Daily news
Евролига: Фенер загуби во Малага, победнички старт за Реал, Олимпијакос, ЦСКА, Макаби
Бранителот на титулата во кошаркарската Евролига, Фенербахче, со пораз во Малага ја отвори новата сезона. За разлика од Фенербахче, фаворитите Реал Мадрид, ЦСКА Москва, Олимпијакос и Макаби забележаа победи во првото коло.
Првото коло во елитното кошаркарско натпреварување ги соочи освојувачот на Еврокупот Уникаха и европскиот шампион Фенрбахче. Во Малага во драматичен меч славеа домаќините 68:67 (20:20, 16:21, 14:16, 18:10).
По израмнетата прва четвртина Фенербахче ја презеде контролата врз играта и во 29. минута имаше двоцифрена предност 47:57. Кошаркарите на Фенербахче потоа влегоа во еден лош период, му дозволија на домаќинот серија 15:2, а на 124 секунди до крајот Уникаха водеше 68:60.
До крајот домашните кошаркари не поентираа ниту еднаш, Фенер постигна седум поени во низа, го имаше и последниот напад, но обидот на Слукас заврши на првиот обрач.
Грузиецот Шермандини ја предводеше Уникаха со 12 поени, а на спротивната страка Костас Слукас имаше учинок од 15 поени, 5 скока и 7 асистенции.
Кошаркарите на Реал славеа во Истанбул кај Анадолу Ефес 74:88 (19:28, 17:17, 20:17, 18:26). Реал победи благодарение на одличното издание на двоецот Лука Дончиќ-Густаво Ајон, а клучната предност ја стекна во финишот на првата и на почетокот на последната четвртина.
Лука Дончиќ, кој пред еден месец со Словенија стана европски првак, го предводеше Реал со 27 поени (12 од нив во последната четвртина), а Ајон оставри двоен ефект од 16 поени и 10 скока.
Кај Ефес се истакна Меколум со 26 поени, а по 17 коша постигнаа Лидо и Данстон, кои заедно имаа 16 скока.
ЦСКА потешко од очекувањата и од она што го покажува конечниот резултат славеше над Милано. „Армејците“ победија 93:84 (16:30, 22:18, 27:16, 28:20), а отпорот на противникот, кој во првиот дел неколку пати имаше предност од 14 поени, го скршија по 33. минута.
Четворица кошаркари се истакнаа кај ЦСКА: Кори Хигинс постигна 21, Чачо Родригез забележа 20 поени и по 5 скока и асистенции, Нандо де Коло уфрли 19, а Вил Клејбурн 15 поени.
Во редовите на Милано најефикасни беа Ендрју Гаудлок со 17 и Владимир Мицов со 16 поени.
Олимпијакос, иако во некомплетен состав, ја оправда фаворитската улога против Басконија. Мечот се одигра на Крит во арената „Хераклион“, а Олимпијакос славеше со 75:64 (16:12, 25:21, 19:16, 15:15).
Со исклучок на првите седум минути, домаќинот констатнтно беше во предност, а во најголем дел од мечот таа беше двоцифрена.
Принтезис постигна 17, Аграванис 13, а Папниколау 10 поени за победникот, а Шенгелија со 13 и Гренџер со 12 поени беа најефикасните кај Баскониа. Овој тим од сезонава го предводи прославениот Аргентинец Пабло Приџони.
Макаби кој оваа сеозна има комплетно нов тим и нов тренер (Невен Спахија), гостуваше во Бамберг и убедливо го порази Бросе Баскет 71:88 (20:14, 16:23, 23:18, 12:33).
Макаби го декласира својот противник во последниот период во кој успеа да постигне 33 поени.
Пјер Џексон, кој минатата сезона еден месец играше за Цедевита, со 27 поени беше најефикасен на теренот, а грчкиот ветеран Никос Зисис за Бросе постигна 16 коша. н.ц.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Daily news
Прва правна конференција Tres Partes
На 26 декември година во хотелот „Континентал“, со почеток во 10 часот, ќе се одржи првата правна конференција Tres partes, во организација на „Јанаки знае“, а ќе биде поделена во три дела.
Првиот дел е со работен наслов „Дали е потребно укинување на извршителите?”, на кој ќе учествуваат Зоран Василевски, кој ќе ја застапува тезата ПРО укинување на извршителите, извршител Снежана Андреевска, која ќе ја застапува тезата КОНТРА укинување на извршителите и извршител и поранешен судија за извршување, Христо Јованов, кој ќе предава во делот на извршувањето пред да се укинат судиите извршители.
