Daily news
Најопасните хороскопски знаци
Девица
Девиците од стресот се ослободуваат на тој начин што го чистат станот или ја средуваат облеката. Презафатени се со своите обврски и никогаш ништо не им е доволно. Не познаваат љубов и не се способни да чувствуваат и сѐ во нивниот љубовен живот се врти околу секс. Единствено роботот би можел да биде поприсебен и постуден од Девиците. Порано или подоцна тие ќе ви забијат нож во грбот и тоа ќе биде промислено, анализирано и потврдено како најдобрата опција за нив. Глумат многу добро и со месеци нема да забележите дека дошло време да ве елиминираат. Во оној момент кога ќе бидат сигурни во својот план, тие ќе ги откријат своите намери. Девиците се нарциси кои се грижат само за својот изглед и тежнеењето кон совршенство. Кај нив нема страст, прегратки, нежности, топлина.
Скорпија
Скорпиите се самосожалуваат и се однесуваат деструктивно кон себе. Не можат сами да го поднесат својот јад и мора да повлечат уште 100-тина луѓе со себе. Ако знаат дека утре е крајот на светот, тие нема да се шокираат, туку веројатно ќе го пречекаат во оргија. Смртта за нив не е нешто страшно и трагично и најчесто се возбудуваат на сите оние нешта кои обичните смртници ги сметаат за морничави. Скорпиите се доживуваат себеси како љубоморно посесивни психопати. Ако немаат секс, тие и психички би се разболеле. Емотивно се незрели, недораснати, подли и злобни деца кои сакаат да се одмаздуваат и не се воздржуваат од ништо. Се муртат и лутат, бесни се, плачат и гризат и имаат тенденција да мразат со целата своја душа. Без оглед на нивните години, зрелост или пол, кога длабоко ќе погледнете под нивната површина која делува интелигентно, опасно или итро, ќе наидете на емотивно незрела и исплашена личност. Тие се огромни злопамтила и кога ќе ви се одмаздат, вие нема да ја помните ни причината за нивната лутина.
Јарец
Јарците веруваат во судбина, а зборот „извини“ воопшто не постои во нивниот речник. Можете да живеете покрај нив цел свој живот, да бидете во брак, но сепак никогаш да не дознаете што имаат да ви кажат. Најчесто не знаат да ги искажуваат своите емоции преку зборови, па наместо „те сакам“ ќе наидете на одбивање. Тие би се продале за социјален статус, кукавици се и бегаат во истиот момент кога ризикот ќе се зголеми. Емотивно се неписмени и не само што се неспособни да ги покажат своите емоции, туку и не знаат како да ги примат или пружат. Многу се бавни, мрачни и сиромашни за да можете покрај нив да почувствувате вистинска радост и задоволство од животот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Daily news
Прва правна конференција Tres Partes
На 26 декември година во хотелот „Континентал“, со почеток во 10 часот, ќе се одржи првата правна конференција Tres partes, во организација на „Јанаки знае“, а ќе биде поделена во три дела.
Првиот дел е со работен наслов „Дали е потребно укинување на извршителите?”, на кој ќе учествуваат Зоран Василевски, кој ќе ја застапува тезата ПРО укинување на извршителите, извршител Снежана Андреевска, која ќе ја застапува тезата КОНТРА укинување на извршителите и извршител и поранешен судија за извршување, Христо Јованов, кој ќе предава во делот на извршувањето пред да се укинат судиите извршители.
Вториот дел е со работен наслов „Дали се шаблонизира институтот надомест на нематеријална штета“, на која предавачи ќе бидат адвокатката Маруша Митровска, судијката Љубица Колиќ од Основен суд Скопје 2 и судијата Ѓорѓи Радојков од Апелациониот суд Скопје.
Третиот т.н. кривичен дел е со работен наслов „Неприменување на кривично-правните институти“, во кој предавачи ќе бидат адвокатот Јанаки Митровски, Никола Тупанчевски, редовен професор по казнено право при „Јустинијан Први“, Александра Деаноска, вонредна професорка по казнено право при „Јустинијан Први“, и Оља Ристова, судијка при Основниот суд Скопје 1.
