Daily news
Зошто треба да се јадат костени?
Постојат многу причини во својата исхрана да го вклучите костенот. Тој има благ вкус и има широка примена во кулинарството. Содржи помалку масти од останатите јаткасти плодови, висок процент на скроб и витамин Ц. Во продавниците за здрава храна може да се најде и брашно од костен кое се користи за правење на леб и пецива.
При купување на костени бирајте поголеми плодови кои се сјајни. Чувајте ги на ладно место до две недели.
Костенот можете да го користите на повеќе начини а ова се 10-те причини поради кои задолжително треба да го вметнете во зимската исхрана
1. Брзо заситува – поради високата содржина на растителни влакна и сложени јаглени хидрати, костенот брзо предизвикува чувство на ситост. Нормално, тоа е пожелно за контрола на тежината.
2. Добар е за забите и коските – поради комбинацијата на калциум, фосфор и магнезиум има исклучително влијание на здравјето на коските и забите.
3. Ја стимулира функцијата на нервниот систем – богат е со минерали и витамините од групата Б, го подобрува здравјето на нервниот систем и спречува невролошки промени и заболувања.
4. Корисен е во исхраната за дијабетичарите – Поради бавната апсорција на јаглени хидрати и тоа што не го големува нагло инсулинот во крвта, корисен е во осхраната на дијабетичатите.
5. Го содржи сите есенцијални амино киселини – ова е особено значајно за лицата кои се на веганска исхрана, старите лица и спортистите.
6. Брашното од костени е намирница без глутен – ова го прави идеално во исхраната на лицата со целијакија и лицата во различна мера чувствителни на глутен.
7. Костенот е добар во борбата против анемијата – со високата содржина на железо и во комбинација со некое свежо овошје (поради витаминот Ц) помага при анемија и замор.
8. Костенот има ефект на кардио-штит – со тоа што содржи добри масти и обезбедува добра пропорција на омега 3 и 6 масни киселини, костенот го штити срцето.
9. Добар е за лицата со висок крвен притисок – поради ниската содржина на натриум и калиум, одличен е за исхрана на лицата кои боледуваат од хипертензија. Неговото диуретично дејство, го прави погодно за лицата кај кои се задржува вода во организамот.
10. Го чува цревниот систем и имунитетот – богат е со билни влакна, овозможува добра работа на цревниот систем, добра состојбата на бактериската флора, спречува констипација и пореметување на цревата што се заедно благотворно делува и на имунитетот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Daily news
Прва правна конференција Tres Partes
На 26 декември година во хотелот „Континентал“, со почеток во 10 часот, ќе се одржи првата правна конференција Tres partes, во организација на „Јанаки знае“, а ќе биде поделена во три дела.
Првиот дел е со работен наслов „Дали е потребно укинување на извршителите?”, на кој ќе учествуваат Зоран Василевски, кој ќе ја застапува тезата ПРО укинување на извршителите, извршител Снежана Андреевска, која ќе ја застапува тезата КОНТРА укинување на извршителите и извршител и поранешен судија за извршување, Христо Јованов, кој ќе предава во делот на извршувањето пред да се укинат судиите извршители.
Вториот дел е со работен наслов „Дали се шаблонизира институтот надомест на нематеријална штета“, на која предавачи ќе бидат адвокатката Маруша Митровска, судијката Љубица Колиќ од Основен суд Скопје 2 и судијата Ѓорѓи Радојков од Апелациониот суд Скопје.
Третиот т.н. кривичен дел е со работен наслов „Неприменување на кривично-правните институти“, во кој предавачи ќе бидат адвокатот Јанаки Митровски, Никола Тупанчевски, редовен професор по казнено право при „Јустинијан Први“, Александра Деаноска, вонредна професорка по казнено право при „Јустинијан Први“, и Оља Ристова, судијка при Основниот суд Скопје 1.
Предвиден е и интерактивен дел со публиката преку поставување прашања и коментари од учесниците.
