Daily news
Овие хороскопски знаци се најголемите прељубници
Иако нечиј хороскопски знак не значи веднаш дека тој е прељубник, студиите покажале дека некои одредени припадници на Зодијакот се значително повеќе склони кон неверство од другите.
Шкорпија
Припадниците на овој хороскопски знак обично имаат силно и изразено либидо, што може да ги доведе до тоа „гладно“ да ги набљудуваат другите луѓе, да иницираат флерт и на крајот неверство. Ако Шкорпијата види нешто што и` се допаѓа, таа ќе направи се` за да ги исполни своите желби. Тоа вклучува и разни манипулации и лаги ако е потребно.
Од друга страна, ако Шкорпијата е целосно исполнета и среќна во врската, тогаш дефинитивно нема да дојде до неверство, што всушност е и добар показател за неа дали го одбрала вистинскиот партнер на долг рок.
Стрелец
Слободоумни и авантуристи, Стрелците се склони кон неверство. Тие можат да бидат во долги и сериозни врски, но неверството нема да го доживеат како нешто драматично. Всушност, и самите ќе се залажуваат дека тоа не се ни случило. Кај нив важи правилото дека шансата го прави крадецот, а во неверство може да ги спречи тоа што би можело се` да се дознае.
Лав
Она што Лавот го става во групата на хороскопски знаци кои почесто изневеруваат е неговата постојана потреба да биде во центарот на вниманието и неговото големо его, кое ќе го впушти во прељуба ако не добива доволно потврди, комплименти и внимание од партнерот. Исто така, Лавот ќе изневери и ако одлучи да ја прекине врската, но претходно на овој начин ќе го испита теренот и ќе разгледа што точно друго му се нуди за полесно да го напушти сегашниот партнер.
Овен
Страста е најголемата движечка сила за Овенот, а поради својот темперамент и непромисленост, можно е да остане без својот постојан партнер бидејќи се вљубил. Најчестата причина за впуштање во неверство е потрага по возбудување кое недостасува во неговата врска, а ако се открие во аферата, Овенот ќе се обиде да ја префрли вината на другата страна која го „завела“.
Водолија
Припадниците на овој знак често тврдат дека никогаш не изневеруваат, но вистината е дека нивната дефиниција за неверство е многу потолерантна отколку кај другите луѓе. Со оглед на тоа што рутината им оди на нерви, најчесто партнерот ќе го изневерат со некој кој е сосема поразличен од него, но самите себе ќе си објаснат дека тоа било неизбежно за да немаат грижа на совеста.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Daily news
Прва правна конференција Tres Partes
На 26 декември година во хотелот „Континентал“, со почеток во 10 часот, ќе се одржи првата правна конференција Tres partes, во организација на „Јанаки знае“, а ќе биде поделена во три дела.
Првиот дел е со работен наслов „Дали е потребно укинување на извршителите?”, на кој ќе учествуваат Зоран Василевски, кој ќе ја застапува тезата ПРО укинување на извршителите, извршител Снежана Андреевска, која ќе ја застапува тезата КОНТРА укинување на извршителите и извршител и поранешен судија за извршување, Христо Јованов, кој ќе предава во делот на извршувањето пред да се укинат судиите извршители.
Вториот дел е со работен наслов „Дали се шаблонизира институтот надомест на нематеријална штета“, на која предавачи ќе бидат адвокатката Маруша Митровска, судијката Љубица Колиќ од Основен суд Скопје 2 и судијата Ѓорѓи Радојков од Апелациониот суд Скопје.
Третиот т.н. кривичен дел е со работен наслов „Неприменување на кривично-правните институти“, во кој предавачи ќе бидат адвокатот Јанаки Митровски, Никола Тупанчевски, редовен професор по казнено право при „Јустинијан Први“, Александра Деаноска, вонредна професорка по казнено право при „Јустинијан Први“, и Оља Ристова, судијка при Основниот суд Скопје 1.
Предвиден е и интерактивен дел со публиката преку поставување прашања и коментари од учесниците.
