Daily news
Јилдирим: Турција беше нападната но покажа сила и издржливост
Мина една година од надминувањето на најкрвавиот терористички напад во историјата на Турција, во која година земјата ја потврди својата издржливост, способност за заздравување и силата, оцени турскиот премиер Бинали Јилдирим, по повод годишнината од ланскиот обид за воен преврта во земјата.
– Сега е најважно да ја преиспитаме изминатата една година и да погледне напред. Преди се треба да се потсетиме на тоа со што се соочивме. Ние се соочивме со еден напад врз турската држава од страна на предавници, приврзаници на еден верски настраник, кој себе си се нарекува „имам на универзумот“, а кој што се инфилтрирал во турската Армија, оцени Јилдирим.
Според него, Турција се соочила со „крвници кои го бомбардираа своето национално собрание, го срамнија со земја оперативниот штаб на специјалните полициски сили кои предничат во борба со тероризмот, кои нападнаа на невооружени цивили со тенкови и кои со воени авиони и хеликоптери отворија оган врз нив“. – Во нашата досегашна историја не сме се соочиле со едно вакво дивеење. Оваа терористичка мрежа уби 250 и рани повеќе од 2000 наши државјани, додава Јилдирим.
– Кога ќе се погледне наназад од ова горко искуство, на виделина излегоа две работи со кои се гордееме. Прво, храброста и одлучноста на турскиот народ. Нашите грагани од секој слој на заедницата и политиката излегоа на улиците против извршителите на ударот. Нашите телевизиски канали, покрај заканите од извршителите на превратот продолжија со своите емисии. Турскиот народ стана една целина. Второ, Турскиот народ на целиот свет му покажа дека е и ќе биде на страна на демократијата. Мојот народ покажа дека со Турција ќе владеат не вооружените групи туку само владите кои што дошле на власт по демократски пат и волјата на народот. Најсилната легалност е онаа демократска легалност, наведува Јилдирим.
Меѓутаоа, како што додава тој, никако не може да ја избрише од меморијата наивното прашање на неговиот внук таа вечер: „Дедо, овие војници нели се наши војници?“.
– Навистина какво е тоа сфаќање кое што им дава можност подло да ги нападнат цивилите, своите институции, свои симболи, свои лидери? Одговорот лежи во природата на предавничката мрежа со која се соочуваме. Таа вечер се соочивме со една злосторничка мрежа која што со посредство на еден теолошки професор, на слепо ги извршуваше наредбите кои доаѓаа од страна на Фетулах Ѓулен. Говориме за една предавничка чета која не попримила ништо од славната илјадагодишна традиција на турската војска, а која што во воената база користена како Центар, стоела со војнички поздрав пред раководителот на една фирма на ФЕТО (Фетулистичката терористичка органзиација) и лицето кое што наизглед само е сопственик на едно училиште, истакнува турскиот премиер.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Daily news
Прва правна конференција Tres Partes
На 26 декември година во хотелот „Континентал“, со почеток во 10 часот, ќе се одржи првата правна конференција Tres partes, во организација на „Јанаки знае“, а ќе биде поделена во три дела.
Првиот дел е со работен наслов „Дали е потребно укинување на извршителите?”, на кој ќе учествуваат Зоран Василевски, кој ќе ја застапува тезата ПРО укинување на извршителите, извршител Снежана Андреевска, која ќе ја застапува тезата КОНТРА укинување на извршителите и извршител и поранешен судија за извршување, Христо Јованов, кој ќе предава во делот на извршувањето пред да се укинат судиите извршители.
Вториот дел е со работен наслов „Дали се шаблонизира институтот надомест на нематеријална штета“, на која предавачи ќе бидат адвокатката Маруша Митровска, судијката Љубица Колиќ од Основен суд Скопје 2 и судијата Ѓорѓи Радојков од Апелациониот суд Скопје.
Третиот т.н. кривичен дел е со работен наслов „Неприменување на кривично-правните институти“, во кој предавачи ќе бидат адвокатот Јанаки Митровски, Никола Тупанчевски, редовен професор по казнено право при „Јустинијан Први“, Александра Деаноска, вонредна професорка по казнено право при „Јустинијан Први“, и Оља Ристова, судијка при Основниот суд Скопје 1.
