Контакт

Daily news

Патот за Сончев Град со месеци готов, но забранет за користење

Објавено пред

Патот за елитната населба Сончев Град, поради кој се пресече дел од шумата на Водно, со месеци стои изграден, но блокиран. Не се користи. По него минуваат само велосипедисти, кои ги прескокнуваат поставените барикади и возат по новиот асфалт. Директорот на Јавното претпријатие за државни патишта, Зоран Китанов, за „Макфакс“ објасни дека новиот пат е заглавен во административни процедури поради кои не може да биде пуштен во употреба. Ќе остане така уште некој месец.

dobivaj vesti na viber

„Градежните работи за патот се целосно завршени. Направен е и технички прием, но не можеме да го пуштиме во употреба додека не ја усогласиме документацијата со изграденото на терен. Поради големото свлечиште што се појавило, изместена е трасата, а тоа повлекува низа административни измени. Очекувам оваа пролет, до март, да успееме да ја комплетираме документацијата и да го пуштиме за употреба “, вели директорот Китанов.

Од изградбата на патот за Сончев Град

Направена е измена на проектот, која мора да се вметне во сите документи, објаснува директорот. Поради измената, одново биле барани дозволи, одобренија и согласности од низа институции што се дел од проектот за патот кон Сончев Град.

„Земјиштето преку Министерството за земјоделство требаше да се пренамени, да се направат измени во просторното планирање, да се добијат согласности за измената од Министерството за животна средина, да се добие ново одобрение за градење и да ја платиме сметката на ЈП ’Паркови и зеленило’ за исечената шума. Очекувам секој момент да ја добиеме пресметката од ова претпријатие и ќе ни остане да го добиеме новото одобрение за градење од Министерството за транспорт и врски за да можеме да го пуштиме патот во употреба. Нема други пречки за тој да почне да се користи“, вели директорот Китанов.

Од Јановото претпријатие „Паркови и зеленило“, во чија надлежност е парк-шумата Водно, велат дека за пресметка допрва ќе излезат на терен. Новиот директор Адријан Муча е во тек со проектот и со измените и во контакт со директорот Китанов.

„Сега немаме податоци за тоа колку шума е исечена и какви измени се направени. За да направиме пресметка, екипа од кај нас заедно со претставници од државните патишта ќе направи посебен увид по што ќе знаеме за колкава сума се работи“, изјави директорот Муча за „Макфакс“.

 

 

Свлечиштето е виша сила, нема да се бара одговорност за пробиените рокови

 

Изградбата на патот за Сончев Град почна во јуни 2013 година по низа забелешки и противења на невладините организации за заштита на зеленилото на Водно, кои беа против сечење на шумата за изградба на пат. Министерството за животна средина инсистира на посебна студија за влијанието на новиот пат врз парк-шумата и долго време не даваше согласност за негова изградба. Студијата врз основа на која е издадено одобрението за градење претходната власт никогаш јавно не ја покажа.

Градежниците за време на изградбата на патот постојано се бореа со одрони

На почетокот на градежните активности беше најавено дека патот ќе се гради 18 месеци. Изведувач е градежната компанија „Гранит“, која неколкупати се соочи со големи одрони и свлечишта на патот. Бидејќи првиот рок не беше исполнет, претходната влада најавуваше нови рокови, но сите што ги постави се пробиени.

Сегашниот директор на Јавното претпријатие за државни патишта вели дека нема да бара одговорност за пробиените рокови.

„Се работи за виша сила, свлечиштето не можело да се предвиди. Доцнењето во изградбата и пробиените рокови се должат на тоа и ние нема да бараме одговорност за ненавремено исполнување на обврските“, рече директорот Китанов.

За изградбата на патот долг 4,4 километри, според досега објавените податоци, се потрошени 7,7 милиони евра.

          

Патот – услов да почне да се гради Сончев Град

 

Изградбата на патот е услов што државата треба да го исполни за да почне да се гради елитната населба Сончев Град. Земјиштето за оваа населба, лоцирано над патот на влезот во Сопшите, на јавна лицитација на крајот на 2012 година од државата го купи турската компанија „Џеваир холдинг“, која ги изгради четириесеткатниците во Аеродром. Турците купија 835.619 квадратни метри земјиште по цена од 132 денара за квадрат, односно 1,8 милион евра. Во Сончев Град, според договорот, треба да им 600 куќи, училиште, градинка, трговски центри, зелен појас и спортски терени.

Проектот за Сончев Град

За изградбата на елитната населба државата се обврза да изгради и канализација и водовод за што веќе се потрошени 9,5 милиони евра.

