Daily news
Познат сомелиер „разби“ 12 познати митови за вината
1. Белото вино треба да се сервира многу студено
Тоа е голема заблуда, вели Капиељо. Ниту едно вино не треба да се пие толку ладно, но ни млако, туку во него треба да се зачува основната хемија. Имено, колку виното е поладно, молекулите во него се стиснати и аромата нема да се почувствува целосно. Потопло вино ќе биде поароматично, а идеалната температура за бело вино е четири степени Целзиусови.
2. Црно вино мора да биде послужено на собна температура
Теоријата дека црно вино не смее да биде во фрижидер е уште еден голем мит. Експертот вели дека собна температура го забрзува процесот на стареење на виното и го расипува вкусот па се препорачува да се чува на студено место.
3. Црното вино предизвикува лоша главоболка
Причина што по црно вино имате главоболка, е тоа што не го третирате како другите алкохолни пијалоци. Значи, ќе испиете премногу вино, телото ќе дехидрира како и од друг алкохол, а тоа предизвикува главоболка. Ако сакате да се чувствувате добро, не претерувајте со алкохол и во текот на вечерата и подоцна пијте вода.
4. Белото вино никако не го пијте со месо
Со јадења од месо оди и бело вино, тврди сомелијерот. Иако црното вино совршено оди со месо, тоа не значи дека добро бело вино треба да се избегнува. Тој советува со месо да изберете вино со овошен вкус.
5. Оставете виното да дише во шишето
Од отворањето на шише вино и оставањето да продише нема никаква корист, бидејќи формата на шишето и така не дозволува многу воздух да навлезе внатре. Ако сакате виното да го добие тој драгоцен кислород, најдобро користете го.
6. Ако виното е во кутија, тоа има лош квалитет
Патрик Капиељо вели дека тоа не е точно и дека виното не мора да биде во шише. Објаснил дека во Европа е вообичаено виното да е од кутија, а некои се неверојатно вкусни.
7. Евтините вина се многу полоши
Голема заблуда! Понекогаш поевтините вина се поквалитетни и повкусни од скапите. Некои вина се скапи само затоа што носат име на познат бренд, а односот на нивната цена и квалитетот не е реален.
8. Старите вина секогаш се подобри
Ни оваа терорија не е секогаш точна. Дури 99 отсто вина треба да се испијат во рок од пет години по нивното производство, пишува порталот Thrillist. Сепак, вистина е дека староста на виното дава многу егзотичен вкус и мирис.
9. Тапа со навој покажува дека виното е неквалитетно
Тапите со навој се појавиле околу 1950 година и вината со такви тапи дефинитивно не се со лош квалитет ниту се нужно поевтини. Некои производители инсистираат на тапи со навој бидејќи не дозволуваат влез на кислород во шишето. Други преферираат поинакви затворачи бидејќи пропуштаат доволно воздух за оксидација на танинот.
10. Шампањот не старее добро
Не е вистина дека шампањот треба да се испие брзо откако ќе се купи. Неотворено шише може да стои три до четири години на температура до 4 степени Целзијусови.
11. Француските вина се подобри од американските
Иако нема сомнеж дека Французите се махери за вина, добри вина има и во Калифорнија. Разликата е во вкусот, па на некои им се допаѓаат француски вина, на други американски.
12. Белото вино ги чисти дамките од црно вино
И тоа е обичен мит. Белото вино ќе ја разреди дамката од црното, но дополнително ќе ја обои ткаенината. Затоа, чувајте го своето бело вино, а дамките чистете ги поинаку.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Daily news
Прва правна конференција Tres Partes
На 26 декември година во хотелот „Континентал“, со почеток во 10 часот, ќе се одржи првата правна конференција Tres partes, во организација на „Јанаки знае“, а ќе биде поделена во три дела.
Првиот дел е со работен наслов „Дали е потребно укинување на извршителите?”, на кој ќе учествуваат Зоран Василевски, кој ќе ја застапува тезата ПРО укинување на извршителите, извршител Снежана Андреевска, која ќе ја застапува тезата КОНТРА укинување на извршителите и извршител и поранешен судија за извршување, Христо Јованов, кој ќе предава во делот на извршувањето пред да се укинат судиите извршители.
Вториот дел е со работен наслов „Дали се шаблонизира институтот надомест на нематеријална штета“, на која предавачи ќе бидат адвокатката Маруша Митровска, судијката Љубица Колиќ од Основен суд Скопје 2 и судијата Ѓорѓи Радојков од Апелациониот суд Скопје.
