Контакт

Daily news

Новиот „ауди A7 спортбек“ – динамика во најубава форма

Објавено пред

Новиот „ауди A7 спортбек“ претставува нов стил на „гран турер“ кој нуди систематска дигитализација, динамично возење и просторен концепт. Големото купе со четири врати е суштината на новиот дизајнерски јазик на „Ауди“.

dobivaj vesti na viber

Прогресивни спортски карактеристики

Надворешниот дизајн на новиот „A7 спортбек“ го отелотворува новиот, прогресивен дизајн на „Ауди“, фокусиран на големи површини и остри рабови. Широката ниска синглфрејм решетка и истакнатите отвори за воздух уште на прв поглед го изразуваат динамичниот карактер на „гран турер“. Задниот дел е заострен како јахта. Спојлерот интегриран на крајот од багажниот простор електрично се активира при брзина од 120 км/ч. Светлосна лента ги поврзува задните светла, составена од 13 индивидуални сегменти. Кога вратите се отклучени или затворени, динамичните анимации за осветлување на задните светла и фаровите го истакнуваат „ауди A7“.

Внатрешен дизајн

Дизајнерскиот јазик во внатрешноста на новиот „ауди A7 спортбек“ е симплифициран и чист. Хоризонталните линии и елеганцијата на инструмент-таблата пренесуваат чувство на пространост. Централната конзола е наклонета кон возачот и го нагласува спортскиот карактер на „гран турер“. Во внатрешноста, архитектурата на кокпитот и мониторот MMI се спојуваат за да формираат хомогена површина. Повеќето функции на возилото може да се контролираат преку двата екрани. Горниот дисплеј е речиси невидливо интегриран во контролната табла. Изборот на бои, материјали за навлаки и внатрешното осветлување совршено се вклопуваат во футуристичката атмосфера на A7.

Новиот „ауди A7 спортбек“ ја продолжува стратегијата за дигитализација, која почна со новиот A8 и го усвојува концептот MMI за инфо-забавниот систем со екран на допир со акустично-хаптички повратни информации: Малиот и звучен клик го потврдува активирањето на функцијата преку прстот на екранот. Горниот дисплеј се користи за контрола на инфо-забавниот систем, додека долниот екран обезбедува пристап до функциите за контрола на климата, комфорот, погодностите и внесување на текст. Благодарение на логичката структура на рамно мени, работењето со инфо-забавниот систем е интуитивна како на паметен телефон.

Dynamic photo,
Colour: Ara blue

Подинамично возење и поголема удобност на долгите дестинации

Новиот „ауди A7 спортбек“ дополнително ја оптимизира синтезата на динамиката и удобноста. Тој е динамично агилен на свиоците по патиштата надвор од градот и удобен на автопатот. Опционално динамичко управување со сите тркала го комбинира директното управување со супериорната стабилност во правецот на движење. На предната оска, се променува соодносот на управување во зависност од ситуацијата на возење. На задната оска се вртат тркалата или во иста или спротивна насока на предните тркала во зависност од брзината. Дури и со основното управување, новиот концепт на управување му дава на возачот интензивни повратни информации од патот.

Опционалниот спортски диференцијал активно го дистрибуира вртежниот момент помеѓу задните тркала, дополнувајќи го стандардниот кватро погон на сите тркала. Тоа, како и динамичкото управување со сите тркала, системот за контрола на амортизацијата, опционалната спортска суспензија и адаптивната воздушна суспензија со контролирано амортизирање се контролирани од платформата за електронска шасија (ECP). Благодарение на ова блиско вмрежување, сите системи работат заедно за зголемена удобност, динамичност и максимална прецизност.
Возачот може да избере од неколкуте возачки профили во системот на „Ауди“, кои нудат поширок распон помеѓу удобноста и динамиката во споредба со претходникот.