Турците се трета компанија што се обидува да го изгради Сончев Град откако договорите со претходните две беа раскинати. Договорот за продажба на земјиштето од 2006 година склучен по пат на непосредна спогодба со германската „Бихард констракшн интернешнл“ го оспори Антикорупциската комисија оти бил склучен пред избори, а по изборите, Германците се премислија и се повлекоа кога утврдија дека дел од земјиштето ѝ е дадено на користење на винарницата „Сковин“, а при продажбата им било одземено корисничкото право за што тие се жалеа.

Вторапат државата го продаде земјиштето на израелската компанија „Индустријал билдинг корпорејшн“ во 2007 година. Од таму се обврзаа да ја изградат населбата најдоцна до 2011 година, но се откажаа во моментот кога утврдија дека парцелата понудена на тендерот е поинаква од онаа на самото место. Тие поднесоа тужба против државата, која во 2011 година спогодбено беше повлечена, а Израелците се повлекоа од проектот.

За сомнителната продажба на земјиштето за Сончев Град предмет има специјалното јавно обвинителство, во кој обвинети се поранешниот министер за транспорт и врски, Миле Јанакиески, и уште петмина вработени во Министерството оти ја злоупотребиле службената положба и го прекршиле Законот за јавните набавки. Тие земјиштето за Сончев Град го продале на фирма што не ги исполнувала условите на тендерот.

 

Новиот пат дополнително ќе го блокира влезот на Клиничкиот центар

Жителите на Сопиште, 5.656 според последниот попис од 2002 година, со душа чекаат новиот пат да биде пуштен во употреба. По него, наместо најмалку половина час, до центарот на градот ќе стигнуваат за помалку од десет минути. Но, ќе мора да минат по булеварот Мајка Тереза, поранешна Водњанска, кај Клиничкиот центар. Овој булевар и сега, без жителите на Сопиште, е блокиран. Сообраќајните експерти со години предупредуваа дека патот за Сочев Град е невозможна мисија, меѓу другото, и поради метежот кај Клинички.

Градските власти велат дека ќе мора да се снаоѓаат со постојната мрежа за регулирање на сообраќајот на овој булевар.

„Водњанска нема каде да се шири, просторот е тој што го имаме сега. Нема друго решение, освен сообраќајот да го регулираме со воведување посебни режими. Како ќе се решава ова прашање ќе знаеме кога ќе се пушти во употреба новиот пат. Тогаш ќе можеме да утврдиме какви мерки треба да се преземат за да нема блокада на сообраќајот“, велат од Град Скопје.

Од таму нагласуваат дека патот за Сончев Град е надвор од границите на Генерланиот урбанистички план за Скопје и не бил консултиран во ниту една фаза од планирањето на оваа сообраќајница.

Маја Илиевска-Пачемска



©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Daily news

Прва правна конференција Tres Partes

Објавено пред

На 26 декември година во хотелот „Континентал“, со почеток во 10 часот, ќе се одржи првата правна конференција Tres partes, во организација на „Јанаки знае“, а ќе биде поделена во три дела.

dobivaj vesti na viber

Првиот дел е со работен наслов „Дали е потребно укинување на извршителите?”, на кој ќе учествуваат Зоран Василевски, кој ќе ја застапува тезата ПРО укинување на извршителите, извршител Снежана Андреевска, која ќе ја застапува тезата КОНТРА укинување на извршителите и извршител и поранешен судија за извршување, Христо Јованов, кој ќе предава во делот на извршувањето пред да се укинат судиите извршители.

Вториот дел е со работен наслов „Дали се шаблонизира институтот надомест на нематеријална штета“, на која предавачи ќе бидат адвокатката Маруша Митровска, судијката Љубица Колиќ од Основен суд Скопје 2 и судијата Ѓорѓи Радојков од Апелациониот суд Скопје.

Третиот т.н. кривичен дел е со работен наслов „Неприменување на кривично-правните институти“, во кој предавачи ќе бидат адвокатот Јанаки Митровски, Никола Тупанчевски, редовен професор по казнено право при „Јустинијан Први“, Александра Деаноска, вонредна професорка по казнено право при „Јустинијан Први“, и Оља Ристова, судијка при Основниот суд Скопје 1.

Предвиден е и интерактивен дел со публиката преку поставување прашања и коментари од учесниците.

 

Прикажи повеќе...

Daily news

Груевски оди во затвор – Апелација му ја потврди казната

Објавено пред

Апелациониот суд Скопје, постапувајќи по кривичниот предмет познат во јавноста под името „Тенк“ по одржана јавна седница, донесе пресуда со која му ја потврди двегодишната затворска казна на премиерот Никола Груевски. „Жалбите на обвинетиот Никола Груевски изјавени лично и преку неговите бранители ги одби како неосновани, а првостепената пресуда ја потврди во целост, со што му ги потврди двете години затворска казна“, пишува во соопштението од судот.

dobivaj vesti na viber

Второстепениот суд делумно му ја уважи жалбата на Ѓоко Поповски и му ја намали казната на 4 години и 6 месеци, а во останатиот дел првостепената одлука ја потврди.

