Daily news
Работници на бунт: Ја обвинуваат Тесла за жестоката експлоатација
За Teсла се пишува толку многу што уште една статија за марката или за газдата не е изненадување. Сепак, изненадување е големата тема, која се открива Гардијан. Таа се однесува на начинот и условите на работа во фабриката на брендот во Фримонт, Калифорнија.
Со една реченица: многу поплаки од прекумерното оптоварување на работниците, кое доведува до сериозни несреќи, пренесува Вијести.
Според извештаите за случаите со инциденти, амбулантни посети на фабриката, кои се над 100 пати од 2014 година, па наваму и да не зборуваме за повиците, кои биле за вртоглавица, несвестица, отежнато дишење или болки во градите.
Други стотици случаи укажуваат на трауми и други медицински прашања. Во телефонското интервју на Илона Муск тој вели дека има своето видување на работите, а деталите може да најдете во поширокиот материјал на Гардиан.
Изданието сепак се потпира на изјавите на 15 сегашни и поранешни вработени, кои раскажуваат за долги часови напорна работа, за да се исполнат амбициозните производствени цели.
“Сум видел луѓе како во бесвест, удираат на подот и имаат заматени лица”, вели Џонатан Галеску.
“Тие едноставно не праќаат да работиме околу него, додека тој се уште лежи на подот.” Тој е еден од неколкуте сведоци кои тврдат дека виделе свои колеги во бесвестна состојба или да биле однесени со амбулантни возила.
“Имав колега на линијата до мене, тој работеше, работеше, работеше и во еден момент едноставно онесвести”, раскажува Мики Катура.
Можеби ова е начин како да се исполнат целите на Муск. А, една од нив е на крајот на 2018 година да произведе 500.000 автомобили годишно. Некои тоа го можат, но за неговата компанија ова значи раст од 495%, во однос на 2016 година и за да се постигне овој обем мора вака да се работи.
Во февруари работникот Хосе Моран објави напис во кој упатува обвинувања за висок степен на повреди и пониски плати во фабриката, откривајќи дека работниците бараат поддршка од United Auto Workers. Мајкл Сенчез вели дека бил “пресреќен”, кога пред пет години бил ангажиран да работи за Tesla, компанија која тој ја смета за “дел од иднината”.
Сега Санчез има проблеми со два вратни пршлени и со ‘рбетниот столб, а како што вели е неспособен и не може да фати молив без да го заболи. Tesla тврди дека повредата настанала при монтирање на тркало, но Санчез вели дека таа е резултат на годините тешка работа на склопување.
Работата е услов и тој постојано гледал нагоре и работел со кренати раце над главата. “Може да се заработи во понеделник”, раскажува Санчез.
“Може да се заработи за вторник. Во средата почнуваш да чувствуваш нешто. Четврток е болка. Петок е агонија. Сабота едноставно ја доживуваш. ”
Tesla не негира дека имало проблем со организацијата на трудот во почетниот процес на производство.
Но одбива да се дистрибуира податоци за предметните случаи во последниве четири години, бидејќи “таа не го одразува начинот на роботот кој денес се употребува.” Во своја одбрана компанијата дистрибуира податоци, според кои производствените несреќи се зголемуваат малку над просекот што е карактеристичен за индустријата, а за 2017 година тие се со 32% подобри од просекот на конкурентите.
Пред компанијата да го намали просечниот работен ден во октомври 2016 година, работниците работеа во 12-часовни смени, 6 дена во неделата. Ален Очоа, друг работник во Tesla, кој во моментов е на одмор по несреќа тврди дека раководителите “поставуваа производните бројки пред сигурноста и безбедноста на работниците”.
Со спротивно мислење е друга работник: “Имам бенефиции имам акции, ми плаќаат прекувремено. Се радувам на работата и со мене се однесуваат чесно “, раскажува човек кој работи во фабриката една година.
“Почнав од 2 долари на час и стигнав до 10 долари на час”, раскажува друг, кој двапати го повредил грбот. “Тоа ги тера луѓето да се враќаат на работа.” “Никој не сака намалување на платата, бидејќи е повреден. Тоа ги тера луѓето да се враќаат на работа дури и со повреди “, додава Адам Суарез, кој работел во фабриката околу три години..крај/мф/кс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Daily news
Прва правна конференција Tres Partes
На 26 декември година во хотелот „Континентал“, со почеток во 10 часот, ќе се одржи првата правна конференција Tres partes, во организација на „Јанаки знае“, а ќе биде поделена во три дела.
Првиот дел е со работен наслов „Дали е потребно укинување на извршителите?”, на кој ќе учествуваат Зоран Василевски, кој ќе ја застапува тезата ПРО укинување на извршителите, извршител Снежана Андреевска, која ќе ја застапува тезата КОНТРА укинување на извршителите и извршител и поранешен судија за извршување, Христо Јованов, кој ќе предава во делот на извршувањето пред да се укинат судиите извршители.
