Daily news
Начини како да се ослободите од подочниците
Што се „ќеси” под очите?
Ќеси под очите се дегенеративни промени кои настануваат како резултат на слабеење на сврзното ткиво под долните капаци, со што се создава вишок на кожа. При процесот на стареење масното ткиво кое ја исполнива очната шуплина и му дава потпора на окото, излегува нанадвор. Луѓето често ги нарекуваат кеси под очите, но всушност се работи за подочници. Во вистинска смисла на зборот вишокот на кожа под очите создава кеси под очи.
Дали има разлика помеѓу подочници и ќеси под очите?
Постои разлика, првенствено поради причината за нивното настанување. Подочниците се јавуваат кај помлади особи, а ќесите под очите почнуваат да се создаваат после 35-тата година. Со текот на времето поради дегенеративни промени ќесите под очите честопати се здружени со подочници.
podocnjaci3Кои се причините за создавање на подочниците?
Причина за создавање на подочници може да биде генетска предиспозиција,пушењето, лоша циркулација, лоша исхрана, алергиски реакции или неправилен ритам на спиење. Најчесто појавата на подочници не претставува знак за заболување на внатрешните органи,но секако е јасен сигнал дека нешто треба да се преземе.
-Прва причина е стареењето, при што, со текот на годините, попуштаат лигаментите кои ги држат масните перничиња на подочниците,поради што тие стануваат впечатливи.
-Втора причина за формирање на подочниците е постепеното губење на масното ткиво кое се наоѓа под нив. На тој начин подочникот станува поизразен и се чини поголем, и ако е со иста големина.
-Трета причина за појава на кесите и темните кругови под очите е пореметување на циркулацијата во таа регија и нагласување на венскиот сплет.
Кои се ефикасни методи за отстранување на темните подочници?
Карбокситерапија
Карбокситерапијата е во моментов најсилна метода за трајно подобрување на циркулацијата на кожата и поткожното ткиво. Процедурата се состои во апликација на медицински гас во ткивото, по што организмот по природен пат носи големо количество на кислород во третираната регија. Резулататот е огромна циркулација и оксидација на ткивото во третираната регија во текот на наредните 3 часа после процедурата. Подобрување во изгледот на капаците се гледа веднаш после првиот третман, но за постигнување на долготраен ефект потребно е повторување на третманите во текот на 8 недели. Процедурата не е болна и трае кратко. Се јавува благо црвенило 20 минути после апликацијата на гасот.
Кислородна терапија со витамински коктели
Длабинска хидратација и регенерација во две етапи:ултразвучно прочистување на порите и отсранување на мртвите клетки: и кислородно потхранување на кожата и безиглена мезотерапија со серум исклучиво наменет за зоната под и околу очите. Ефикасна и комфорна метода за отстранување на подочниците.
Мезотерапија
Мезотерапијата може значително да ја подобри бојата на подочниците, како и да ја намали големината на масната ќеса.
Резултатот е видлив после две спроведени процедури, а потребно е да се направат 4-6 третмани во текот на исто толку недели.
Хемиски пилинг
Хемискиот пилинг може да го поправи тонусот на кожата и да ја намали пигментацијата.
Третман со хијалуронска киселина
Апликација на хијалуронска киселина во делот под очите и во јаболчниците може да го намали уморниот изглед на лицето и големината на подочниците. Трајноста на оваа интервенција е околу една година а процедурата е потполно безбедна.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Daily news
Прва правна конференција Tres Partes
На 26 декември година во хотелот „Континентал“, со почеток во 10 часот, ќе се одржи првата правна конференција Tres partes, во организација на „Јанаки знае“, а ќе биде поделена во три дела.
Првиот дел е со работен наслов „Дали е потребно укинување на извршителите?”, на кој ќе учествуваат Зоран Василевски, кој ќе ја застапува тезата ПРО укинување на извршителите, извршител Снежана Андреевска, која ќе ја застапува тезата КОНТРА укинување на извршителите и извршител и поранешен судија за извршување, Христо Јованов, кој ќе предава во делот на извршувањето пред да се укинат судиите извршители.
Вториот дел е со работен наслов „Дали се шаблонизира институтот надомест на нематеријална штета“, на која предавачи ќе бидат адвокатката Маруша Митровска, судијката Љубица Колиќ од Основен суд Скопје 2 и судијата Ѓорѓи Радојков од Апелациониот суд Скопје.