За Гордана Јанкулоска за „Тенк“ е издвоена во друга постапка и пресудата за неа, под обвинение дека ја злоупотребила службената положба и го натерала Поповски да го намести тендерот за „мерцедесот“ што го посакал Груевски, ќе биде изречена на 8 октомври.

Прикажи повеќе...

Daily news

Бизнисменот Минчо Јорданов треба да сведочи дали бил уценет со пари во шпионската афера

Објавено пред

Spion

Бизнисменот Минчо Јорданов утрово во кривичниот суд е повикан да сведочи во предметот што го презеде специјалното јавно обвинителство под кодно име „Шпион“.

dobivaj vesti na viber

Обвинетите Миќо Наскоски, Зоран Божиновски и Марјан Маџовски, како што рече на минатото рочиште обвинителката Елизабета Јосифовска, со цел да се стекнат со противправна имотна корист, му се заканиле на бизнисменот Минчо Јорданов дека ќе објават податоци за наводна криминална приватизација и откуп на акциите во АД „Бетон“ и на други негови фирми. Во намерата не успеале, а Јорданов не ги исплатил парите.

„Обвинетиот Александар Диневски прибавувал податоци со степен на државна тајна, а потоа ги доставувал или директно на странските разузнавачки служби или му ги давал на обвинетиот Марјан Ефремов, кој ја формирал групата за уцени, изнуди и шпионажа и ја координирал од 2009 до 2013 година, регрутирајќи нови членови во мрежата. Со обвинетиот Мирослав Зафировски од УБК прибирале податоци за луѓе од ЦИА присутни во Македонија и за штаб на ЦИА во Ирак. Тие прибирале и податоци за организациската поставеност на УБК“, рече Јосифовска за „Шпион“, кое СЈО врз база на нови прислушувани разговори го презеде од Обвинителството за гонење организиран криминал и корупција.

Ефремов, според обвинението, групата за изнуда и тргување со тајни информации од безбедносните служби на Македонија ја направил во 2009 година и, како што тврди обвинителството, тој е мозокот на целата операција. Информациите им ги продавале на Кост Н. од грчката разузнавачка служба, Петар Н. и Јуриј Н. од унгарската и на други лица од странски разузнавачки служби.

Секој од обвинетите, зависно од тоа во која институција работел, снимал службени документи, кои потоа им ги продавал на грчката, руската, унгарската и српската разузнавачка служба. Обвинети во овој случај се и тогашниот шеф на Кабинетот на претседателот на Собранието, Трајко Вељаноски, генералот Горан Стојков, Миќо Насковски, Ѓорѓи Хаџимицев, Цветан Дамјановски (заедно со други нивни колеги од МВР, УБК, АР и Военото разузнавање, кои дел се веќе осудени) и Зоран Божиновски, кој во групата имал улога ако уценуваните не дадат пари, тој да ги објавува, како што вели обвинителката, во порталот „Буревесник“ или во други медиуми во кои работел. Божиновски е обвинет за злосторничко здружување, шпионажа и уцена.

Обвинетите не се чувствуваат виновни, а тврдат и дека целиот процес е монтиран. Во предметот првично беа опфатени 19 лица, од кои неколкумина ја одлежаа затворската казна. Предметот го суди судијата Владимир Туфегџиќ. На конференциска врска треба да сведочи и Драган Даравелски, кој, според обвинението, исто така бил уценуван од обвинетите.

Прикажи повеќе...

Најново

Македонија3 часа

Ванковска: Преспанскиот и бугарскиот договор се колонизаторски договори

Професорката Билјана Ванковска и претседателски кандидат на Левица во Фејсбук статус истакнува дека има разочарани млади луѓе кои мислат дека...

Свет3 часа

Масовен руски напад врз Харков: Бомби паѓаа цела ноќ, две лица загинаа

Во текот на ноќта руските војници гранатираа 17 населени места во областа Херсон, при што загинаа две лица, а четворица...

Свет3 часа

Две тела пронајдени во автомобил под урнатиот мост во Балтимор, паднале од височина од 50 метри во водата

Полицијата во американската сојузна држава Мериленд објави дека две тела биле пронајдени во автомобил во реката Патапско, каде што мостот...