Предвиден е и интерактивен дел со публиката преку поставување прашања и коментари од учесниците.
Daily news
Груевски оди во затвор – Апелација му ја потврди казната
Апелациониот суд Скопје, постапувајќи по кривичниот предмет познат во јавноста под името „Тенк“ по одржана јавна седница, донесе пресуда со која му ја потврди двегодишната затворска казна на премиерот Никола Груевски. „Жалбите на обвинетиот Никола Груевски изјавени лично и преку неговите бранители ги одби како неосновани, а првостепената пресуда ја потврди во целост, со што му ги потврди двете години затворска казна“, пишува во соопштението од судот.
Второстепениот суд делумно му ја уважи жалбата на Ѓоко Поповски и му ја намали казната на 4 години и 6 месеци, а во останатиот дел првостепената одлука ја потврди.
За Гордана Јанкулоска за „Тенк“ е издвоена во друга постапка и пресудата за неа, под обвинение дека ја злоупотребила службената положба и го натерала Поповски да го намести тендерот за „мерцедесот“ што го посакал Груевски, ќе биде изречена на 8 октомври.
Daily news
Бизнисменот Минчо Јорданов треба да сведочи дали бил уценет со пари во шпионската афера
Бизнисменот Минчо Јорданов утрово во кривичниот суд е повикан да сведочи во предметот што го презеде специјалното јавно обвинителство под кодно име „Шпион“.
Обвинетите Миќо Наскоски, Зоран Божиновски и Марјан Маџовски, како што рече на минатото рочиште обвинителката Елизабета Јосифовска, со цел да се стекнат со противправна имотна корист, му се заканиле на бизнисменот Минчо Јорданов дека ќе објават податоци за наводна криминална приватизација и откуп на акциите во АД „Бетон“ и на други негови фирми. Во намерата не успеале, а Јорданов не ги исплатил парите.
„Обвинетиот Александар Диневски прибавувал податоци со степен на државна тајна, а потоа ги доставувал или директно на странските разузнавачки служби или му ги давал на обвинетиот Марјан Ефремов, кој ја формирал групата за уцени, изнуди и шпионажа и ја координирал од 2009 до 2013 година, регрутирајќи нови членови во мрежата. Со обвинетиот Мирослав Зафировски од УБК прибирале податоци за луѓе од ЦИА присутни во Македонија и за штаб на ЦИА во Ирак. Тие прибирале и податоци за организациската поставеност на УБК“, рече Јосифовска за „Шпион“, кое СЈО врз база на нови прислушувани разговори го презеде од Обвинителството за гонење организиран криминал и корупција.
Ефремов, според обвинението, групата за изнуда и тргување со тајни информации од безбедносните служби на Македонија ја направил во 2009 година и, како што тврди обвинителството, тој е мозокот на целата операција. Информациите им ги продавале на Кост Н. од грчката разузнавачка служба, Петар Н. и Јуриј Н. од унгарската и на други лица од странски разузнавачки служби.
Секој од обвинетите, зависно од тоа во која институција работел, снимал службени документи, кои потоа им ги продавал на грчката, руската, унгарската и српската разузнавачка служба. Обвинети во овој случај се и тогашниот шеф на Кабинетот на претседателот на Собранието, Трајко Вељаноски, генералот Горан Стојков, Миќо Насковски, Ѓорѓи Хаџимицев, Цветан Дамјановски (заедно со други нивни колеги од МВР, УБК, АР и Военото разузнавање, кои дел се веќе осудени) и Зоран Божиновски, кој во групата имал улога ако уценуваните не дадат пари, тој да ги објавува, како што вели обвинителката, во порталот „Буревесник“ или во други медиуми во кои работел. Божиновски е обвинет за злосторничко здружување, шпионажа и уцена.
Обвинетите не се чувствуваат виновни, а тврдат и дека целиот процес е монтиран. Во предметот првично беа опфатени 19 лица, од кои неколкумина ја одлежаа затворската казна. Предметот го суди судијата Владимир Туфегџиќ. На конференциска врска треба да сведочи и Драган Даравелски, кој, според обвинението, исто така бил уценуван од обвинетите.