Третиот т.н. кривичен дел е со работен наслов „Неприменување на кривично-правните институти“, во кој предавачи ќе бидат адвокатот Јанаки Митровски, Никола Тупанчевски, редовен професор по казнено право при „Јустинијан Први“, Александра Деаноска, вонредна професорка по казнено право при „Јустинијан Први“, и Оља Ристова, судијка при Основниот суд Скопје 1.
Предвиден е и интерактивен дел со публиката преку поставување прашања и коментари од учесниците.
Daily news
Груевски оди во затвор – Апелација му ја потврди казната
Апелациониот суд Скопје, постапувајќи по кривичниот предмет познат во јавноста под името „Тенк“ по одржана јавна седница, донесе пресуда со која му ја потврди двегодишната затворска казна на премиерот Никола Груевски. „Жалбите на обвинетиот Никола Груевски изјавени лично и преку неговите бранители ги одби како неосновани, а првостепената пресуда ја потврди во целост, со што му ги потврди двете години затворска казна“, пишува во соопштението од судот.
Второстепениот суд делумно му ја уважи жалбата на Ѓоко Поповски и му ја намали казната на 4 години и 6 месеци, а во останатиот дел првостепената одлука ја потврди.
За Гордана Јанкулоска за „Тенк“ е издвоена во друга постапка и пресудата за неа, под обвинение дека ја злоупотребила службената положба и го натерала Поповски да го намести тендерот за „мерцедесот“ што го посакал Груевски, ќе биде изречена на 8 октомври.
Daily news
Бизнисменот Минчо Јорданов треба да сведочи дали бил уценет со пари во шпионската афера
Бизнисменот Минчо Јорданов утрово во кривичниот суд е повикан да сведочи во предметот што го презеде специјалното јавно обвинителство под кодно име „Шпион“.
Обвинетите Миќо Наскоски, Зоран Божиновски и Марјан Маџовски, како што рече на минатото рочиште обвинителката Елизабета Јосифовска, со цел да се стекнат со противправна имотна корист, му се заканиле на бизнисменот Минчо Јорданов дека ќе објават податоци за наводна криминална приватизација и откуп на акциите во АД „Бетон“ и на други негови фирми. Во намерата не успеале, а Јорданов не ги исплатил парите.
„Обвинетиот Александар Диневски прибавувал податоци со степен на државна тајна, а потоа ги доставувал или директно на странските разузнавачки служби или му ги давал на обвинетиот Марјан Ефремов, кој ја формирал групата за уцени, изнуди и шпионажа и ја координирал од 2009 до 2013 година, регрутирајќи нови членови во мрежата. Со обвинетиот Мирослав Зафировски од УБК прибирале податоци за луѓе од ЦИА присутни во Македонија и за штаб на ЦИА во Ирак. Тие прибирале и податоци за организациската поставеност на УБК“, рече Јосифовска за „Шпион“, кое СЈО врз база на нови прислушувани разговори го презеде од Обвинителството за гонење организиран криминал и корупција.
Ефремов, според обвинението, групата за изнуда и тргување со тајни информации од безбедносните служби на Македонија ја направил во 2009 година и, како што тврди обвинителството, тој е мозокот на целата операција. Информациите им ги продавале на Кост Н. од грчката разузнавачка служба, Петар Н. и Јуриј Н. од унгарската и на други лица од странски разузнавачки служби.
Секој од обвинетите, зависно од тоа во која институција работел, снимал службени документи, кои потоа им ги продавал на грчката, руската, унгарската и српската разузнавачка служба. Обвинети во овој случај се и тогашниот шеф на Кабинетот на претседателот на Собранието, Трајко Вељаноски, генералот Горан Стојков, Миќо Насковски, Ѓорѓи Хаџимицев, Цветан Дамјановски (заедно со други нивни колеги од МВР, УБК, АР и Военото разузнавање, кои дел се веќе осудени) и Зоран Божиновски, кој во групата имал улога ако уценуваните не дадат пари, тој да ги објавува, како што вели обвинителката, во порталот „Буревесник“ или во други медиуми во кои работел. Божиновски е обвинет за злосторничко здружување, шпионажа и уцена.
Обвинетите не се чувствуваат виновни, а тврдат и дека целиот процес е монтиран. Во предметот првично беа опфатени 19 лица, од кои неколкумина ја одлежаа затворската казна. Предметот го суди судијата Владимир Туфегџиќ. На конференциска врска треба да сведочи и Драган Даравелски, кој, според обвинението, исто така бил уценуван од обвинетите.