Контакт

Daily news

Здружението „Бадникови поворки“ формиранo минатата година

Објавено пред

Манифестацијата „Бадникови поворки“ предизвика големи реакции во јавноста и обвинувања дека во спрега со власта се прави нарушување на уставниот принцип на секуларноста. Од ова здружение велат дека тие повеќе години ги организирале бадниковите поворки, но според Централниот регистар тие барем официјално се формирани во февруари 2017 година.  Од здружението за „Макфакс“ велат дека тие не се поврзани со власта, ниту со која било партија. Шилегов, пак, иако првично изјави дека Градот Скопје излегол во пресрет на иницијативата со превоз на децата со автобуси, денеска кажа дека на организаторите ќе им биде испратена фактура за превозот што го добиле за манифестацијата. Иако институциите негираат државна поддршка за религиозната манифестација, на видеоспотот за песната „Вечниот бог“, која е направена од ова здружение, се појавува логото на македонската полиција.

dobivaj vesti na viber

„Сите на Христа да Му пееме, Он заради нас се воплоти; Свет, Свет, Свет си и Пресвет Господи; О, Дево, Мајко, Владичице, спаси ги христијаните; Свет, Свет, Свет си и Пресвет Господи; О, Дево, Мајко, Владичице, спаси ги христијаните; Свет, Свет, Свет си и Пресвет Господи.“

Ова се дел од стиховите на песната „Вечниот бог“, чиј видеоспот е објавен пред Нова година и направен како дел од манифестацијата „Бадникови поворки“ од здружението за возобновување на православните трациции „Бадникови поворки“ од Скопје.  Во песната, која е веќе многу популарна на „Јутјуб“ и има повеќе од 130 илјади прегледи, се појавуваат и познати македонски поп-пејачи. Песната и спотот се искористени како најава за големата манифестација што се случи во саботата, каде што илјадници дечиња излегоа на улиците за да пеат бадникови песни и некои од нив отидоа и во општините.

„Доживејте вистинска божикна радост, која ќе ве натера да извикате ХРИСТОС СЕ РОДИ! И ајде сите да ја научиме оваа најпопуларна православна божикна песна „Вечниот бог“ и да им се придружиме на бадниковите поворки во родниот град или на централната манифестација во Скопје, на кои учество ќе земат околу 7.000 дечиња, кои всушност ќе ја сочинуваат и најголемата коледарска дружина во Македонија, но и во православниот свет воопшто“, стои во најавата за настанот.

Логото на македонската полиција на спотот на „Вечниот бог“

Интересно е што на крајот на спотот на оваа песна се појавува и едно лого од страна на институциите. Се работи за логото на македонската полиција, кое може да се види меѓу поддржувачите на иницијативата на здружението „Бадникови поворки“. Од Министерството за внатрешни работи за „Макфакс“ велат дека тие не знаат како се нашло нивното лого меѓу поддржувачите на религиозната иницијатива.

„МВР нема дадено никакви финансиски средства или спонзорство, сè што имаме направено е обезбедување на манифестацијата. Претпоставувам дека логото е ставено од некаква благодарност за обезбедувањето на настанот, немаме давано никакви пари за иницијативата“, вели портпаролот на МВР, Тони Ангеловски.

Но, оваа „случајност“ со појавувањето на логото на МВР не беше единствена каде што државата се измеша со религиозните празнувања и традиции. Во јавноста неколкупати беше повторувано дека ЈСП и Градот Скопје се приклучиле со поддршка со обезбедување превоз за децата што се дел од манифестацијата. Вчера на социјалните мрежи се ширеше и слика од повик наводно испратен од општинските служби во Кисела Вода, во кој се даваат насоки за манифестацијата и учеството во неа.

„Во насока на достојно одбележување на божикните празници, Општина Кисела Вода, во соработка со основните училишта што егзистираат на нејзината територија, ќе земе учество во традиционалната манифестација „Бадникови поворки“, која на Бадник во претпладневните часови ќе се одржува во сите градови во Македонија, а во чие одбележување ќе бидат вклучени и сите скопски општини“, се вели во текстот.

Денеска со реакција се огласи и Министерството за образование и наука, од каде што соопштија дека заради расчистување какво било сомневање за прекршување на законските одредби од областа на образованието, во текот на утрешниот ден ќе побараат од Државниот просветен инспекторат да ги испита сите индиции за евентуално верско организирање и дејствување во училиштата.

