Контакт

Daily news

(Трет дел) „Скопје 2014“ е нула во споредба со она што му се подготвува на Охрид

Објавено пред

Решението од 1978 година, кое целата територија на Охрид ја става под заштита, и неговото долгогодишно непочитување, според експертите, се отсликува во сè она што е изградено на заштитеното подрачје, но уште пострашно е она што се планира за целиот регион. Ски-центар на Галичица, пат што ќе минува низ националниот парк и хотелско-туристички комплекси се само дел од плановите. Тоа се проекти на претходната влада предводена од ВМРО-ДПМНЕ, која, за да ги реализира, направи и измени во заштитните зони на националниот парк. Наспроти очекувањата на охриѓани и туристите, укинувањето на овие планови не беше дел од првите чекори на новата Влада. Тие сè уште постојат, а експертите се згрозени од помислата дека е можно и да се реализираат.

dobivaj vesti na viber

Невладината еколошко-правна организација „Фронт 21/42“ е меѓу најгласните и најупорни борци против реализација на проектите што го засегаат природното и културното наследство во Охрид.

„’Скопје 2014’ е нула за тоа што му се спрема на Охрид. За Охридскиот Регион се планира  пресушување на Студенчишко Блато заради изградба на комплекс луксузни апартмани, уништување на природниот брег и сечење на еден од последните појаси на трска кај Лагадин заради изградба на бетонска платформа со медитеранска песочна плажа и туристички содржини, промена на законската заштита на изворите кај Свети Наум од највисок на најнизок степен заради изградба на огромен туристички комплекс од село Љубаништа до Свети Наум, уништување 300 хектари заштитено подрачје во Националниот парк ‘Галичица’ заради изградба на магистрален пат, промена на законската заштита на делови од Националниот парк ‘Галичица’ и уништување 530 хектари природни живеалишта заради изграба на ски-центар, голем хотел и викенд-населба. Ова се проекти што сите ние не смееме да дозволиме да бидат реализирани. Бараме да се напуштат веднаш и да се забранат засекогаш “, велат од „Фронт 21/42.

Да се напуштат веднаш и да се забранат засекогаш најавените проекти за Охридскиот Регион, бара невладината „Фронт 21/42“

Поради оправдувањата на претходната влада дека сите предвидени проекти се во интерес на туризмот, „Фронт 21/42“ направи меѓународна петиција за заштита на Охрид со 19.000 потписи. Покрај потписите, туристите оставаа и пораки за Охрид.

Потписник на петицијата од Исланд напиша: „Охридското Езеро е уникатно, оставете го како што е, ние туристите го сакаме без модерни градби“. „Охрид ја уништува сопствената инднина“, порача потписник од Холандија, а потписник од Белгија ја остави пораката; „На Охрид не му треба Лас Вегас тип на туризам, Охрид е поинаков и уникатен и треба да се направи сè за да се заштитат неговата убавина, историското и природното наследство“.

„Фронт 21/42“, покрај овие, доби уште стотици пораки од сите страни на светот заедно со потписи за поддршка на напорите за заштита на Охрид.

Освен на меѓународен план, невладината организацијата презема конкретни чекори за стопирање на проектите и дома.

„Направивме картички на кои сите заинтересирани за заштита на нашето единствено УНЕСКО-подрачје можеа со запишување име и презиме и место од каде што доаѓаат, лично да побараат од пратениците мораториум за штетните развојни проекти на Охридското Езеро и во НП ‘Галичица’ и имплементација на Законот за управување со светското природно и културно наследство во Охридскиот Регион. 7.000 потпишани картички во мај годинава му доставивме на новиот претседател на Собранието, Талат Џафери. Од него добивме охрабрување за барањата и ветување дека најбргу што може ќе биде закажана надзорна расправа за Законот за Охрид, но сè уште сме на чекање“, велат од „Фронт 21/42“ кои поднеле жалби за секој проект одделно, а имаат претставка и до Уставен суд.

Од невладината организација гледаат оптимистички на соработката со новите парламентарци. Ги охрабрило формирањето неформална собраниска УНЕСКО-група. За членови се пријавиле пет пратеници од четири партии. Пратениците најавиле дека ќе се заложат сите ставови и барања во врска со Охрид да бидат детаљно прегледани. Сега сите активности, како што велат од невладината, се заглавени поради локалните избори, но веднаш по изборите очекуваат Охрид да стигне во парламентот.

На Охрид не му треба Лас Велас тип на туризам, порача турист од Белгија

На менување и усогласување на законите и системско решавање на проблемите инсистира и Донка Барџиева-Трајковска, историчар на уметност и конзерватор, а од неодамна и советник на министерот за култура, Роберт Алаѓозовски. Таа смета дека и непочитувањето на решението од 1978 година е резултат на лошите системски решенија.