Македонија3 часа

Целосен молк од страна на Пендаровски, Ковачевски и СДС за улогата и начинот на ангажирање на спорниот странски консултат Асаф Еисин, велат од ВМРО-ДПМНЕ

Целосен молк од страна на Пендаровски, Ковачевски и СДС за улогата и начинот на ангажирање на спорниот странски консултат, Асаф...

Регион4 часа

Потрагата по Данка Илиќ продолжува трет ден, се проверуваат телефоните на родителите

И покрај прекинатата теренска потрага по Данка во Бањско Поле и околината, полицијата продолжува со интензивна оперативна работа за утврдување...

Свет4 часа

Путин: Обвинувањата дека Русија ќе ја нападне Европа по Украина се целосна глупост

Рускиот претседател Владимир Путин ги осуди обвинувањата на Западот дека Русија планира да се бори против Европа. Ги нарече „целосна...

Свет4 часа

Маж во Илиноис уби четири лица и избоде петмина, нападот траел 20 минути

Четири лица загинаа, а пет се повредени во напад во Рокфорд, Илиноис, додека 22-годишен осомничен е уапсен. Полицијата, исто така,...

Македонија18 часа

Турската демократска партија се приклучува на Европскиот фронт, Ахмети: Овој сојуз е историски

По потпишувањето на коалицијата за Европскиот фронт со ДПА на Мендух Тачи, Народното движење на Скендер Реџепи Зејд, ПДЕ на...

Македонија20 часа

Тошковски: Ќе сторам сè МВР да гарантира организирање на безбедни избори

Денеска министерот за внатрешни работи Панче Тошковски присуствуваше на панел дискусија „Зајакнување на соработката помеѓу институциите за проценка на изборните...

Македонија21 час

Дисциплински постапки за петмина полицајци за пукањето пред тетовската болница

Поднесени се две две кривични пријави од СВР Тетово против М. Т., полициски службеник во Полициската станица за граничен надзор...

Македонија22 часа

ГРОМ, Интегра и ПЦЕР се здружија: коалицијата „Храбро за Македонија“ нема да поддржи уставни промени ниту пред ниту по изборите

Политичките партии Граѓанската опција за Македонија (ГРОМ), Интегра и Партијата за целосна еманципација на Ромите (ПЦЕР) денес се здружија во...

Македонија23 часа

„Вреди“: Албанците нема да му простат на Бујар Османи за случајот Монструм

Претходно кога објаснувавме кој е Бујар Османи, дојде време да се откриваат неговите корупциски скандали, но и политичките ставови што...

Македонија1 ден

Мицкоски: Имаме принципиелен договор за настап на парламентарните избори врз кој ќе функционираме како идна влада

Ние имаме принципиелни разговори и преговори и принципиелен заеднички договор за настап на следните парламентарни избори и очекуваме понатаму, врз...

Свет1 ден

Бајден: Да ja ​​заштитиме Украина од месарот Путин

Американскиот претседател Џозеф Бајден уште еднаш го навреди рускиот претседател Владимир Путин говорејќи пред гласачите во американската сојузна држава Северна...

Регион1 ден

Вучиќ: Следуваат тешки денови за Србија, не ми е лесно да кажам какви вести добивме

Српскиот претседател Александар Вучиќ синоќа изјави дека пред Србија претстојат тешки денови, пренесува „Нова.рс“. Вучиќ најави дека во наредните денови...

Македонија1 ден

СДСМ: Скопје е запустен град, граѓаните се изневерени, ДПМНЕ нема план за иднината

Платформа од минатиот век се новите лажни ветувања на ДПМНЕ по примерот на Скопје. Откако ги изневерија граѓаните на Скопје,...

Регион1 ден

Трае потрагата по исчезнатото двегодишно девојче во Србија

Трае потрагата по двегодишното девојче, кое исчезна вчера околу 13.45 часот во приградската населба Бањско Поле, недалеку од Бор во...

Свет1 ден

Израел во текот на ноќта жестоко го бомбардира јужниот дел на Газа: „Луѓето умираат само за да добијат конзерва туна“

Израел во текот на ноќта интензивно го бомбардираше јужниот дел на Појасот Газа, и покрај меѓународниот притисок за итен прекин...

Свет1 ден

„Не веруваме дека ќе ги пронајдеме живи“: Запрена потрагата по исчезнатите лица по уривањето на мостот во Балтимор

Спасувачките екипи ја прекинаа потрагата по шест лица исчезнати по уривањето на мостот во Балтимор, бидејќи се претпоставува дека се...

Македонија1 ден

Османи со дипломатскиот кор за четвртата годишнина од членството на Македонија во НАТО

Со цел одбележување на 4-та годишнина од членството на Северна Македонија во НАТО, министерот за надворешни работи, Бујар Османи, денеска...