Daily news
(Видео) Лига Европа: Зенит го „прегази“ Вардар
Македонскиот шампион Вардар забележа пораз од Зенит 0:5 (0:3) на дебито во фазата по групи во Лига Европа. Два гола за Зенит постигна Кокорин, а по еден Дзјуба, Ивановиќ и Ригони.
Вардар посакуваше изненадување на своето деби во фазата по групи во Лига Европа, но во 90 минути не успеа посериозно да му се закани на Зенит. Играчите на рускиот тим дојдоа во Скопеј да победата и тоа го најавија уште од првата минута.
Кокорин во третата минута криераше шанса за Дзјуба, но Грнчаров успеа во последен момент да исфрли во корнер. Три минути подоцна по корнерот на Нобоа, Кокрин од пет метри непречен од никого го постигна првиот гол.
Раниот гол не ги задоволи апетитие на Зенит, чии играчи продолжија со агресивната игра, во која се истакнуваа Кокорин, за кого Брдаровски немаше решение, и еквадорско-аргентинската комбинација во средниот ред (Нобоа-Краневитер).
Рано примениот гол само дополнително го зголеми стравот кај Вардаровите фудбалери, кои во првите 15 минути ретко минуваа на противничката половина, а и кога ќе минеа не може да поврзат повеќе од три додавања.
Во моментите кога по непрецизниот обид на Блажевски Вардар се обидуваше да лезе во вистинскиот ритам, Кокорин уште еднаш го совлада Гачевски. Полоз нафрли со десна од левата страна, а Кокорин на подалечната статива рутнски реализираше со глава.
Немоќта и неорганизираноста на Вардар, Зенит уште еднаш ја казни во 39. минута, кога Кокорин во опасната топка украде една топка, а кога излезе сам пред Гачевски несебично ја врати назад за Дзјуба, кој ја проследи во мрежата. Во обид да го спречи противникот да постигне гол во оваа акција се повреди Брдаровски.
Вториот дел стартуваше со поангажирана игра на Вардар и неколку обиди да се загрози голот на Лунев.
Николов се обиде двапати, неговиот прв обид заврши над голот, а вториот во 50. минута успеа да го изблокира Кришито. Две минути подоцна се обиде и Барсегјан, но и неговиот удар заврши крај голот.
И кога се чинеше дека Вардар воспостави контрола врз играта, Зенит одговори со уште еден гол. Ригони, кој го замини Кокорин, нафрли од десната страна, Гачевски само ја одби топката до дефанзивецот Ивановиќ, која ја проследи зад грбот на Вардаровиот голман.
До крајот на мечот Зенит најпрвин постигна гол, кој оправдано беше поништен поради офсјад, а во следниот напад, во последната минута Ригони по петти пат го совлада Гачевски.
Ненад Цветанов
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Daily news
Прва правна конференција Tres Partes
На 26 декември година во хотелот „Континентал“, со почеток во 10 часот, ќе се одржи првата правна конференција Tres partes, во организација на „Јанаки знае“, а ќе биде поделена во три дела.
Првиот дел е со работен наслов „Дали е потребно укинување на извршителите?”, на кој ќе учествуваат Зоран Василевски, кој ќе ја застапува тезата ПРО укинување на извршителите, извршител Снежана Андреевска, која ќе ја застапува тезата КОНТРА укинување на извршителите и извршител и поранешен судија за извршување, Христо Јованов, кој ќе предава во делот на извршувањето пред да се укинат судиите извршители.
Вториот дел е со работен наслов „Дали се шаблонизира институтот надомест на нематеријална штета“, на која предавачи ќе бидат адвокатката Маруша Митровска, судијката Љубица Колиќ од Основен суд Скопје 2 и судијата Ѓорѓи Радојков од Апелациониот суд Скопје.
Третиот т.н. кривичен дел е со работен наслов „Неприменување на кривично-правните институти“, во кој предавачи ќе бидат адвокатот Јанаки Митровски, Никола Тупанчевски, редовен професор по казнено право при „Јустинијан Први“, Александра Деаноска, вонредна професорка по казнено право при „Јустинијан Први“, и Оља Ристова, судијка при Основниот суд Скопје 1.