„Решението од 1978 година е обврзувачко и тоа требало да се почитува. Од времето кога е донесено до денес законите се менувани многупати, а измените не се усогласувани со другите закони. Локалната самоуправа била задолжена за издавање одобренија за градење сè до воведувањето посебни категории на заштита кога надлежноста за одобренијата преминала кај Министерството за транспорт и врски. Тоа јасно укажува на фактот дека ние имаме и нецелосна децентрализација. Не може локалната самоуправа да нема никаква одговорност за спомениците, тоа е дел на чие менување треба да работиме. Ние сега имаме недоследно изведен систем, не само еден сегмент од системот. Освен тоа, ако зборуваме за Законот за Охрид, тој е само на хартија, нема имплементација, нема формирано тела за да почне да се применува. Ние, пред сè, мора да направиме досиеја за секој споменик одделно, кои ќе бидат дел од листата на културно наследство со национанално значење. Таа листа треба да му биде секому достапана, а не само на одредени институции. Токму затоа во подготовка е национална стратегија за културно наследство, со која ќе биде опфатен и Охрид“, вели Барџиева-Трајковска.

Таа е и претседател на Центарот за заштита на културното наследство, па вели дека како голем поборник за заштита на културното наследство, а сега и како светник на министерот, ќе настојува сопствениците на објектите што се прогласени за културно наследство заштитата да почнат да ја гледаат како предност, а не кочница како досега. Лошиот и рестриктивен однос на државата досега кон имателите на објектите прогласени за културно наследство многупати бил причина прекуноќ да се појавуваат пожари или друг вид оштетувања, кои всушност се користеле како оправдание за сомнителни градежни активности.

Барџиева-Трајковска е категорично против најавените проекти за Охрид од претходната влада за кои вели дека крајно негативно би се одразиле врз културното наследство.

Цела листа барања, меѓу кои главно е мораториум за градење, направи и граѓанската организација „Охрид СОС“. Барањата ги достави до сите надлежни институции и до кандидатите за градоначалници на Охрид.

(Прв дел) Охрид со години нелегално издавал одобренија за градење

(Втор дел) Ако е неопходно, ќе има и уривање во Охрид, Државниот градежен инспекторат се вклучува во случајот со решението од 1978 година

Маја Илиевска-Пачемска

Фото: Даниела Трпчевска



©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Daily news

Прва правна конференција Tres Partes

Објавено пред

На 26 декември година во хотелот „Континентал“, со почеток во 10 часот, ќе се одржи првата правна конференција Tres partes, во организација на „Јанаки знае“, а ќе биде поделена во три дела.

dobivaj vesti na viber

Првиот дел е со работен наслов „Дали е потребно укинување на извршителите?”, на кој ќе учествуваат Зоран Василевски, кој ќе ја застапува тезата ПРО укинување на извршителите, извршител Снежана Андреевска, која ќе ја застапува тезата КОНТРА укинување на извршителите и извршител и поранешен судија за извршување, Христо Јованов, кој ќе предава во делот на извршувањето пред да се укинат судиите извршители.

Вториот дел е со работен наслов „Дали се шаблонизира институтот надомест на нематеријална штета“, на која предавачи ќе бидат адвокатката Маруша Митровска, судијката Љубица Колиќ од Основен суд Скопје 2 и судијата Ѓорѓи Радојков од Апелациониот суд Скопје.

Третиот т.н. кривичен дел е со работен наслов „Неприменување на кривично-правните институти“, во кој предавачи ќе бидат адвокатот Јанаки Митровски, Никола Тупанчевски, редовен професор по казнено право при „Јустинијан Први“, Александра Деаноска, вонредна професорка по казнено право при „Јустинијан Први“, и Оља Ристова, судијка при Основниот суд Скопје 1.

Предвиден е и интерактивен дел со публиката преку поставување прашања и коментари од учесниците.

 

Прикажи повеќе...

Daily news

Груевски оди во затвор – Апелација му ја потврди казната

Објавено пред

Апелациониот суд Скопје, постапувајќи по кривичниот предмет познат во јавноста под името „Тенк“ по одржана јавна седница, донесе пресуда со која му ја потврди двегодишната затворска казна на премиерот Никола Груевски. „Жалбите на обвинетиот Никола Груевски изјавени лично и преку неговите бранители ги одби како неосновани, а првостепената пресуда ја потврди во целост, со што му ги потврди двете години затворска казна“, пишува во соопштението од судот.

dobivaj vesti na viber

Второстепениот суд делумно му ја уважи жалбата на Ѓоко Поповски и му ја намали казната на 4 години и 6 месеци, а во останатиот дел првостепената одлука ја потврди.