Третиот т.н. кривичен дел е со работен наслов „Неприменување на кривично-правните институти“, во кој предавачи ќе бидат адвокатот Јанаки Митровски, Никола Тупанчевски, редовен професор по казнено право при „Јустинијан Први“, Александра Деаноска, вонредна професорка по казнено право при „Јустинијан Први“, и Оља Ристова, судијка при Основниот суд Скопје 1.
Предвиден е и интерактивен дел со публиката преку поставување прашања и коментари од учесниците.
Daily news
Груевски оди во затвор – Апелација му ја потврди казната
Апелациониот суд Скопје, постапувајќи по кривичниот предмет познат во јавноста под името „Тенк“ по одржана јавна седница, донесе пресуда со која му ја потврди двегодишната затворска казна на премиерот Никола Груевски. „Жалбите на обвинетиот Никола Груевски изјавени лично и преку неговите бранители ги одби како неосновани, а првостепената пресуда ја потврди во целост, со што му ги потврди двете години затворска казна“, пишува во соопштението од судот.
Второстепениот суд делумно му ја уважи жалбата на Ѓоко Поповски и му ја намали казната на 4 години и 6 месеци, а во останатиот дел првостепената одлука ја потврди.
За Гордана Јанкулоска за „Тенк“ е издвоена во друга постапка и пресудата за неа, под обвинение дека ја злоупотребила службената положба и го натерала Поповски да го намести тендерот за „мерцедесот“ што го посакал Груевски, ќе биде изречена на 8 октомври.
Daily news
Бизнисменот Минчо Јорданов треба да сведочи дали бил уценет со пари во шпионската афера
Бизнисменот Минчо Јорданов утрово во кривичниот суд е повикан да сведочи во предметот што го презеде специјалното јавно обвинителство под кодно име „Шпион“.
Обвинетите Миќо Наскоски, Зоран Божиновски и Марјан Маџовски, како што рече на минатото рочиште обвинителката Елизабета Јосифовска, со цел да се стекнат со противправна имотна корист, му се заканиле на бизнисменот Минчо Јорданов дека ќе објават податоци за наводна криминална приватизација и откуп на акциите во АД „Бетон“ и на други негови фирми. Во намерата не успеале, а Јорданов не ги исплатил парите.
„Обвинетиот Александар Диневски прибавувал податоци со степен на државна тајна, а потоа ги доставувал или директно на странските разузнавачки служби или му ги давал на обвинетиот Марјан Ефремов, кој ја формирал групата за уцени, изнуди и шпионажа и ја координирал од 2009 до 2013 година, регрутирајќи нови членови во мрежата. Со обвинетиот Мирослав Зафировски од УБК прибирале податоци за луѓе од ЦИА присутни во Македонија и за штаб на ЦИА во Ирак. Тие прибирале и податоци за организациската поставеност на УБК“, рече Јосифовска за „Шпион“, кое СЈО врз база на нови прислушувани разговори го презеде од Обвинителството за гонење организиран криминал и корупција.
Ефремов, според обвинението, групата за изнуда и тргување со тајни информации од безбедносните служби на Македонија ја направил во 2009 година и, како што тврди обвинителството, тој е мозокот на целата операција. Информациите им ги продавале на Кост Н. од грчката разузнавачка служба, Петар Н. и Јуриј Н. од унгарската и на други лица од странски разузнавачки служби.
Секој од обвинетите, зависно од тоа во која институција работел, снимал службени документи, кои потоа им ги продавал на грчката, руската, унгарската и српската разузнавачка служба. Обвинети во овој случај се и тогашниот шеф на Кабинетот на претседателот на Собранието, Трајко Вељаноски, генералот Горан Стојков, Миќо Насковски, Ѓорѓи Хаџимицев, Цветан Дамјановски (заедно со други нивни колеги од МВР, УБК, АР и Военото разузнавање, кои дел се веќе осудени) и Зоран Божиновски, кој во групата имал улога ако уценуваните не дадат пари, тој да ги објавува, како што вели обвинителката, во порталот „Буревесник“ или во други медиуми во кои работел. Божиновски е обвинет за злосторничко здружување, шпионажа и уцена.
Обвинетите не се чувствуваат виновни, а тврдат и дека целиот процес е монтиран. Во предметот првично беа опфатени 19 лица, од кои неколкумина ја одлежаа затворската казна. Предметот го суди судијата Владимир Туфегџиќ. На конференциска врска треба да сведочи и Драган Даравелски, кој, според обвинението, исто така бил уценуван од обвинетите.