Благ хибриден систем за сите мотори

Новиот погонски систем на „ауди A7 спортбек“ сега е уште поефикасен благодарение на новиот благ хибриден систем (MHEV). При воведувањето на пазарот купето ќе биде достапно со 3.0 TFSI или 3.0 TDI мотор. MHEV системот е базиран на основен електричен систем од 48 волти и стартер на појас (BAS) кој генерира до 12 киловати моќност на регенерација. „A7 спортбек“ може да се придвижи со исклучен мотор и потоа да се рестартира непречено преку БАС. Функцијата старт-стоп сега се активира на 22 км/ч. 3.0 TFSI е поврзан со седумстепен S tronic; 3.0 TDI со типтроник со осум брзини. Во комбинација со S tronic, кватро трансмисијата користи ефикасна технологија која го активира погонот на сите тркала по потреба.

3.0 TFSI, турбо V6, располага со моќност од 250 kW (340 КС) и 500 Nm вртежен момент. Го забрзува купето со четири врати од 0 до 100 км/ч за 5,3 секунди и достигнува максимална брзина од 250 км/ч. Основната верзија на Audi A7 Sportback 55 TFSI троши 6,8 литри гориво на 100 километри. 3.0 TDI произведува 210 (286 КС) и 620 Nm вртежен момент. Забрзува од 0 до 100 км за 5,7 секунди. Во основната верзија троши само 5,5 литри гориво на 100 километри. Дополнителни четири и шест цилиндрични мотори ќе следат по воведувањето на пазарот на почетокот на март 2018 година.



©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Daily news

Прва правна конференција Tres Partes

Објавено пред

На 26 декември година во хотелот „Континентал“, со почеток во 10 часот, ќе се одржи првата правна конференција Tres partes, во организација на „Јанаки знае“, а ќе биде поделена во три дела.

dobivaj vesti na viber

Првиот дел е со работен наслов „Дали е потребно укинување на извршителите?”, на кој ќе учествуваат Зоран Василевски, кој ќе ја застапува тезата ПРО укинување на извршителите, извршител Снежана Андреевска, која ќе ја застапува тезата КОНТРА укинување на извршителите и извршител и поранешен судија за извршување, Христо Јованов, кој ќе предава во делот на извршувањето пред да се укинат судиите извршители.

Вториот дел е со работен наслов „Дали се шаблонизира институтот надомест на нематеријална штета“, на која предавачи ќе бидат адвокатката Маруша Митровска, судијката Љубица Колиќ од Основен суд Скопје 2 и судијата Ѓорѓи Радојков од Апелациониот суд Скопје.

Третиот т.н. кривичен дел е со работен наслов „Неприменување на кривично-правните институти“, во кој предавачи ќе бидат адвокатот Јанаки Митровски, Никола Тупанчевски, редовен професор по казнено право при „Јустинијан Први“, Александра Деаноска, вонредна професорка по казнено право при „Јустинијан Први“, и Оља Ристова, судијка при Основниот суд Скопје 1.

Предвиден е и интерактивен дел со публиката преку поставување прашања и коментари од учесниците.

 

Прикажи повеќе...

Daily news

Груевски оди во затвор – Апелација му ја потврди казната

Објавено пред

Апелациониот суд Скопје, постапувајќи по кривичниот предмет познат во јавноста под името „Тенк“ по одржана јавна седница, донесе пресуда со која му ја потврди двегодишната затворска казна на премиерот Никола Груевски. „Жалбите на обвинетиот Никола Груевски изјавени лично и преку неговите бранители ги одби како неосновани, а првостепената пресуда ја потврди во целост, со што му ги потврди двете години затворска казна“, пишува во соопштението од судот.

dobivaj vesti na viber

Второстепениот суд делумно му ја уважи жалбата на Ѓоко Поповски и му ја намали казната на 4 години и 6 месеци, а во останатиот дел првостепената одлука ја потврди.

За Гордана Јанкулоска за „Тенк“ е издвоена во друга постапка и пресудата за неа, под обвинение дека ја злоупотребила службената положба и го натерала Поповски да го намести тендерот за „мерцедесот“ што го посакал Груевски, ќе биде изречена на 8 октомври.

Прикажи повеќе...

