Daily news
Силни природни антибиотици
Антибиотикот е агенс кој може во целост да ги уништи патогените микроорганизми (бактерии) или да го запре нивниот раст или размножување, а при тоа да не причини значајна штета на организмот на домаќинот. Со напредокот на медицината, повеќето денешни антибиотици всушност се хемиски споеви на неколку природни супстанци и при употреба на овие лекови секогаш треба да се посоветувате со лекарот.
Но, што ќе направите ако, на пример, среде ноќ почуствувате силна болка како што е болење заб или некое друго воспаление? Големи се шансите да не мора да одите понатаму од својата кујна за да пронајдете антибиотик кој не само да може да ја ублажи болката, туку може и целосно да ве излечи. Ова се само некои од природните антибиотици кои (најверојатно) ги имате во својата кујна:
Жалфијата (Salvia officinalis) е особено добра за грлото, респираторните инфекции, како и инфекции во устата. Исто така, корисна е за инфекции во желудникот и проблеми во цревата. Жалфијата помага и при намалување на температурата, треската и болките во телото кои се јавуваат на почетокот на настинката и грипот.
Арапите, Кинезите, Римјаните, верувале дека жалфијата е клуч за долг живот.
Медот во својата сирова форма се коиристел како антибактериско средство (антибиотик) многу пред да бидат развиени синтетичките антибиотици во културите ширум светот, за разни рани и болести. Денес и научно е докажано дека овој сладок лек има антигабични и антибактериски својства кои можат ефикасно да го излечат осипот на кожата, изгорениците и гребаниците, чистење на устата од бактерии, запирање на крварењето од непцата, а ефикасен е и за лекување чирови и пликови.
Итражувањето објавено во 2010 година во Journal FASEB – по првпат објаснува како медот ги убива бактериите. Поточно, истражувањата покажуваат дека пчелите го произведуваат протеинот defensin-1 кои го додаваат во медот, а поточно овој протеин би можел да стане и основа за развивање нов, уште посилен лек за лекување на изгореници и кожни инфекции, како и развивање нови лекови за борба против бактериите отпорни на антибиотици, познати како супербактерии.
При третирање на раните или воспаленијата со овој природен антибиотик, многу е важно да одберете вистински мед. Потемниот мед има подобра антибактериска моќ – и тој мора да биде во својата сирова форма, т.е. не смее да биде пастеризиран. Еден од најефикасните видови мед (антибактериски гледано) е Манука мед, мед кој доаѓа од Нов Зеланд од нектарот на Leptospermun scoparium.
Дури и денес, стоматолозите користат масло од каранфилче како оралнен антисептик и за дезинфекција на коренските канали (многу познат мирис кој може да се почуствува во речиси сите стоматолошки ординации). Еугенолот, што се наоѓа во поголеми коичества во каранфилчето, важи како примарен антимикробен спој на оваа билка што го документирале многу научници ширум светот.
Ако сакате за ја ублажите забоболката, доволно е неколку минути да џвакате каранфилче и болката може целосно да престане во рок од два часа. Сепак, каранфилче е најефикасно кога од него се прави масло. Утврдено е дека маслото од каранфилче поседува многу антигабични ефекти против габични патогени, односно, ова масло убива повеќе од 60 видови бактерии, 15 видови габи, плус неколку вируси (Journal of Antimicrobial Chemotherapy, 2004).
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Daily news
Прва правна конференција Tres Partes
На 26 декември година во хотелот „Континентал“, со почеток во 10 часот, ќе се одржи првата правна конференција Tres partes, во организација на „Јанаки знае“, а ќе биде поделена во три дела.
Првиот дел е со работен наслов „Дали е потребно укинување на извршителите?”, на кој ќе учествуваат Зоран Василевски, кој ќе ја застапува тезата ПРО укинување на извршителите, извршител Снежана Андреевска, која ќе ја застапува тезата КОНТРА укинување на извршителите и извршител и поранешен судија за извршување, Христо Јованов, кој ќе предава во делот на извршувањето пред да се укинат судиите извршители.
Вториот дел е со работен наслов „Дали се шаблонизира институтот надомест на нематеријална штета“, на која предавачи ќе бидат адвокатката Маруша Митровска, судијката Љубица Колиќ од Основен суд Скопје 2 и судијата Ѓорѓи Радојков од Апелациониот суд Скопје.
