Daily news
Народни лекови за циста на јајниците
Да се излекува циста на јајникот е многу тешко, но со природните лекови можете бргу да се ослободите од оваа болест! Ана од Москва ќе ве посоветува како да се излекувате од циста на јајникот.
„ По професија сум педијатар, сега сум во пензија. Имам повеќе болести, меѓу кои ми е дијагностицирана и циста на јајникот. Ви ја предлагам мојата метода за лекување на цистата во домашни услови со мед и сок од алое вера :
Земете листови од алое вера и ставете ги во фрижидер две недели. Потоа ситно изрендајте ги и иседете го сокот од нив. Сокот од алое измешајте го со мед, во однос 1:1 (значи колку лажици сок ќе исцедите од алоето, исто толкава количина на мед додавате ).Смесата чувајте ја во фрижидер.
За лекување :
Загрејте една лажица од оваа смеса, земете еден обичен женски тампон и натопете го во смесата од мед и алое. Тампонот ставете го во вагината и така преноќете. За подобар ефект на лекување на јајникот ви го предлагам и следниов начин :
Додека листовите на алоето проаѓаат биостимулација во фрижидерот, користев свежо изрендан корен од камфор, чиј сок го измешав со медот во ист сооднос (колку лажици сок од коренот на камфорот толку лажици мед ). Потоа ги натопував тампоните во оваа смеса и ги ставав преку ноќ. Може да се користи и камфорно масло. Првите десет дена ги ставате тампоните со камфор и мед, потоа – десет дена пауза, па десет дена ставте тампони со смеса од мед и сок од алое вера. На овој начин можете да лекувате и ерозија на грлото на матката ( кај народот позната како рана на грлото на матката ), неплодност и други женски болести.
Биостимулативен сок од алое вера: Сокот од алое е многу корисен, но малкумина знаат дека од него можеме да добиеме сок збогатен со ферменти, биостимулативен сок, кој содржи неколку пати повеќе корисни компоненти и материи, отколку обичниот свежо иседен сок. “Ќерка на мои пријатели боледуваше од полицистични јајници . По овие третмани цистите ги снема, а таа во четириесет и првата година затрудне и роди здраво девојче на радост на своите најблиски“
Народни рецепти
Ореви против циста на јајникот. Ги чистиме оревите од лушпи и внатрешните прегради. Така одвоени ситно ги сецкаме и 4 лажици од оваа смеса ставаме во мал сад и го полеваме со 3 чаши врела провриена вода. Садот го ставаме на шпорет и вариме уште 20 минути.
Го ладиме, процедуваме и вака пиеме од него три пати на ден по пола чаша.
Тампони со кромид и мед. Земете наутро една средна главица кромид и ставате ја во некој помал сад ( може и поширока чаша )со медот, така што лукот да биде потполно покриен со мед. Навечер пред спиење, кога лукот ќе го впие медот во себе, сами ќе направите од него тампон (со помош на газа и конец )или пак готов тампон натопете во изгмечена смеса и ставете го во вагината да преноќи. Третманот трае 10 дена.
Во ран стадиум цистата можете да ја излекувате потполно без хируршка интервенција.
Рецепт за маст, која со редовно користење за десет дена потполно ќе ја излекува болеста.
Чудо од мелем. Земете една чаша рафинирано билно масло, ставете во чаша парче од пчелин восок ( со количина колку еден кибрит ). Смесата ставете ја во емајлиран сад на тивок оган додека восокот не се истопи. Половина јајце од едно трдо варено, го гмечиме со вилушка и полека го додаваме во смесата. Мешаме, го тргаме од огнот и оставаме да одстои 15 минути. Го процедуваме, го ладиме и потоа го чуваме во фрижидер. Од овој чудо -мелем направете тампони (претходно растопуваме помала количина на водена пареа ) или готовите тампони ги натопуваме во смесата, ставаме во вагината и оставаме да преноќи.
Ова лекување можете да го користите и кај други воспалителни процеси кај женските репродуктивни органи.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Daily news
Прва правна конференција Tres Partes
На 26 декември година во хотелот „Континентал“, со почеток во 10 часот, ќе се одржи првата правна конференција Tres partes, во организација на „Јанаки знае“, а ќе биде поделена во три дела.
Првиот дел е со работен наслов „Дали е потребно укинување на извршителите?”, на кој ќе учествуваат Зоран Василевски, кој ќе ја застапува тезата ПРО укинување на извршителите, извршител Снежана Андреевска, која ќе ја застапува тезата КОНТРА укинување на извршителите и извршител и поранешен судија за извршување, Христо Јованов, кој ќе предава во делот на извршувањето пред да се укинат судиите извршители.