Daily news

Бизнисменот Минчо Јорданов треба да сведочи дали бил уценет со пари во шпионската афера

Објавено пред

Spion

Бизнисменот Минчо Јорданов утрово во кривичниот суд е повикан да сведочи во предметот што го презеде специјалното јавно обвинителство под кодно име „Шпион“.

dobivaj vesti na viber

Обвинетите Миќо Наскоски, Зоран Божиновски и Марјан Маџовски, како што рече на минатото рочиште обвинителката Елизабета Јосифовска, со цел да се стекнат со противправна имотна корист, му се заканиле на бизнисменот Минчо Јорданов дека ќе објават податоци за наводна криминална приватизација и откуп на акциите во АД „Бетон“ и на други негови фирми. Во намерата не успеале, а Јорданов не ги исплатил парите.

„Обвинетиот Александар Диневски прибавувал податоци со степен на државна тајна, а потоа ги доставувал или директно на странските разузнавачки служби или му ги давал на обвинетиот Марјан Ефремов, кој ја формирал групата за уцени, изнуди и шпионажа и ја координирал од 2009 до 2013 година, регрутирајќи нови членови во мрежата. Со обвинетиот Мирослав Зафировски од УБК прибирале податоци за луѓе од ЦИА присутни во Македонија и за штаб на ЦИА во Ирак. Тие прибирале и податоци за организациската поставеност на УБК“, рече Јосифовска за „Шпион“, кое СЈО врз база на нови прислушувани разговори го презеде од Обвинителството за гонење организиран криминал и корупција.

Ефремов, според обвинението, групата за изнуда и тргување со тајни информации од безбедносните служби на Македонија ја направил во 2009 година и, како што тврди обвинителството, тој е мозокот на целата операција. Информациите им ги продавале на Кост Н. од грчката разузнавачка служба, Петар Н. и Јуриј Н. од унгарската и на други лица од странски разузнавачки служби.

Секој од обвинетите, зависно од тоа во која институција работел, снимал службени документи, кои потоа им ги продавал на грчката, руската, унгарската и српската разузнавачка служба. Обвинети во овој случај се и тогашниот шеф на Кабинетот на претседателот на Собранието, Трајко Вељаноски, генералот Горан Стојков, Миќо Насковски, Ѓорѓи Хаџимицев, Цветан Дамјановски (заедно со други нивни колеги од МВР, УБК, АР и Военото разузнавање, кои дел се веќе осудени) и Зоран Божиновски, кој во групата имал улога ако уценуваните не дадат пари, тој да ги објавува, како што вели обвинителката, во порталот „Буревесник“ или во други медиуми во кои работел. Божиновски е обвинет за злосторничко здружување, шпионажа и уцена.

Обвинетите не се чувствуваат виновни, а тврдат и дека целиот процес е монтиран. Во предметот првично беа опфатени 19 лица, од кои неколкумина ја одлежаа затворската казна. Предметот го суди судијата Владимир Туфегџиќ. На конференциска врска треба да сведочи и Драган Даравелски, кој, според обвинението, исто така бил уценуван од обвинетите.

Прикажи повеќе...

Најново

Регион7 минути

Почна нова детална потрага по Данка, пристигнаа спасувачки екипи со куче

Две специјалистички спасувачки екипи од Белград и Нови Сад, Одделот за вонредни состојби на МВР на Србија, синоќа пристигнале во...

Регион36 минути

Силен земјотрес ја погоди Бугарија

Земјотрес со јачина од 3,8 степени според Рихтеровата скала ја погоди Бугарија, јавува ЕМСЦ. Земјотресот е регистриран во 8:38 часот...

Европа43 минути

Автобус повторно се преврте на автопат во Германија, патниците биле средношколци

Автобус со околу 60 патници се преврте вчера на автопатот А44 во западната германска покраина Северна Рајна Вестфалија, јавува дпа....

Свет58 минути

Израел ја нападна Сирија: „38 лица загинаа во Алепо, меѓу кои и членови на Хезболах“

Повеќе цивили и војници загинаа откако Израел и милитантните групи започнаа напади врз северниот сириски град Алепо, соопшти утрово сириското...

Европа1 час

Лавров: Украинскиот план е бесмислен, вклучува повлекување на нашата армија од освоените територии

Рускиот министер за надворешни работи Сергеј Лавров изјави дека мировниот план предложен од Украина е бесмислен бидејќи се заснова на...

