Daily news
Колку долго останува во љубовна врска секој хороскопски знак?
Сите личности бараат различно од една љубовна врска. На некои им е важно постојано да има страст, други најмногу ја ценат верноста, додека пак некои обожаваат постојано да флертуваат.
Некои остануваат подолго време со еден партнер, а други пак постојано бараат динамика. Во продолжение откријте што е карактеристично за вашиот хороскопски знак кога станува збор за останувањето во љубовна врска.
Овен
Личностите родени во знакот Овен си одат веднаш штом ќе исчезне страста. Припадниците на овој знак се заљубуваат брзо и со целото свое срце. Врската со нив е динамична и страсна, а нивните чувства се длабоки. Во љубовта честопати се непромислени, караниците со нив се чести и може да траат прилично долго или сѐ додека не исчезне страста. Веднаш откако ќе се случи тоа, тие излегуваат од врската.
Бик
Биковите не сакаат да оставаат. За припадниците на овој знак слободно може да се каже дека се олицетворение на лојалноста. Тие не се врзуваат со секого, а оној кој ќе го пуштат да им се приближи, имаат намера да го чуваат до крајот на својот живот. Сепак, важен елемент во љубовната врска е сензуалноста…
Близнаци
Личностите родени во овој знак не оставаат, но им даваат на другите причина за тоа. Во суштина тие се многу лојални и не сакаат да оставаат, а својот партнер може да го тестираат до крајни граници на љубомора. Понекогаш може да го мачат со флертување со други, а токму така му даваат и причина за да ги остави. Може да се смират доколку им најдете некое хоби.
Рак
Овие личности се најсреќни доколку успеат да се поврзат со еден партнер за целиот живот. Припадниците на овој знак не сакаат сомневања, несигурност и неизвесност во љубовта. Тие се склони на долгорочни односи, а неретко знаат да се смират уште со првата вистинска љубов. Сепак, понекогаш може да бараат многу, да бидат љубоморни и несигурни, поради што може да ги отфрлат партнерите од себе. Во бракот тие се верни.
Лав
Врските со овие личности најчесто траат од една до две години. Припадниците на овој знак обично се внимателни кога ќе влезат во љубовна врска и не се заљубуваат веднаш. Сепак, откако ќе бидат сигурни дека го освоиле посакуваното, во врската се многу страсни и целосно се предаваат. Во нивната природа е брзо да им досадува, па токму тоа е причината што нивните љубовни врски не траат вечно.
Девица
Ја ценат сигурноста во долгите врски. Во љубовните односи тие најмногу уживаат во фазата на додворување и освојување. Тие се во состојба да бидат лојални и верни, а најчесто не мамат, затоа што не се знак кој е многу фокусиран на телесното. Припадниците на овој знак ќе се смират кога ќе добијат емотивна и материјална сигурност и почит.
Вага
Долгите врски се базираат на пријателство! Еден од најпосветените знаци во љубовните односи е Вагата, а нејзините долги љубовни врски најчесто се засноваат на пријателство. На Вагите им одговара ако нивниот партнер физички целосно ги задоволува, но и ако ги поддржува во нивната дружељубивост.
Скорпија
Личностите родени во знакот Скорпија се многу лојални. Бидејќи исто така се и многу харизматични и привлечни, нивните партнери се соочуваат со многу предизвици и љубомора. Токму поради ова може да прекинат многу љубовни врски со Скорпиите, а најмногу одговараат со партнер кој е сигурен во себе и во кој може да имаат целосна доверба.
Стрелец
Овие личности долго размислуваат пред да се врзат. Неодлучни се кога станува збор за емоциите, па честопати ниту самите не се сигурни во својот љубовен избор. Тешко се поврзуваат и во љубовта немаат постојани желби, а ќе се смират кога ќе пронајдат партнер кој пред сѐ ќе им биде пријател и ќе им ја даде посакуваната слобода. Тие се подложни на изневерување, но добро знаат да го сокријат тоа.
Јарец
Од Јарците можете да очекувате апсолутна верност. Припадниците на овој знак се многу традиционални и тешко се врзуваат со некого, но кога ќе го направат ова, тоа би можело да трае за цел живот. Од својот партнер очекуваат целосна верност, а изневерувањето го доживуваат како предавство и веднаш се оддалечуваат. Добриот љубовен живот и децата се лепило кое ги држи Јарците во врската.
Водолија
Водолиите бараат постојан предизвик. Тешко остануваат со личности кои не им се доволно интересни или пак ако не ги предизвикуваат на кој било начин. Различноста за нив е омилен зачин во животот. Сепак, може да се препуштат и да се заљубат, но тоа ќе биде прекинато доколку мораат премногу да се прилагодуваат. Тие би се смириле кога покрај себе би имале партнер со кого никогаш не им е досадно.
Риби
За личностите родени во знакот Риби слободно може да се каже дека се олицетворение на лојалноста и тие животот би сакале да го поминат со еден партнер. Во љубовта се упорни и романтични, а би излегле од љубовната врска кога би биле многу фрустрирани и тоа не би можеле да го задржат во себе.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Daily news
Прва правна конференција Tres Partes
На 26 декември година во хотелот „Континентал“, со почеток во 10 часот, ќе се одржи првата правна конференција Tres partes, во организација на „Јанаки знае“, а ќе биде поделена во три дела.