Вториот дел е со работен наслов „Дали се шаблонизира институтот надомест на нематеријална штета“, на која предавачи ќе бидат адвокатката Маруша Митровска, судијката Љубица Колиќ од Основен суд Скопје 2 и судијата Ѓорѓи Радојков од Апелациониот суд Скопје.
Третиот т.н. кривичен дел е со работен наслов „Неприменување на кривично-правните институти“, во кој предавачи ќе бидат адвокатот Јанаки Митровски, Никола Тупанчевски, редовен професор по казнено право при „Јустинијан Први“, Александра Деаноска, вонредна професорка по казнено право при „Јустинијан Први“, и Оља Ристова, судијка при Основниот суд Скопје 1.
Предвиден е и интерактивен дел со публиката преку поставување прашања и коментари од учесниците.
Daily news
Груевски оди во затвор – Апелација му ја потврди казната
Апелациониот суд Скопје, постапувајќи по кривичниот предмет познат во јавноста под името „Тенк“ по одржана јавна седница, донесе пресуда со која му ја потврди двегодишната затворска казна на премиерот Никола Груевски. „Жалбите на обвинетиот Никола Груевски изјавени лично и преку неговите бранители ги одби како неосновани, а првостепената пресуда ја потврди во целост, со што му ги потврди двете години затворска казна“, пишува во соопштението од судот.
Второстепениот суд делумно му ја уважи жалбата на Ѓоко Поповски и му ја намали казната на 4 години и 6 месеци, а во останатиот дел првостепената одлука ја потврди.
За Гордана Јанкулоска за „Тенк“ е издвоена во друга постапка и пресудата за неа, под обвинение дека ја злоупотребила службената положба и го натерала Поповски да го намести тендерот за „мерцедесот“ што го посакал Груевски, ќе биде изречена на 8 октомври.
Daily news
Бизнисменот Минчо Јорданов треба да сведочи дали бил уценет со пари во шпионската афера
Бизнисменот Минчо Јорданов утрово во кривичниот суд е повикан да сведочи во предметот што го презеде специјалното јавно обвинителство под кодно име „Шпион“.
Обвинетите Миќо Наскоски, Зоран Божиновски и Марјан Маџовски, како што рече на минатото рочиште обвинителката Елизабета Јосифовска, со цел да се стекнат со противправна имотна корист, му се заканиле на бизнисменот Минчо Јорданов дека ќе објават податоци за наводна криминална приватизација и откуп на акциите во АД „Бетон“ и на други негови фирми. Во намерата не успеале, а Јорданов не ги исплатил парите.
„Обвинетиот Александар Диневски прибавувал податоци со степен на државна тајна, а потоа ги доставувал или директно на странските разузнавачки служби или му ги давал на обвинетиот Марјан Ефремов, кој ја формирал групата за уцени, изнуди и шпионажа и ја координирал од 2009 до 2013 година, регрутирајќи нови членови во мрежата. Со обвинетиот Мирослав Зафировски од УБК прибирале податоци за луѓе од ЦИА присутни во Македонија и за штаб на ЦИА во Ирак. Тие прибирале и податоци за организациската поставеност на УБК“, рече Јосифовска за „Шпион“, кое СЈО врз база на нови прислушувани разговори го презеде од Обвинителството за гонење организиран криминал и корупција.
Ефремов, според обвинението, групата за изнуда и тргување со тајни информации од безбедносните служби на Македонија ја направил во 2009 година и, како што тврди обвинителството, тој е мозокот на целата операција. Информациите им ги продавале на Кост Н. од грчката разузнавачка служба, Петар Н. и Јуриј Н. од унгарската и на други лица од странски разузнавачки служби.
Секој од обвинетите, зависно од тоа во која институција работел, снимал службени документи, кои потоа им ги продавал на грчката, руската, унгарската и српската разузнавачка служба. Обвинети во овој случај се и тогашниот шеф на Кабинетот на претседателот на Собранието, Трајко Вељаноски, генералот Горан Стојков, Миќо Насковски, Ѓорѓи Хаџимицев, Цветан Дамјановски (заедно со други нивни колеги од МВР, УБК, АР и Военото разузнавање, кои дел се веќе осудени) и Зоран Божиновски, кој во групата имал улога ако уценуваните не дадат пари, тој да ги објавува, како што вели обвинителката, во порталот „Буревесник“ или во други медиуми во кои работел. Божиновски е обвинет за злосторничко здружување, шпионажа и уцена.
Обвинетите не се чувствуваат виновни, а тврдат и дека целиот процес е монтиран. Во предметот првично беа опфатени 19 лица, од кои неколкумина ја одлежаа затворската казна. Предметот го суди судијата Владимир Туфегџиќ. На конференциска врска треба да сведочи и Драган Даравелски, кој, според обвинението, исто така бил уценуван од обвинетите.