Вториот дел е со работен наслов „Дали се шаблонизира институтот надомест на нематеријална штета“, на која предавачи ќе бидат адвокатката Маруша Митровска, судијката Љубица Колиќ од Основен суд Скопје 2 и судијата Ѓорѓи Радојков од Апелациониот суд Скопје.
Третиот т.н. кривичен дел е со работен наслов „Неприменување на кривично-правните институти“, во кој предавачи ќе бидат адвокатот Јанаки Митровски, Никола Тупанчевски, редовен професор по казнено право при „Јустинијан Први“, Александра Деаноска, вонредна професорка по казнено право при „Јустинијан Први“, и Оља Ристова, судијка при Основниот суд Скопје 1.
Предвиден е и интерактивен дел со публиката преку поставување прашања и коментари од учесниците.
Daily news
Груевски оди во затвор – Апелација му ја потврди казната
Апелациониот суд Скопје, постапувајќи по кривичниот предмет познат во јавноста под името „Тенк“ по одржана јавна седница, донесе пресуда со која му ја потврди двегодишната затворска казна на премиерот Никола Груевски. „Жалбите на обвинетиот Никола Груевски изјавени лично и преку неговите бранители ги одби како неосновани, а првостепената пресуда ја потврди во целост, со што му ги потврди двете години затворска казна“, пишува во соопштението од судот.
Второстепениот суд делумно му ја уважи жалбата на Ѓоко Поповски и му ја намали казната на 4 години и 6 месеци, а во останатиот дел првостепената одлука ја потврди.
За Гордана Јанкулоска за „Тенк“ е издвоена во друга постапка и пресудата за неа, под обвинение дека ја злоупотребила службената положба и го натерала Поповски да го намести тендерот за „мерцедесот“ што го посакал Груевски, ќе биде изречена на 8 октомври.
Daily news
Бизнисменот Минчо Јорданов треба да сведочи дали бил уценет со пари во шпионската афера
Бизнисменот Минчо Јорданов утрово во кривичниот суд е повикан да сведочи во предметот што го презеде специјалното јавно обвинителство под кодно име „Шпион“.
Обвинетите Миќо Наскоски, Зоран Божиновски и Марјан Маџовски, како што рече на минатото рочиште обвинителката Елизабета Јосифовска, со цел да се стекнат со противправна имотна корист, му се заканиле на бизнисменот Минчо Јорданов дека ќе објават податоци за наводна криминална приватизација и откуп на акциите во АД „Бетон“ и на други негови фирми. Во намерата не успеале, а Јорданов не ги исплатил парите.
„Обвинетиот Александар Диневски прибавувал податоци со степен на државна тајна, а потоа ги доставувал или директно на странските разузнавачки служби или му ги давал на обвинетиот Марјан Ефремов, кој ја формирал групата за уцени, изнуди и шпионажа и ја координирал од 2009 до 2013 година, регрутирајќи нови членови во мрежата. Со обвинетиот Мирослав Зафировски од УБК прибирале податоци за луѓе од ЦИА присутни во Македонија и за штаб на ЦИА во Ирак. Тие прибирале и податоци за организациската поставеност на УБК“, рече Јосифовска за „Шпион“, кое СЈО врз база на нови прислушувани разговори го презеде од Обвинителството за гонење организиран криминал и корупција.
Ефремов, според обвинението, групата за изнуда и тргување со тајни информации од безбедносните служби на Македонија ја направил во 2009 година и, како што тврди обвинителството, тој е мозокот на целата операција. Информациите им ги продавале на Кост Н. од грчката разузнавачка служба, Петар Н. и Јуриј Н. од унгарската и на други лица од странски разузнавачки служби.
Секој од обвинетите, зависно од тоа во која институција работел, снимал службени документи, кои потоа им ги продавал на грчката, руската, унгарската и српската разузнавачка служба. Обвинети во овој случај се и тогашниот шеф на Кабинетот на претседателот на Собранието, Трајко Вељаноски, генералот Горан Стојков, Миќо Насковски, Ѓорѓи Хаџимицев, Цветан Дамјановски (заедно со други нивни колеги од МВР, УБК, АР и Военото разузнавање, кои дел се веќе осудени) и Зоран Божиновски, кој во групата имал улога ако уценуваните не дадат пари, тој да ги објавува, како што вели обвинителката, во порталот „Буревесник“ или во други медиуми во кои работел. Божиновски е обвинет за злосторничко здружување, шпионажа и уцена.
Обвинетите не се чувствуваат виновни, а тврдат и дека целиот процес е монтиран. Во предметот првично беа опфатени 19 лица, од кои неколкумина ја одлежаа затворската казна. Предметот го суди судијата Владимир Туфегџиќ. На конференциска врска треба да сведочи и Драган Даравелски, кој, според обвинението, исто така бил уценуван од обвинетите.