Daily news
Канческа Милевска по СЈО, за злоупотреби ја товари и финансиската полиција
За сомнение дека сториле кривично дело, Управата за финансиска полиција на Р Македонија поднела кривични пријави против Е.К.М. – министер при Министерство за култура на Р. Македонија, Д.Н. – заменик-министер при Министерство за култура на Р Македонија, и Ѓ.Т. – државен советник за финансиски прашања при Министерство за култура на Р Македонија,
Тие се товарат за основано сомнение дека сториле кривично дело несовесно работење во службата, од член 353-в став 3 и став 5 в.в. со став 1 од Кривичниот законик на Р Македонија затоа што, како што стои во соопштението:
„ Лицата Е.К.М. – министер, Д.Н. – заменик-министер и Ѓ.Т. – раководител на сектор за финансиски прашања и Државен советник за финансиски прашања во Министерството за култура на Р Македонија, во период од јули 2009 година до февруари 2017 година со пропуштање на должен надзор несовесно постапиле во вршењето на своите овластувања и должности, на начин што спротивно на член 581 став 2 од Законот за трговски друштва (кој децидно наведува дека странски друштва не можат да вршат дејност на територијата на Р Македонија сè додека не организираат подружница), примиле времени ситуации – фактури од странскиот правен субјект Светлост театар ДОО Белград Р Србија (кој не е регистриран даночен обврзник во Р Македонија) во кои е незаконски вкалкулиран дополнителен износ претставен како ДДВ од 18%, при што лицата Е.К.М. – министер и Д.Н. -заменик-министер потпишале 64 (шеесет и четири) Решенија за преведување на средства , а лицето Ѓ.Т. -раководител на сектор за финансиски прашања и државен советник за финансиски прашања потпишала налози за исплата на парични средства на штета на буџетот на Р Македонија, со кои извршиле плаќање во странство врз основа на 11 договори за извршување услуги, стоки и работи, при што спротивно на член 14 став 2 од Законот на ДДВ извршиле противзаконска исплата на ДДВ надвор од границите на Р Македонија, иако извршените услуги, стоки и работи од страна на Светлост театар ДОО Белград се спроведени на територија на Р Македонија, на кој начин со пропуштање на должен надзор несовесно постапиле во вршењето на своите овластувања и должности при што на износ од 18.163.131,03 ЕУР или 1.117.032.556 денари, причиниле штета на буџетот на Р Македонија во износ од 170.671.444 денари или 2.770.640“.
Против поранешната министерка за култура Елизабета Канческа Милевска, Специјалното јавно обвинителство побара притвор во случајот за изградбата на Музејот за ВМРО но Апелациониот суд, наместо притвор одлучи да ѝ го одземе пасошот и еднаш во неделата да се јавува кај шалтерски службеник во судот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Daily news
Прва правна конференција Tres Partes
На 26 декември година во хотелот „Континентал“, со почеток во 10 часот, ќе се одржи првата правна конференција Tres partes, во организација на „Јанаки знае“, а ќе биде поделена во три дела.
Првиот дел е со работен наслов „Дали е потребно укинување на извршителите?”, на кој ќе учествуваат Зоран Василевски, кој ќе ја застапува тезата ПРО укинување на извршителите, извршител Снежана Андреевска, која ќе ја застапува тезата КОНТРА укинување на извршителите и извршител и поранешен судија за извршување, Христо Јованов, кој ќе предава во делот на извршувањето пред да се укинат судиите извршители.
Вториот дел е со работен наслов „Дали се шаблонизира институтот надомест на нематеријална штета“, на која предавачи ќе бидат адвокатката Маруша Митровска, судијката Љубица Колиќ од Основен суд Скопје 2 и судијата Ѓорѓи Радојков од Апелациониот суд Скопје.
Третиот т.н. кривичен дел е со работен наслов „Неприменување на кривично-правните институти“, во кој предавачи ќе бидат адвокатот Јанаки Митровски, Никола Тупанчевски, редовен професор по казнено право при „Јустинијан Први“, Александра Деаноска, вонредна професорка по казнено право при „Јустинијан Први“, и Оља Ристова, судијка при Основниот суд Скопје 1.