Предвиден е и интерактивен дел со публиката преку поставување прашања и коментари од учесниците.
Daily news
Груевски оди во затвор – Апелација му ја потврди казната
Апелациониот суд Скопје, постапувајќи по кривичниот предмет познат во јавноста под името „Тенк“ по одржана јавна седница, донесе пресуда со која му ја потврди двегодишната затворска казна на премиерот Никола Груевски. „Жалбите на обвинетиот Никола Груевски изјавени лично и преку неговите бранители ги одби како неосновани, а првостепената пресуда ја потврди во целост, со што му ги потврди двете години затворска казна“, пишува во соопштението од судот.
Второстепениот суд делумно му ја уважи жалбата на Ѓоко Поповски и му ја намали казната на 4 години и 6 месеци, а во останатиот дел првостепената одлука ја потврди.
За Гордана Јанкулоска за „Тенк“ е издвоена во друга постапка и пресудата за неа, под обвинение дека ја злоупотребила службената положба и го натерала Поповски да го намести тендерот за „мерцедесот“ што го посакал Груевски, ќе биде изречена на 8 октомври.
Daily news
Бизнисменот Минчо Јорданов треба да сведочи дали бил уценет со пари во шпионската афера
Бизнисменот Минчо Јорданов утрово во кривичниот суд е повикан да сведочи во предметот што го презеде специјалното јавно обвинителство под кодно име „Шпион“.
Обвинетите Миќо Наскоски, Зоран Божиновски и Марјан Маџовски, како што рече на минатото рочиште обвинителката Елизабета Јосифовска, со цел да се стекнат со противправна имотна корист, му се заканиле на бизнисменот Минчо Јорданов дека ќе објават податоци за наводна криминална приватизација и откуп на акциите во АД „Бетон“ и на други негови фирми. Во намерата не успеале, а Јорданов не ги исплатил парите.
„Обвинетиот Александар Диневски прибавувал податоци со степен на државна тајна, а потоа ги доставувал или директно на странските разузнавачки служби или му ги давал на обвинетиот Марјан Ефремов, кој ја формирал групата за уцени, изнуди и шпионажа и ја координирал од 2009 до 2013 година, регрутирајќи нови членови во мрежата. Со обвинетиот Мирослав Зафировски од УБК прибирале податоци за луѓе од ЦИА присутни во Македонија и за штаб на ЦИА во Ирак. Тие прибирале и податоци за организациската поставеност на УБК“, рече Јосифовска за „Шпион“, кое СЈО врз база на нови прислушувани разговори го презеде од Обвинителството за гонење организиран криминал и корупција.
Ефремов, според обвинението, групата за изнуда и тргување со тајни информации од безбедносните служби на Македонија ја направил во 2009 година и, како што тврди обвинителството, тој е мозокот на целата операција. Информациите им ги продавале на Кост Н. од грчката разузнавачка служба, Петар Н. и Јуриј Н. од унгарската и на други лица од странски разузнавачки служби.
Секој од обвинетите, зависно од тоа во која институција работел, снимал службени документи, кои потоа им ги продавал на грчката, руската, унгарската и српската разузнавачка служба. Обвинети во овој случај се и тогашниот шеф на Кабинетот на претседателот на Собранието, Трајко Вељаноски, генералот Горан Стојков, Миќо Насковски, Ѓорѓи Хаџимицев, Цветан Дамјановски (заедно со други нивни колеги од МВР, УБК, АР и Военото разузнавање, кои дел се веќе осудени) и Зоран Божиновски, кој во групата имал улога ако уценуваните не дадат пари, тој да ги објавува, како што вели обвинителката, во порталот „Буревесник“ или во други медиуми во кои работел. Божиновски е обвинет за злосторничко здружување, шпионажа и уцена.
Обвинетите не се чувствуваат виновни, а тврдат и дека целиот процес е монтиран. Во предметот првично беа опфатени 19 лица, од кои неколкумина ја одлежаа затворската казна. Предметот го суди судијата Владимир Туфегџиќ. На конференциска врска треба да сведочи и Драган Даравелски, кој, според обвинението, исто така бил уценуван од обвинетите.