Daily news
Четири градби кои мора да ги посетите
Во светот постојат различни места кои воодушевуваат со својата убавина, но има и фасцинантни градби, кои барем еднаш во животот треба да се видат во живо. Иако светот е преполн со необични и воодушевувачки архитектонски форми, помал дел од нив се истакнува со преубава архитектура, богата историја и неверојатен дизајн.
1. Таџ Махал
Преубавата градба богата со историја е сместена во индискиот град Агра, а ја изгадил царот Шах Џахан за својата трета жена, Персијанката Мумтаз Махал. Таџ Махал се смета за врвно остварување во могулската архитектура. Изграден е во комбимнација на персиски, отомански, индиски и исламски стил.
Изградбата почнала во 1632 година, а завршила 20 години подоцна. Во 1983 година Таџ Махал е ставен на листата на културно наследство на УНЕСКО.
2. Операта во Сиднеј
Сместена во центарот на Сиднеј, претставува вистинско уметничко средиште. Таа е една од најзафатените концертни дворани во светот со повеќе од 1.500 изведби и над 1,2 милиони посетители секоја година. Во 2007 година УНЕСКО ја вклучи на листата на места на светското културно наследствпо во Австралија и Океанија.
Ја осмислил Данецот Јорн Утзон, а прв пат ги отворила вратите во 1973 година. Долга е 183, а широка 120 метри, изградена во експресионистички модерен уметнички стил, со неколку претходно изработени бетонски школки, кои го формираат кровот на операта.
3. Катедралата на Свети Василиј
Катедралата се наоѓа на познатиот Црвен поштад во Москва. Изградена е по наредба на Иван Четврти (познат како Иван Грозни), како обележје на неговите освојувања по големата руска победа над Татарите меѓу 1550 и 1560 година.
За нејзиниот величенствен изглед се заслужни архитектите Барма и Постник. Катедралата се состои од осум помали цркви, собрани околу една главна. Кулата на главната градба, која има форма на шатор е опкружена со бајковити шарени куполи.
4. Колосеум
Оваа позната светска градба се наоѓа во Рим, традиционално позната како Амфитеатар на Флавијците. Името го добил по колосалната скулптура на царот Нерон, која се наоѓа пред амфитеатарот. Во Колосеумот се одржувале гладијаторски борби, кои можеле да ги следат 50 илјади гледачи.
Во 2007 година е ставен на листата нови седум светски чуда. Изградбата е почната во 72. година за време на царот Веспазијан, а довршена е десетина години подоцна, за време на владеењето не неговиот син Домицијан.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Daily news
Прва правна конференција Tres Partes
На 26 декември година во хотелот „Континентал“, со почеток во 10 часот, ќе се одржи првата правна конференција Tres partes, во организација на „Јанаки знае“, а ќе биде поделена во три дела.
Првиот дел е со работен наслов „Дали е потребно укинување на извршителите?”, на кој ќе учествуваат Зоран Василевски, кој ќе ја застапува тезата ПРО укинување на извршителите, извршител Снежана Андреевска, која ќе ја застапува тезата КОНТРА укинување на извршителите и извршител и поранешен судија за извршување, Христо Јованов, кој ќе предава во делот на извршувањето пред да се укинат судиите извршители.
Вториот дел е со работен наслов „Дали се шаблонизира институтот надомест на нематеријална штета“, на која предавачи ќе бидат адвокатката Маруша Митровска, судијката Љубица Колиќ од Основен суд Скопје 2 и судијата Ѓорѓи Радојков од Апелациониот суд Скопје.
Третиот т.н. кривичен дел е со работен наслов „Неприменување на кривично-правните институти“, во кој предавачи ќе бидат адвокатот Јанаки Митровски, Никола Тупанчевски, редовен професор по казнено право при „Јустинијан Први“, Александра Деаноска, вонредна професорка по казнено право при „Јустинијан Први“, и Оља Ристова, судијка при Основниот суд Скопје 1.
Предвиден е и интерактивен дел со публиката преку поставување прашања и коментари од учесниците.