Daily news
Груевски оди во затвор – Апелација му ја потврди казната
Апелациониот суд Скопје, постапувајќи по кривичниот предмет познат во јавноста под името „Тенк“ по одржана јавна седница, донесе пресуда со која му ја потврди двегодишната затворска казна на премиерот Никола Груевски. „Жалбите на обвинетиот Никола Груевски изјавени лично и преку неговите бранители ги одби како неосновани, а првостепената пресуда ја потврди во целост, со што му ги потврди двете години затворска казна“, пишува во соопштението од судот.
Второстепениот суд делумно му ја уважи жалбата на Ѓоко Поповски и му ја намали казната на 4 години и 6 месеци, а во останатиот дел првостепената одлука ја потврди.
За Гордана Јанкулоска за „Тенк“ е издвоена во друга постапка и пресудата за неа, под обвинение дека ја злоупотребила службената положба и го натерала Поповски да го намести тендерот за „мерцедесот“ што го посакал Груевски, ќе биде изречена на 8 октомври.
Daily news
Бизнисменот Минчо Јорданов треба да сведочи дали бил уценет со пари во шпионската афера
Бизнисменот Минчо Јорданов утрово во кривичниот суд е повикан да сведочи во предметот што го презеде специјалното јавно обвинителство под кодно име „Шпион“.
Обвинетите Миќо Наскоски, Зоран Божиновски и Марјан Маџовски, како што рече на минатото рочиште обвинителката Елизабета Јосифовска, со цел да се стекнат со противправна имотна корист, му се заканиле на бизнисменот Минчо Јорданов дека ќе објават податоци за наводна криминална приватизација и откуп на акциите во АД „Бетон“ и на други негови фирми. Во намерата не успеале, а Јорданов не ги исплатил парите.
„Обвинетиот Александар Диневски прибавувал податоци со степен на државна тајна, а потоа ги доставувал или директно на странските разузнавачки служби или му ги давал на обвинетиот Марјан Ефремов, кој ја формирал групата за уцени, изнуди и шпионажа и ја координирал од 2009 до 2013 година, регрутирајќи нови членови во мрежата. Со обвинетиот Мирослав Зафировски од УБК прибирале податоци за луѓе од ЦИА присутни во Македонија и за штаб на ЦИА во Ирак. Тие прибирале и податоци за организациската поставеност на УБК“, рече Јосифовска за „Шпион“, кое СЈО врз база на нови прислушувани разговори го презеде од Обвинителството за гонење организиран криминал и корупција.
Ефремов, според обвинението, групата за изнуда и тргување со тајни информации од безбедносните служби на Македонија ја направил во 2009 година и, како што тврди обвинителството, тој е мозокот на целата операција. Информациите им ги продавале на Кост Н. од грчката разузнавачка служба, Петар Н. и Јуриј Н. од унгарската и на други лица од странски разузнавачки служби.
Секој од обвинетите, зависно од тоа во која институција работел, снимал службени документи, кои потоа им ги продавал на грчката, руската, унгарската и српската разузнавачка служба. Обвинети во овој случај се и тогашниот шеф на Кабинетот на претседателот на Собранието, Трајко Вељаноски, генералот Горан Стојков, Миќо Насковски, Ѓорѓи Хаџимицев, Цветан Дамјановски (заедно со други нивни колеги од МВР, УБК, АР и Военото разузнавање, кои дел се веќе осудени) и Зоран Божиновски, кој во групата имал улога ако уценуваните не дадат пари, тој да ги објавува, како што вели обвинителката, во порталот „Буревесник“ или во други медиуми во кои работел. Божиновски е обвинет за злосторничко здружување, шпионажа и уцена.
Обвинетите не се чувствуваат виновни, а тврдат и дека целиот процес е монтиран. Во предметот првично беа опфатени 19 лица, од кои неколкумина ја одлежаа затворската казна. Предметот го суди судијата Владимир Туфегџиќ. На конференциска врска треба да сведочи и Драган Даравелски, кој, според обвинението, исто така бил уценуван од обвинетите.