Daily news
Џон Тери по 22 години го напушта Челзи
Капитенот на Чечзи, Џон Тери, по 22 години минати на „Стенфорд Бриџ“, на крајот од сезоната ќе го напушти клубот.
Џон Тери во Челзи пристигна во 1995 година, како младинец од редовите на локалниот ривал Вест Хем, а три години подоцна дебитираше за првиот тим. Во меѓувреме за „сините“ одигра 713 натпревари, постигна 66 голови и освои 16 трофеи, меѓу кои најзначајни се четирите титули во Премиерлигата и титулата во Лигата на шампионите.
„Можам уште многу да понудам на теренот, но разбирам дека просторот во Челзи сега е ограничен. Секогаш ќе ја носам сината боја во срцето, поради тоа сакам својата последна сезона во клубот да ја завршам со шампионска титула. Секогаш сакав да заминам во вистинско време, на вистински начин, чувствувам дека тоа е сега и за мене и за клубот“, рекол Тери.
Тери е дел од тимот кој во две последовни сезона ја освои Лигата на шампионите и Лига Европа.
Сепак, легендарниот капитен, оваа сезона со доаѓањето на Антонио Конте, одигра само десет натпревари, од кои само пет во Премиерлигата. Сезонава нема постигнато ниту еден гол, а тоа му се има случено само во дебитансктата сезона, кога настапи на само седум натпревари.
Во капитен на Челзи беше промовиран во 2004 година, кога Марсел Десаи замина в пензија, а менаџер на тимот стана Жозе Мурињо. Како какпитен го предводеше тимот на 578 натпревари.
Аналитичарите го сметаат за еден од најдобрите централни дефанзивци на својата генерација. Во 2005 година, во изборот на професионалните фудбалери беше прогласен за играч на годината.
Пет сезони е избиран во идеалниот тим според Унијата на професионални фудбалери (ФИФПро), а во 2006 година беше единствениот Англичанец во идеалниот тим на Светското првенство.
Тери е најуспешниот капитен во историјата на Челзи и е еден од петмината фудбалери кој синиот дрес го носеле на најмалку 500 натпревари. Исто така тој е најефикасниот дефанзивец во историјата на Челзи.
Тери е првиот капитен во историјата на англискиот фудбал кој го крена пехарот наменет за победникот во ФА купот на новиот Вембли (2007), а исто така е првиот фудбалер кој постигнал гол на меѓународен натпревар на новиот Вембли.
Џон Тери за репрезентацијата на Англија има одиграно 78 натпревари. крај/мф/нц
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Daily news
Прва правна конференција Tres Partes
На 26 декември година во хотелот „Континентал“, со почеток во 10 часот, ќе се одржи првата правна конференција Tres partes, во организација на „Јанаки знае“, а ќе биде поделена во три дела.
Првиот дел е со работен наслов „Дали е потребно укинување на извршителите?”, на кој ќе учествуваат Зоран Василевски, кој ќе ја застапува тезата ПРО укинување на извршителите, извршител Снежана Андреевска, која ќе ја застапува тезата КОНТРА укинување на извршителите и извршител и поранешен судија за извршување, Христо Јованов, кој ќе предава во делот на извршувањето пред да се укинат судиите извршители.
Вториот дел е со работен наслов „Дали се шаблонизира институтот надомест на нематеријална штета“, на која предавачи ќе бидат адвокатката Маруша Митровска, судијката Љубица Колиќ од Основен суд Скопје 2 и судијата Ѓорѓи Радојков од Апелациониот суд Скопје.
Третиот т.н. кривичен дел е со работен наслов „Неприменување на кривично-правните институти“, во кој предавачи ќе бидат адвокатот Јанаки Митровски, Никола Тупанчевски, редовен професор по казнено право при „Јустинијан Први“, Александра Деаноска, вонредна професорка по казнено право при „Јустинијан Први“, и Оља Ристова, судијка при Основниот суд Скопје 1.
Предвиден е и интерактивен дел со публиката преку поставување прашања и коментари од учесниците.