Предвиден е и интерактивен дел со публиката преку поставување прашања и коментари од учесниците.
Daily news
Груевски оди во затвор – Апелација му ја потврди казната
Апелациониот суд Скопје, постапувајќи по кривичниот предмет познат во јавноста под името „Тенк“ по одржана јавна седница, донесе пресуда со која му ја потврди двегодишната затворска казна на премиерот Никола Груевски. „Жалбите на обвинетиот Никола Груевски изјавени лично и преку неговите бранители ги одби како неосновани, а првостепената пресуда ја потврди во целост, со што му ги потврди двете години затворска казна“, пишува во соопштението од судот.
Второстепениот суд делумно му ја уважи жалбата на Ѓоко Поповски и му ја намали казната на 4 години и 6 месеци, а во останатиот дел првостепената одлука ја потврди.
За Гордана Јанкулоска за „Тенк“ е издвоена во друга постапка и пресудата за неа, под обвинение дека ја злоупотребила службената положба и го натерала Поповски да го намести тендерот за „мерцедесот“ што го посакал Груевски, ќе биде изречена на 8 октомври.
Daily news
Бизнисменот Минчо Јорданов треба да сведочи дали бил уценет со пари во шпионската афера
Бизнисменот Минчо Јорданов утрово во кривичниот суд е повикан да сведочи во предметот што го презеде специјалното јавно обвинителство под кодно име „Шпион“.
Обвинетите Миќо Наскоски, Зоран Божиновски и Марјан Маџовски, како што рече на минатото рочиште обвинителката Елизабета Јосифовска, со цел да се стекнат со противправна имотна корист, му се заканиле на бизнисменот Минчо Јорданов дека ќе објават податоци за наводна криминална приватизација и откуп на акциите во АД „Бетон“ и на други негови фирми. Во намерата не успеале, а Јорданов не ги исплатил парите.
„Обвинетиот Александар Диневски прибавувал податоци со степен на државна тајна, а потоа ги доставувал или директно на странските разузнавачки служби или му ги давал на обвинетиот Марјан Ефремов, кој ја формирал групата за уцени, изнуди и шпионажа и ја координирал од 2009 до 2013 година, регрутирајќи нови членови во мрежата. Со обвинетиот Мирослав Зафировски од УБК прибирале податоци за луѓе од ЦИА присутни во Македонија и за штаб на ЦИА во Ирак. Тие прибирале и податоци за организациската поставеност на УБК“, рече Јосифовска за „Шпион“, кое СЈО врз база на нови прислушувани разговори го презеде од Обвинителството за гонење организиран криминал и корупција.
Ефремов, според обвинението, групата за изнуда и тргување со тајни информации од безбедносните служби на Македонија ја направил во 2009 година и, како што тврди обвинителството, тој е мозокот на целата операција. Информациите им ги продавале на Кост Н. од грчката разузнавачка служба, Петар Н. и Јуриј Н. од унгарската и на други лица од странски разузнавачки служби.
Секој од обвинетите, зависно од тоа во која институција работел, снимал службени документи, кои потоа им ги продавал на грчката, руската, унгарската и српската разузнавачка служба. Обвинети во овој случај се и тогашниот шеф на Кабинетот на претседателот на Собранието, Трајко Вељаноски, генералот Горан Стојков, Миќо Насковски, Ѓорѓи Хаџимицев, Цветан Дамјановски (заедно со други нивни колеги од МВР, УБК, АР и Военото разузнавање, кои дел се веќе осудени) и Зоран Божиновски, кој во групата имал улога ако уценуваните не дадат пари, тој да ги објавува, како што вели обвинителката, во порталот „Буревесник“ или во други медиуми во кои работел. Божиновски е обвинет за злосторничко здружување, шпионажа и уцена.
Обвинетите не се чувствуваат виновни, а тврдат и дека целиот процес е монтиран. Во предметот првично беа опфатени 19 лица, од кои неколкумина ја одлежаа затворската казна. Предметот го суди судијата Владимир Туфегџиќ. На конференциска врска треба да сведочи и Драган Даравелски, кој, според обвинението, исто така бил уценуван од обвинетите.