Daily news
Груевски оди во затвор – Апелација му ја потврди казната
Апелациониот суд Скопје, постапувајќи по кривичниот предмет познат во јавноста под името „Тенк“ по одржана јавна седница, донесе пресуда со која му ја потврди двегодишната затворска казна на премиерот Никола Груевски. „Жалбите на обвинетиот Никола Груевски изјавени лично и преку неговите бранители ги одби како неосновани, а првостепената пресуда ја потврди во целост, со што му ги потврди двете години затворска казна“, пишува во соопштението од судот.
Второстепениот суд делумно му ја уважи жалбата на Ѓоко Поповски и му ја намали казната на 4 години и 6 месеци, а во останатиот дел првостепената одлука ја потврди.
За Гордана Јанкулоска за „Тенк“ е издвоена во друга постапка и пресудата за неа, под обвинение дека ја злоупотребила службената положба и го натерала Поповски да го намести тендерот за „мерцедесот“ што го посакал Груевски, ќе биде изречена на 8 октомври.
Daily news
Бизнисменот Минчо Јорданов треба да сведочи дали бил уценет со пари во шпионската афера
Бизнисменот Минчо Јорданов утрово во кривичниот суд е повикан да сведочи во предметот што го презеде специјалното јавно обвинителство под кодно име „Шпион“.
Обвинетите Миќо Наскоски, Зоран Божиновски и Марјан Маџовски, како што рече на минатото рочиште обвинителката Елизабета Јосифовска, со цел да се стекнат со противправна имотна корист, му се заканиле на бизнисменот Минчо Јорданов дека ќе објават податоци за наводна криминална приватизација и откуп на акциите во АД „Бетон“ и на други негови фирми. Во намерата не успеале, а Јорданов не ги исплатил парите.
„Обвинетиот Александар Диневски прибавувал податоци со степен на државна тајна, а потоа ги доставувал или директно на странските разузнавачки служби или му ги давал на обвинетиот Марјан Ефремов, кој ја формирал групата за уцени, изнуди и шпионажа и ја координирал од 2009 до 2013 година, регрутирајќи нови членови во мрежата. Со обвинетиот Мирослав Зафировски од УБК прибирале податоци за луѓе од ЦИА присутни во Македонија и за штаб на ЦИА во Ирак. Тие прибирале и податоци за организациската поставеност на УБК“, рече Јосифовска за „Шпион“, кое СЈО врз база на нови прислушувани разговори го презеде од Обвинителството за гонење организиран криминал и корупција.
Ефремов, според обвинението, групата за изнуда и тргување со тајни информации од безбедносните служби на Македонија ја направил во 2009 година и, како што тврди обвинителството, тој е мозокот на целата операција. Информациите им ги продавале на Кост Н. од грчката разузнавачка служба, Петар Н. и Јуриј Н. од унгарската и на други лица од странски разузнавачки служби.
Секој од обвинетите, зависно од тоа во која институција работел, снимал службени документи, кои потоа им ги продавал на грчката, руската, унгарската и српската разузнавачка служба. Обвинети во овој случај се и тогашниот шеф на Кабинетот на претседателот на Собранието, Трајко Вељаноски, генералот Горан Стојков, Миќо Насковски, Ѓорѓи Хаџимицев, Цветан Дамјановски (заедно со други нивни колеги од МВР, УБК, АР и Военото разузнавање, кои дел се веќе осудени) и Зоран Божиновски, кој во групата имал улога ако уценуваните не дадат пари, тој да ги објавува, како што вели обвинителката, во порталот „Буревесник“ или во други медиуми во кои работел. Божиновски е обвинет за злосторничко здружување, шпионажа и уцена.
Обвинетите не се чувствуваат виновни, а тврдат и дека целиот процес е монтиран. Во предметот првично беа опфатени 19 лица, од кои неколкумина ја одлежаа затворската казна. Предметот го суди судијата Владимир Туфегџиќ. На конференциска врска треба да сведочи и Драган Даравелски, кој, според обвинението, исто така бил уценуван од обвинетите.