„Воедно, напоменуваме и дека вршењето инспекциски надзор од страна на Државниот просветен инспекторат беше невозможно во изминативе неколку дена, со оглед на тоа што, покрај учениците кои се на зимски распуст, и вработените во училиштата се ослободени од активности до 9.1.2018 година“, велат од МОН.

Тие информираа дека од нив не била побарана ниту, пак, дале  согласност за преземање какви било активности во училиштата за подготовка или организирање на учениците за учество во овие манифестации во текот на првото полугодие од оваа учебна година.

Најмногу реакции на социјалните мрежи предизвикаа видеата од децата кои пееја бадникови песни пред градоначалниците. Општина Карпош, на пример, објави видео од изјавата на градоначалникот Стефан Богоев и неговата средба со дечињата и родителите.

„Општина Карпош денеска се приклучи на големото празнување на големиот христијански празник Бадник. Оваа година имаше можност нашите најмали карпошанчиња од основните училишта, оние што се заинтересирани, да бидат дел од овој голем настан. Ние пречекуваме 150 млади карпошани од основните училишта, кои потоа организирано ќе се упатат до „Сити мол“, а потоа во центарот на градот, каде што заедно со другите дечиња од другите општини ќе бидат дел од одбележувањето на овој голем христијански празник“, изјави Богоев. Од Општина Центар, пак, се огласија преку медиумите дека децата по своја желба му пееле песни на градоначалникот Саша Богдановиќ.

„Бадникови поворки“: Немаме поддршка од власта, ниту од некоја партија

Здружението „Бадникови поворки“, според податоците од Централниот регистар, е основано во февруари 2017 година во Скопје, а негов претседател е Милан Копчаревски од Скопје.

Копчаревски за „Макфакс“ вели дека тие немаат никакви врски со партиите или власта и дека не знае зошто во јавноста се појавиле толку негативни реакции за нивната манифестација. Според него, децата не пееле песни само кај градоначалниците, туку и на многу други места.

„Коледе е навестување на Христовото раѓање, дечињата одеа по куќите, по болниците, а општините се институции што работат за народот, дечињата одеа и на други места. Дечињата беа во општини каде што имаше градоначалници од две партии. Градоначалниците со писмо ги замоливме да ги отворат вратите на општините за, освен на другите места, децата да поминат и таму“, вели Копчаревски.

Според него, манифестацијата се финансирала со спонзори од фирми, а тие самите ги подготвувале пакетчињата.

„Немаме никакви конекции со власта, имаме согласност од сите родители, сè беше доброволно. Од МПЦ побаравме поддршка, ова е граѓанска иницијатива, но побаравме благослов од црквата за настанот и архиепископот да ги поздрави присустните“, вели тој.

Дел од здружението е и струмичанката Марија Саздева, која вели дека тие испратиле молба до општините да ги отворат вратите за да дојдат група деца и да ги испеат бадниковите песни. Таа, освен што е активна во ова здружение, работи и во телевизијата „Канал 5“ и негира каква било поврзаност со некоја партија.

„Луѓето сами се пријавуваа за да учествуваат во манифестацијата, самите родители се пријавуваа и бевме организирани во 25 града. Имавме согласност од сите родители за учеството на децата. Ние веќе неколку години по ред ја организираме акцијата“, вели Саздева.

На прашањето зошто одлучиле да ги вклучат и политичарите во манифестацијата и зошто имало потреба децата да пеат бадникови песни во дворовите на општините и кај градоначалниците, таа вели дека не гледа проблем во ваквиот чекор.

„Не се вклучени политичарите, ние не одиме пред централен комитет на некоја партија, одиме кај првиот човек во општината. Кој ги ограничува коледарите каде да запеат? Ние само ги известивме дека ќе дојдат и пративме замолница до општините да ги отворат своите врати. Испративме и барање до МВР да бидат обезбедувани улиците, тие да се погрижат за јавниот ред и мир, и барање до ЈСП за бесллатен превоз на децата низ Скопје, од општините до центарот на градот“, вели Саздева за „Макфакс“.

Според неа, здружението ја финансирало акцијата со поддршка од членовите и со донации од македонски компании.

По реакциите, на бадникарите ќе им стигне фактура за превозот од ЈСП

Иако вчера градоначалникот на Скопје, Петре Шилегов, рече дека Градот Скопје излегол во пресрет на иницијативата со превоз на децата со автобуси, денеска по реакциите во јавноста за мешање на државата и религијата, тој имаше поинаква изјава.

