Daily news
Мразот на Арктикот е стопен за 40 отсто во минатите три децении
Проблемот од климатските промени на Арктикот трае веќе со децении. Обемот на морскиот мраз од кој зависат многу видови на неговиот екосистем, се намали за 40 отсто од 1979 година. Топењето на мразот предизвикува повлекување на тлото, намалени услови за фауната и штета на инфраструктурата при што можните загуби се проценуваат на стотици милијарди евра.
Површината на арктичкиот мраз во февруари 2017 година се намалила за 40.000 квадратни километри во однос на февруари 2016 година. Моменталната површина е 14,28 милиони километри квадратни, што е најниска површина за февруари во последните 38 години од сателитското мерење, како што известува Американскиот центар за податоците за снегот и мразот.
Температурите на Арктикот достигнуваат рекордни висини во зимските месеци, температурите се дури 33 степени Целзијусови повеќе од просекот на подрачјето на рускиот Арктик, а во останатите региони и до 20 степени.
Затоплувањето на арктичката капа ја намали температурната разлика на Арктикот и пониските географски ширини, а тоа влијаеше и на големите поплави во Пакистан во 2010 година, од кои смртно настрадаа 2000 луѓе, а погодени се милиони како и на топлотниот бран во Русија истата година, кој однесе 50.000 животи и избриша околу 15 милијарди долари скапи посеви, наведува Гардијан.
Намалувањето на замрзнатите површини како последица на глобалното затоплување несомнено влијае и на животинскиот свет на тој регион. Видовите како поларните мечки, моржовите и морските птици директно се загрозени и тешко ќе се прилагодуваат на летните температури.
Тие животински видови зависат од мразот, на него живеат, се размножуваат и се чистат на него, а замрзнатите платформи им служат за да одат во морските води во лов на плен, пренесува порталот Croenergo.eu. Организацијата Greenpeace во еден од своите проекти под името „Да го спасиме Арктикот” се обидува да ги освести светските лидери и да ги поттикне на создавање заштитени животински региони на ненаселените делови околу Северниот пол, забрана за бушење на нафта и штетен риболов во арктичките води.
Бидејќи Европската унија веќе долго активно е присутна на Арктикот, климатските промени влијаеа и на потегот на Европската комисија, која во април 2016 година заедно со високата претставничка на Унијата за надворешни работи и безбедносна политика Федерика Могерини, ја претстави заедничката комуникација за Интегрираната политика на ЕУ за Арктикот.
Целта на таа интегрирана политика би била подобрување на меѓународните стандарди во начинот на одговорот на ефектите од климатските промени, поттик на одржлив развој како и подобрување на економската, социјалната и еколошката отпорност на Арктикот.
На пленарна седница на Европскиот парламент во март беше усвоен текст резолуција за Интегрираната политика на ЕУ за Арктикот. крај/мф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Daily news
Прва правна конференција Tres Partes
На 26 декември година во хотелот „Континентал“, со почеток во 10 часот, ќе се одржи првата правна конференција Tres partes, во организација на „Јанаки знае“, а ќе биде поделена во три дела.
Првиот дел е со работен наслов „Дали е потребно укинување на извршителите?”, на кој ќе учествуваат Зоран Василевски, кој ќе ја застапува тезата ПРО укинување на извршителите, извршител Снежана Андреевска, која ќе ја застапува тезата КОНТРА укинување на извршителите и извршител и поранешен судија за извршување, Христо Јованов, кој ќе предава во делот на извршувањето пред да се укинат судиите извршители.
Вториот дел е со работен наслов „Дали се шаблонизира институтот надомест на нематеријална штета“, на која предавачи ќе бидат адвокатката Маруша Митровска, судијката Љубица Колиќ од Основен суд Скопје 2 и судијата Ѓорѓи Радојков од Апелациониот суд Скопје.
Третиот т.н. кривичен дел е со работен наслов „Неприменување на кривично-правните институти“, во кој предавачи ќе бидат адвокатот Јанаки Митровски, Никола Тупанчевски, редовен професор по казнено право при „Јустинијан Први“, Александра Деаноска, вонредна професорка по казнено право при „Јустинијан Први“, и Оља Ристова, судијка при Основниот суд Скопје 1.