За Гордана Јанкулоска за „Тенк“ е издвоена во друга постапка и пресудата за неа, под обвинение дека ја злоупотребила службената положба и го натерала Поповски да го намести тендерот за „мерцедесот“ што го посакал Груевски, ќе биде изречена на 8 октомври.

Прикажи повеќе...

Daily news

Бизнисменот Минчо Јорданов треба да сведочи дали бил уценет со пари во шпионската афера

Објавено пред

Spion

Бизнисменот Минчо Јорданов утрово во кривичниот суд е повикан да сведочи во предметот што го презеде специјалното јавно обвинителство под кодно име „Шпион“.

dobivaj vesti na viber

Обвинетите Миќо Наскоски, Зоран Божиновски и Марјан Маџовски, како што рече на минатото рочиште обвинителката Елизабета Јосифовска, со цел да се стекнат со противправна имотна корист, му се заканиле на бизнисменот Минчо Јорданов дека ќе објават податоци за наводна криминална приватизација и откуп на акциите во АД „Бетон“ и на други негови фирми. Во намерата не успеале, а Јорданов не ги исплатил парите.

„Обвинетиот Александар Диневски прибавувал податоци со степен на државна тајна, а потоа ги доставувал или директно на странските разузнавачки служби или му ги давал на обвинетиот Марјан Ефремов, кој ја формирал групата за уцени, изнуди и шпионажа и ја координирал од 2009 до 2013 година, регрутирајќи нови членови во мрежата. Со обвинетиот Мирослав Зафировски од УБК прибирале податоци за луѓе од ЦИА присутни во Македонија и за штаб на ЦИА во Ирак. Тие прибирале и податоци за организациската поставеност на УБК“, рече Јосифовска за „Шпион“, кое СЈО врз база на нови прислушувани разговори го презеде од Обвинителството за гонење организиран криминал и корупција.

Ефремов, според обвинението, групата за изнуда и тргување со тајни информации од безбедносните служби на Македонија ја направил во 2009 година и, како што тврди обвинителството, тој е мозокот на целата операција. Информациите им ги продавале на Кост Н. од грчката разузнавачка служба, Петар Н. и Јуриј Н. од унгарската и на други лица од странски разузнавачки служби.

Секој од обвинетите, зависно од тоа во која институција работел, снимал службени документи, кои потоа им ги продавал на грчката, руската, унгарската и српската разузнавачка служба. Обвинети во овој случај се и тогашниот шеф на Кабинетот на претседателот на Собранието, Трајко Вељаноски, генералот Горан Стојков, Миќо Насковски, Ѓорѓи Хаџимицев, Цветан Дамјановски (заедно со други нивни колеги од МВР, УБК, АР и Военото разузнавање, кои дел се веќе осудени) и Зоран Божиновски, кој во групата имал улога ако уценуваните не дадат пари, тој да ги објавува, како што вели обвинителката, во порталот „Буревесник“ или во други медиуми во кои работел. Божиновски е обвинет за злосторничко здружување, шпионажа и уцена.

Обвинетите не се чувствуваат виновни, а тврдат и дека целиот процес е монтиран. Во предметот првично беа опфатени 19 лица, од кои неколкумина ја одлежаа затворската казна. Предметот го суди судијата Владимир Туфегџиќ. На конференциска врска треба да сведочи и Драган Даравелски, кој, според обвинението, исто така бил уценуван од обвинетите.

Прикажи повеќе...

Најново

Европа8 минути

Лавров: Украинскиот план е бесмислен, вклучува повлекување на нашата армија од освоените територии

Рускиот министер за надворешни работи Сергеј Лавров изјави дека мировниот план предложен од Украина е бесмислен бидејќи се заснова на...

Македонија12 часа

ВМРО-ДПМНЕ ги утврди пратеничките листи за изборите: „Се работи за луѓе со кредибилитет, искусни и енергични“

Извршниот и Централниот комитет на ВМРО-ДПМНЕ одржаа седница на која беа усвоени пратеничките листи на ВМРО-ДПМНЕ и Коалицијата за претстојните...

Македонија12 часа

Села оди во коалиција со Ахмети

На седница на Централното собрание на крилото на Алијансата за Албанците предводено од Зијадин Села, беше одлучено да коалицираат со...

Македонија14 часа

Македонија треба да и’ врати 2,2 милиони евра на Европската Комисија кои биле злоупотребени преку „Еразмус“

Европската канцеларија за борба против измами (ОЛАФ) бара Македонија да врати 2,2 милиони евра злоупотребени преку програмата „Еразмус+“. Директорот на...