„Градот Скопје нема никакви ингеренции во основните училишта. Споменатото здружение се обрати до Град Скопје со две барања. Едното беше да ги примам децата како градоначалник на пеење коледарски песни и второто беше да ставиме на располагање дел од капацитетите на Градот мислејќи на ЈСП. Како градоначалник на Скопје сметав дека не е во ред да примам деца и тоа не го направив. Како градоначалник сметав дека градот има капацитет и даде на располагање дел од автобусите, кои во текот на утрешниот ден ќе бидат преброени и ќе ѝ бидат фактурирани на организацијата или, пак, на барателите на автобусите. Со ништо не беше нарушен уставниот принцип на секуларноста“, изјави денеска Шилегов.

Партиите продолжуваат да кокетираат со религијата

Политикологот Соња Стојадиновиќ вели дека примерот со бадниковите поворки покажува дека во Македонија речиси не постои партија што не кокетира со верските институции.

„Немаме ниту албанска, турска или ромска партија што нема да кокетира зо ИВЗ ниту, пак, македонска партија што нема да кокетира со МПЦ. Праксата на вакви масовни прослави на верски празници со злоупотреба на децата ја воспостави ДПМНЕ, само сетете се на децата во Битола од основно училиште кои одеа на улиците облечени како ангелчиња. СДСМ нема намера да ја прекине за да задржи мир меѓу луѓето.

Кај нас религиозноста кај граѓаните се постави речиси на агресивно ниво и секое потсетување дека сме секуларна држава како што се дочекуваше на нож во времето на ДПМНЕ, така е и сега. Проблемот го прават квазирелигиозните граѓани, кои наеднаш се освестија и станаа големи верници, без толеранција за што и да било поинаку околу себе. Единствен светол пример беше одлуката на градоначалникот на Прилеп, кој одби да го поддржи маршот на Бадник и се повика на секуларноста на државата. Тој треба да биде пример за следење“, вели Стојадиновиќ.

Кристина Озимец



©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Daily news

Прва правна конференција Tres Partes

Објавено пред

На 26 декември година во хотелот „Континентал“, со почеток во 10 часот, ќе се одржи првата правна конференција Tres partes, во организација на „Јанаки знае“, а ќе биде поделена во три дела.

dobivaj vesti na viber

Првиот дел е со работен наслов „Дали е потребно укинување на извршителите?”, на кој ќе учествуваат Зоран Василевски, кој ќе ја застапува тезата ПРО укинување на извршителите, извршител Снежана Андреевска, која ќе ја застапува тезата КОНТРА укинување на извршителите и извршител и поранешен судија за извршување, Христо Јованов, кој ќе предава во делот на извршувањето пред да се укинат судиите извршители.

Вториот дел е со работен наслов „Дали се шаблонизира институтот надомест на нематеријална штета“, на која предавачи ќе бидат адвокатката Маруша Митровска, судијката Љубица Колиќ од Основен суд Скопје 2 и судијата Ѓорѓи Радојков од Апелациониот суд Скопје.

Третиот т.н. кривичен дел е со работен наслов „Неприменување на кривично-правните институти“, во кој предавачи ќе бидат адвокатот Јанаки Митровски, Никола Тупанчевски, редовен професор по казнено право при „Јустинијан Први“, Александра Деаноска, вонредна професорка по казнено право при „Јустинијан Први“, и Оља Ристова, судијка при Основниот суд Скопје 1.

Предвиден е и интерактивен дел со публиката преку поставување прашања и коментари од учесниците.

 

Прикажи повеќе...

Daily news

Груевски оди во затвор – Апелација му ја потврди казната

Објавено пред

Апелациониот суд Скопје, постапувајќи по кривичниот предмет познат во јавноста под името „Тенк“ по одржана јавна седница, донесе пресуда со која му ја потврди двегодишната затворска казна на премиерот Никола Груевски. „Жалбите на обвинетиот Никола Груевски изјавени лично и преку неговите бранители ги одби како неосновани, а првостепената пресуда ја потврди во целост, со што му ги потврди двете години затворска казна“, пишува во соопштението од судот.

dobivaj vesti na viber

Второстепениот суд делумно му ја уважи жалбата на Ѓоко Поповски и му ја намали казната на 4 години и 6 месеци, а во останатиот дел првостепената одлука ја потврди.

