Daily news
Значајни совети – како да ја зголемите самодовербата?
Таа вели дека нашиот став често го следи нашето однесување, но и спротивно – однесувањето и делата можат да се зависни од тоа кој став сме го заземале.
На пример, доколку имате психолошка бариера себеси да си (до)кажете дека сте сјајни, совршени, убави, згодни, заземате одредена поза и така вашето тело ќе му испрати порака на вашиот ум, кој би требало да биде убеден во тоа. Понатаму, како што вели Кади, со усвојувањето на говорот на телото на моќните личности, ќе се промени начинот на кој другите луѓе ве гледаат и начинот на кој ќе се однесуваат кон вас.
Како можеме да ја примениме оваа стратегија следниот пат кога ќе се соочиме со некоја тешка ситуација?
Еве неколку положби на телото кои ќе ви ја подигнат самодовербата на работа:
Кога склучувате договор (или завршувате договор) ставете ги рацете на масата и потпрете се малку напред.
Кога одржувате некаква презентација, кон крајот на презентацијата, доколку сакате да поентирате наместете се во оваа положба. Тоа што сте наведнати нанапред покажува дека се грижите и дека сте во позиција во која доминирате. Психолозите велат дека оваа поза може во исто време и да чува и да заведе.
Кога сакате да кажете некоја идеја, ставете ги нозете на маса, рацете позади глава и навалете се назад.
Оваа „шеф поза“ ќе ви даде повеќе самодоверба да кажете некои идеи или новитети, кои инаку не би ги кажале поради срамежливост, недостаток на верба во самите себе и во своите идеи итн. Исто така, оваа поза овозможува да преземеме ризик.
Пред интервју, раширете ги нозете и испружете ги рацете над глава во форма на буквата V.
Ова е позата „голема моќ“. Пред интервју (за работа), раширете ги рацете колку повеќе можете, како што би направиле кога би биле на бина пред илјадници ваши фанови. Задржете се во оваа положба околу две минути за да почувствувате хормонски промени кои би ви дале повеќе самодоверба.
Ако сте вие личноста која го спроведува интервјуто, ставете ја раката на потпирачот на столот, а нозете ставете ги една преку друга.
На тој начин ќе бидете „отворени“, но со нозете на земја. Кади оваа поза ја нарече „директорска“, откако видела слика од Опра Винфри, на која Опра изгледала како тотален шеф.
Кога разговарате со шефот, исправете се, ставете ги рацете на колковите а стапалата нека ви бидат во иста линија со колковите.
Кога ќе ви се придружи шефот, да кажеме кај апаратот за кафе, сигурно дека нема да ви биде баш најпријатно. Обидете се опуштено да разговарате со него. Токму оваа поза, која Кади ја нарече „посакувана жена“, ќе ви даде доза на самодоверба, смиреност и контрола. Потполно спротивен ефект има, на пример, допирањето за врат, кое покажува анксиозност и недостаток на контрола.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Daily news
Прва правна конференција Tres Partes
На 26 декември година во хотелот „Континентал“, со почеток во 10 часот, ќе се одржи првата правна конференција Tres partes, во организација на „Јанаки знае“, а ќе биде поделена во три дела.
Првиот дел е со работен наслов „Дали е потребно укинување на извршителите?”, на кој ќе учествуваат Зоран Василевски, кој ќе ја застапува тезата ПРО укинување на извршителите, извршител Снежана Андреевска, која ќе ја застапува тезата КОНТРА укинување на извршителите и извршител и поранешен судија за извршување, Христо Јованов, кој ќе предава во делот на извршувањето пред да се укинат судиите извршители.
Вториот дел е со работен наслов „Дали се шаблонизира институтот надомест на нематеријална штета“, на која предавачи ќе бидат адвокатката Маруша Митровска, судијката Љубица Колиќ од Основен суд Скопје 2 и судијата Ѓорѓи Радојков од Апелациониот суд Скопје.
Третиот т.н. кривичен дел е со работен наслов „Неприменување на кривично-правните институти“, во кој предавачи ќе бидат адвокатот Јанаки Митровски, Никола Тупанчевски, редовен професор по казнено право при „Јустинијан Први“, Александра Деаноска, вонредна професорка по казнено право при „Јустинијан Први“, и Оља Ристова, судијка при Основниот суд Скопје 1.