Daily news
Груевски оди во затвор – Апелација му ја потврди казната
Апелациониот суд Скопје, постапувајќи по кривичниот предмет познат во јавноста под името „Тенк“ по одржана јавна седница, донесе пресуда со која му ја потврди двегодишната затворска казна на премиерот Никола Груевски. „Жалбите на обвинетиот Никола Груевски изјавени лично и преку неговите бранители ги одби како неосновани, а првостепената пресуда ја потврди во целост, со што му ги потврди двете години затворска казна“, пишува во соопштението од судот.
Второстепениот суд делумно му ја уважи жалбата на Ѓоко Поповски и му ја намали казната на 4 години и 6 месеци, а во останатиот дел првостепената одлука ја потврди.
За Гордана Јанкулоска за „Тенк“ е издвоена во друга постапка и пресудата за неа, под обвинение дека ја злоупотребила службената положба и го натерала Поповски да го намести тендерот за „мерцедесот“ што го посакал Груевски, ќе биде изречена на 8 октомври.
Daily news
Бизнисменот Минчо Јорданов треба да сведочи дали бил уценет со пари во шпионската афера
Бизнисменот Минчо Јорданов утрово во кривичниот суд е повикан да сведочи во предметот што го презеде специјалното јавно обвинителство под кодно име „Шпион“.
Обвинетите Миќо Наскоски, Зоран Божиновски и Марјан Маџовски, како што рече на минатото рочиште обвинителката Елизабета Јосифовска, со цел да се стекнат со противправна имотна корист, му се заканиле на бизнисменот Минчо Јорданов дека ќе објават податоци за наводна криминална приватизација и откуп на акциите во АД „Бетон“ и на други негови фирми. Во намерата не успеале, а Јорданов не ги исплатил парите.
„Обвинетиот Александар Диневски прибавувал податоци со степен на државна тајна, а потоа ги доставувал или директно на странските разузнавачки служби или му ги давал на обвинетиот Марјан Ефремов, кој ја формирал групата за уцени, изнуди и шпионажа и ја координирал од 2009 до 2013 година, регрутирајќи нови членови во мрежата. Со обвинетиот Мирослав Зафировски од УБК прибирале податоци за луѓе од ЦИА присутни во Македонија и за штаб на ЦИА во Ирак. Тие прибирале и податоци за организациската поставеност на УБК“, рече Јосифовска за „Шпион“, кое СЈО врз база на нови прислушувани разговори го презеде од Обвинителството за гонење организиран криминал и корупција.
Ефремов, според обвинението, групата за изнуда и тргување со тајни информации од безбедносните служби на Македонија ја направил во 2009 година и, како што тврди обвинителството, тој е мозокот на целата операција. Информациите им ги продавале на Кост Н. од грчката разузнавачка служба, Петар Н. и Јуриј Н. од унгарската и на други лица од странски разузнавачки служби.
Секој од обвинетите, зависно од тоа во која институција работел, снимал службени документи, кои потоа им ги продавал на грчката, руската, унгарската и српската разузнавачка служба. Обвинети во овој случај се и тогашниот шеф на Кабинетот на претседателот на Собранието, Трајко Вељаноски, генералот Горан Стојков, Миќо Насковски, Ѓорѓи Хаџимицев, Цветан Дамјановски (заедно со други нивни колеги од МВР, УБК, АР и Военото разузнавање, кои дел се веќе осудени) и Зоран Божиновски, кој во групата имал улога ако уценуваните не дадат пари, тој да ги објавува, како што вели обвинителката, во порталот „Буревесник“ или во други медиуми во кои работел. Божиновски е обвинет за злосторничко здружување, шпионажа и уцена.
Обвинетите не се чувствуваат виновни, а тврдат и дека целиот процес е монтиран. Во предметот првично беа опфатени 19 лица, од кои неколкумина ја одлежаа затворската казна. Предметот го суди судијата Владимир Туфегџиќ. На конференциска врска треба да сведочи и Драган Даравелски, кој, според обвинението, исто така бил уценуван од обвинетите.