За Гордана Јанкулоска за „Тенк“ е издвоена во друга постапка и пресудата за неа, под обвинение дека ја злоупотребила службената положба и го натерала Поповски да го намести тендерот за „мерцедесот“ што го посакал Груевски, ќе биде изречена на 8 октомври.

Прикажи повеќе...

Daily news

Бизнисменот Минчо Јорданов треба да сведочи дали бил уценет со пари во шпионската афера

Објавено пред

Spion

Бизнисменот Минчо Јорданов утрово во кривичниот суд е повикан да сведочи во предметот што го презеде специјалното јавно обвинителство под кодно име „Шпион“.

dobivaj vesti na viber

Обвинетите Миќо Наскоски, Зоран Божиновски и Марјан Маџовски, како што рече на минатото рочиште обвинителката Елизабета Јосифовска, со цел да се стекнат со противправна имотна корист, му се заканиле на бизнисменот Минчо Јорданов дека ќе објават податоци за наводна криминална приватизација и откуп на акциите во АД „Бетон“ и на други негови фирми. Во намерата не успеале, а Јорданов не ги исплатил парите.

„Обвинетиот Александар Диневски прибавувал податоци со степен на државна тајна, а потоа ги доставувал или директно на странските разузнавачки служби или му ги давал на обвинетиот Марјан Ефремов, кој ја формирал групата за уцени, изнуди и шпионажа и ја координирал од 2009 до 2013 година, регрутирајќи нови членови во мрежата. Со обвинетиот Мирослав Зафировски од УБК прибирале податоци за луѓе од ЦИА присутни во Македонија и за штаб на ЦИА во Ирак. Тие прибирале и податоци за организациската поставеност на УБК“, рече Јосифовска за „Шпион“, кое СЈО врз база на нови прислушувани разговори го презеде од Обвинителството за гонење организиран криминал и корупција.

Ефремов, според обвинението, групата за изнуда и тргување со тајни информации од безбедносните служби на Македонија ја направил во 2009 година и, како што тврди обвинителството, тој е мозокот на целата операција. Информациите им ги продавале на Кост Н. од грчката разузнавачка служба, Петар Н. и Јуриј Н. од унгарската и на други лица од странски разузнавачки служби.

Секој од обвинетите, зависно од тоа во која институција работел, снимал службени документи, кои потоа им ги продавал на грчката, руската, унгарската и српската разузнавачка служба. Обвинети во овој случај се и тогашниот шеф на Кабинетот на претседателот на Собранието, Трајко Вељаноски, генералот Горан Стојков, Миќо Насковски, Ѓорѓи Хаџимицев, Цветан Дамјановски (заедно со други нивни колеги од МВР, УБК, АР и Военото разузнавање, кои дел се веќе осудени) и Зоран Божиновски, кој во групата имал улога ако уценуваните не дадат пари, тој да ги објавува, како што вели обвинителката, во порталот „Буревесник“ или во други медиуми во кои работел. Божиновски е обвинет за злосторничко здружување, шпионажа и уцена.

Обвинетите не се чувствуваат виновни, а тврдат и дека целиот процес е монтиран. Во предметот првично беа опфатени 19 лица, од кои неколкумина ја одлежаа затворската казна. Предметот го суди судијата Владимир Туфегџиќ. На конференциска врска треба да сведочи и Драган Даравелски, кој, според обвинението, исто така бил уценуван од обвинетите.

Прикажи повеќе...

Најново

Економија1 минута

Трендафилов најави неколку протести: Во вторник ќе ги охрабриме судиите да ја преиначат срамната пресуда за конфискација на Работничкиот дом

Претседателот на ССМ Слободан Трендафилов денеска на прес-конференција за втори април најави протест кој ќе започне од пред седиштето на...

Македонија4 часа

Ванковска: Преспанскиот и бугарскиот договор се колонизаторски договори

Професорката Билјана Ванковска и претседателски кандидат на Левица во Фејсбук статус истакнува дека има разочарани млади луѓе кои мислат дека...

Свет4 часа

Масовен руски напад врз Харков: Бомби паѓаа цела ноќ, две лица загинаа

Во текот на ноќта руските војници гранатираа 17 населени места во областа Херсон, при што загинаа две лица, а четворица...

Свет5 часа

Две тела пронајдени во автомобил под урнатиот мост во Балтимор, паднале од височина од 50 метри во водата

Полицијата во американската сојузна држава Мериленд објави дека две тела биле пронајдени во автомобил во реката Патапско, каде што мостот...

