Daily news
Кренете ја самодовербата и повторно чувствувајте се прекрасно
ОДАЛЕЧЕТЕ СЕ ОД ЛУЃЕТО КОИ НЕМААТ ПОЗИТИВНО ВЛИЈАНИЕ НА ВАС!
Никој не е совршен – луѓето грешат – и вие грешите. Честопати заради сопствените грешки кои ги правиме, мислиме дека треба да имаме повеќе разбирање за туѓите. Тоа е сосем нормално, но проблемите се појавуваат кога почнувате да ги правдате туѓите зборови или дела, така што себеси се обвинувате. Ако личноста не ве третира со љубов и почит која ја заслужувате, време е темелно да го проверите тој однос. Можеби во таа врска сте го изгубиле сопственото ЈАС. Вие одлучувате за сопствената вредност. Ценете се и не прифаќајте ништо помалку! Понекогаш е навистина тешко да ги напуштите личностите кои ги сакате, но морате да ја препознаете негативноста во нив. Ако заради нив се чувствувате помалку вредни, помалку убави, помалку пожелни, или не ве третираат и сакаат на начин како вие – свртете се и заминете. Повторувајте си постојано како заслужувате подобро и ќе ја најдете силата во себе – “Кога една врата се затвора, другите се отвораат!”
ЗАПИШУВАЈТЕ ГИ РАБОТИТЕ НА КОИ СТЕ ИМ БЛАГОДАРНИ!
Запишувајте ги работите на кои сте им благодарни, ќе ви послужата за тоа колку сте всушност благословени и фокусот ќе го насочат на работите кои ги ИМАТЕ, наместо што немате. :”Секој од нас ја води својата битка за која вие ништо не знаете”. И неккои од најсреќните личности на свет имаат проблеми за кои никогаш не би помислиле. Па, на што сте вие благодарни?
Запишувајте ги почесто и ќе видите како од време на време, погледот на сопствениот живот ќе почне да ви се менува.
ОТКРИЈТЕ НОВИ СТРАСТИ, ХОБИ И РАБОТЕТЕ МНОГУ, МНОГУ НА НИВ!
Морате да пронајдете нешто, со кое ќе можете постојано да вежбате и во што ќе станете се подобри…нешто што можете сами на себе да го посветите и што позитивно ќе влијае на вашето здравје, тело и ум. Имате ли хоби? Ако немате, најдете веднаш. Доколку немате страст за ништо или хоби – или не сте сигурни што сакате да правите, пробајте со се и сешто, зато што тоа е едниствен начин да отркиете што НЕ сакате. Со самото тоа, вие сте чекор поблиску да го најдете идалното хоби за вас! Чувството на сопствен успех, не се мери со ниедно друго чувство на светот!
ОБЛЕЧЕТЕ ГО ТОА, ВО ШТО СЕ ЧУВСТВУВАТЕ УБАВИ!
Облечете се убаво и одете на луда забава со пријателите. Нашминкајте се и средете ја косата. Пробајте го новиот кармин за усни за кој сонувате со месеци. Многу поубаво ќе се чувствувате – кога изгледате добро! Облечете го убавиот фустан од гардеробарот, заборавен со години а ви стои совршено. Ако Beyonce пее за тоа (Freakum Dress!), тогаш и на нас тоа ни изгледа одлична идеја!
СМЕЈТЕ СЕ МНОГУ!
Смеењето е лек – па дури и кога солзите ви течат низ лицето – смеењето е лек! Сигурно дека постои некој во вашиот живот кој може да ве насмее кога плачете. Ако тоа не се вашите мајка и татко, брат или сестра или најдобрата пријателка – тогаш тоа може да биде вашиот омолен комичар. Во секој случај, насмејте се и самите на себе! Среќата е заразна – смеата,посебно. Колку повеќе се смеете ќе бидете посреќни, а така и поголема среќа привлекувате.
СТАВЕТЕ СЕ СЕБЕСИ НА ПРВО МЕСТО!
Колку енергија трошите мислејќи и разбирајќи ги другите и онаа која ја трошите исклучиво на ВАС?
Единствено ставајќи се себеси на прво место, ќе можете стопроцентно да престанете да се фокусирате на се она лошо што ви се случува и ќе се засакате и прифатете себеси. Ако повеќе се грижите за туѓите потреби , туѓите желби, туѓата среќа – ја губите својата. Што можете да направите денес со својата енергија и времето – како да се чувствувате подобро, посилно, попаметно, со самодоверба и успех? Морате самите на себе да бидете приоритет. Во вас лежи силата. – силата која не се мери – која може да ве излечи и да ги инспирира другите околу вас. И таа сила ќе излезе на видлина тогаш, кога вашата среќа ќе ви биде најважна!
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Daily news
Прва правна конференција Tres Partes
На 26 декември година во хотелот „Континентал“, со почеток во 10 часот, ќе се одржи првата правна конференција Tres partes, во организација на „Јанаки знае“, а ќе биде поделена во три дела.
