проверуваат телефоните на родителите

И покрај прекинатата теренска потрага по Данка во Бањско Поле и околината, полицијата продолжува со интензивна оперативна работа за утврдување...

Свет2 часа

Путин: Обвинувањата дека Русија ќе ја нападне Европа по Украина се целосна глупост

Рускиот претседател Владимир Путин ги осуди обвинувањата на Западот дека Русија планира да се бори против Европа. Ги нарече „целосна...

Свет2 часа

Маж во Илиноис уби четири лица и избоде петмина, нападот траел 20 минути

Четири лица загинаа, а пет се повредени во напад во Рокфорд, Илиноис, додека 22-годишен осомничен е уапсен. Полицијата, исто така,...

Македонија17 часа

Турската демократска партија се приклучува на Европскиот фронт, Ахмети: Овој сојуз е историски

По потпишувањето на коалицијата за Европскиот фронт со ДПА на Мендух Тачи, Народното движење на Скендер Реџепи Зејд, ПДЕ на...

Македонија18 часа

Тошковски: Ќе сторам сè МВР да гарантира организирање на безбедни избори

Денеска министерот за внатрешни работи Панче Тошковски присуствуваше на панел дискусија „Зајакнување на соработката помеѓу институциите за проценка на изборните...

Македонија19 часа

Дисциплински постапки за петмина полицајци за пукањето пред тетовската болница

Поднесени се две две кривични пријави од СВР Тетово против М. Т., полициски службеник во Полициската станица за граничен надзор...

Македонија20 часа

ГРОМ, Интегра и ПЦЕР се здружија: коалицијата „Храбро за Македонија“ нема да поддржи уставни промени ниту пред ниту по изборите

Политичките партии Граѓанската опција за Македонија (ГРОМ), Интегра и Партијата за целосна еманципација на Ромите (ПЦЕР) денес се здружија во...

Македонија21 час

„Вреди“: Албанците нема да му простат на Бујар Османи за случајот Монструм

Претходно кога објаснувавме кој е Бујар Османи, дојде време да се откриваат неговите корупциски скандали, но и политичките ставови што...

Македонија23 часа

Мицкоски: Имаме принципиелен договор за настап на парламентарните избори врз кој ќе функционираме како идна влада

Ние имаме принципиелни разговори и преговори и принципиелен заеднички договор за настап на следните парламентарни избори и очекуваме понатаму, врз...

Свет1 ден

Бајден: Да ja ​​заштитиме Украина од месарот Путин

Американскиот претседател Џозеф Бајден уште еднаш го навреди рускиот претседател Владимир Путин говорејќи пред гласачите во американската сојузна држава Северна...

Регион1 ден

Вучиќ: Следуваат тешки денови за Србија, не ми е лесно да кажам какви вести добивме

Српскиот претседател Александар Вучиќ синоќа изјави дека пред Србија претстојат тешки денови, пренесува „Нова.рс“. Вучиќ најави дека во наредните денови...

Македонија1 ден

СДСМ: Скопје е запустен град, граѓаните се изневерени, ДПМНЕ нема план за иднината

Платформа од минатиот век се новите лажни ветувања на ДПМНЕ по примерот на Скопје. Откако ги изневерија граѓаните на Скопје,...

Регион1 ден

Трае потрагата по исчезнатото двегодишно девојче во Србија

Трае потрагата по двегодишното девојче, кое исчезна вчера околу 13.45 часот во приградската населба Бањско Поле, недалеку од Бор во...

Свет1 ден

Израел во текот на ноќта жестоко го бомбардира јужниот дел на Газа: „Луѓето умираат само за да добијат конзерва туна“

Израел во текот на ноќта интензивно го бомбардираше јужниот дел на Појасот Газа, и покрај меѓународниот притисок за итен прекин...

Свет1 ден

„Не веруваме дека ќе ги пронајдеме живи“: Запрена потрагата по исчезнатите лица по уривањето на мостот во Балтимор

Спасувачките екипи ја прекинаа потрагата по шест лица исчезнати по уривањето на мостот во Балтимор, бидејќи се претпоставува дека се...

Македонија1 ден

Османи со дипломатскиот кор за четвртата годишнина од членството на Македонија во НАТО

Со цел одбележување на 4-та годишнина од членството на Северна Македонија во НАТО, министерот за надворешни работи, Бујар Османи, денеска...