Македонија13 часа

ВМРО-ДПМНЕ ги утврди пратеничките листи за изборите: „Се работи за луѓе со кредибилитет, искусни и енергични“

Извршниот и Централниот комитет на ВМРО-ДПМНЕ одржаа седница на која беа усвоени пратеничките листи на ВМРО-ДПМНЕ и Коалицијата за претстојните...

Македонија13 часа

Села оди во коалиција со Ахмети

На седница на Централното собрание на крилото на Алијансата за Албанците предводено од Зијадин Села, беше одлучено да коалицираат со...

Македонија15 часа

Македонија треба да и’ врати 2,2 милиони евра на Европската Комисија кои биле злоупотребени преку „Еразмус“

Европската канцеларија за борба против измами (ОЛАФ) бара Македонија да врати 2,2 милиони евра злоупотребени преку програмата „Еразмус+“. Директорот на...

Македонија17 часа

Вработените во „Еуроникел“, кои останаа без работа, ќе добијат можност да се вратат во фабриката, новите газди со производството почнуваат во јуни

Речиси 600 вработени во кавадаречката фабрика „Еуроникел индустри“ ќе добијат можност повторно да се вратат на работа во следните 90...

Македонија18 часа

Тошковски: Приведен е и трет осомничен во врска со убиството на лекарот во скопска Железара

Техничкиот министер за внатрешни работи, Панче Тошковски, денеска изјави дека е приведено уште едно лице во врска со убиството на...

Економија19 часа

Трендафилов најави неколку протести: Во вторник ќе ги охрабриме судиите да ја преиначат срамната пресуда за конфискација на Работничкиот дом

Претседателот на ССМ, Слободан Трендафилов, денеска, на прес-конференција, за 2 април најави протест, кој ќе почне пред седиштето на ССМ...

Топ20 часа

Го оградил државното земјиште зад Поликлиниката „Бит-пазар“ и наплаќал за приватен паркинг: кривична за скопјанец

Единицата за економски и компјутерски криминал при СВР Скопје поднесе кривична пријава против А. Р. (62) од Скопје и против...

Македонија20 часа

(Видео) „ДПМНЕ и Тошковски ја загрозуваат безбедноста на граѓаните“, вели Талевски

„Два месеца откако ВМРО-ДПМНЕ го презеде раководењето со Министерството за внатрешни работи, безбедносната состојба во Прилеп никогаш не била полоша....

Економија20 часа

„Растот на платите со кои се фали Битиќи е лага, платите се стопија со порастот на трошоците на живот“, велат од ВМРО-ДПМНЕ

„Уште една голема манипулација на СДСМ кои се во очај! Во отсуство на било какви економски резултати, Фатмир Битиќи на...

Македонија23 часа

Ванковска: Преспанскиот и бугарскиот договор се колонизаторски договори

Професорката Билјана Ванковска и претседателски кандидат на Левица во Фејсбук статус истакнува дека има разочарани млади луѓе кои мислат дека...

Свет24 часа

Масовен руски напад врз Харков: Бомби паѓаа цела ноќ, две лица загинаа

Во текот на ноќта руските војници гранатираа 17 населени места во областа Херсон, при што загинаа две лица, а четворица...

Свет24 часа

Две тела пронајдени во автомобил под урнатиот мост во Балтимор, паднале од височина од 50 метри во водата

Полицијата во американската сојузна држава Мериленд објави дека две тела биле пронајдени во автомобил во реката Патапско, каде што мостот...

Македонија24 часа

Целосен молк од страна на Пендаровски, Ковачевски и СДС за улогата и начинот на ангажирање на спорниот странски консултат Асаф Еисин, велат од ВМРО-ДПМНЕ

Целосен молк од страна на Пендаровски, Ковачевски и СДС за улогата и начинот на ангажирање на спорниот странски консултат, Асаф...

Регион1 ден

Потрагата по Данка Илиќ продолжува трет ден, се проверуваат телефоните на родителите

И покрај прекинатата теренска потрага по Данка во Бањско Поле и околината, полицијата продолжува со интензивна оперативна работа за утврдување...

Свет1 ден

Путин: Обвинувањата дека Русија ќе ја нападне Европа по Украина се целосна глупост

Рускиот претседател Владимир Путин ги осуди обвинувањата на Западот дека Русија планира да се бори против Европа. Ги нарече „целосна...