Daily news
Зафатете се со овие бизниси, тие никогаш нема да пропаднат
Навикнати сме на удобност, но често не сме свесни колку нe чини тоа.
Секако, таа удобност чини пари и не влијае баш најдобро врз вашиот паричник, но затоа добро влијае врз компаниите кои нудат такви услуги.
Теретаните најмногу заработуваат кога ве нема
Тератаните секогаш имаат добар „договор” за месечното членство, но факт е дека половина од луѓетоги фрлаат своите парии во теретана одат неколку пати месечно. Тоа е добро за фитнес индустријата бидејќи теретаните заработуваат од членствата, но не заработуваат кога членовите се појавуваат на вежбање, туку кога не се појавуваат. Односно, најмногу заработуваат на нашата мрзеливост.
Не вариме ни кафе
Куќните апарати за кафе во кои само треба да ставите капсула и да го стиснете копчето се неверојатно лесен начин за да си подготвите кафе, но ве чинат многу повеќе. Една од компаниите која се занимава со оваа работа од продажбата на кафиња во капсули минатата година заработила 4.5 милијарди долари.
Големите банки зависат од тоа да го користите нивниот банкомат иако не сте нивни клиент
Само затоа што не ви се оди до банкоматот на вашата банка, попрво би го платиле надоместокот за подигнување на готовина на банкоматот од банка во која немате сметка. Според глобалниот просек, секоја личност месечно троши околу 400 денари поради оваа навика. Ние сме повеќе од седум милијарди луѓе во светот, па пресметајте колку пари се слеваат во банките, а да не мрднат ни со прст.
Мерачи на чекори, потрошени калории…
Можеби најдобриот доказ за ултимативна мрзеливост се геџетите кои следат колку чекори сме поминале, колку калории сме потрошиле, колку долго сме пешачеле… Имено, за воопшто да се помрднеме ни треба мотив и тоа во вид на не многу евтин геџет, чии производители знаат дека нема дополнително да пешачиме секој ден поради здравјето, туку тоа мора да биде игра која мора да ја споделиме на социјалните мрежи. Само Fitbit во 2014 година заработил 745 милиони долари.
Невработените професори се свесни дека учениците не сакаат да си ја пишуваат домашната работа
За оние најмрзливите ученици постои сајт и апликација “Unemployed Professors” преку која учениците и студентите можат да најмат професори и академици за нив да ги напишат дипломските работи, матурите и слично. Услугата не е воопшто евтина – работата на 5 страници чини 130 долари.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Daily news
Прва правна конференција Tres Partes
На 26 декември година во хотелот „Континентал“, со почеток во 10 часот, ќе се одржи првата правна конференција Tres partes, во организација на „Јанаки знае“, а ќе биде поделена во три дела.
Првиот дел е со работен наслов „Дали е потребно укинување на извршителите?”, на кој ќе учествуваат Зоран Василевски, кој ќе ја застапува тезата ПРО укинување на извршителите, извршител Снежана Андреевска, која ќе ја застапува тезата КОНТРА укинување на извршителите и извршител и поранешен судија за извршување, Христо Јованов, кој ќе предава во делот на извршувањето пред да се укинат судиите извршители.
Вториот дел е со работен наслов „Дали се шаблонизира институтот надомест на нематеријална штета“, на која предавачи ќе бидат адвокатката Маруша Митровска, судијката Љубица Колиќ од Основен суд Скопје 2 и судијата Ѓорѓи Радојков од Апелациониот суд Скопје.
Третиот т.н. кривичен дел е со работен наслов „Неприменување на кривично-правните институти“, во кој предавачи ќе бидат адвокатот Јанаки Митровски, Никола Тупанчевски, редовен професор по казнено право при „Јустинијан Први“, Александра Деаноска, вонредна професорка по казнено право при „Јустинијан Први“, и Оља Ристова, судијка при Основниот суд Скопје 1.
Предвиден е и интерактивен дел со публиката преку поставување прашања и коментари од учесниците.