Daily news
Груевски оди во затвор – Апелација му ја потврди казната
Апелациониот суд Скопје, постапувајќи по кривичниот предмет познат во јавноста под името „Тенк“ по одржана јавна седница, донесе пресуда со која му ја потврди двегодишната затворска казна на премиерот Никола Груевски. „Жалбите на обвинетиот Никола Груевски изјавени лично и преку неговите бранители ги одби како неосновани, а првостепената пресуда ја потврди во целост, со што му ги потврди двете години затворска казна“, пишува во соопштението од судот.
Второстепениот суд делумно му ја уважи жалбата на Ѓоко Поповски и му ја намали казната на 4 години и 6 месеци, а во останатиот дел првостепената одлука ја потврди.
За Гордана Јанкулоска за „Тенк“ е издвоена во друга постапка и пресудата за неа, под обвинение дека ја злоупотребила службената положба и го натерала Поповски да го намести тендерот за „мерцедесот“ што го посакал Груевски, ќе биде изречена на 8 октомври.
Daily news
Бизнисменот Минчо Јорданов треба да сведочи дали бил уценет со пари во шпионската афера
Бизнисменот Минчо Јорданов утрово во кривичниот суд е повикан да сведочи во предметот што го презеде специјалното јавно обвинителство под кодно име „Шпион“.
Обвинетите Миќо Наскоски, Зоран Божиновски и Марјан Маџовски, како што рече на минатото рочиште обвинителката Елизабета Јосифовска, со цел да се стекнат со противправна имотна корист, му се заканиле на бизнисменот Минчо Јорданов дека ќе објават податоци за наводна криминална приватизација и откуп на акциите во АД „Бетон“ и на други негови фирми. Во намерата не успеале, а Јорданов не ги исплатил парите.
„Обвинетиот Александар Диневски прибавувал податоци со степен на државна тајна, а потоа ги доставувал или директно на странските разузнавачки служби или му ги давал на обвинетиот Марјан Ефремов, кој ја формирал групата за уцени, изнуди и шпионажа и ја координирал од 2009 до 2013 година, регрутирајќи нови членови во мрежата. Со обвинетиот Мирослав Зафировски од УБК прибирале податоци за луѓе од ЦИА присутни во Македонија и за штаб на ЦИА во Ирак. Тие прибирале и податоци за организациската поставеност на УБК“, рече Јосифовска за „Шпион“, кое СЈО врз база на нови прислушувани разговори го презеде од Обвинителството за гонење организиран криминал и корупција.
Ефремов, според обвинението, групата за изнуда и тргување со тајни информации од безбедносните служби на Македонија ја направил во 2009 година и, како што тврди обвинителството, тој е мозокот на целата операција. Информациите им ги продавале на Кост Н. од грчката разузнавачка служба, Петар Н. и Јуриј Н. од унгарската и на други лица од странски разузнавачки служби.
Секој од обвинетите, зависно од тоа во која институција работел, снимал службени документи, кои потоа им ги продавал на грчката, руската, унгарската и српската разузнавачка служба. Обвинети во овој случај се и тогашниот шеф на Кабинетот на претседателот на Собранието, Трајко Вељаноски, генералот Горан Стојков, Миќо Насковски, Ѓорѓи Хаџимицев, Цветан Дамјановски (заедно со други нивни колеги од МВР, УБК, АР и Военото разузнавање, кои дел се веќе осудени) и Зоран Божиновски, кој во групата имал улога ако уценуваните не дадат пари, тој да ги објавува, како што вели обвинителката, во порталот „Буревесник“ или во други медиуми во кои работел. Божиновски е обвинет за злосторничко здружување, шпионажа и уцена.
Обвинетите не се чувствуваат виновни, а тврдат и дека целиот процес е монтиран. Во предметот првично беа опфатени 19 лица, од кои неколкумина ја одлежаа затворската казна. Предметот го суди судијата Владимир Туфегџиќ. На конференциска врска треба да сведочи и Драган Даравелски, кој, според обвинението, исто така бил уценуван од обвинетите.