Вториот дел е со работен наслов „Дали се шаблонизира институтот надомест на нематеријална штета“, на која предавачи ќе бидат адвокатката Маруша Митровска, судијката Љубица Колиќ од Основен суд Скопје 2 и судијата Ѓорѓи Радојков од Апелациониот суд Скопје.
Третиот т.н. кривичен дел е со работен наслов „Неприменување на кривично-правните институти“, во кој предавачи ќе бидат адвокатот Јанаки Митровски, Никола Тупанчевски, редовен професор по казнено право при „Јустинијан Први“, Александра Деаноска, вонредна професорка по казнено право при „Јустинијан Први“, и Оља Ристова, судијка при Основниот суд Скопје 1.
Предвиден е и интерактивен дел со публиката преку поставување прашања и коментари од учесниците.
Daily news
Груевски оди во затвор – Апелација му ја потврди казната
Апелациониот суд Скопје, постапувајќи по кривичниот предмет познат во јавноста под името „Тенк“ по одржана јавна седница, донесе пресуда со која му ја потврди двегодишната затворска казна на премиерот Никола Груевски. „Жалбите на обвинетиот Никола Груевски изјавени лично и преку неговите бранители ги одби како неосновани, а првостепената пресуда ја потврди во целост, со што му ги потврди двете години затворска казна“, пишува во соопштението од судот.
Второстепениот суд делумно му ја уважи жалбата на Ѓоко Поповски и му ја намали казната на 4 години и 6 месеци, а во останатиот дел првостепената одлука ја потврди.
За Гордана Јанкулоска за „Тенк“ е издвоена во друга постапка и пресудата за неа, под обвинение дека ја злоупотребила службената положба и го натерала Поповски да го намести тендерот за „мерцедесот“ што го посакал Груевски, ќе биде изречена на 8 октомври.
Daily news
Бизнисменот Минчо Јорданов треба да сведочи дали бил уценет со пари во шпионската афера
Бизнисменот Минчо Јорданов утрово во кривичниот суд е повикан да сведочи во предметот што го презеде специјалното јавно обвинителство под кодно име „Шпион“.
Обвинетите Миќо Наскоски, Зоран Божиновски и Марјан Маџовски, како што рече на минатото рочиште обвинителката Елизабета Јосифовска, со цел да се стекнат со противправна имотна корист, му се заканиле на бизнисменот Минчо Јорданов дека ќе објават податоци за наводна криминална приватизација и откуп на акциите во АД „Бетон“ и на други негови фирми. Во намерата не успеале, а Јорданов не ги исплатил парите.
„Обвинетиот Александар Диневски прибавувал податоци со степен на државна тајна, а потоа ги доставувал или директно на странските разузнавачки служби или му ги давал на обвинетиот Марјан Ефремов, кој ја формирал групата за уцени, изнуди и шпионажа и ја координирал од 2009 до 2013 година, регрутирајќи нови членови во мрежата. Со обвинетиот Мирослав Зафировски од УБК прибирале податоци за луѓе од ЦИА присутни во Македонија и за штаб на ЦИА во Ирак. Тие прибирале и податоци за организациската поставеност на УБК“, рече Јосифовска за „Шпион“, кое СЈО врз база на нови прислушувани разговори го презеде од Обвинителството за гонење организиран криминал и корупција.
Ефремов, според обвинението, групата за изнуда и тргување со тајни информации од безбедносните служби на Македонија ја направил во 2009 година и, како што тврди обвинителството, тој е мозокот на целата операција. Информациите им ги продавале на Кост Н. од грчката разузнавачка служба, Петар Н. и Јуриј Н. од унгарската и на други лица од странски разузнавачки служби.
Секој од обвинетите, зависно од тоа во која институција работел, снимал службени документи, кои потоа им ги продавал на грчката, руската, унгарската и српската разузнавачка служба. Обвинети во овој случај се и тогашниот шеф на Кабинетот на претседателот на Собранието, Трајко Вељаноски, генералот Горан Стојков, Миќо Насковски, Ѓорѓи Хаџимицев, Цветан Дамјановски (заедно со други нивни колеги од МВР, УБК, АР и Военото разузнавање, кои дел се веќе осудени) и Зоран Божиновски, кој во групата имал улога ако уценуваните не дадат пари, тој да ги објавува, како што вели обвинителката, во порталот „Буревесник“ или во други медиуми во кои работел. Божиновски е обвинет за злосторничко здружување, шпионажа и уцена.
Обвинетите не се чувствуваат виновни, а тврдат и дека целиот процес е монтиран. Во предметот првично беа опфатени 19 лица, од кои неколкумина ја одлежаа затворската казна. Предметот го суди судијата Владимир Туфегџиќ. На конференциска врска треба да сведочи и Драган Даравелски, кој, според обвинението, исто така бил уценуван од обвинетите.