Daily news
Корисни факти за водата
Приближно 70% од телесната маса на возрасен човек ја сочинува водата. При раѓањето водата сочинува 80% телесна тежина на новореденчето.
Водата е дел од фудаменталната супстанца (протоплазма). Здрава личност може да испие максимум 48 чаши вода во текот на денот.
Брзо внесување на голема количина на вода може да доведе до „опијување“ на организмот, кое доведува до нагло покачување на крвниот притисок, поради содржината на растворениот натриум во водата, предизвикувајќи дисбаланс на содржината на вода во мозокот. „Опијување“ на организмот со вода најчесто настанува во текот на интензивни спортски активности.
Препорачано дневно внесување на вода се 2 литри на ден. Еден дел од водата во организмот се внесува не само во тежинска форма, туку и со храна или некои други напитоци. Освежителните напитоци, кафето, чајот, иако во главно содржат вода, во себе имаат и одредено количество на кофеин. Кофеинот се однесува како благ диуретик, пречејќи му на нормалниот транспорт на водата низ организмот.
Во моментот кога човекот има чувство на жед, организмот губи преку 1% од вкупната количина на вода која ја содржи. По интензивните физички напори губењето на телесна тежина на човекот оди на одредена количина на вода во организмот, а не на губиток на мастите од организмот.
Чиста вода (која ја сочинуваат исклучиво атоми од кислород и водород) има неутрална pH вредност (pH=7).
1 cm3 вода на 4C има тежина од 1 gr.
Водата раствора повеќе супстанци од било која друга течност. Спаѓа во најдобри растворувачи на хемиски супстанци, минерали и хранливи материи.
Површината на Земјата е покриена од 70 до 75 % со вода.
Поголема количина на блага вода е складирана во земјата, отколку што е присутна на површината на земјата.
Водата кружно се движи во рамка на „затворен систем“, па така ретко може да дојде до губиток на оваа материја. Истата вода која која постоела на земјата пред милион години и денес е присутна.
Од вкупната количина на вода на земјата, на луѓето им е достапно три десетини. Во оваа вода влегуваат подземните води, реките и езерата.
САД има три пати поголема потрошувачка на вода на ден од просекот за другите Европски земји и многу повеќе вода од повеќето земји во развиток.
Жителите на Македонија, по званичните податоци, дневно во просек трошат од 250 до 300 литри вода, што се оценува како „расипничко однесување“.
Просечната потрошувачка во повеќето европски земји се движи помеѓу 120 и 150 литри.
1,1 милијарди луѓе нема пристап до здрава вода за пиење, 2,5 милијарди нема елементарни санитарни усливи за нормален живот, додека поверќе од 5 милиони луѓе годишно умира од заболувања кои се пренесуваат со загадена вода, а дури 6.000 луѓе дневно умира од дијареја.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Daily news
Прва правна конференција Tres Partes
На 26 декември година во хотелот „Континентал“, со почеток во 10 часот, ќе се одржи првата правна конференција Tres partes, во организација на „Јанаки знае“, а ќе биде поделена во три дела.
Првиот дел е со работен наслов „Дали е потребно укинување на извршителите?”, на кој ќе учествуваат Зоран Василевски, кој ќе ја застапува тезата ПРО укинување на извршителите, извршител Снежана Андреевска, која ќе ја застапува тезата КОНТРА укинување на извршителите и извршител и поранешен судија за извршување, Христо Јованов, кој ќе предава во делот на извршувањето пред да се укинат судиите извршители.
Вториот дел е со работен наслов „Дали се шаблонизира институтот надомест на нематеријална штета“, на која предавачи ќе бидат адвокатката Маруша Митровска, судијката Љубица Колиќ од Основен суд Скопје 2 и судијата Ѓорѓи Радојков од Апелациониот суд Скопје.
Третиот т.н. кривичен дел е со работен наслов „Неприменување на кривично-правните институти“, во кој предавачи ќе бидат адвокатот Јанаки Митровски, Никола Тупанчевски, редовен професор по казнено право при „Јустинијан Први“, Александра Деаноска, вонредна професорка по казнено право при „Јустинијан Први“, и Оља Ристова, судијка при Основниот суд Скопје 1.