Првиот дел е со работен наслов „Дали е потребно укинување на извршителите?”, на кој ќе учествуваат Зоран Василевски, кој ќе ја застапува тезата ПРО укинување на извршителите, извршител Снежана Андреевска, која ќе ја застапува тезата КОНТРА укинување на извршителите и извршител и поранешен судија за извршување, Христо Јованов, кој ќе предава во делот на извршувањето пред да се укинат судиите извршители.
Вториот дел е со работен наслов „Дали се шаблонизира институтот надомест на нематеријална штета“, на која предавачи ќе бидат адвокатката Маруша Митровска, судијката Љубица Колиќ од Основен суд Скопје 2 и судијата Ѓорѓи Радојков од Апелациониот суд Скопје.
Третиот т.н. кривичен дел е со работен наслов „Неприменување на кривично-правните институти“, во кој предавачи ќе бидат адвокатот Јанаки Митровски, Никола Тупанчевски, редовен професор по казнено право при „Јустинијан Први“, Александра Деаноска, вонредна професорка по казнено право при „Јустинијан Први“, и Оља Ристова, судијка при Основниот суд Скопје 1.
Предвиден е и интерактивен дел со публиката преку поставување прашања и коментари од учесниците.
Daily news
Груевски оди во затвор – Апелација му ја потврди казната
Апелациониот суд Скопје, постапувајќи по кривичниот предмет познат во јавноста под името „Тенк“ по одржана јавна седница, донесе пресуда со која му ја потврди двегодишната затворска казна на премиерот Никола Груевски. „Жалбите на обвинетиот Никола Груевски изјавени лично и преку неговите бранители ги одби како неосновани, а првостепената пресуда ја потврди во целост, со што му ги потврди двете години затворска казна“, пишува во соопштението од судот.
Второстепениот суд делумно му ја уважи жалбата на Ѓоко Поповски и му ја намали казната на 4 години и 6 месеци, а во останатиот дел првостепената одлука ја потврди.
За Гордана Јанкулоска за „Тенк“ е издвоена во друга постапка и пресудата за неа, под обвинение дека ја злоупотребила службената положба и го натерала Поповски да го намести тендерот за „мерцедесот“ што го посакал Груевски, ќе биде изречена на 8 октомври.
Daily news
Бизнисменот Минчо Јорданов треба да сведочи дали бил уценет со пари во шпионската афера
Бизнисменот Минчо Јорданов утрово во кривичниот суд е повикан да сведочи во предметот што го презеде специјалното јавно обвинителство под кодно име „Шпион“.
Обвинетите Миќо Наскоски, Зоран Божиновски и Марјан Маџовски, како што рече на минатото рочиште обвинителката Елизабета Јосифовска, со цел да се стекнат со противправна имотна корист, му се заканиле на бизнисменот Минчо Јорданов дека ќе објават податоци за наводна криминална приватизација и откуп на акциите во АД „Бетон“ и на други негови фирми. Во намерата не успеале, а Јорданов не ги исплатил парите.
„Обвинетиот Александар Диневски прибавувал податоци со степен на државна тајна, а потоа ги доставувал или директно на странските разузнавачки служби или му ги давал на обвинетиот Марјан Ефремов, кој ја формирал групата за уцени, изнуди и шпионажа и ја координирал од 2009 до 2013 година, регрутирајќи нови членови во мрежата. Со обвинетиот Мирослав Зафировски од УБК прибирале податоци за луѓе од ЦИА присутни во Македонија и за штаб на ЦИА во Ирак. Тие прибирале и податоци за организациската поставеност на УБК“, рече Јосифовска за „Шпион“, кое СЈО врз база на нови прислушувани разговори го презеде од Обвинителството за гонење организиран криминал и корупција.
Ефремов, според обвинението, групата за изнуда и тргување со тајни информации од безбедносните служби на Македонија ја направил во 2009 година и, како што тврди обвинителството, тој е мозокот на целата операција. Информациите им ги продавале на Кост Н. од грчката разузнавачка служба, Петар Н. и Јуриј Н. од унгарската и на други лица од странски разузнавачки служби.
Секој од обвинетите, зависно од тоа во која институција работел, снимал службени документи, кои потоа им ги продавал на грчката, руската, унгарската и српската разузнавачка служба. Обвинети во овој случај се и тогашниот шеф на Кабинетот на претседателот на Собранието, Трајко Вељаноски, генералот Горан Стојков, Миќо Насковски, Ѓорѓи Хаџимицев, Цветан Дамјановски (заедно со други нивни колеги од МВР, УБК, АР и Военото разузнавање, кои дел се веќе осудени) и Зоран Божиновски, кој во групата имал улога ако уценуваните не дадат пари, тој да ги објавува, како што вели обвинителката, во порталот „Буревесник“ или во други медиуми во кои работел. Божиновски е обвинет за злосторничко здружување, шпионажа и уцена.
Обвинетите не се чувствуваат виновни, а тврдат и дека целиот процес е монтиран. Во предметот првично беа опфатени 19 лица, од кои неколкумина ја одлежаа затворската казна. Предметот го суди судијата Владимир Туфегџиќ. На конференциска врска треба да сведочи и Драган Даравелски, кој, според обвинението, исто така бил уценуван од обвинетите.