Македонија5 часа

Целосен молк од страна на Пендаровски, Ковачевски и СДС за улогата и начинот на ангажирање на спорниот странски консултат Асаф Еисин, велат од ВМРО-ДПМНЕ

Целосен молк од страна на Пендаровски, Ковачевски и СДС за улогата и начинот на ангажирање на спорниот странски консултат, Асаф...

Регион5 часа

Потрагата по Данка Илиќ продолжува трет ден, се проверуваат телефоните на родителите

И покрај прекинатата теренска потрага по Данка во Бањско Поле и околината, полицијата продолжува со интензивна оперативна работа за утврдување...

Свет5 часа

Путин: Обвинувањата дека Русија ќе ја нападне Европа по Украина се целосна глупост

Рускиот претседател Владимир Путин ги осуди обвинувањата на Западот дека Русија планира да се бори против Европа. Ги нарече „целосна...

Свет5 часа

Маж во Илиноис уби четири лица и избоде петмина, нападот траел 20 минути

Четири лица загинаа, а пет се повредени во напад во Рокфорд, Илиноис, додека 22-годишен осомничен е уапсен. Полицијата, исто така,...

Македонија20 часа

Турската демократска партија се приклучува на Европскиот фронт, Ахмети: Овој сојуз е историски

По потпишувањето на коалицијата за Европскиот фронт со ДПА на Мендух Тачи, Народното движење на Скендер Реџепи Зејд, ПДЕ на...

Македонија21 час

Тошковски: Ќе сторам сè МВР да гарантира организирање на безбедни избори

Денеска министерот за внатрешни работи Панче Тошковски присуствуваше на панел дискусија „Зајакнување на соработката помеѓу институциите за проценка на изборните...

Македонија23 часа

Дисциплински постапки за петмина полицајци за пукањето пред тетовската болница

Поднесени се две две кривични пријави од СВР Тетово против М. Т., полициски службеник во Полициската станица за граничен надзор...

Македонија24 часа

ГРОМ, Интегра и ПЦЕР се здружија: коалицијата „Храбро за Македонија“ нема да поддржи уставни промени ниту пред ниту по изборите

Политичките партии Граѓанската опција за Македонија (ГРОМ), Интегра и Партијата за целосна еманципација на Ромите (ПЦЕР) денес се здружија во...

Македонија1 ден

„Вреди“: Албанците нема да му простат на Бујар Османи за случајот Монструм

Претходно кога објаснувавме кој е Бујар Османи, дојде време да се откриваат неговите корупциски скандали, но и политичките ставови што...

Македонија1 ден

Мицкоски: Имаме принципиелен договор за настап на парламентарните избори врз кој ќе функционираме како идна влада

Ние имаме принципиелни разговори и преговори и принципиелен заеднички договор за настап на следните парламентарни избори и очекуваме понатаму, врз...

Свет1 ден

Бајден: Да ja ​​заштитиме Украина од месарот Путин

Американскиот претседател Џозеф Бајден уште еднаш го навреди рускиот претседател Владимир Путин говорејќи пред гласачите во американската сојузна држава Северна...

Регион1 ден

Вучиќ: Следуваат тешки денови за Србија, не ми е лесно да кажам какви вести добивме

Српскиот претседател Александар Вучиќ синоќа изјави дека пред Србија претстојат тешки денови, пренесува „Нова.рс“. Вучиќ најави дека во наредните денови...

Македонија1 ден

СДСМ: Скопје е запустен град, граѓаните се изневерени, ДПМНЕ нема план за иднината

Платформа од минатиот век се новите лажни ветувања на ДПМНЕ по примерот на Скопје. Откако ги изневерија граѓаните на Скопје,...

Регион1 ден

Трае потрагата по исчезнатото двегодишно девојче во Србија

Трае потрагата по двегодишното девојче, кое исчезна вчера околу 13.45 часот во приградската населба Бањско Поле, недалеку од Бор во...

Свет1 ден

Израел во текот на ноќта жестоко го бомбардира јужниот дел на Газа: „Луѓето умираат само за да добијат конзерва туна“

Израел во текот на ноќта интензивно го бомбардираше јужниот дел на Појасот Газа, и покрај меѓународниот притисок за итен прекин...

Свет1 ден

„Не веруваме дека ќе ги пронајдеме живи“: Запрена потрагата по исчезнатите лица по уривањето на мостот во Балтимор

Спасувачките екипи ја прекинаа потрагата по шест лица исчезнати по уривањето на мостот во Балтимор, бидејќи се претпоставува дека се...