Предвиден е и интерактивен дел со публиката преку поставување прашања и коментари од учесниците.
Daily news
Груевски оди во затвор – Апелација му ја потврди казната
Апелациониот суд Скопје, постапувајќи по кривичниот предмет познат во јавноста под името „Тенк“ по одржана јавна седница, донесе пресуда со која му ја потврди двегодишната затворска казна на премиерот Никола Груевски. „Жалбите на обвинетиот Никола Груевски изјавени лично и преку неговите бранители ги одби како неосновани, а првостепената пресуда ја потврди во целост, со што му ги потврди двете години затворска казна“, пишува во соопштението од судот.
Второстепениот суд делумно му ја уважи жалбата на Ѓоко Поповски и му ја намали казната на 4 години и 6 месеци, а во останатиот дел првостепената одлука ја потврди.
За Гордана Јанкулоска за „Тенк“ е издвоена во друга постапка и пресудата за неа, под обвинение дека ја злоупотребила службената положба и го натерала Поповски да го намести тендерот за „мерцедесот“ што го посакал Груевски, ќе биде изречена на 8 октомври.
Daily news
Бизнисменот Минчо Јорданов треба да сведочи дали бил уценет со пари во шпионската афера
Бизнисменот Минчо Јорданов утрово во кривичниот суд е повикан да сведочи во предметот што го презеде специјалното јавно обвинителство под кодно име „Шпион“.
Обвинетите Миќо Наскоски, Зоран Божиновски и Марјан Маџовски, како што рече на минатото рочиште обвинителката Елизабета Јосифовска, со цел да се стекнат со противправна имотна корист, му се заканиле на бизнисменот Минчо Јорданов дека ќе објават податоци за наводна криминална приватизација и откуп на акциите во АД „Бетон“ и на други негови фирми. Во намерата не успеале, а Јорданов не ги исплатил парите.
„Обвинетиот Александар Диневски прибавувал податоци со степен на државна тајна, а потоа ги доставувал или директно на странските разузнавачки служби или му ги давал на обвинетиот Марјан Ефремов, кој ја формирал групата за уцени, изнуди и шпионажа и ја координирал од 2009 до 2013 година, регрутирајќи нови членови во мрежата. Со обвинетиот Мирослав Зафировски од УБК прибирале податоци за луѓе од ЦИА присутни во Македонија и за штаб на ЦИА во Ирак. Тие прибирале и податоци за организациската поставеност на УБК“, рече Јосифовска за „Шпион“, кое СЈО врз база на нови прислушувани разговори го презеде од Обвинителството за гонење организиран криминал и корупција.
Ефремов, според обвинението, групата за изнуда и тргување со тајни информации од безбедносните служби на Македонија ја направил во 2009 година и, како што тврди обвинителството, тој е мозокот на целата операција. Информациите им ги продавале на Кост Н. од грчката разузнавачка служба, Петар Н. и Јуриј Н. од унгарската и на други лица од странски разузнавачки служби.
Секој од обвинетите, зависно од тоа во која институција работел, снимал службени документи, кои потоа им ги продавал на грчката, руската, унгарската и српската разузнавачка служба. Обвинети во овој случај се и тогашниот шеф на Кабинетот на претседателот на Собранието, Трајко Вељаноски, генералот Горан Стојков, Миќо Насковски, Ѓорѓи Хаџимицев, Цветан Дамјановски (заедно со други нивни колеги од МВР, УБК, АР и Военото разузнавање, кои дел се веќе осудени) и Зоран Божиновски, кој во групата имал улога ако уценуваните не дадат пари, тој да ги објавува, како што вели обвинителката, во порталот „Буревесник“ или во други медиуми во кои работел. Божиновски е обвинет за злосторничко здружување, шпионажа и уцена.
Обвинетите не се чувствуваат виновни, а тврдат и дека целиот процес е монтиран. Во предметот првично беа опфатени 19 лица, од кои неколкумина ја одлежаа затворската казна. Предметот го суди судијата Владимир Туфегџиќ. На конференциска врска треба да сведочи и Драган Даравелски, кој, според обвинението, исто така бил уценуван од обвинетите.