Daily news
Мурињо: Веруваме дека можеме да го победиме Реал
Манчестер Јунајтед, во вторник на „Филип Втори“ ќе се обиде да ја освои втората титула во Суперкупот на УЕФА, во клупската историја. „Црвените-ѓаволи“, единствениот трофеј во Суперкупот го имаат освоено во 1991 година, против Црвена звезда.
Јунајтед изминатите неколку сезони немаше успеси во европските купови, минатата сезона не успеа преку Премиер лигата да избори пласман во Лигата на шампионите, но преку Лига Европа, тимот со славно минато, го најавува враќањето меѓу најдобрите на стариот континент.
„Ќе се обидеме да го победиме Реал. Очигледна е разликата меѓу Лигата на шампиони и Лига Европа. Тешко е да се освои Лига Европа, тоа е напорно натпреварување имате многу патувања, играчите тешко се мотивираат. Но ЛШ е нешто друо, кога во ова натпреварување ќе стигнете до полуфинале тогаш знаете дека сте дека сте меѓу најдобрите. Веруваме дека можеме да победиме да го победиме Реал. Драго мие што со Јунајтед играм Суперкуп. Фантастично е да се игра против европскиот првак, особено ако актуелниот шампион во ЛШ е најтрофејниот во историјата на ова натпреварување“, рече на прес конференцијата Жозе Мурињо.
Португалецот одговори и на новинарско прашање, како неговите играчи ќе се снајда на топлото време кое владее во Скопје.
„Знаев дека времето е вакво, кога се вративме од САД, решив во 16 часот да тренираме во Манчестер, но секој ден врнеше. Но мислам дека е и за нив ќе биде тешко, иако тие повеќе се прилагодени на вакви услови. Треба да уживаме во мечот. Не се случува често играч да игра во Суперкуп, исклучок се играчите на Реал или Барселона“.
Мурињо, за утрешниот натпревар нема да може да смета на Маркос Рохо, кој е поврден, и супендираните Ерик Баји и Фил Џонс, а во тимот ќе биде последното засилување Немања Матиќ, но тој не одговори дали Србинот ќе биде во стартниот состав. Тренерот на Јунајтед не даде конкретен одговр на шпекулациите дека неговиот клуб покажува интерес за играчот на Реал, Герет Бејл.
„Ако игра утре тоа значи дека бил вклучен во плановите на тренетот и клубот и дека неговата амбиција е да остане во Мадрид. Ако е вистина дека тој си оди од Реал, тогаш ќе треба да се борам со другите тренери кои го сакаат во својот тим. Но ако игра утре тоа ќе биде најдобра потврда дека Реал смета на него за нерадната сезона“.
Дуелот помеѓу Манчестер Јунајтед и Реал Мадрид се игра утре во 20:45 часот.
Ненад Цветанов
фото/uefa.com
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Daily news
Прва правна конференција Tres Partes
На 26 декември година во хотелот „Континентал“, со почеток во 10 часот, ќе се одржи првата правна конференција Tres partes, во организација на „Јанаки знае“, а ќе биде поделена во три дела.
Првиот дел е со работен наслов „Дали е потребно укинување на извршителите?”, на кој ќе учествуваат Зоран Василевски, кој ќе ја застапува тезата ПРО укинување на извршителите, извршител Снежана Андреевска, која ќе ја застапува тезата КОНТРА укинување на извршителите и извршител и поранешен судија за извршување, Христо Јованов, кој ќе предава во делот на извршувањето пред да се укинат судиите извршители.
Вториот дел е со работен наслов „Дали се шаблонизира институтот надомест на нематеријална штета“, на која предавачи ќе бидат адвокатката Маруша Митровска, судијката Љубица Колиќ од Основен суд Скопје 2 и судијата Ѓорѓи Радојков од Апелациониот суд Скопје.
Третиот т.н. кривичен дел е со работен наслов „Неприменување на кривично-правните институти“, во кој предавачи ќе бидат адвокатот Јанаки Митровски, Никола Тупанчевски, редовен професор по казнено право при „Јустинијан Први“, Александра Деаноска, вонредна професорка по казнено право при „Јустинијан Први“, и Оља Ристова, судијка при Основниот суд Скопје 1.