Првиот дел е со работен наслов „Дали е потребно укинување на извршителите?”, на кој ќе учествуваат Зоран Василевски, кој ќе ја застапува тезата ПРО укинување на извршителите, извршител Снежана Андреевска, која ќе ја застапува тезата КОНТРА укинување на извршителите и извршител и поранешен судија за извршување, Христо Јованов, кој ќе предава во делот на извршувањето пред да се укинат судиите извршители.
Вториот дел е со работен наслов „Дали се шаблонизира институтот надомест на нематеријална штета“, на која предавачи ќе бидат адвокатката Маруша Митровска, судијката Љубица Колиќ од Основен суд Скопје 2 и судијата Ѓорѓи Радојков од Апелациониот суд Скопје.
Третиот т.н. кривичен дел е со работен наслов „Неприменување на кривично-правните институти“, во кој предавачи ќе бидат адвокатот Јанаки Митровски, Никола Тупанчевски, редовен професор по казнено право при „Јустинијан Први“, Александра Деаноска, вонредна професорка по казнено право при „Јустинијан Први“, и Оља Ристова, судијка при Основниот суд Скопје 1.
Предвиден е и интерактивен дел со публиката преку поставување прашања и коментари од учесниците.
Daily news
Груевски оди во затвор – Апелација му ја потврди казната
Апелациониот суд Скопје, постапувајќи по кривичниот предмет познат во јавноста под името „Тенк“ по одржана јавна седница, донесе пресуда со која му ја потврди двегодишната затворска казна на премиерот Никола Груевски. „Жалбите на обвинетиот Никола Груевски изјавени лично и преку неговите бранители ги одби како неосновани, а првостепената пресуда ја потврди во целост, со што му ги потврди двете години затворска казна“, пишува во соопштението од судот.
Второстепениот суд делумно му ја уважи жалбата на Ѓоко Поповски и му ја намали казната на 4 години и 6 месеци, а во останатиот дел првостепената одлука ја потврди.
За Гордана Јанкулоска за „Тенк“ е издвоена во друга постапка и пресудата за неа, под обвинение дека ја злоупотребила службената положба и го натерала Поповски да го намести тендерот за „мерцедесот“ што го посакал Груевски, ќе биде изречена на 8 октомври.
Daily news
Бизнисменот Минчо Јорданов треба да сведочи дали бил уценет со пари во шпионската афера
Бизнисменот Минчо Јорданов утрово во кривичниот суд е повикан да сведочи во предметот што го презеде специјалното јавно обвинителство под кодно име „Шпион“.
Обвинетите Миќо Наскоски, Зоран Божиновски и Марјан Маџовски, како што рече на минатото рочиште обвинителката Елизабета Јосифовска, со цел да се стекнат со противправна имотна корист, му се заканиле на бизнисменот Минчо Јорданов дека ќе објават податоци за наводна криминална приватизација и откуп на акциите во АД „Бетон“ и на други негови фирми. Во намерата не успеале, а Јорданов не ги исплатил парите.
„Обвинетиот Александар Диневски прибавувал податоци со степен на државна тајна, а потоа ги доставувал или директно на странските разузнавачки служби или му ги давал на обвинетиот Марјан Ефремов, кој ја формирал групата за уцени, изнуди и шпионажа и ја координирал од 2009 до 2013 година, регрутирајќи нови членови во мрежата. Со обвинетиот Мирослав Зафировски од УБК прибирале податоци за луѓе од ЦИА присутни во Македонија и за штаб на ЦИА во Ирак. Тие прибирале и податоци за организациската поставеност на УБК“, рече Јосифовска за „Шпион“, кое СЈО врз база на нови прислушувани разговори го презеде од Обвинителството за гонење организиран криминал и корупција.
Ефремов, според обвинението, групата за изнуда и тргување со тајни информации од безбедносните служби на Македонија ја направил во 2009 година и, како што тврди обвинителството, тој е мозокот на целата операција. Информациите им ги продавале на Кост Н. од грчката разузнавачка служба, Петар Н. и Јуриј Н. од унгарската и на други лица од странски разузнавачки служби.
Секој од обвинетите, зависно од тоа во која институција работел, снимал службени документи, кои потоа им ги продавал на грчката, руската, унгарската и српската разузнавачка служба. Обвинети во овој случај се и тогашниот шеф на Кабинетот на претседателот на Собранието, Трајко Вељаноски, генералот Горан Стојков, Миќо Насковски, Ѓорѓи Хаџимицев, Цветан Дамјановски (заедно со други нивни колеги од МВР, УБК, АР и Военото разузнавање, кои дел се веќе осудени) и Зоран Божиновски, кој во групата имал улога ако уценуваните не дадат пари, тој да ги објавува, како што вели обвинителката, во порталот „Буревесник“ или во други медиуми во кои работел. Божиновски е обвинет за злосторничко здружување, шпионажа и уцена.
Обвинетите не се чувствуваат виновни, а тврдат и дека целиот процес е монтиран. Во предметот првично беа опфатени 19 лица, од кои неколкумина ја одлежаа затворската казна. Предметот го суди судијата Владимир Туфегџиќ. На конференциска врска треба да сведочи и Драган Даравелски, кој, според обвинението, исто така бил уценуван од обвинетите.