Македонија16 часа

Вработените во „Еуроникел“, кои останаа без работа, ќе добијат можност да се вратат во фабриката, новите газди со производството почнуваат во јуни

Речиси 600 вработени во кавадаречката фабрика „Еуроникел индустри“ ќе добијат можност повторно да се вратат на работа во следните 90...

Македонија17 часа

Тошковски: Приведен е и трет осомничен во врска со убиството на лекарот во скопска Железара

Техничкиот министер за внатрешни работи, Панче Тошковски, денеска изјави дека е приведено уште едно лице во врска со убиството на...

Економија18 часа

Трендафилов најави неколку протести: Во вторник ќе ги охрабриме судиите да ја преиначат срамната пресуда за конфискација на Работничкиот дом

Претседателот на ССМ, Слободан Трендафилов, денеска, на прес-конференција, за 2 април најави протест, кој ќе почне пред седиштето на ССМ...

Топ19 часа

Го оградил државното земјиште зад Поликлиниката „Бит-пазар“ и наплаќал за приватен паркинг: кривична за скопјанец

Единицата за економски и компјутерски криминал при СВР Скопје поднесе кривична пријава против А. Р. (62) од Скопје и против...

Македонија19 часа

(Видео) „ДПМНЕ и Тошковски ја загрозуваат безбедноста на граѓаните“, вели Талевски

„Два месеца откако ВМРО-ДПМНЕ го презеде раководењето со Министерството за внатрешни работи, безбедносната состојба во Прилеп никогаш не била полоша....

Економија19 часа

„Растот на платите со кои се фали Битиќи е лага, платите се стопија со порастот на трошоците на живот“, велат од ВМРО-ДПМНЕ

„Уште една голема манипулација на СДСМ кои се во очај! Во отсуство на било какви економски резултати, Фатмир Битиќи на...

Македонија22 часа

Ванковска: Преспанскиот и бугарскиот договор се колонизаторски договори

Професорката Билјана Ванковска и претседателски кандидат на Левица во Фејсбук статус истакнува дека има разочарани млади луѓе кои мислат дека...

Свет23 часа

Масовен руски напад врз Харков: Бомби паѓаа цела ноќ, две лица загинаа

Во текот на ноќта руските војници гранатираа 17 населени места во областа Херсон, при што загинаа две лица, а четворица...

Свет23 часа

Две тела пронајдени во автомобил под урнатиот мост во Балтимор, паднале од височина од 50 метри во водата

Полицијата во американската сојузна држава Мериленд објави дека две тела биле пронајдени во автомобил во реката Патапско, каде што мостот...

Македонија23 часа

Целосен молк од страна на Пендаровски, Ковачевски и СДС за улогата и начинот на ангажирање на спорниот странски консултат Асаф Еисин, велат од ВМРО-ДПМНЕ

Целосен молк од страна на Пендаровски, Ковачевски и СДС за улогата и начинот на ангажирање на спорниот странски консултат, Асаф...

Регион23 часа

Потрагата по Данка Илиќ продолжува трет ден, се проверуваат телефоните на родителите

И покрај прекинатата теренска потрага по Данка во Бањско Поле и околината, полицијата продолжува со интензивна оперативна работа за утврдување...

Свет23 часа

Путин: Обвинувањата дека Русија ќе ја нападне Европа по Украина се целосна глупост

Рускиот претседател Владимир Путин ги осуди обвинувањата на Западот дека Русија планира да се бори против Европа. Ги нарече „целосна...

Свет24 часа

Маж во Илиноис уби четири лица и избоде петмина, нападот траел 20 минути

Четири лица загинаа, а пет се повредени во напад во Рокфорд, Илиноис, додека 22-годишен осомничен е уапсен. Полицијата, исто така,...

Македонија2 дена

Турската демократска партија се приклучува на Европскиот фронт, Ахмети: Овој сојуз е историски

По потпишувањето на коалицијата за Европскиот фронт со ДПА на Мендух Тачи, Народното движење на Скендер Реџепи Зејд, ПДЕ на...

Македонија2 дена

Тошковски: Ќе сторам сè МВР да гарантира организирање на безбедни избори

Денеска министерот за внатрешни работи Панче Тошковски присуствуваше на панел дискусија „Зајакнување на соработката помеѓу институциите за проценка на изборните...

Македонија2 дена

Дисциплински постапки за петмина полицајци за пукањето пред тетовската болница

Поднесени се две две кривични пријави од СВР Тетово против М. Т., полициски службеник во Полициската станица за граничен надзор...