Предвиден е и интерактивен дел со публиката преку поставување прашања и коментари од учесниците.
Daily news
Груевски оди во затвор – Апелација му ја потврди казната
Апелациониот суд Скопје, постапувајќи по кривичниот предмет познат во јавноста под името „Тенк“ по одржана јавна седница, донесе пресуда со која му ја потврди двегодишната затворска казна на премиерот Никола Груевски. „Жалбите на обвинетиот Никола Груевски изјавени лично и преку неговите бранители ги одби како неосновани, а првостепената пресуда ја потврди во целост, со што му ги потврди двете години затворска казна“, пишува во соопштението од судот.
Второстепениот суд делумно му ја уважи жалбата на Ѓоко Поповски и му ја намали казната на 4 години и 6 месеци, а во останатиот дел првостепената одлука ја потврди.
За Гордана Јанкулоска за „Тенк“ е издвоена во друга постапка и пресудата за неа, под обвинение дека ја злоупотребила службената положба и го натерала Поповски да го намести тендерот за „мерцедесот“ што го посакал Груевски, ќе биде изречена на 8 октомври.
Daily news
Бизнисменот Минчо Јорданов треба да сведочи дали бил уценет со пари во шпионската афера
Бизнисменот Минчо Јорданов утрово во кривичниот суд е повикан да сведочи во предметот што го презеде специјалното јавно обвинителство под кодно име „Шпион“.
Обвинетите Миќо Наскоски, Зоран Божиновски и Марјан Маџовски, како што рече на минатото рочиште обвинителката Елизабета Јосифовска, со цел да се стекнат со противправна имотна корист, му се заканиле на бизнисменот Минчо Јорданов дека ќе објават податоци за наводна криминална приватизација и откуп на акциите во АД „Бетон“ и на други негови фирми. Во намерата не успеале, а Јорданов не ги исплатил парите.
„Обвинетиот Александар Диневски прибавувал податоци со степен на државна тајна, а потоа ги доставувал или директно на странските разузнавачки служби или му ги давал на обвинетиот Марјан Ефремов, кој ја формирал групата за уцени, изнуди и шпионажа и ја координирал од 2009 до 2013 година, регрутирајќи нови членови во мрежата. Со обвинетиот Мирослав Зафировски од УБК прибирале податоци за луѓе од ЦИА присутни во Македонија и за штаб на ЦИА во Ирак. Тие прибирале и податоци за организациската поставеност на УБК“, рече Јосифовска за „Шпион“, кое СЈО врз база на нови прислушувани разговори го презеде од Обвинителството за гонење организиран криминал и корупција.
Ефремов, според обвинението, групата за изнуда и тргување со тајни информации од безбедносните служби на Македонија ја направил во 2009 година и, како што тврди обвинителството, тој е мозокот на целата операција. Информациите им ги продавале на Кост Н. од грчката разузнавачка служба, Петар Н. и Јуриј Н. од унгарската и на други лица од странски разузнавачки служби.
Секој од обвинетите, зависно од тоа во која институција работел, снимал службени документи, кои потоа им ги продавал на грчката, руската, унгарската и српската разузнавачка служба. Обвинети во овој случај се и тогашниот шеф на Кабинетот на претседателот на Собранието, Трајко Вељаноски, генералот Горан Стојков, Миќо Насковски, Ѓорѓи Хаџимицев, Цветан Дамјановски (заедно со други нивни колеги од МВР, УБК, АР и Военото разузнавање, кои дел се веќе осудени) и Зоран Божиновски, кој во групата имал улога ако уценуваните не дадат пари, тој да ги објавува, како што вели обвинителката, во порталот „Буревесник“ или во други медиуми во кои работел. Божиновски е обвинет за злосторничко здружување, шпионажа и уцена.
Обвинетите не се чувствуваат виновни, а тврдат и дека целиот процес е монтиран. Во предметот првично беа опфатени 19 лица, од кои неколкумина ја одлежаа затворската казна. Предметот го суди судијата Владимир Туфегџиќ. На конференциска врска треба да сведочи и Драган Даравелски, кој, според обвинението, исто така бил уценуван од обвинетите.