Предвиден е и интерактивен дел со публиката преку поставување прашања и коментари од учесниците.
Daily news
Груевски оди во затвор – Апелација му ја потврди казната
Апелациониот суд Скопје, постапувајќи по кривичниот предмет познат во јавноста под името „Тенк“ по одржана јавна седница, донесе пресуда со која му ја потврди двегодишната затворска казна на премиерот Никола Груевски. „Жалбите на обвинетиот Никола Груевски изјавени лично и преку неговите бранители ги одби како неосновани, а првостепената пресуда ја потврди во целост, со што му ги потврди двете години затворска казна“, пишува во соопштението од судот.
Второстепениот суд делумно му ја уважи жалбата на Ѓоко Поповски и му ја намали казната на 4 години и 6 месеци, а во останатиот дел првостепената одлука ја потврди.
За Гордана Јанкулоска за „Тенк“ е издвоена во друга постапка и пресудата за неа, под обвинение дека ја злоупотребила службената положба и го натерала Поповски да го намести тендерот за „мерцедесот“ што го посакал Груевски, ќе биде изречена на 8 октомври.
Daily news
Бизнисменот Минчо Јорданов треба да сведочи дали бил уценет со пари во шпионската афера
Бизнисменот Минчо Јорданов утрово во кривичниот суд е повикан да сведочи во предметот што го презеде специјалното јавно обвинителство под кодно име „Шпион“.
Обвинетите Миќо Наскоски, Зоран Божиновски и Марјан Маџовски, како што рече на минатото рочиште обвинителката Елизабета Јосифовска, со цел да се стекнат со противправна имотна корист, му се заканиле на бизнисменот Минчо Јорданов дека ќе објават податоци за наводна криминална приватизација и откуп на акциите во АД „Бетон“ и на други негови фирми. Во намерата не успеале, а Јорданов не ги исплатил парите.
„Обвинетиот Александар Диневски прибавувал податоци со степен на државна тајна, а потоа ги доставувал или директно на странските разузнавачки служби или му ги давал на обвинетиот Марјан Ефремов, кој ја формирал групата за уцени, изнуди и шпионажа и ја координирал од 2009 до 2013 година, регрутирајќи нови членови во мрежата. Со обвинетиот Мирослав Зафировски од УБК прибирале податоци за луѓе од ЦИА присутни во Македонија и за штаб на ЦИА во Ирак. Тие прибирале и податоци за организациската поставеност на УБК“, рече Јосифовска за „Шпион“, кое СЈО врз база на нови прислушувани разговори го презеде од Обвинителството за гонење организиран криминал и корупција.
Ефремов, според обвинението, групата за изнуда и тргување со тајни информации од безбедносните служби на Македонија ја направил во 2009 година и, како што тврди обвинителството, тој е мозокот на целата операција. Информациите им ги продавале на Кост Н. од грчката разузнавачка служба, Петар Н. и Јуриј Н. од унгарската и на други лица од странски разузнавачки служби.
Секој од обвинетите, зависно од тоа во која институција работел, снимал службени документи, кои потоа им ги продавал на грчката, руската, унгарската и српската разузнавачка служба. Обвинети во овој случај се и тогашниот шеф на Кабинетот на претседателот на Собранието, Трајко Вељаноски, генералот Горан Стојков, Миќо Насковски, Ѓорѓи Хаџимицев, Цветан Дамјановски (заедно со други нивни колеги од МВР, УБК, АР и Военото разузнавање, кои дел се веќе осудени) и Зоран Божиновски, кој во групата имал улога ако уценуваните не дадат пари, тој да ги објавува, како што вели обвинителката, во порталот „Буревесник“ или во други медиуми во кои работел. Божиновски е обвинет за злосторничко здружување, шпионажа и уцена.
Обвинетите не се чувствуваат виновни, а тврдат и дека целиот процес е монтиран. Во предметот првично беа опфатени 19 лица, од кои неколкумина ја одлежаа затворската казна. Предметот го суди судијата Владимир Туфегџиќ. На конференциска врска треба да сведочи и Драган Даравелски, кој, според обвинението, исто така бил уценуван од обвинетите.