Третиот т.н. кривичен дел е со работен наслов „Неприменување на кривично-правните институти“, во кој предавачи ќе бидат адвокатот Јанаки Митровски, Никола Тупанчевски, редовен професор по казнено право при „Јустинијан Први“, Александра Деаноска, вонредна професорка по казнено право при „Јустинијан Први“, и Оља Ристова, судијка при Основниот суд Скопје 1.
Предвиден е и интерактивен дел со публиката преку поставување прашања и коментари од учесниците.
Daily news
Груевски оди во затвор – Апелација му ја потврди казната
Апелациониот суд Скопје, постапувајќи по кривичниот предмет познат во јавноста под името „Тенк“ по одржана јавна седница, донесе пресуда со која му ја потврди двегодишната затворска казна на премиерот Никола Груевски. „Жалбите на обвинетиот Никола Груевски изјавени лично и преку неговите бранители ги одби како неосновани, а првостепената пресуда ја потврди во целост, со што му ги потврди двете години затворска казна“, пишува во соопштението од судот.
Второстепениот суд делумно му ја уважи жалбата на Ѓоко Поповски и му ја намали казната на 4 години и 6 месеци, а во останатиот дел првостепената одлука ја потврди.
За Гордана Јанкулоска за „Тенк“ е издвоена во друга постапка и пресудата за неа, под обвинение дека ја злоупотребила службената положба и го натерала Поповски да го намести тендерот за „мерцедесот“ што го посакал Груевски, ќе биде изречена на 8 октомври.
Daily news
Бизнисменот Минчо Јорданов треба да сведочи дали бил уценет со пари во шпионската афера
Бизнисменот Минчо Јорданов утрово во кривичниот суд е повикан да сведочи во предметот што го презеде специјалното јавно обвинителство под кодно име „Шпион“.
Обвинетите Миќо Наскоски, Зоран Божиновски и Марјан Маџовски, како што рече на минатото рочиште обвинителката Елизабета Јосифовска, со цел да се стекнат со противправна имотна корист, му се заканиле на бизнисменот Минчо Јорданов дека ќе објават податоци за наводна криминална приватизација и откуп на акциите во АД „Бетон“ и на други негови фирми. Во намерата не успеале, а Јорданов не ги исплатил парите.
„Обвинетиот Александар Диневски прибавувал податоци со степен на државна тајна, а потоа ги доставувал или директно на странските разузнавачки служби или му ги давал на обвинетиот Марјан Ефремов, кој ја формирал групата за уцени, изнуди и шпионажа и ја координирал од 2009 до 2013 година, регрутирајќи нови членови во мрежата. Со обвинетиот Мирослав Зафировски од УБК прибирале податоци за луѓе од ЦИА присутни во Македонија и за штаб на ЦИА во Ирак. Тие прибирале и податоци за организациската поставеност на УБК“, рече Јосифовска за „Шпион“, кое СЈО врз база на нови прислушувани разговори го презеде од Обвинителството за гонење организиран криминал и корупција.
Ефремов, според обвинението, групата за изнуда и тргување со тајни информации од безбедносните служби на Македонија ја направил во 2009 година и, како што тврди обвинителството, тој е мозокот на целата операција. Информациите им ги продавале на Кост Н. од грчката разузнавачка служба, Петар Н. и Јуриј Н. од унгарската и на други лица од странски разузнавачки служби.
Секој од обвинетите, зависно од тоа во која институција работел, снимал службени документи, кои потоа им ги продавал на грчката, руската, унгарската и српската разузнавачка служба. Обвинети во овој случај се и тогашниот шеф на Кабинетот на претседателот на Собранието, Трајко Вељаноски, генералот Горан Стојков, Миќо Насковски, Ѓорѓи Хаџимицев, Цветан Дамјановски (заедно со други нивни колеги од МВР, УБК, АР и Военото разузнавање, кои дел се веќе осудени) и Зоран Божиновски, кој во групата имал улога ако уценуваните не дадат пари, тој да ги објавува, како што вели обвинителката, во порталот „Буревесник“ или во други медиуми во кои работел. Божиновски е обвинет за злосторничко здружување, шпионажа и уцена.
Обвинетите не се чувствуваат виновни, а тврдат и дека целиот процес е монтиран. Во предметот првично беа опфатени 19 лица, од кои неколкумина ја одлежаа затворската казна. Предметот го суди судијата Владимир Туфегџиќ. На конференциска врска треба да сведочи и Драган Даравелски, кој, според обвинението, исто така бил уценуван од обвинетите.