Предвиден е и интерактивен дел со публиката преку поставување прашања и коментари од учесниците.
Daily news
Груевски оди во затвор – Апелација му ја потврди казната
Апелациониот суд Скопје, постапувајќи по кривичниот предмет познат во јавноста под името „Тенк“ по одржана јавна седница, донесе пресуда со која му ја потврди двегодишната затворска казна на премиерот Никола Груевски. „Жалбите на обвинетиот Никола Груевски изјавени лично и преку неговите бранители ги одби како неосновани, а првостепената пресуда ја потврди во целост, со што му ги потврди двете години затворска казна“, пишува во соопштението од судот.
Второстепениот суд делумно му ја уважи жалбата на Ѓоко Поповски и му ја намали казната на 4 години и 6 месеци, а во останатиот дел првостепената одлука ја потврди.
За Гордана Јанкулоска за „Тенк“ е издвоена во друга постапка и пресудата за неа, под обвинение дека ја злоупотребила службената положба и го натерала Поповски да го намести тендерот за „мерцедесот“ што го посакал Груевски, ќе биде изречена на 8 октомври.
Daily news
Бизнисменот Минчо Јорданов треба да сведочи дали бил уценет со пари во шпионската афера
Бизнисменот Минчо Јорданов утрово во кривичниот суд е повикан да сведочи во предметот што го презеде специјалното јавно обвинителство под кодно име „Шпион“.
Обвинетите Миќо Наскоски, Зоран Божиновски и Марјан Маџовски, како што рече на минатото рочиште обвинителката Елизабета Јосифовска, со цел да се стекнат со противправна имотна корист, му се заканиле на бизнисменот Минчо Јорданов дека ќе објават податоци за наводна криминална приватизација и откуп на акциите во АД „Бетон“ и на други негови фирми. Во намерата не успеале, а Јорданов не ги исплатил парите.
„Обвинетиот Александар Диневски прибавувал податоци со степен на државна тајна, а потоа ги доставувал или директно на странските разузнавачки служби или му ги давал на обвинетиот Марјан Ефремов, кој ја формирал групата за уцени, изнуди и шпионажа и ја координирал од 2009 до 2013 година, регрутирајќи нови членови во мрежата. Со обвинетиот Мирослав Зафировски од УБК прибирале податоци за луѓе од ЦИА присутни во Македонија и за штаб на ЦИА во Ирак. Тие прибирале и податоци за организациската поставеност на УБК“, рече Јосифовска за „Шпион“, кое СЈО врз база на нови прислушувани разговори го презеде од Обвинителството за гонење организиран криминал и корупција.
Ефремов, според обвинението, групата за изнуда и тргување со тајни информации од безбедносните служби на Македонија ја направил во 2009 година и, како што тврди обвинителството, тој е мозокот на целата операција. Информациите им ги продавале на Кост Н. од грчката разузнавачка служба, Петар Н. и Јуриј Н. од унгарската и на други лица од странски разузнавачки служби.
Секој од обвинетите, зависно од тоа во која институција работел, снимал службени документи, кои потоа им ги продавал на грчката, руската, унгарската и српската разузнавачка служба. Обвинети во овој случај се и тогашниот шеф на Кабинетот на претседателот на Собранието, Трајко Вељаноски, генералот Горан Стојков, Миќо Насковски, Ѓорѓи Хаџимицев, Цветан Дамјановски (заедно со други нивни колеги од МВР, УБК, АР и Военото разузнавање, кои дел се веќе осудени) и Зоран Божиновски, кој во групата имал улога ако уценуваните не дадат пари, тој да ги објавува, како што вели обвинителката, во порталот „Буревесник“ или во други медиуми во кои работел. Божиновски е обвинет за злосторничко здружување, шпионажа и уцена.
Обвинетите не се чувствуваат виновни, а тврдат и дека целиот процес е монтиран. Во предметот првично беа опфатени 19 лица, од кои неколкумина ја одлежаа затворската казна. Предметот го суди судијата Владимир Туфегџиќ. На конференциска врска треба да сведочи и Драган Даравелски, кој, според обвинението, исто така бил уценуван од обвинетите.