Daily news
Груевски оди во затвор – Апелација му ја потврди казната
Апелациониот суд Скопје, постапувајќи по кривичниот предмет познат во јавноста под името „Тенк“ по одржана јавна седница, донесе пресуда со која му ја потврди двегодишната затворска казна на премиерот Никола Груевски. „Жалбите на обвинетиот Никола Груевски изјавени лично и преку неговите бранители ги одби како неосновани, а првостепената пресуда ја потврди во целост, со што му ги потврди двете години затворска казна“, пишува во соопштението од судот.
Второстепениот суд делумно му ја уважи жалбата на Ѓоко Поповски и му ја намали казната на 4 години и 6 месеци, а во останатиот дел првостепената одлука ја потврди.
За Гордана Јанкулоска за „Тенк“ е издвоена во друга постапка и пресудата за неа, под обвинение дека ја злоупотребила службената положба и го натерала Поповски да го намести тендерот за „мерцедесот“ што го посакал Груевски, ќе биде изречена на 8 октомври.
Daily news
Бизнисменот Минчо Јорданов треба да сведочи дали бил уценет со пари во шпионската афера
Бизнисменот Минчо Јорданов утрово во кривичниот суд е повикан да сведочи во предметот што го презеде специјалното јавно обвинителство под кодно име „Шпион“.
Обвинетите Миќо Наскоски, Зоран Божиновски и Марјан Маџовски, како што рече на минатото рочиште обвинителката Елизабета Јосифовска, со цел да се стекнат со противправна имотна корист, му се заканиле на бизнисменот Минчо Јорданов дека ќе објават податоци за наводна криминална приватизација и откуп на акциите во АД „Бетон“ и на други негови фирми. Во намерата не успеале, а Јорданов не ги исплатил парите.
„Обвинетиот Александар Диневски прибавувал податоци со степен на државна тајна, а потоа ги доставувал или директно на странските разузнавачки служби или му ги давал на обвинетиот Марјан Ефремов, кој ја формирал групата за уцени, изнуди и шпионажа и ја координирал од 2009 до 2013 година, регрутирајќи нови членови во мрежата. Со обвинетиот Мирослав Зафировски од УБК прибирале податоци за луѓе од ЦИА присутни во Македонија и за штаб на ЦИА во Ирак. Тие прибирале и податоци за организациската поставеност на УБК“, рече Јосифовска за „Шпион“, кое СЈО врз база на нови прислушувани разговори го презеде од Обвинителството за гонење организиран криминал и корупција.
Ефремов, според обвинението, групата за изнуда и тргување со тајни информации од безбедносните служби на Македонија ја направил во 2009 година и, како што тврди обвинителството, тој е мозокот на целата операција. Информациите им ги продавале на Кост Н. од грчката разузнавачка служба, Петар Н. и Јуриј Н. од унгарската и на други лица од странски разузнавачки служби.
Секој од обвинетите, зависно од тоа во која институција работел, снимал службени документи, кои потоа им ги продавал на грчката, руската, унгарската и српската разузнавачка служба. Обвинети во овој случај се и тогашниот шеф на Кабинетот на претседателот на Собранието, Трајко Вељаноски, генералот Горан Стојков, Миќо Насковски, Ѓорѓи Хаџимицев, Цветан Дамјановски (заедно со други нивни колеги од МВР, УБК, АР и Военото разузнавање, кои дел се веќе осудени) и Зоран Божиновски, кој во групата имал улога ако уценуваните не дадат пари, тој да ги објавува, како што вели обвинителката, во порталот „Буревесник“ или во други медиуми во кои работел. Божиновски е обвинет за злосторничко здружување, шпионажа и уцена.
Обвинетите не се чувствуваат виновни, а тврдат и дека целиот процес е монтиран. Во предметот првично беа опфатени 19 лица, од кои неколкумина ја одлежаа затворската казна. Предметот го суди судијата Владимир Туфегџиќ. На конференциска врска треба да сведочи и Драган Даравелски, кој, според обвинението, исто така бил уценуван од обвинетите.