Предвиден е и интерактивен дел со публиката преку поставување прашања и коментари од учесниците.
Daily news
Груевски оди во затвор – Апелација му ја потврди казната
Апелациониот суд Скопје, постапувајќи по кривичниот предмет познат во јавноста под името „Тенк“ по одржана јавна седница, донесе пресуда со која му ја потврди двегодишната затворска казна на премиерот Никола Груевски. „Жалбите на обвинетиот Никола Груевски изјавени лично и преку неговите бранители ги одби како неосновани, а првостепената пресуда ја потврди во целост, со што му ги потврди двете години затворска казна“, пишува во соопштението од судот.
Второстепениот суд делумно му ја уважи жалбата на Ѓоко Поповски и му ја намали казната на 4 години и 6 месеци, а во останатиот дел првостепената одлука ја потврди.
За Гордана Јанкулоска за „Тенк“ е издвоена во друга постапка и пресудата за неа, под обвинение дека ја злоупотребила службената положба и го натерала Поповски да го намести тендерот за „мерцедесот“ што го посакал Груевски, ќе биде изречена на 8 октомври.
Daily news
Бизнисменот Минчо Јорданов треба да сведочи дали бил уценет со пари во шпионската афера
Бизнисменот Минчо Јорданов утрово во кривичниот суд е повикан да сведочи во предметот што го презеде специјалното јавно обвинителство под кодно име „Шпион“.
Обвинетите Миќо Наскоски, Зоран Божиновски и Марјан Маџовски, како што рече на минатото рочиште обвинителката Елизабета Јосифовска, со цел да се стекнат со противправна имотна корист, му се заканиле на бизнисменот Минчо Јорданов дека ќе објават податоци за наводна криминална приватизација и откуп на акциите во АД „Бетон“ и на други негови фирми. Во намерата не успеале, а Јорданов не ги исплатил парите.
„Обвинетиот Александар Диневски прибавувал податоци со степен на државна тајна, а потоа ги доставувал или директно на странските разузнавачки служби или му ги давал на обвинетиот Марјан Ефремов, кој ја формирал групата за уцени, изнуди и шпионажа и ја координирал од 2009 до 2013 година, регрутирајќи нови членови во мрежата. Со обвинетиот Мирослав Зафировски од УБК прибирале податоци за луѓе од ЦИА присутни во Македонија и за штаб на ЦИА во Ирак. Тие прибирале и податоци за организациската поставеност на УБК“, рече Јосифовска за „Шпион“, кое СЈО врз база на нови прислушувани разговори го презеде од Обвинителството за гонење организиран криминал и корупција.
Ефремов, според обвинението, групата за изнуда и тргување со тајни информации од безбедносните служби на Македонија ја направил во 2009 година и, како што тврди обвинителството, тој е мозокот на целата операција. Информациите им ги продавале на Кост Н. од грчката разузнавачка служба, Петар Н. и Јуриј Н. од унгарската и на други лица од странски разузнавачки служби.
Секој од обвинетите, зависно од тоа во која институција работел, снимал службени документи, кои потоа им ги продавал на грчката, руската, унгарската и српската разузнавачка служба. Обвинети во овој случај се и тогашниот шеф на Кабинетот на претседателот на Собранието, Трајко Вељаноски, генералот Горан Стојков, Миќо Насковски, Ѓорѓи Хаџимицев, Цветан Дамјановски (заедно со други нивни колеги од МВР, УБК, АР и Военото разузнавање, кои дел се веќе осудени) и Зоран Божиновски, кој во групата имал улога ако уценуваните не дадат пари, тој да ги објавува, како што вели обвинителката, во порталот „Буревесник“ или во други медиуми во кои работел. Божиновски е обвинет за злосторничко здружување, шпионажа и уцена.
Обвинетите не се чувствуваат виновни, а тврдат и дека целиот процес е монтиран. Во предметот првично беа опфатени 19 лица, од кои неколкумина ја одлежаа затворската казна. Предметот го суди судијата Владимир Туфегџиќ. На конференциска врска треба да сведочи и Драган Даравелски, кој, според обвинението, исто така бил уценуван од обвинетите.